အားကွေ့ အပိုင်း(၆၁ မှ ၆၅ ထိ )

#အစ၏အဆုံး ..အဆုံး၏အစ
Pyae Phyoe San

၆၁

        ''ကိုင်း...ဦးကြီးနဲ့ညီမဖုချင်း ကျုပ်တို့ဒီနေရာကနေပြီးလမ်းခွဲမှ ဖြစ်မယ် .. ခင်ဗျားတို့ကျုပ်နောက်ကသာ ဆက်လိုက်နေရင် အန္တရာယ်တွေနဲ့ကြုံတွေ့ရနိုင်တယ်''

         အားကွေ့၏ စကားအဆုံးတွင် မိန်းကလေးဖုချင်းနှင့်ဖခင်ဖုချိမှာ ၀မ်းနည်းသွား ကြသည်.. ၀ူချောင်မြို့မှ အတူတူထွက်ခွာလာကြပြီး တုံးမင်မြို့လမ်းခွဲတွင် အားကွေ့ ကထိုစကားကို ဆိုခြင်းဖြစ်သည်.. သွားကျိုးကတော့ မြင်းလည်းမောင်းသူ နေရာတွင် ထိုင်နေပြီး မိန်းကလေးပိုင်မှာ မြင်းလှည်းပြတင်းပေါက်မှ သူတို့အား အကဲခတ်နေ၏ ..
          မိန်းကလေးဖုချင်းက လက်အုပ်ချီလိုက်ပြီး

         ''အကိုအားကွေ့ရဲ့ ကျေးဇူးကြောင့်သာ ကျွန်မတို့သားအဖ အသက်ပြန်ရှင် ရတာပါ.. ထပ်ပြီး အန္တရာယ်ကြုံမှာကိုတော့ မကြောက်တော့ပါဘူးရှင်..ဒါကြောင့် အကိုအားကွေ့တို့နောက် ဆက်ပြီးလိုက်ပါရစေရှင်''

          ''ဟုတ်ပါတယ်တူမောင်ရယ် .. သမီးပြောတဲ့စကားအတိုင်း ကျုပ်တို့ရဲ့ အသက်သခင်ကျေးဇူးရှင်နောက်လိုက်ပြီး အလုပ်အကြွေးပြုပါရစေ..''

             အားကွေ့မှာ ထိုသားအဖနှစ်ယောက်စကားကြောင့် ၀မ်းသာဝမ်းနည်း ဖြစ်သွားကာ ...

              ''ကျွန်တော်ကိုယ်၌ကိုက စပ်စပ်စုစုလုပ်ရတာပျော်လို့ပါဗျ .. ပြီးတော့ ဘာမှကူညီလိုက်ရတာလည်းမဟုတ်ပါဘူး .. ဒါကြောင့် ကျေးဇူးတင်စရာလည်း မလိုပါဘူးဗျ..နောက်ပြီး ကျုပ်တို့က သိုင်းသမားတွေ ပြသနာတစ်ခုခု ဖြစ်လာလည်း ရှောင်ရတိမ်းရ လွယ်တယ် .. ခင်ဗျားတို့သားအဖသာ ပါရင် ငဲ့စရာတွေ ဖြစ်နေတော့ မှာ အဲ့ဒါကြောင့်ပါ... ''

              ဖုချိနှင့်ဖုချင်းမှာ အားကွေ့၏ယတိပြတ်စကားကြောင့် မည်သို့မျှ မဆိုနိုင် တော့ဘဲ ငေးငိုင်သွားရ၏..

                အားကွေ့က ဆက်လက်ပြီး ..
                ''ကဲကဲ ဦးကြီးနဲ့မိန်းကလေး ကျုပ်ပြောတဲ့အတိုင်းသာ ခဏလောက် ရှောင်နေလိုက်ပါ ..အခြေအနေတွေ တည်ငြိမ်သွားပြီဆိုရင် .. ကျုပ်ပြန်လာခဲ့ပါ့မယ် ''

                  မိန်းကလေးမှာ ထိုစကားကြောင့်ဝမ်းသာသွားကာ

                ''ဒီလိုဆို ကျွန်မတို့ တုံးမင်မြို့အပိုင် နံ့သာမွှေး ဆိုတဲ့ရွာမှာ ရှိနေမှာပါရှင် အကိုအားကွေ့တို့သာ အခြေအနေတည်ငြိမ်သွားရင် လာခဲ့ဖို့မမေ့ပါနဲ့ ..ကျွန်မတို့ အမြဲတမ်းမျှော်နေမှာပါ..''

                အားကွေ့ကခေါင်းကို ငြိမ့်ပြလိုက်ပြီး ...

               ''ကောင်းပြီ ဒီလိုဆိုကျုပ်တို့ ခရီးဆက်လိုက်အုံးမယ် .. ဒါနဲ့ဦးကြီး တုံးမင်မြို့ရောက်ဖို့ ခရီးတော်တော်ဝေးသေးလားဗျ.. ''

                 ''ဝေးသေးတာပေါ့ တူမောင်ရယ် .. ကြားထဲမှာ ရွာပေါင်းငါးဆယ်လောက် ဖြတ်ရမယ် .. ''

                 အားကွေ့က မိန်းကလေးဖုချင်း၏လက်ထဲသို့ အထုပ်တထုတ်ထည့်ပေး လိုက်ကာ ..

               ''မိန်းကလေးနဲ့ဦးကြီးအတွက် ကျုပ်ရဲ့လက်ဆောင်ပဲဗျို့ ..ရှေ့ဆက်ရမယ့် ဘ၀ခရီးသာယာပါစေလို့ ဆုတောင်းပေးလိုက်ပါရစေ.. သွားပြီဗျာ ..''

                စကားအဆုံး၌ မြင်းလှည်းပေါ်သို့ခုန်တက်ပြီးလျှင် ..

                 ''သွားကျိုးရေ ..ရှေ့လမ်းအတိုင်းသာ သွားဟေ့..'''

                 ''ဟုတ်ကဲ့ အကိုအားကွေ့ ..ဟိုင်း ယား.. ရုန်းလိုက်စမ်း ဖေ့သားကြီးရေ ..''
                   ''ခွပ်..ခွပ်..ခွပ်..ခွပ်.''

                    တောလမ်းကြားထဲသို့ဝင်သွားသော မြင်းလှည်းပျောက်ကွယ် သွားသည်နှင့် မိန်းကလေးဖုချင်းသည် ရင်ထဲတွင်တခုခုပျောက်ဆုံးသလို ခံစားလိုက်ရ ပြီး ..အားကွေ့ပေးထားသော အထုတ်အား ဖြေကြည့်လိုက်သည်..

                     ရွှေတုံးငါးတုံးနှင့် စာအုပ်လေးတစ်အုပ်ဖြစ်သည် .. စာအုပ်မှာ ရေးသားထားသည်မှာ ကြာမြင့်သေးပုံမပေါ် .. မှင်များပင် ကောင်းကောင်း မခြောက်သေးပါ.. စာအုပ်ခေါင်းစီးတွင် ..

                      မိန်းကလေးဖုချင်းအတွက် အားကွေ့၏လက်ဆောင် .. သွေးစုပ်လိပ်ပြာသိုင်း ရှစ်ကွက်နှင့် အတွင်းအားလေ့ကျင့်စဉ်ဟူ၍ဖြစ်သည်..
(မိန်းကလေးဖုချင်းသည် ထိုသိုင်းကွက်နှင့် သိုင်းဂိုဏ်းတစ်ခုကို ဦးဆောင်တည်ထောင် ခဲ့ပြီး အားကွေ့၏နောက်မျိုးဆက်အတွက် အရေးပါသော ထောက်ပံ့သူ တစ်ယောာက် ဖြစ်လာခဲ့သည်..)

                        သိပ်မခြောက်သေးသော စာလုံးများသည် မိန်းကလေးဖုချင်း၏ မျက်ရည်စက်များကြောင့် မှင်များပြန့်ကျဲသွား၏... ကျောင်းတော်သားဖုချိမှာ သမီး၏ ဝေဒနာကို ရိပ်မိလိုက်သည့်နှယ် ပုခုံးကိုလက်ဖြင့်ပုတ်ကာ နှစ်သိမ့်ပေးလိုက်သည်..

                       ထို့နောက် အားကွေ့တို့လမ်းနှင့်ဆန့်ကျင်ဘက်ဖြစ်သော တောလမ်းထဲသို့ ၀င်သွားလိုက်ကြ၏ ....

                 ++ဘ၀ဆိုသည်မှာ ခွဲခွာခြင်းများနှင့်ပြည့်နှက်နေသောလမ်းပင် မဟုတ်လား .. ++
           
===========================================

                နတ်မိမယ်အလားလှပနေသောမိန်းကလေးသည် မည်သည်ကို အလိုမကျ နေသည်မသိ သူမ၏မျက်နှာသည် တင်းမာခက်ထန်လျှက်ရှိသည် ..
နီတျာရဲနေသော နူတ်ခမ်းလေးအား ပုလဲလုံးသဖွယ်သွားလေးဖြင့် သွေးခြေဥမတတ် ကိုက်ထားပြီး သူမ၏လက်မောင်းကို ပွတ်သပ်နေ၏ ..

               ယင်းအခိုက် သူမမှီလဲနေရာ သလွန်စောင်းနဘေးသို့ မိန်းကလေး တစ်ယောက်ရောက်လာပြီး ..

               ''သခင်မလေး ..သခင်မလေးစုံစမ်းခိုင်းထားတဲ့ နဖူးမှာ ရွှေရောင် အစက်အပျောက်နဲ့လူငယ်သတင်းသိရပြီ သခင်မလေး..''

                  မိန်းမချောလေးသည် ထိုစကားကြောင့် အသက်ရှူမှားမတတ်ဖြစ်သွား ပြီး အသက်ဝင်လာသည်.. ထို့နောက် အေးစက်သောလေသံဖြင့်..

                   ''သူအခု ဘယ်ရောက်နေတာလဲ .. မြန်မြန်ပြောစမ်း...ရှောင်မိန်''

                  သတင်းလာပို့သော ရှောင်မိန်သည် သခင်မလေး၏ စကားသံကြောင့် ရင်ထဲစိမ့်သွားပြီး ခြေတလှမ်းကို နောက်သို့ဆုတ်ကာ ..

                      ''၀ူ..၀ူ..၀ူချောင် မြို့ပေါ်မှာတဲ့ မင်္ဂလာပွဲတစ်ခုကို ဖျက်သွားတယ်လို့ ကြားတယ် .. ''

                   သခင်မလေးဆိုသူက အံကိုကြိတ်ကာ ..

                  ''ရှောင်မိန် အခုချက်ခြင်း ငါတို့ ၀ူချောင်ကို သွားမယ် ..ဒင်းကို အရေခွံ ဆုတ်ပစ်မယ် ..''

                   ရှောင်မိန်သည် သခင်မလေးအား နားမလည်နိုင်သော မျက်လုံးများ နှင့်ကြည့်နေမိသည်.. သခင်မလေးသည် ခရီးမှ ပြန်လာခဲ့ကတည်းက စိတ်ဓါတ်များ ပိုမိုခက်ထန်သွားသည် .. ရှောင်လင်သို့ မရောက်ဘဲ  ကျောင်းလီဘုံကျောင်းပျက် မှ သာပြန်လည့်လာခြင်းဖြစ်ပြီး ..သူမမရှိခင် ည က မည်သည့်ကိစ္စများ ဖြစ်သွားသည် မသိ .. သူမ စားစရာသောက်စရာများယူ၍ ပြန်လာတော့ သခင်မလေးမှာ အ၀တ်အစားများ ဖရိုဖရဲနှင့် ငိုရှိုက်နေ၏ .. ထို့နောက် ဝေလီဝေလင်းအချိန်တွင် အမှောင်နန်းတော်သို့ ပြန်လာကြသည် .. မျက်နှာဖုံးကာ  ဇာပ၀ါခြုံထားရန် တိုက်တွန်းသော်လည်း မရတော့ပေ.. ထို့ကြောင့် သခင်မလေးအား သိုင်းလောက သားများ မထော်မနန်းအကြည့် ထိကပါးရိကပါးအပြောများကြောင့် သူမလက်ချက်နှင့် မျက်စိအလင်းကွယ်ပျောက်ခဲ့ရသူ အယောက်နှစ်ဆယ်ကျော်မျှရှိသည်..

                     ထိုစဉ်ကတည်းကစ၍ ရွှေရောင်နဖူးပိုင်ရှင်သတင်းအား စုံစမ်းခိုင်း ထားသည်လေ.. သူမလည်း တတ်နိုင်သမျှ စုံစမ်းသတင်းရယူ၍ ယခုမှ အနှီကောင် သတင်းကို ရခြင်းဖြစ်သည်..

                     ယခုတော့ သတင်းရရခြင်း ၀ူချောင်သို့သွားရန် အမိန့်ပေးနေလေပြီ ..ရှောင်မိန်က သက်ပြင်းချလိုက်ကာ မ၀ံ့မရဲလေသံဖြင့်..

                  ''သခင်မလေး အခုချက်ခြင်း ခရီးထွက်လို့တော့ မရသေးဘူးလေ.. ဘိုးဘိုးကြီးတို့တတွေ နန်းတော်ကို စောင့်ကြပ်နေပြီဆိုတော့ မသိအောင် ဘယ်လိုမှ ခိုးထွက်လို့မရဘူး .. ပြီးတော့ ဟို သန်းခေါင်ညမိစ္ဆာသိုင်းကျင့်စဉ်ကြောင့် စိတ်ပြောင်း သွားတဲ့သူကို ကုသတဲ့ နေရာမှာ သခင်မလေးမရှိလို့မှ မဖြစ်ပဲ ..'''

                      သခင်မလေးသည် လဲနေရာမှ ခုန်ထလိုက်ပြီး ...

                    ''အိုး ..ဒါတွေငါမသိဘူး .. ငါအဲ့ကောင်ကို သတ်ချင်တာပဲ သိတယ် ..ငါ..ငါ..'''

                    ထိုစကားပြောပြီးနောက် အားအင်မရှိတော့သလို သလွန်ပေါ် ပုံလဲ ကျသွားကာ ရှိုက်ကြီးတငင်ငိုနေရှာ၏ ...ရှောင်မိန်သည် သူမအလွန် ချစ်ခင်လေးစား ရသူမို့ သခင်မလေးအနီးသို့ပြေးသွားကာ ဖက်ပြီးနောက်..

                      ''သခင်မလေး မငိုပါနဲ့တော့ .. ကောင်းပြီ သခင်မလေးတော့ ဒီနန်းတော်က လုံးဝထွက်လို့ရမှာမဟုတ်ဘူး .. ဘိုးဘိုးကြီးတို့ သေချာပေါက် လိုက်ဖမ်းမှာပဲ .. ရှောင်မိန် ခိုးထွက်ရင် ဒီလောက်အရေးစိုက်မှာ မဟုတ်ဘူး .. ရှောင်မိန် ထွက်သွားမယ် ..အဲ့ဒီကောင်ကို ဒီကို ဖမ်းခေါ်လာမယ်.. ဒီကိုရောက်လာမှ သခင်မလေး ကြိုက်သလိုစီရင်ပေါ့ ..''

                      သခင်မလေးမှာ ရှောင်မိန်၏ စကားကြောင့် အားတက်သရော် ဖြစ်သွားကာ ...
                   ''နင်.. တကယ်ပြောတာလား .. အဲ့ကောင်ကို သေချာပေါက်ရအောင် ရှာပြီးဖမ်းခဲ့နော်.. နင်ဆက်ဆက် ခေါ်လာခဲ့ရမယ် .. ''

                      ရှောင်မိန်က သခင်မလေး၏ မျက်ရည်များကို သုတ်ပေးလိုက်ပြီး ..
                   ''စိတ်ချ သခင်မလေး ..ရှောင်မိန် သူ့ကို ဖမ်းခေါ်ခဲ့မှာပါ ..ဒါကြောင့် စိတ်သောကရောက်မနေဘဲ ရှောင်မိန်ကို စောင့်နေ.. ''

                    သခင်မလေးမှာ ယခုမှ သက်သာရာရသွားသည့်နှယ် ရှောင်မိန်အား ပြန်ဖက်ထားလိုက်သည်..

======.===================================

            တောလမ်းတလျှောက်ဖုန်များကထောင်းထောင်းထနေသည် .. လေလည်း ဆိုရလောက်အောင် မတိုက်ပါဘဲ မည်သည့်အတွက်ကြောင့် ဖုန်းများက ထောင်းထောင်းထနေရသနည်း ..အကြောင်းအရင်းကို စူးစမ်းကြည့်မည်ဆိုလျှင် မြင်းလှည်းတစီးကြောင့်ဟုပြောရပေလိမ့်မည် ..

                 သစ်သားအကြမ်းထည်များဖြင့်ပြုလုပ်ထားသော ထိုမြင်းလည်းမှာ ပုံမှန် အတိုင်းသာခရီးနှင်နေသော်လည်း  တောလမ်းမှာ မြေသားများပွနေသည်မို့ ဖုန်များ ထောင်းထောင်းထနေခြင်းဖြစ်သည်..

                  မြင်းလည်းကိုမောင်းနှင်နေသူမှာ ခေါင်းကို ချည်သားခြုံလွှာ လွမ်းခြုံ ထားရပြီး တကိုယ်လုံးလည်းဖုံများပေပွနေ၏ .. မြင်းလှည်းထဲတွင်မူ ဖုန်မှုန်များ ကင်းစင်နေလျှက် သန့်ရှင်းသပ်ရပ်နေသည် .. ထိုအထဲတွင် ခပ်နွမ်းနွမ်းလူလုပျို တစ်ယောက်နှင့် ကျော့မော့နေသော မိန်းမပျိုလေးတစ်ယောက် အတွေးကိုယ်စီနှင့် ထိုင်နေကြ၏ ..သူတို့နှစ်ယောက် အလည်တွင်တော့ စားပွဲရှိပြီး အရက်အိုး တစ်လုံး တင်ထားသည်..

                   ထိုလူသုံးယောက်မှာ သွားကျိုး .. ပိုင်စွတ်နှင့် အားကွေ့တို့ဖြစ်သည် .. မိန်းကလေးပိုင်က အတွေးလွန်နေဟန်ရှိသော အားကွေ့အား ..

                   ''ဘာတွေများတွေးနေတာလဲရှင် ..ဧကန္တ မိန်းကလေးဖုကို သတိရ နေတာလား ..'''

                   အားကွေ့မှာ မိန်းကလေးပိုင်၏စကားကြောင့် ပစ္စုပ္ပန်သို့ ပြန်ရောက် သွားပြီး ခေါင်းကိုခါရမ်းကာ ..

                   ''မဟုတ်ရပါဘူးဗျာ .. ကျုပ်က လုံမလေးပိုင် လိုနုနုနယ်နယ် မိန်းကလေးတစ်ယောက်က ကျုပ်တို့နဲ့ ခရီးအတူထွက်လာတာ ဘာကြောင့်မို့လည်း လို့တွေးနေတာပါ..''

                     လုံမလေးပိုင်က အားကွေ့သူမအကြောင်းတွေးနေသည်ဆိုသဖြင့် ရှက်ကိုးရှက်ကန်းဖြစ်သွားသည် .. သူမပင်လျှင် မည်သည့်အတွက်ကြောင့် အားကွေ့ တို့နောက်လိုက်လာသည်ကို မသဲကွဲသည်မဟုတ်လား .. သို့သော် သူမအား နုနယ် သည်ဟုဆိုလိုက်၍ ပီတိဖြစ်သွားသည်ကတော့အမှန် ..

                      ''ဘာအကြောင်းရင်းမှမရှိပါဘူးရှင် ကျွန်မက သိုင်းလောကကို အခုမှ စ၀င်လာတဲ့သူဆိုတော့ အပေါင်းအဖော်မရှိ ..ဒေသန္တရဗဟုသုတကမရှိသေးဘူးလေ .. အခုအကိုအားကွေ့တို့နဲ့တွေ့တော့ အကိုရင်းလို ခင်မင်ယုံကြည်မိတာနဲ့ လိုက်လာ မိတာပါ.. ဘာလဲ ကျွန်မလိုက်လာတာကို အကိုအားကွေ့က မကြိုက်ဘူးလား ..''

                      အားကွေ့က လုံမလေးပိုင်၏ မျက်နှာလှလှလေးအားငေးကြည့်ကာ
                      ''လုံမလေးပိုင်လို မိန်းမလှလေး ဘေးမှာလိုက်လာတာကို မကြိုက်ဘဲ ဘယ်ရှိပါ့မလဲ..''

                      လုံမလေးပိုင်သည် အားကွေ့၏ စကားကြောင့် ရှက်သွေးဖြန်းသွားပြီး သူမ၏အင်္ကျီလက်စကို လုံးချေနေမိသည် ..

                       အမှန်စစ်စစ် အားကွေ့မှာ ကျင်းကျူးအကြောင်းတွေးတော နေခြင်းဖြစ်သည် .. ပန်းလေးလိုနူးညံသိမ်မွေ့သော ကျင်းကျူးမှာ ခရီးကြမ်းနှင်ကာ သူ့ကို လိုက်ရှာနေသည်ဆို၍ နေမရထိုင်မရနှင့်စိတ်ပူနေခြင်းသာ .. သူ၏ခရီးစဉ်မှာ အစက မြေအောက်ဈေးကိုလိုက်ရှာမည် ..ပြီးလျှင် ကျင်းကျူးရှိရာ နေပြည်တော်သို့ သွားမည်ဟု အစီအစဉ်ချထားသော်လည်း ယခုတော့ ကမှောက်ကမများဖြစ်ကာ အကုန်လမ်းချော်သွားပြီလေ ..

                         ကျင်းကျူး..ကျင်းကျူးသာ လမ်းခရီးတွင် တခုခု ဖြစ်သွားမည် ဆိုလျှင် ... အားကွေ့မှာ အတွေးနှင့်ပင် ရင်တခုလုံးပူလောင်ကာနေလာ၏ .. သူနှင့်ကျင်းကျူးခွဲခွါကာနီးအချိန်ကို ပြန်လည်မြင်ယောင်မိလာသည် ...

                       ကျင်းကျူး၏ မျက်လုံးထဲတွင်မျက်ရည်စများနှင့် သူကိုယ်၌ကလည်း ငိုချင်နေသည်ကို တောင့်ခံထားရသည် .. ကျင်းကျူးက သူရှဥ့်ချည်ပေးထားသော နွယ်ကြိုးလေးကို လက်ထဲတွင် ကျစ်ကျစ်ပါအောင်ဆုပ်ကိုင်ထားပြီး  သူ့အားလက်ကို ခါရမ်းပြနေသည် ..

                        ထိုစဉ်ကလည်း ကျင်းကျူးတို့စီးနှင်းသွားသောမြင်းလည်းသည် ဖုန်များတထောင်းထောင်းထနေသည်မဟုတ်လား ..ထိုဖုန်လုံးနောက်မှ အဓိပ္ပါယ်မဲ့ သူပြေးလိုက်သွားခဲ့ဖူးသည်လေ...

                        ''ကြည့်...အကိုအားကွေ့က လူကိုစိုက်ကြည့်ပြီးဘာမှလည်း မပြောဘူး..''

                   အားကွေ့မှာ လုံမလေးပိုင်၏အသံကြောင့် အတိတ်မှ လန့်နိုးသွားကာ

                       ''ဟဲဟဲ လုံမလေးကအရမ်းလှနေတော့ .. လူသားမှ ဟုတ်ရဲ့လား လို့ စိုက်ကြည့်နေမိတာပါ ..တောင်းပန်ပါတယ်နော်..''

                       ထိုစဉ် မြင်းလှည်းမောင်းနေသော သွားကျိုးမှ

                      ''အကိုအားကွေ့ ရှေ့မှာ လူတွေအများကြီးပဲ ပြေးလာကြတာ ဘာများဖြစ်လို့လည်းမသိဘူးဗျ..''
                       အားကွေ့က လုံမလေးပိုင်အား ခဏနေအုံးဟူသော ဟန်နှင့် လက်ကာပြလိုက်ရင်း ...

                      ''မြင်းလှည်းရပ်ပြီး မေးကြည့်စမ်းကွာ .. ရန်သူတော့ မဖြစ်နိုင်ဘူး မို့လား ..''

                    ''မဟုတ်ဘူးအကိုအားကွေ့ ..ရွာလုံးကျွတ်ထွက်ပြေးလာတဲ့ ပုံစံဗျ .. မိသားစုတွေရော.. အိုးခွက်တွေရော ..''

                         ထိုသို့ပြောပြီး သွားကျိုးက မြင်းလည်းကိုရပ်တန့်လိုက်သည် ..
အားကွေ့နှင့်လုံမလေးပိုင်တို့မှာ မြင်းလည်းအပြင်သို့ ထွက်ကြည့်လိုက်ရာ အဟုတ်ပင် ရွာလုံးကျွတ်ထွက်ပြေးလာဟန်တူသော လူအုပ်ကြီးကို တွေ့လိုက်ရ၏ ..
                          ဤသည်ကပင် အားကွေ့၏ ဒုတိယမြောက်အရှုပ်တော်ပုံကြီး ပေါ်ပေါက်လာပေတော့သည်..

#အစ၏အဆုံး ..အဆုံး၏အစ
Pyae Phyoe San

၆၁ B

        ဖုန်များဖွေးဖွေးလှုပ်အောင်ပေကျံနေကြသော လူအုပ်ကြီးသည် စုစုပေါင်း နှစ်ထောင်ခန့်ရှိသည် .. အိမ်မွေးတိရိစ္ဆန်များပါ ပါဝင်သဖြင့် ကျွက်ကျွက်ညံအောင် ဆူပွက်လျှက်ရှိသည် ..

         အချို့မှာမျက်နှာမသာမယာနှင့်အချို့မှာ ငိုကြွေးနေလျှက် ရှိပြီး ကလေးသူငယ် များမှာလည်း ပူပြင်းသောနေရောင်ကြောင့် ကိုယ်လက်နွမ်းရိနေသည့်ပုံရှိ၏ ..

            သွားကျိုးက သူ၏အနီးမှဖြတ်သွားသော လူရွယ်တစ်ယောက်ကို ခေါ်ကာ

           ''ဗျို့ နောင်ကြီး  ရွာလုံးကျွတ်ပြောင်းလာရအောင် ဘာပြသနာများ ရှိလို့လည်းဗျ..''

             ထိုလူက နောက်သို့လည့်ကြည့်ပြီး ..

            ''ဟူး..ပြောရရင်တော့ အရှည်ကြီးပဲ.. ဒီလိုဗျ ကျုပ်တို့က တုံးမင်မြစ်ဝကျွန်း ပေါ်မှာ နေထိုင်ကြတဲ့ရွာသားတွေ.. မြစ်ဝကျွန်းပေါ်မှာ ရွာပေါင်း ရှစ်ဆယ်လောက် ရှိမယ် အချို့ကရွာကြီး တချို့ကရွာလေးတွေ .. မြစ်ဝကျွန်းပေါ်ဆိုတော့ သားငါးလှိုင် လှိုင်ပေါပြီး ..မြေပဲ နေကြာနဲ့ အခြားစိုက်ပျိုးသီးနှံတွေအရမ်းထွက်တယ်လေ.. ဒီတော့ စီးပွားရေးတော်တော်လေးကို အဆင်ပြေတယ်ဗျ .. အခွန်အတုတ်ကို ပုံမှန်ဆောင် နိုင်တော့ ကျုပ်တို့မြစ်ဝကျွန်းပေါ်ဒေသကို နယ်စားကြီးကိုယ်တိုင် စံပြရွာများစု ဆိုပြီး
ကင်ပွန်းတပ်မင်္ဂလာလုပ်သွားသေးတယ် .. ''

                 ချွေးများသည် ဖုန်နှင့်ရောနေသောကြောင့် ရွှံ့ကြောင်းကြီးသဖွယ်ဖြစ်ကာ စီးကျလာပြီး မျက်လုံးထဲသို့ဝင်သွားသဖြင့် ထိုလူက ရေအိတ်ထဲမှရေဖြင့် မျက်နှာသစ် လိုက်ကာဆက်လက်၍..

                   ''ကျုပ်တို့လည်း စံပြရွာများစုလို့ နာမည်တပ်ပေးပြီးကတည်းက အခွန်ထမ်းပြည်သူတွေအနေနဲ့ နှစ်ဆတိုးပြီး ကျိုးစားတာပေါ့ဗျာ ..
ကျိုးစားသလောက်လည်း ခရီးရောက်သဗျ.. ဒီလိုနဲ့စိတ်လက်ချမ်းချမ်းသာသာ ရှိနေတုန်း ..ကျုပ်တို့ စံပြရွာများစုကို လွန်ခဲ့တဲ့ ခြောက်လလောက်က လူတစ်စု ရောက်လာတယ်ဗျို့ ..  ဟိုက်ထုံးဂိုဏ်းဆိုပဲ .. သူတို့ရောက်လာတာနဲ့ တန်းပြီး ဒုက္ခ တွေပါ ပါလာတော့တာပါပဲဗျာ .. ''

                        အားကွေ့က ဖုန်လုံးများကြောင့် ချောင်းတဟွတ်ဟွတ်ဆိုးနေသော လုံမလေးပိုင်အား မြင်းလှည်းပေါ်ပြန်တက်ရန် ခြေဟန်လက်ဟန်ပြလိုက်ပြီး

                        ''အင်း ဇာတ်လမ်းကတော့ စလာပြီပဲ ...ဟိုက်ထုံးဂိုဏ်းဆိုတာ အနက်ရောင်အောက်လမ်းဂိုဏ်းဗျ အဆိပ်သုံးတဲ့နေရာမှာ အလွန်ထူးချွန်တယ်လို့ ကြားဖူးတယ် အထူးသဖြင့်မြွေအမျိုးမျိုးကိုနိုင်သတဲ့..  သူတို့သုံးတဲ့အဆိပ်ကလည်း မြွေဆိပ်ဆိုပဲ ...''

                     ထိုလူက ပေါင်ကို ပုတ်ကာ ..
                     ''မှန်လိုက်လေ နောင်တော်ရယ် .. လူတွေကလည်း သိပ်အရုပ်ဆိုး သလို အကျင့်ကလည်း တော်တော် တန်တဲ့ကောင်တွေ .. သူတို့ရောက်လာတာနဲ့ အချိန်ကိုက်ပဲ ကျုပ်တို့ရွာက လူတော်တော်များများ အဆိပ်သင့်ကြတယ်ဗျ .. သင့်တာကလည်း ရွာလူကြီးနဲ့ သူ့မိသားစုတွေပဲရွေးသင့်တာ ..  သေလုမျောပါး ကို ဝေဒနာခံစားနေကြတာပဲဗျို့ ..ဘေးကမြင်နေရတဲ့ ကျုပ်တို့တောင် ကြက်သီးဖျန်း တယ် .. ပါးစပ်က အညိုရောင်အရိအရွဲတွေအန်ထုတ်ပြီး ..မျက်နှာတွေ ဖောအစ် နေတာမှ ပျားကြီးအတုပ်ခံထားရတဲ့လူလိုပဲ တခါတလေ မွေးညင်းပေါက်ထဲကတောင်
 သွေးထွက်လာသဗျ .. ရွာသားတွေကလည်း ဒီအဖြစ်ဆိုးကြီးကိုမြင်လို့ အရမ်းကြောက်နေကြတဲ့အချိန်မှာ အဲ့ဟိုက်ထုံးဂိုဏ်းက လူတစ်ယောက်က ပြောလာ တယ် .. ဒီလိုဖြစ်ရတာ သူတို့လက်ချက်တဲ့ .. ''

                    ''ဒီလိုပြောတော့ ခင်ဗျားတို့ ၀င်ဆုံးမလိုက်ရမှာကိုး..''

                     သွားကျိုး၏ အပြောကို ..

                    ''ဆုံးမပြီလားဗျာ .. ရွာသားအယောက်နှစ်ဆယ်လောက်က ဒုတ်ဓါး တွေဆွဲပြီး သူတို့ကို တိုက်ခိုက်မလို့လုပ်တာ ..''

                    အားကွေ့က

                   ''အဲ့လိုလုပ်တဲ့ ရွာသားတွေ အကုန်သေကုန် ရောမဟုတ်လား ..''

                   ''မှန်တယ်ဗျ ..မှန်တယ် .. သူတို့အနားကို ကပ်သွားတုန်းပဲ ရှိသေး တယ် လက်တဖက်ရမ်းလိုက်တာနဲ့ ဒွါရကိုးပေါက်က သွေးမည်းတွေ ထွက်လာ ပြီးချက်ချင်းသေကုန်တော့တာပဲ .. ကျုပ်တို့ဆို ကြောက်လိုက်တာမှ ဒူးတောင် ပျော့ခွေသွားတယ် .. အစက အဆိပ်ကြောင့်လို့မထင်ဘူး ..ပြုစားလိုက်တယ်ပဲ ထင်တာကိုး .. ''
                     ထိုလူက ရေတဂွတ်သောက်လိုက်ပြီး ..
                 ''ဒါနဲ့ကျုပ်တို့လည်း ကြောက်ကြောက်လန့်လန့်နဲ့ ဒူးထောက်တောင်း
ပန်ရတာပေါ့ ..အဲ့ခါကြတော့မှ ဟိုက်ထုံးဂိုဏ်းခေါင်းဆောင်က ပြန်ပြောတယ် ..  သေသွားတဲ့ ရွာသားတွေလို မဖြစ်စေချင်ရင် သူတို့ကို နေ့တိုင်းနေ့တိုင်း မြွေဖမ်းပေး ဖို့ .. တကယ်လို့ မဖမ်းပေးဘူးဆိုရင်တော့  စံပြစုပေါင်းရွာ အကုန်လုံးကို သက်ရှိ သက်မဲ့မကျန် သတ်ပစ်လိုက်မယ်တဲ့ ... '''
                  ''ခင်ဗျားတို့ စံပြစုပေါင်းရွာမှ မြွေတော်တော်ပေါလို့ ထင်တယ် ..''
                   ''ပေါလိုက်တာမှ မြွေပေါင်းစုံရှိတာဗျ .. တခါတလေ အသိုက်အအုံနဲ့ တောင်တွေ့တာ .. ''
                    သွားကျိုးက၀င်၍ ...
                  ''ဒီလိုဆို ခင်ဗျားတို့မှာလည်း မြွေဆိပ်ဖြေဆေးကောင်းကောင်းရှိမှာပေါ့ ဒါတောင်မှ ဟိုက်ထုံးဂိုဏ်းအဆိပ်ကို မဖြေနိုင်ဘူးလား..''
                   သွားကျိုး၏အမေးအား ထိုလူမဖြေခင် အားကွေ့က ၀င်ဖြေလိုက်သည် ..
                 ''မင်းက ဟိုက်ထုံးဂိုဏ်းရဲ့အဆိပ်ကို အထင်သေးတာကိုး.. သိုင်းလောက မှာ ဟိုက်ထုံးဂိုဏ်းရဲ့ အဆင့်အတန်းဟာ နေရာတနေရာရှိတယ် .. ရွှေဗျိုင်းဖြူစံအိမ် တို့ ဘာတို့ထက်အများကြီးသာတယ်ကွ .. ဒီတော့စဉ်းစားကြည့် သူတို့သုံးတဲ့ အဆိပ်ဟာ ရိုးရိုးအဆိပ်ဖြစ်မလားဆိုတာ .. အောက်လမ်းဂိုဏ်းထဲမှာတော့ ပ၀ါဖြူဂိုဏ်း ပြီးရင် အဆိပ်သုံးအကြမ်းဆုံးဂိုဏ်းထဲမှာပါတယ် .. တခုသာတာလည်း ရှိသေးတယ် .. တခြားအဆိပ်ဂိုဏ်းတွေလို အဆိပ်ကြီးပဲအားကိုးတာမဟုတ်ဘူး သိုင်းပညာလဲ အရမ်းထူးချွန်သတဲ့ .. ''

                      အားကွေ့၏စကားကို မြင်းလည်းထဲမှ ဂရုတစိုက်နားထောင်နေသော လုံမလေးပိုင်သည်
                    ''ဟုတ်တယ်..ဟုတ်တယ် .. ကျွန်မရဲ့ ကျေးဇူးရှင်ဆရာကလဲ မှာ လိုက်တယ် သိုင်းလောကထဲကို ရောက်ရင် ဟိုက်ထုံးဂိုဏ်းကို ရှောင်ဖို့ ..သူတို့ရဲ့ ရိုးရိုးဂိုဏ်းသားတောင်မှ တော်ရုံအဆင့်မြင့်သိုင်းသမားလောက်ကို ဒုက္ခကောင်း ကောင်း ပေးနိုင်သတဲ့ ..''

                    သွားကျိုးကအားကွေ့နှင့်လုံမလေးပိုင်စကားကြောင့် ဟိုက်ထုံးဂိုဏ်း နှင့်ပိုဆုံတွေချင်လာ၏ .. လောလောလတ်လတ်ကမှ သိုင်းလောက၏နာမည်ကျော် သူရဲကောင်းဇရပ်ပိုင်ရှင်ကို အနိုင်ယူထား၍ သွေးမြောက်နေသည်လေ.. ထို့ကြောင့် အောက်လမ်းသိုင်းဂိုဏ်းလောက်ကိုတော့ သူကောင်းကောင်းရင်ဆိုင်နိုင်မည်ဟု ယုံသည်...

                    စံပြစုပေါင်းရွာသားမှာ အားကွေ့တို့စကားကို နားထောင်နေရာမှ ..
  ဆက်လက်၍ ..

                   ''ဒီရွှေရောင်အကွက်နဲ့ နောင်ကြီးပြောတာမှန်တယ်ဗျ .. သိုင်းလည်း တော်တော်ကောင်းကြတယ် .. သူတို့ထဲက တစ်ယောက်ကျွဲတစ်ကောင်ကို လက်နဲ့ ရိုက်သတ်တာမြင်ဖူးတယ် ..''

                       သွားကျိုးက ထိုရွာသား စကားဆုံးလျှင် ပြုံးလိုက်ပြီး နဘေးမှ သစ်ပင်တစ်ပင်ကို သူ၏လက်ဝါးဖြင့် ရိုက်ချလိုက်၏ ...

                    ''ဖြောင်း ..''
                    ''ဘုန်း..''

                    ပေါင်လုံးခန့်ရှိသော သစ်ပင်ကြီးမှာ သွားကျိုး၏လက်ဒါဏ်ကြောင့် ခါးလည်မှ ကျိုးပြတ်သွားသည် .. တရွေ့ရွေ့သွားနေသော လူအုပ်ကြီးနှင့် ပြောပြနေသောရွာသားတို့သည်  သွားကျိုး၏အစွမ်းကို မြင်လျှင် ၀ိုင်းဝန်းချီးကျူးကြ၏

                     ဖြစ်ကြောင်းစဉ်ပြောပြနေသော  ရွာသားမှာ သစ်ပင်ပြတ်အား သွားကိုင်ကြည့်ပြီး ..

                     '' နောင်ကြီးသာအဲ့အချိန်တုန်းကရှိနေရင်တော့ ဘယ်လောက်ကောင်းမလဲဗျာ ..''

                        ''အခုလည်းနောက်မကျသေးပါဘူးဗျာ ..ခင်ဗျားတို့ ကျုပ်တို့နဲ့ သာပြန်လိုက်ခဲ့ အဲ့ကောင်တွေကို ကျုပ်ဆုံးမပေးမယ် ..''

                        သွားကျိုး၏ ခပ်ကြွားကြွားစကားကြောင့် အားကွေ့မှာ ရယ်ချင် ပက်ကျိ ဖြစ်သွားသော်လည်း ရွာသားက ..

                         ''အခုဒီကောင်တွေမရှိတော့ဘူးဗျ.. သူတို့ရွာကို လာတာက မြွေလိုချင်လို့ လာတာကိုးဗျ .. အခုမြစ်ဝကျွန်းပေါ်မှာ မြွေတစ်ကောင်မှ မရှိတော့ သူတို့ ဘယ်ရှိတော့မလဲ ..''

                          အားကွေ့သည်ပင် ထိုလူ၏စကားကြောင့် နဝေတိမ်တောင် ဖြစ်သွားပြီး ..

                     ''ဒီကောင်တွေမရှိဘဲ ဘာလို့ရွာလုံးကျွတ် ထွက်ပြေးလာကြတာလဲ ''

                      ''ကြွက်ကြောင့်ဗျ ..ကြွက်ကြောင့်..''

                 အားကွေ့နှင့်သွားကျိုးမှာ တစ်ယောက်မျက်နှာ တစ်ယာက်ကြည့်ကာ
အားကွေ့က

                ''ကြွက်ကြောင့် .. ခင်ဗျားနှယ် ရူးများနေသလားဗျာ .. ကြွက်ပဲ ရိုက်သတ် လိုက်ပြီးရောပေါ့ ...''

                 ''နောင်ကြီးတို့ထင်သလို ရိုက်သတ်လို့ရမယ်ဆိုရင်ဖြင့် အကုန် ရိုက်သတ်ပြီးပြီပေါ့ အခုဟာတစ်ကောင် နှစ်ကောင်မဟုတ်ဘူးဗျ .. သိန်းနဲ့ချီ တဲ့ကြွက်တွေ ...''

                  သွားကျိုးနှင့် လုံမလေးပိုင်တို့မှာ ပြသနာ အရင်းအမြစ်ကို မရိပ်မိသေး သော်လည်း ဉာဏ်ကောင်းသော အားကွေ့ကသဘောပေါက်သွား၏ ... သူက

                     ''ကျုပ်သဘောပေါက်ပြီဗျို့ ... မြွေရဲ့အစာက ကြွက်တွေ .. အခု သူတို့ကို စားသောက်မဲ့ မြွေမရှိတော့ လို့ ကြွက်တွေမတရားပေါလာတယ် .. မြစ်ဝကျွန်းပေါ်က တော်တော်ကျယ်တဲ့ အတွက် ကြွက်တွေ များလာတာကို အစက ခင်ဗျားတို့ ရွာသားတွေ မရိပ်မိဘူး .. နောက်မှထိန်းမနိုင်သိမ်းမနိုင်ဖြစ်ပြီး .. ရွာထဲတွေ အထိ ကြွက်တွေဝင်လာမယ် .. စိုက်ခင်းတွေပျက်မယ် .. ဒါကြောင့် ထွက်ပြေး လာတယ်  ဒီလိုမဟုတ်လား .. ''

                      ''မှန်တယ်ဗျို့ မှန်တယ် ကျုပ်ကစကားကို သိပ်လည်လည်     ပတ်ပတ် မပြောတတ်လို့ ..နောင်ကြီးပြောတဲ့အတိုင်းပဲ .. နောက်ဆုံးကြွက်တွေက လူကိုတောင် ရန်ရှာလာတော့တာ .. အစားသောင်းကျန်းချက်ကတော့ သူတို့ အုပ်ဖြတ်တဲ့နေရာမှာ ဘာသက်ရှိမှကို မနေနိုင်တော့ဘူး ..ကျွဲတစ်ကောင်ဆိုရင် လက်တစ်ဖြစ်စာလောက်နဲ့ အရိုးကျတယ်ဗျ ..''

                      အားကွေ့ကတချက်စဉ်းစားလိုက်ပြီး ..

                     ''ဒါနဲ့ မြစ်ဝကျွန်းပေါ်ကရွာဆိုတော့ ကြွက်တွေ ဒီဘက်ကမ်းတွေပေါ် ရောက်မလာနိုင်ဘူးမို့လား ..''        

                     ''နောင်ကြီး မသိလို့ ကျုပ်တို့ကမြစ်ဝကျွန်းဆိုပေမယ့် တည်နေရာက နည်းနည်း ထူးဆန်းတယ်ဗျ ... မိုးတွင်းမှာ ကျွန်းဖြစ်ပြီး နွေခါနဲ့ဆောင်းမှာ ကုန်းနဲ့ တဆက်ထဲ ဖြစ်သွားတယ် .. အခုမိုးလည်းကုန်စဆိုတော့ နောက်တလလောက်ဆို ကုန်းနဲ့ တဆက်ထဲဖြစ်ပြီ.. ''

                     အားကွေ့က မြင်းလည်း ကိုယ်ထည်ကို လက်ဆစ်ဖြင့် ခေါက်လိုက် ကာ ..
                    ''ခင်ဗျားတို့ ကြွက်တွေ အန္တရာယ်သိသိခြင်း နယ်စားရုံးတော်ကို မလျှောက်တင်ဘူးလား ..''

                    ထိုအခါမှထိုလူ၏ဒေါသကို ကြုံလိုက်ရ၏ ..သူတို့ရွာပျက်အောင် ပြုလုပ်သွားသည့် ဟိုက်ထုံးဂိုဏ်းကိုပင် ဤမျှလောက် ဒေါသထွက်ခြင်းမရှိ .. နယ်စား ရုံးဆိုမှ ဒေါလမောင်းထတော့သည်..

                      ''ထွီ.. အလကားနယ်စားရုံး .. ကျုပ်တို့က သူ့ဆီကို အားကိုး တကြီးနဲ့သွားလျှောက်တင်တာကို ဂရုမစိုက်တဲ့အပြင် ..ကိုယ်ပြသနာ ကိုယ်ရှင်းဖို့ သူအလုပ်ရှုပ်နေတဲ့အချိန်မှာ ဘာမဟုတ်တဲ့ကြွက်ပြသနာကို လာမတင်ပြဖို့ ဆဲလွတ် လိုက်တယ်လေ.. ကျုပ်တို့ မျှော်လင့်ချက်တွေ အကုန်ရိုက်ချိုးခံလိုက်ရတာပဲ ..''
                      ''ခင်ဗျားတို့အခု လူအုပ်ကြီးနဲ့ ဘယ်ကို များ ရွှေ့ပြောင်းကြမလို့လဲ ဗျ .. နီးနီးနားနား တုံးမင်မြို့ပေါ်တော့ မသွားဘဲ ..တခြားဘက်ကို သွားနေကြတာ ..''

                   အားကွေ့၏ စကားအား ထိုသူက လက်ခါပြလိုက်ရင်း .. သူ၏ပုခုံးကို ရေဆွတ်ကာ ..

                  ''နောက်တလလောက်ဆို ကြွက်တွေ ကုန်းပေါ်ရောက်လာတော့မှာလေ အဲ့ခါကြရင် တုံးမင်မြို့ပျက်မှာပဲ ..  ၀ူချောင်ဆိုရင်တော့ နည်းနည်းသက်သာအုံးမယ် .. ဒါပေမယ့် ကျုပ်တို့က ၀ူချောင်ထက်ဝေးတဲ့ နေရာကိုလည်း ဆက်သွားမှာ.. ရေ၀ိုင်း နေတဲ့ နေရာတွေမှာပဲ အခြေချတော့မယ်ဗျ ..လောလောဆယ် ၀ူချောင်ရောက် အောင်အရင်သွားရမယ် .. ဒါမှခရီးဆက်ဖို့ မြင်းလည်းတို့ဘာတို့ ၀ယ်လို့ရမှာ ..'''
                   အားကွေ့ကသူ၏ မြင်းလှည်းပေါ်မှ အထုတ်ကို ဆွဲယူလိုက်ပြီး ..
                   ''ငွေရေးကြေးရေးရော အဆင်ပြေကြရဲ့လားဗျ ..''
                   ထိုသူကပထမဆုံးအကြိမ်အဖြစ်  အားကွေ့အား ပြုံးပြကာ

                  ''အခွန်ဆောင်မယ့်ငွေတွေလည်း ရှိသေးတယ် ..ပြီးတော့ ရွာကလည်း ချမ်းသာတော့ ငွေကြေးအတွက် ပူစရာမလိုဘူးဗျို့ ..သွားပြီနောင်ကြီးရေ .. ရှေ့လူအုပ်နဲ့ အဆက်ပြတ်သွားအုံးမယ် .. '''

                   ခြေဗလာနှင့် ပြေးလွှားသွားသော ထိုလူအားကြည့်ကာ အားကွေ့က အထုတ်ကို ပြန်တင်လိုက်ပြီး ..

                    ''ကိုင်း သွားကျိုးရေ ..သူပြောတဲ့ ကျွန်းကို သွားကြည့်ကြအုံးစို့ကွာ ..မင်းလိုက်ရဲတယ်မို့လား ..''

                    ''ဟား...ဟား...ဟား..ဟား.. သွားကျိုးကို ဘယ်တော့မှမမေးနဲ့ အကိုအားကွေ့က ခိုင်းဖို့ပဲလိုမယ် ..သွားကျိုးကလုပ်မယ် .. လုံမလေးပိုင်ကို မေးရမှာ''

                    ''ဘယ်လိုလဲ လုံမလေးပိုင် ..ကြွက်တို့ရဲ့ကျွန်းဂေဟာကို လိုက်ရဲပါ့ မလား ..''

                     ပိုင်စွတ်သည် မိန်းကလေးပီပီ ကြွက်ဟူသောအသံကို ကြားသည်နှင့် ပင်ရွံ့ကြောက်ကြီးဖြစ်နေသော်လည်း .. သူမအား အထင်သေးသွားမည်ကို စိုးရိမ်၍

                  ''အိုး .. အသိဉာဏ်မရှိတဲ့ အဟိတ်တိရစ္ဆန်ကိုတော့ မကြောက်ပါဘူးရှင် ..အကိုအားကွေ့တို့တောင် သွားရဲရင် ကျွန်မလည်းလိုက်ပြီးသားပဲ ...''

                   အားကွေ့က လုံမလေးပိုင်၏လက်ဖ၀ါးနုနုကို ဆုပ်ကိုင်လိုက်ပြီး .. (ငိုးမငါ့အတိုင်းပဲလက်သွက်တာ  ဤကားစကားချပ်)

                    ''ကဲဗျာ ဒါဆိုလဲ အားကွေ့နဲ့ကြွက်သူရဲကောင်းတို့ တွေ့ဆုံပွဲပေါကွာ .. ဟားဟားဟားဟား .. သွားကျိုးရေ အမြန်ရောက်အောင်သာမောင်းဟေ့...''
                   သွားကျိုးကတော့ အားကွေ့စကားအတိုင်း မဟူရာမြင်းနက်ကြီးအား ကျာပွတ်သံပေးလိုက်တော့သည်..
                  ''ဟိုင်းယား ..ပြေးလိုက်စမ်း ဖေ့သားကြီးရေ..'''
                   ''ခွပ်..ခွပ်..ခွပ်..ခွပ်  ''

#အစ၏အဆုံး ..အဆုံး၏အစ
Pyae Phyoe San

၆၂

         ၀ူချောင်မြို့ဆိပ်ကမ်းပေါ်ကိုရောက်သည်နှင့် ကျင်းကျူးမှာ ကမ်းပေါ်ပြေးတက် သွားသဖြင့် ဘဘဟုန်းမှာ  ကပြာကယာဖြင့် အထုတ်ဆွဲကာနောက်ကလိုက်သွားရ၏  ကျင်းကျူးမှာ နှေးတုန့်တုန့်လုပ်နေသော ဘဘဟုန်းအားစောင့်ကာ ..

             ''ဘဘဟုန်းကလည်း သိပ်နှေးတာပဲ .. ''

             ''သမီးကလည်း ၀ူချောင်မြို့ကြီးက ခြေထောက်မှမပါဘဲ ထွက်မပြေးပါဘူးကွယ်...''

              ''၀ူချောင်မြို့က ခြေထောက်မပါပေမယ့် အကိုအားကွေ့ကခြေထောက်ပါ တယ်လေ.. တော်ကြာ ဒီမှာမရှိတော့ရင်ဘယ်လိုလုပ်မလဲ .. ''

               ''ဟား..ဟား..ဟား..ဟား... ဟုတ်ပါပြီဗျာ .. ဒါဆိုလဲ အားကွေ့ကိုပဲ လိုက်ရှာကြတာပေါ့ ...''

                    မြို့ပေါ်တွင်ကား ပန်းနီနီအာမခံအဖွဲ့မှ သိုင်းသမားများ... ဇာမဏီငှက် တံဆိပ်နှင့် မဟာမိတ်အဖွဲ့သားများ ..ရွှေဗျိုင်းဖြူစံအိမ်သိုင်းသမားများ အစရှိသည် တို့နှင့်ပြည့်နှက် နေ၏..

                    ဘဘဟုန်းနှင့်ကျင်းကျူးနှစ်ယောက်သားသည်  မေးမြန်းစုံစမ်းပြီး ရွှေဗျိုင်းဖြူစံအိမ်သို့ ရောက်ရှိလာသည် ..စံအိမ်ရှေ့တွင် အခေါင်း ခုနှစ်ဆယ့်သုံးခု ပြင်ဆင်ထားပြီး အဖြူရောင်ဝတ်စုံဝတ်ဆင်ထားသူများက ဧရင့်ကျူးနေကြသည်..

                   ဘဘဟုန်းမှာ ထိုကဲ့သို့ အမင်္ဂလာမြင်ကွင်းကို မြင်လိုက်ရသဖြင့် ကျင်းကျူး၏လက်ကိုဆွဲကာ ရွှေဗျိုင်းဖြူစံအိမ်နှင့်ဝေးရာသို့ထွက်လာခဲ့၏ ..

                   ''ဘဘဟုန်းကလည်း စံအိမ်ထဲဝင်ပြီးစုံစမ်းမှ အကိုအားကွေ့အကြောင်း သိရမှာပေါ့ ..ဘာလို့ထွက်လာတာလဲ ..''

                 လူ့သဘာဝကိုနားမလည်သော အရိုးခံစိတ်နှင့်မေးလာသောကျင်းကျူး အား ဘဘဟုန်းက..

                ''သမီးကသာ အဲ့လိုမေးရင် အထဲမှာရှိတဲ့လူအကုန်လုံး သမီးနဲ့ ဘဘကို တိုက်ခိုက်လိမ့်မယ်ကွဲ့ .. ကဲဒါတွေ အသာထား ဘဘ နည်း ဘဘဟန်နဲ့ သမီးရဲ့ အကိုအားကွေ့အကြောင်းကိုစုံစမ်းမယ် .. သမီးကငြိမ်ငြိမ်လေးသာနောက်ကလိုက်ခဲ့''

                   ''ဟုတ်..ဘဘဟုန်း..''

                  ကျင်းကျူးက၀မ်းသာအားရနှင့်ကတိပေးကာ ဘဘဟုန်းနောက်မှ လိုက်လာသည်... ဘဘဟုန်းမှာ ၀ူချောင်မြို့ထဲသို့ပြန်ဝင်ကာ သူဖုန်းစား တစ်ယောက်နှင့်စကားပြောနေ၏ ..

                      ကျင်းကျူးကတော့ ကလေးအရွယ်သာသာ သူဖုန်းစားလေးများအား စားစရာသောက်စရာများ ၀ယ်ကျွေးနေသည် .. အတန်ကြာမှ ဘဘဟုန်း ပြန်ရောက် လာကာ ..

                   ''ကိုင်း သမီးကျင်းကျူးရေ ..နင့်အကိုအားကွေ့ကတော့ ခြေထောက်မှာ ဗွေပေါက်နေတယ်နဲ့တူရဲ့ ... လွန်ခဲ့တဲ့ ငါးရက်လောက်က ထွက်ပြေးသွားတယ်ကြား တယ် ..  မဟာမိတ်ဂိုဏ်းကလည်း အသဲအသန်လိုက်ရှာနေကြသတဲ့။ဒါပေမယ့် သူဖုန်းစားဂိုဏ်းက ဂိုဏ်းဝင်တစ်ယောက်ကတော့ သူထွက်ပြေးသွားတာကို တွေ့လိုက်ရလို့ ဘယ်မြို့ကို သွားမလဲဆိုတာ ခန့်မှန်းလို့ရတယ်တဲ့လေ.. ''

                      ''ဘယ်မြို့တဲ့လည်းဟင် ..''

                      ''တုံးမင်မြို့ဘက်ဦးတည်သွားတာလို့ပြောတာပဲ .. ၀ူချောင်ကနေဆို နှစ်ရက်ခရီးလောက်ဆက်သွားရမယ် .. ဒီတော့ လောလောဆယ်ဝူချောင် မှာပဲ ခဏ နားကြရအောင် .. ''

                    ''ဟာ ..ဘဘကလည်း မနားချင်ပါဘူး .. ချက်ခြင်းလိုက်ရအောင်ပါ ''

                 စိတ်ဆောင်နေသော်လည်း ခရီးပန်းနေ၍ သိပ်မလန်းဆန်းတော့သော ကျင်းကျူးမျက်နှာအားကြည့်ကာ ဒီတစ်ခါတော့ ဘဘဟုန်းမှာ အလျှော့မပေးတော့ ..

                '' မနားလို့မရဘူး သမီး .. နားကိုနားမှရမယ် .. သမီးအတွက်ပြောနေတာ တော်နေကြာ လမ်းခရီးမှ သမီးနေထိုင်မကောင်းရင် ဒုက္ခဖြစ်လိမ့်မယ်.. ဘဘပြောတာ ကိုနားထောင် သမီး .. တုံးမင်မှာ သူဖုန်းစားဂိုဏ်းဌာနခွဲရှိတယ် .. သူတို့ကို ၀ူချောင် ကနေ လှမ်းအကြောင်းကြားထားမယ် .. တကယ်လို့တုံးမင်မှာ အားကွေ့ရှိနေရင် ဒါမှမဟုတ်ရောက်လာရင် .. သမီးကလိုက်ရှာနေတယ် .. တုံးမင်မှာ စောင့်နေပါလို့ မှာထားလိုက်မယ်  .. ဒါဆိုသမီးရဲ့အကိုအားကွေ့လည်း သေချာပေါက်စောင့်နေမှာပဲ .. အဲ့ခါမှ ဘဘနဲ့သမီးနဲ့ တုံးမင်ကိုလိုက်သွားကြတာပေါ့ ..''

                    ကျင်းကျူးမှာ သူမကိုယ်တိုင်လိုက်သွားချင်သော်လည်း ဘဘဟုန်း၏ အစီအစဉ်ကလည်း ဟုတ်မှန်နေသဖြင့် ခေါင်းသာငြိမ့်ပြလိုက်ရ၏ ...

                      သို့နှင့် ဘဘဟုန်းမှာ ခုဏကသူနှင့်စကားပြောနေသော သူဖုန်းစား ကိုခေါ်၍ နေရေးထိုင်ရေး အဆင်ပြေပြေလုပ်ပေးရန် ညွှန်ကြားလိုက်သည် ... ထိုသူဖုန်းစားမှာ ဘဘဟုန်းနှင့်တွေ့ဆုံစကားပြောရသည်ကိုပင် ၀မ်းသာနေသည့်နှယ် အကြိမ်ကြိမ်ဦးညွတ်အရိုအသေပေးကာထွက်သွားလိုက်၏...

                          ထိုစဉ်..

                      ''ဟေ့ကောင် ..သူတောင်းစား မင်းကိုသေနေပြီမှတ်နေတာ .. ၀ူချောင်မှာ ဘာလာရှုပ်နေတာလည်း .. ''

                   ဟူသော အိုစာနေသည့် အသံထွက်လာရာ .. ဘဘဟုန်းသည် နောက်ကို လည့်ကြည့်လိုက်သည် .. တွေ့လိုက်ရသည်က တကိုယ်လုံးနှင်းခဲလို ဆွတ်ဆွတ်ဖြူနေသော အဘိုးကြီးတစ်ယောက်ဖြစ်၏ .. ဘဘဟုန်းမှာ ထိုလူကို မြင်လိုက်သည်နှင့်ဝမ်းသာအားရဖြစ်ကာ ..

                      ''ဟား..ဟား..ဟား..ဟား.. ချယ်ရီပင်အောက်က ဆိတ်ဖြူကြီး ပါလား .. တန်တော့ တောင်စောင့်နတ်က ကန်ချလိုက်ပြီမှတ်တယ် ..''

                      ကျင်းကျူးမှာ ကြည့်ညိုဖွယ်ရာ ဥပဓိရုပ်ပိုင်ရှင် ထိုအဘိုးအိုအား ဦးညွတ်အရိုအသေပေး၍ ..

                       ''တွေ့ရတာ ၀မ်းသာပါတယ် ဘဘဆိတ်ဖြူရှင့် .. ''

                      ကျင်းကျူး၏စကားကြောင့် ဘဘဟုန်းမှာ ဗိုက်ကို နှိပ်ကာရယ်မော နေသလောက် .. အဖြူရောင်ဝတ်စုံကို ၀တ်ဆင်ထားသော အဘိုးကြီး၏မျက်နှာမှာ ရှုံ့တွကာသွား၏ ..

                      ''သူတောင်းစားကောင် မင်းလုပ်တာနဲ့ငါ့နာမည်တော့ ပျက်ပါပြီကွာ''

                      ''ဟားဟားဟားဟား ..သမီးကျင်းကျူးရေ ဟိုမှာ သမီးရဲ့သူငယ်ချင်း အသစ်တွေက လှမ်းခေါ်နေကြပြီကွဲ့ ..ခဏလောက်သွားဆော့ချေအုံး .. ဘဘတို့ သူငယ်ချင်းနှစ်ယောက် စကားစမြည်ပြောလိုက်ကြအုံးမယ် .. ''

                        ''ဟုတ်ကဲ့ ဘဘဟုန်း ..''

                     ကျင်းကျူးသည် သူမအားမျှော်ကြည့်နေကြသော သူဖုန်းစားလေးများ ထံအပြေးလေးသွားလိုက်လေသည် ..
                      ကျင်းကျူးထွက်သွားပြီးနောက် ဆိတ်ဖြူဆိုသော အဘိုးကြီးမှ ..
                     ''ဟေ့ကောင် သူတောင်းစား မင်းကိုငါက လူပျိုကြီးမှတ်နေတာ ကလေးတောင် အရွယ်ရောက်နေမှကိုး .. ''

                      ''ဖွတ် ..သိုင်းလောကမှ ပြိုင်စံရှားနာမည်ကျော်လုပ်နေပြီး ခန့်မှန်းချက်က အလွဲကြီးဟ .. ဘယ်ကလာငါ့သမီးကမှာလည်း ..''

                     ဘဘဟုန်းမှာ ဘေးဘီကို ကြည့်၍အသံနိမ့်လိုက်ပြီး ..

                       ''ရန်ခွမ်းရဲ့သမီးဟ.. ''

                       ''ဟေ ..ရန်ခွမ်းရဲ့သမီး ..မင်းနှယ်ကွာ ဒီလောက်အန္တရယ်တောထဲ မင်းမို့လို့ခေါ်လာရတယ် ..ကလေးမလေးက ထိလိုက်ရင်တောင် ကြွေကျသွားအောင် နုနေတဲ့ဟာ..''

                        ''အေး.. မင်းကအသေးစိတ်မှ မသိဘဲ ..အတော်ဘဲကွာ ..မင်းက ဆေးပညာမှာ တဖက်ကမ်းခတ်တယ်ဆိုတော့ ရောဂါအကြောင်းဆွေးနွေးရအုံးမယ် ..
 ဒီအနီးအနားက တဆိုင်ဆိုင်မှာ ၀င်ထိုင်ရအောင်.. ငါတို့အတူတူမသောက်ရတာ လည်းနှစ်ပေါင်းကြာပြီဆိုတော့ .. ''

                           အဖြူရောင်အဘိုးကြီးက ဘဘဟုန်း၏ ပုခုံးကို လှမ်းဖက်လိုက် ကာ ..
                          ''ငါလည်း ငါ့သူငယ်ချင်းရောင်းရင်းတွေနဲ့ပြန်တွေ့ရတာ ဘယ်လို ၀မ်းသာမှန်းမသိဘူးကွာ .. ဒါနဲ့ဟိုကောင်ကြီးရော ဘာသတင်းကြားလဲ .. ''

                           ''နတ်လက်သီးလား ..ဆယ့်နှစ်ချောင်းဓါးလား .. ကန္တရဘုရင်လား .. ရောင်းရင်းတွေကအများကြီးဟာ ဘယ်သူ့မှန်းမပြောဘဲ.''

                         ''ဟိုကောင် နန်စွန်းလေကွာ .. နေရာတကာ စပ်စပ်စုစုနဲ့ကောင် .အဲ့ကောင်ကိုပြောတာ ..''

                        ''သြော် အရိပ်မဲ့လက်နှစ်ဖက် တတိယမြောက်ဓါးတစ်ချောင်းလား .. မသိပါဘူးကွာ ဒီကောင်သေများသေပြီလားမသိဘူး ..  ငါ့အထင် စပ်စုလွန်းလို့ သူများသတ်လိုက်ပြီလား ထင်တာပဲ..''

                        ''နန်စွန်းကို သတ်နိုင်တဲ့သူဆိုလို့ အလယ်ပိုင်းသိုင်းလောကမှာငါ ..မင်း . ဟိုသုံးကောင် ၀ူတန်မုတ်ဆိတ်.. ထင်းလွေနဲ့ ရှောင်လင်ကျောင်းထိုင်ပဲရှိမယ် .. ဒါတောင် မသေချာဘူးဟ .. သူကတောင် ပြန်သတ်ချင်သတ်သွားအုံးမှာ ..''

                         ''အလယ်ပိုင်းကကျော်သွားလို့ အသတ်ခံလိုက်ရတာလည်း ဖြစ်ချင် ဖြစ်မှာပေါ့.. မင်းသိတဲ့အတိုင်း တောင်ပိုင်းနဲ့မြောက်ပိုင်းလည်း ရွက်ပုန်းသီး တွေအများသား..ဒါမှမဟုတ် မင်းငယ်ကျွမ်းဆွေ သတ်လိုက်တာလည်း ဖြစ်ချင်ဖြစ်မှာ ပဲ ..ဟဲဟဲဟဲဟဲ''

                         ''သူတောင်းစားတော်စမ်းကွာ ငါသူ့အကြောင်းကို တမင်မေ့ထား ပါတယ်ဆိုမှ..'''

                            ''ဒီလောက်အသက်တွေကြီးကုန်ပြီပဲကွာ မမေ့နိုင်သေးဘူးလား ..မမေ့နိုင်ရင်လည်း ပြန်ပေါင်းထုတ်လိုက် ရှင်းနေတာကို ..''

                           ''မင်းမသိတာတွေရှိသေးတယ်ကွ သူတောင်းစားရ..''

                            ငယ်ဖော်တွေအကြောင်းပြောနေရင်းနှင့် လျှောက်လှမ်းလာခဲ့ရာ မှ စားသောက်ဆိုင်ကြီးတစ်ဆိုင်ရှေ့အရောက်တွင်  နှစ်ယောက်သား ၀င်သွားလိုက်ကြ သည်..

                         အမှိုက်အမှုန်တမှုန်မှမရှိ အစွန်းအပေလုံးဝမရှိသော အဖြူစွတ်စွတ်ဝတ်စုံကို သပ်ရပ်စွာဝတ်ဆင်ထားသည့်   ဥပဓိရုပ်ကောင်းကောင်း အဘိုးကြီးနှင့် စုတ်ပြတ်သတ်လျှက် လူရုပ်ပင်မပီသော အဘိုးကြီးနှင့် ပုခုံးခြင်းဖက်ကာ ဆိုင်ထဲသို့ဝင်လာသဖြင့် အများအာရုံစိုက်ချင်စရာပင်...

=================================
       
                    အားကွေ့သို့သုံးယောက်သား တုံးမင်မြစ်ကမ်းနဖူးသို့အရောက်တွင် လှေစင်းရေ တရာကျော်ကျော်မျှ စိုက်ကပ်ထားသည်ကို တွေ့လိုက်ရသည် ..  ကြွက်ဘေးဒုက္ခသည်များစီးလာသော လှေများဖြစ်ဟန်တူသည် ..အချို့ လှေများပေါ် တွင် တိရိစ္ဆန်အညစ်အကြေးများက အတိုင်းသားရှိနေ၏ ..

                      မြစ်ဝကျွန်းကိုတော့ မြစ်ကမ်းမှကြည့်လျှင် ပြပြလေးသာ လှမ်းမြင်ရ သည်... အားကွေ့မှာ လှေများထဲမှ အကောင်းဆုံး အခိုင်ဆုံးဟူသော လှေတစ်စင်းကို ရွေးနေခိုက် .. သွားကျိုးက ...

                  ''အကိုအားကွေ့ ကျွန်းဘက်ကို လှေတစ်စီးသွားနေတာတွေ့တယ်ဗျ ''
                   လုံမလေးပိုင်ကလည်း ထိုလှေကို ပိုမိုမြင်ရအောင် ခုန်ဆွခုန်ဆွနှင့် ကြည့်ကာ ..
                     ''ဟုတ်တယ်အကိုအားကွေ့ လူကတော့တစ်ယောက်ထဲ... ယောင်္ကျားကြီးထင်တယ် ..''
                     အားကွေ့က လှေပဲ့ထောင်ပေါ်သို့လှမ်းတက်လိုက်ပြီး ..
                     ''အဘိုးကြီးကွ ဓါးလွယ်ထားတယ် ..သိုင်းသမားဖြစ်မယ် .. '''
              အတွင်းအားအခြေခံပေါ်မူတည်၍ သူတို့သုံးယောက်အမြင်ကွာခြားခြင်း ဖြစိသည်...
                   အားကွေ့က လှော်တက်တစ်ချောင်းကို ယူကာ တစ်ချောင်းကို သွားကျိုးအားပေးလိုက်ရင်း ..
                    ''လုံမလေးပိုင် ..ဒီဘက်ကမ်းမှာစောင့်ချင်လည်းစောင့် ..မစောင့်ချင်ရင်လည်း လိုက်ခဲ့ ..''
                      ပိုင်စွတ်သည် ကျွန်းကိုမျှော်ကြည့်ရင်း  ကြက်သီးများထလာသော် လည်း သိုင်းသမပီပီ ဟန်တင်းလိုက်ကာ ..

                      ''အို..အတူတူလာတာပဲ ..အတူတူသွားမှာပေါ့ ..'''

                       အားကွေ့က သူ၏လက်တဖက်ကို ကမ်းပေးလိုက်ပြီး ..

                     ''ဒီလိုမှပေါ့ လုံမလေးပိုင်ကို မြင်တာနဲ့ သွေးမနည်းဘူးဆိုတာ သိပြီးသား ..ဟုတ်တယ်မို့လား သွားကျိုး ..''

                    သွားကျိုးက လှေဦးမှ ကြိုးကို ဖြုတ်နေရာမှ ခေါင်းလည့်လာပြီး
                     ''ဟုတ်တယ်ဗျို့ .''

                     လုံမလေးပိုင်မှာ အားကွေ့ကမ်းပေးသည့် လက်ကို ကိုင်ကာ လှေပေါ်သို့တက်လာသည် ..
                   ထို့နောက်တွင် ကြွက်ကျွန်းသို့ ချီတက်ကြကုန်၏ ..
                 
                ကျွန်းမှာ အနီးကပ်လာလေလေ ပိုမိုကြီးလေလေဖြစ်သည်.. ထိုစဉ်  ကျွန်းဆီမှ စူးရှုနံထောင်းသော လွန်စွာဆိုးဝါးသည့် အနံ့ကြီးတစ်ခုကလည်း သူတို့ ဆီလွင့်ပျံလာလေ၏.. လုံမလေးပိုင်မှာ သူမခါးတွင်ချိတ်ထားသော အမွှေးအိတ်ကို ရှူရှိုက်နေသော်လည်းမရ.. ပျို့ပျို့တက်နေသဖြင့် အားကွေ့ကသူ့အထုတ်ထဲမှ ဗူးတစ်ဗူးကိုယူကာ လုံမလေးပိုင်အားပေးလိုက်သည် ...

                    ထိုဗူးမှာ သူတန်ဖိုးထားသော အရာတစ်ခုဖြစ်သော ရှူဆေးဗူးဖြစ်၏ .. ရှူဗူးကို ရှူလိုက်မှ နေသာထိုင်သာရှိသွားသော လုံမလေးမှာ ကျေးဇူးတင်သော မျက်လုံးများဖြင့် အားကွေ့အား စူးစိုက်ကြည့်လိုက်သည်...

                   အားကွေ့ကတော့ သူမကိုမကြည့်ပါ.. ကျွန်းအနေအထားကိုသာ တွက်ချက်နေရင်း လှေကို စည်းချက်မှန်မှန်လှော်ခတ်နေ၏.. သူတို့ရှေ့မှ လှော်ခတ်သွားသောလှေ ဆိုက်ကပ်ထားသည့် နေရာတွင် ဘေးခြင်းယှဉ်လျှက် ရပ်လိုက်ပြီးမှာ အားကွေ့မှာ စိတ်ကူးပြောင်းသွားသည့်နှယ် ..

                    ''သွားကျိုး နဲ့လုံမလေးပိုင် လှေပေါ်က အရင်ဆင်း ..သွားကျိုးက ၀ါးလုံးရှည်ရှည်တလုံး ဒါမှမဟုတ် သစ်လုံးရှည်တစ်လုံးကို ရှာပြီး ငါ့ကိုပေးခဲ့ ''

                    အားကွေ့မည်သို့အကြံအစည်ရှိမှန်းသွားကျိုးက မရိပ်သော်လည်း စောဒကမတက် မေးခွန်းမထုတ်ပဲ လူသုံးရပ်ခန့်အရှည်ရှိသော ၀ါးလုံးတစ်ချောင်းကို ရှာကာ အားကွေ့အားပေးလိုက်သည်...

                   အားကွေ့က ထိုဝါးလုံးကို ယူကာ မြစ်ကမ်းနှင့်ဝါးတရိုက်ခန့် အကွာတွင် ၀ါးလုံးကိုစိုက်လျှက် ကြိုးအား ကွင်းလျှောချည်ထားလိုက်၏ ..တင်းတင်းကြပ်ကြပ်စည်းထားလျှင် လှိုင်းအပုတ်၌ လှေကြိုးတင်းပြီး ပြတ်ထွက်သွား နိုင်သည်မဟုတ်လော...

                    လှော်တက် နှင့် အ၀တ်ထုတ်များအား နေသားတကျထားပြီးလျှင် အားကွေ့မှာ ရေထဲဆင်းကာ သဲသောင်ပြင်ကို ခြေဖြင့်စမ်းပြီး ကမ်းပေါ်တက်လာသည် ..  အနံ့အသက်က စူးစူးရှရှပင်ပြင်းထန်လှသဖြင့် သွားကျိုးမှာ နှာခေါင်းကို လက်ဖြင့် ပိတ်ထားရ၏ .. အားကွေ့က သူ၏အင်္ကျီစကိုဖြဲစုတ်ကာ ရေဆွတ်ပြီး သွားကျိုးအား ပေးလိုက်ပြီးလျှင် ..

                       ''နှာခေါင်းမှာ စီးထား ... '''

                       အားကွေ့ကတော့ အထူးအဆန်းတခုခုကို ကြုံတွေ့ရတော့မည် ဖြစ်သဖြင့် စိတ်အားတက်ကြွနေရာ နဖူးပေါ်မှ ရွှေရောင်အကွက်သည် တဖိတ်ဖိတ် တောက်ပနေသည် ...
                         ထိုစဉ်ကျွန်းအတွင်းပိုင်းမှ တကျွိကျွိအော်မြည်သံသည် နားကွဲလု မတတ်ထွက်ပေါ်လာ၏ .. အားကွေ့မှာ သူ့နောက်လိုက်ခဲ့ရန် လက်ဟန်ပြပြီး  ကိုယ်ဖော့ပညာဖြင့်ပြေးထွက်သွားသည် .. သွားကျိုးနှင့်လုံမလေးပိုင်မှာ ယခုမှ အားကွေ့၏ ကိုယ်ဖော့ပညာကို တွေ့မြင်ဖူးသည်ဖြစ်ရာ အံ့ချီးဘနန်းဖြစ်သွားလေ၏ .. သွားကျိုးဆိုလျှင် အားကွေ့အား သိုင်းပညာပင်မတတ်ဟု ယူဆထားသည်မဟုတ်လား ..
                        လုံမလေးပိုင်မှာ သူမ၏ကိုယ်ဖော့ပညာမှာ ပြိုင်စံရှားသည်ဟု အရင်က ထင်မြင်နေသမျှသည် အလိုလိုပျောက်ကွယ်သွားလေသည် .. အားကွေ့၏ နောက်ကျောကို မြင်နေရရုံသာ သူမ လိုက်နိုင်၏ ..သွားကျိုးကတော့ လုံမလေးပိုင်  ၏ အင်္ကျီအရောင်ကိုသာ  ကြည့်ကာ ပြေးလွှားနေရသည် ...

                     အားကွေ့ ကသူတို့နှစ်ယောက်ကို ညာတာပြီး ပြေးအားကို လျှိုထားနေသေးသည်ဟု သိလျှင် တသက်လုံး သိုင်းကျင့်ချင်စိတ်ပင်ပျောက်သွား အုံးမည်လားမဆိုတတ်ပေ ..

                          ကျွန်းကြီးသည် အရင်က စိုက်ခင်းများနှင့် တော်တော်စည်ကား မည် ဖြစ်သော်လည်း ယခုအချိန်တွင် လူသူအရိပ်ယောင်များ လုံးဝမရှိဘဲ ကြွက်များ ၏ဆူညံသံတစ်ခုထဲသာ ထွက်ပေါ်နေရာ  ချောက်ခြားဖွယ်ရာပင်ကောင်း၏ ..

                        ''လုံမလေးပိုင်နဲ့ သွားကျိုး .. မင်းတို့ နှစ်ယောက် ဆိပ်ကမ်းကို ပြန်ပြီး လှေပေါ်မှာပဲ တက်လို့နေထား ..ဘယ်မှ မသွားနဲ့နော် .. လုံးဝလူစုကွဲလို့ မရဘူး ...''

                        သူ့ထက်စာလျှင်နှေးကွေးလေးလံလှသော ထိုနှစ်ယောက်ကို အသေအချာမှာခဲ့ကာ  အားကွေ့မှာ ကျွန်းထဲသို့ တစ်ယောက်ထဲပြေးဝင် သွားလေ သည်...
                     ''၀ုန်း..၀ုန်း..၀ုန်း...'''
                     ''ကျွိ..ကျွိ..ကျွိ..ကျွိ..''

                       မိုးပြိုမတတ်အသံများသည် အားကွေ့၏ အရှေ့တည့်တည့်မှ ထွက်ပေါ်လာခဲ့သည် .. အံ့အောစရာကောင်းသော မြင်ကွင်းတစ်ခုမှာ မြေကြီးများ သိမ့်သိမ့်တုန်သွားသည့်နည်းတူ သစ်ပင်များ တ၀ုန်းဝုန်းလှဲကြနေသည့် အချက်ပင် ..
                     အားကွေ့မှာ သူဉာဏ်မီသလောက်စဉ်းစားကြည့်နေစဉ်တွင် ထိုသစ်ပင်များ လှဲကျရသော အကြောင်းရင်းကို တွေ့လိုက်ရတော့သည် ...

ကြွက်များ ... ကြွက်များ .. ပင်လယ်လှိုင်းများသဖွယ် လိမ့်ဆင်းလာသည့် ကြွက်များ အနည်းဆုံး သိန်းဂဏန်းမျှရှိသော ကြွက်များသည် လူတစ်ယောက်နောက်သို့ လိုက်လံနေသည် .. ထိုလူမှာ ကိုယ်ဖော့ပညာကို အစွမ်းကုန်သုံးကာ အားကွေ့ရှိရာ ဖက်သို့ အားသွန်ခွန်စိုက်ပြေးလွှားလာနေ၏ ... ပါးစပ်မှ တကြော်ကြော်အော်ပြောနေ သော်လည်း ဆူညံနေသော အသံများကြောင့် ဘာမှမကြားရပါ ..

                 ထိုလူမှာ အားကွေ့တို့ထက်အရင် ကျွန်းပေါ်တက်လာသော အဘိုးကြီး ဖြစ်လေသည် .. အဘိုးကြီး၏ သိုင်းပညာတော့မသိ ကိုယ်ဖော့ပညာကတော့ အားကွေ့နှင့်မတိမ်းမယိမ်းဖြစ်၏ .. သို့သော် ခြုံနွယ်ပိတ်ပေါင်းများ ကြောင့် အဘိုးကြီမှာ စိတ်ထင်တိုင်း မပြေးနိုင်ရှာ ... တို့ကြောင့် ကြွက်များနှင့် သိပ်မကွာခြင်း ဖြစ်သည်.. သူနောက်ကို လိုက်နေသော ကြွက်များသည် လမ်းတလျှောက် တွေ့ကရာ ကိုကိုက်ဖြတ်သွားသည်ဖြစ်ရာ လူ့တစ်စာမျှရှိသော သစ်ပင်ကြီးများပင် ကြည့်နေရင်း နှင့်ပင် လဲပြိုသွားရ၏

                    အားကွေ့မှာ ထိုကြွက်များသာ မြို့ထဲသို့ရောက်သွားလျှင် ခဏခြင်း နှင့် မြို့ပျက်သွားနိုင်သည်ဟု တွေးမိလိုက်၏ .. ကြွက်ရန်မှ အသဲအသန်ပြေးလာသော အဘိုးကြီးမှာ သူနှင့်နီးလာပြီ ဖြစ်၍  အော်ပြောနေသော စကားကို ကွဲကွဲပြားပြား ကြားသိရလေပြီ

                '' ပြေး..ပြေး..ပြေး.. ကောင်လေးပြေးထား .. မိသွားရင် အရိုးရောအသား ရော တခုမှ ကျန်မှာ မဟုတ်ဘူး ''

                  ထိုသို့အော်ပြီးနောက် အဘိုးကြီးမှာ ခြေတစ်ချက်ဆောင့်လိုက်သည် .. လေးညွန့်မှ ပစ်လွတ်လိုက်သည့် မျှားပမာပင် အားကွေ့အနီးသို့ရောက်လာ၏ .. အားကွေ့ကတော့မတုန်မလှုပ်ပင် ရပ်ကာ ကြွက်များ၏ သဘာဝကို စိုက်ကြည့် နေသည် ... အဘိုးကြီးမှလည်း သူတစ်ယောက်ထဲမဟုတ်တော့၍ အားတက် သွားပုံရသည် အားကွေ့နားတွင်ရပ်ကာ အမောဖြေနေ၏ ...

               ကြွက်များက တဖြည်းဖြည်း နီးသထက် နီးလာပြီ ... အဘိုးကြီးမှာ အားကွေ့၏လက်ကို ဆွဲကာ ..
              ''ကောင်လေး ပြေးရအောင် ..ဟိုမှာမင်းဘိုးအေတွေက နီးလာပြီ..''

#အစ၏အဆုံး ..အဆုံး၏အစ
Pyae Phyoe San

၆၃

          အားကွေ့က သူ၏ခါးတွင်ပတ်ထားသော ကြိုးကိုဖြုတ်ကာ သူနှင့်နီးကပ် လာပြီဖြစ်သော ကြွက်အုပ်ထဲသို့ရိုက်ချလိုက်၏ ...

          ''၀ုန်း...၀ုန်း...၀ုန်း..''
           ''ဖောင်း...ဖောင်း..ဖောင်း..''
            ''ကျလိ..ကျလိ..''

            အတွင်းအားအပြည့်ပါသော အားကွေ့၏ရိုက်ချက်ကြောင့် ရှေ့ဆုံးမှ ကြွက်အကောင်ငါးဆယ်ခန့်မှာ စိစိညက်ညက်ကျေမွသွားသည်.. အားကွေ့က ထိုသို့ ရိုက်ချပြီးသည်နှင့် အဘိုးကြီး၏ လက်ကိုဆွဲကာ နောက်ပြန်ခုန်ထွက်လိုက်ရ၏ ..
          ကြွက်များမှာ အကြောက်တရားမဲ့ ရှေ့သို့ဆက်တက်လာခြင်းကြောင့်ဖြစ်သည်
အားကွေ့မှာ ထိုကြွက်များအားမည်သည့်နည်းနှင့်မှ ကုန်စင်အောင်မသတ်နိုင်မှန်းသိ သော်လည်း သူတို့၏တုံ့ပြန်မှုကိုသိလို၍ စမ်းသပ်လိုက်ခြင်းသာ ..

           ထို့နောက် အဘိုးကြီးဘက်လှည့်ကာ ..

           ''ကိုင်း ..ဘကြီးရေ ပြေးကြအုံးစို့ရဲ့..'''

           ''အစောကြီးကတည်းက ငါပြောပါတယ်ကွာ ... ''

           ''စကားနောက်မှပြောဗျို့ ... ''

              အားကွေ့မှာ စကားမဆုံးခင် အတွင်းအားအပြည့်သုံးကာ  ကိုယ်ဖော့ပညာ ဖြင့် ပြေးတော့၏... အဘိုးကြီးကမူအဆင်သင့် ပြင်ထားပြီးသား ဖြစ်သောကြောင့် နောက်ကျကျန်မနေ..  ကြွက်များကလည်း အလွတ်မပေးစတမ်း ပြေးလိုက်လာကြ သည်မှာ တော်လည်းသံပင်ပေါ်ထွက် နေတော့သည် ..

               အားကွေ့နှင့် အဘိုးကြီးနှစ်ယောက်သားကတော့ မှုန်နေအောင် ခုန်ပျံ သွားနေ၏ .. တကယ်တမ်းယှဉ်ပြေးသောအခါ အားကွေ့ထက်အဘိုးကြီး၏ကိုယ်ဖော့ ပညာ ပိုမိုကောင်းမွန်နေသည်.. သူ့ရှေ့ရောက်နေသော အဘိုးကြီး၏ ကိုယ်ဖော့ ပညာကိုအားကွေ့ အထင်ကြီးနေသလို အဘိုးကြီးကလည်း ငယ်ငယ်ရွယ်ရွယ်နှင့်ပင် သူနှင့်မတိမ်းမယိမ်းလိုက်နိုင်သောအားကွေ့ကို အထင်ကြီးမိ၏ ..

                   ''အင်း.. ငါသိုင်းလောကထဲမ၀င်တာကြာတော့ နောက်ပေါက်ကလေး တွေ ဒီလောက်အဆင့်ရှိမှန်းမသိတော့ဘူး ..ကောင်းလိုက်တဲ့ကိုယ်ဖော့ပညာပါကလား
နောက်နှစ်အနည်းငယ်လောက်ဆို သူ့အရိပ်ကိုတောင် ဖမ်းမိဖို့ခက်လောက်တယ် .. ဒုတိယမြောက် တိမ်မီးခိုးဖြစ်လာနိုင်တယ် .. ''

                    အဘိုးကြီးမှာ ထိုသို့တွေးမိပြီး ..သူ၏အတွင်းအားကို တဆင့်မြင့်ကာ ခုန်ထွက်လိုက်သည်.. အားကွေ့အားပညာစမ်းခြင်းဖြစ်သည်.. အားကွေ့မှာ မီးခိုးတန်း သဖွယ် ခုန်ပျံသွားသောအဘိုးကြီးသူ့အား စမ်းသပ်နေပြီဟုရိပ်မိလိုက်၏.. အဘိုးကြီး ကို သူမည်သို့မျှလိုက်မမီမှန်းသိသော်လည်း လက်မလျော့.. အားကွေ့မဟုတ်လား ..  ဉာဏ်နီဉာဏ်နက်များက လူတကိုယ်လုံးပြည့်နှက်နေသည်လေ.. ရိုးရိုးတမ်းတမ်း လိုက်မမီမှန်းသိ၍ သူ၏ကြိုးဖြင့် အနီးရှိသစ်ပင်ထိပ်ဖျားကို ဝှေ့ရမ်း ရစ်ပတ်လိုက်ပြီး အရှိန်ယူကာ အားဖြင့်လွဲလိုက်သည်...  အတွင်းအား ရှစ်ပုံခန့် အသုံးပြုလိုက်သော ကြောင့် အရှိန်ပြင်းပြင်းနှင့်လေထဲသို့လွင့်ထွက်သွားသဖြင့်  အဘိုးကြီးအား မီရုံတင်မက ကျော်လွန်ကာသွား၏...

                  ''အလို မျောက်မိစ္ဆာလေဟုန်စီး ကိုယ်ဖော့ပညာပါလား .. အနည်းဆုံး နှစ်နှစ်ဆယ်လောက်ကျင့်ရမယ် .. ဒီကောင်မွေးကတည်းကများ လေ့ကျင့်လာသလား မသိပါဘူး.. ဘယ့်နှယ် ..''

                       သူတွေးမိနေစဉ်တွင် အားကွေ့က

                ''ဘကြီးရေကျွန့်တော့်ကို မီအောင်သာလိုက်ခဲ့ဗျို့ ..ဟားဟားဟားဟား''

                  ဟစ်အော်ကာ သစ်ပင် တစ်ပင်ပြီးတပင်အား ကြိုးဖြင့်လွဲခုန်ကာ အားကွေ့တစ်ယောက် ရှေ့မှသွားလေတော့သည်.. အဘိုးကြီးမှာ အားကွေ့အား သဘောအကျကြီးကျကာ အတွင်းအားတဆင့်ထပ်မြင့်လိုက်ပြီိ်း အပြင်းလိုက်တော့၏ ..
            သူတို့နှစ်ယောက်တစ်ဦးနှင့်တစ်ဦးအလျော့မပေးစတမ်း တလည့်ဆီ ကျော်တက်ရင်းနှင့်ကမ်းစပ်ကိုရောက်သွားသည် .. သို့သော် ကမ်းစပ်တွင်လည်း သူတို့အား အခြားကြွက်တအုပ်စောင့်ကြိုနေလေ၏ .. အဘိုးကြီး၏လှေမှာ ကြွက်များ ကိုက်ဖျက်ထားမှုကြောင့်တစစီဖြစ်နေလေပြီ...
               အားကွေ့မှာ လှေမရှိတော့သဖြင့် မျက်ကလူးဆန်ပြာဖြစ်နေသော အဘိုးကြီးအား ..

             ''ဘကြီးစိတ်မပူနဲ့ဗျို့ .. ဟိုးမှာ ကျွန်တော်တို့လှေရပ်ထားတယ် .. ဒီကောင်တွေကို ကျော်နိုင်ရင် ရောက်ပြီ.. ''

              ဟုဆိုကာ အဘိုးကြီး၏ရှေ့သို့ထွက်လိုက်ပြီး ကမ်းစပ်မှတက်လာသော ကြွက်တအုပ်အား ကြိုးဖြင့်ရိုက်သတ်နေသည် ..

              ''ဖြောင်း..ဖြောင်း..ဖြောင်း ..''

                 မြေပြင်ကို ရှပ်ကာသိမ်းကျုံးရိုက်လိုက်သောကြောင့် ကြွက်များမှာ ခေါင်းတခြားကိုယ်တခြား ဖြစ်သွားကြ၏ ..
              အဘိုးကြီးကမူ သူ၏ဓါးကို ထုတ်ကာ ဒူးထောက်ထိုင်ချလိုက်ပြီး ဓါးကို ကြွက်အုပ်ထဲသို့  ပြစ်လွတ်လိုက်သည်..
             ''၀ှီး..၀ှီး..၀ှီး..''
              ''ဇွိ..ဇွိ..ဇွိ..''
              အဘိုးကြီး၏ စင်္ကြာကဲ့သို့ လည်နေသောဓါးချက်မှာ ပြင်းထန်လှသဖြင့် ဓါးဖြတ်သန်းရာ တလျှောက်ရှိ ကြွက်များအပိုင်းပိုင်းပြတ်ထွက်ပြီး ဖြတ်သန်းစရာ အလယ်အူကြောင်းကြီးပေါ်လာ၏ ..

             အားကွေ့မှာ အဘိုးကြီး၏အတွင်းအားကို ချီးကျူးလိုသော်လည်း အချိန်အခါ ရှိသေး၍ နူတ်မှမဖော်ပြတော့ဘဲ ထိုလမ်းကြောင်းအတိုင်း ရေစပ်သို့ ရောက်အောင်သာ ပြေးသွားလေတော့သည် ..

              အဘိုးကြီးကလည်း အားကွေ့နောက်မှ ထပ်ချပ်မကွာလိုက်လာ၏ ..

             ''အကိုအားကွေ့ ..မြန်မြန်လာဗျို့ ..''

             လှေပေါ်မှ သွားကျိုး၏အော်ဟစ်သံကမှနောက်ကျနေသေးသည် ..
အားကွေ့ရော အဘိုးကြီးပါ ကိုယ်ဖော့ပညာဖြင့် လှေပေါ်ခုန်တက်ပြီးသား ဖြစ်နေသည် မဟုတ်လား .. မိန်းကလေးပိုင်ကတော့ မြောက်များလှစွာသော ကြွက်အုပ်ကြီးအား ကြည့်ကာ အကြောက်လွန်ပြီးသတိလစ်သွား၏...
            အားကွေ့ကလှေပေါ်သို့ရောက်သည်နှင့်စိုက်ထားသော ၀ါးလုံးကို ဖြုတ်ကာ အတွင်းအားဆယ်ပုံစလုံးအသုံးပြုပြီး မာန်ဖြီနေသည့် ကြွက်အုပ်အား ပစ်ပေါက်လိုက် သည်..
                   '''ဖုန်း...ဖုန်း...ဖုန်း..''
                     ''၀ုန်း ..''
                     ရေစပ်မှ ကြွက်အုပ်ကြီးထက်ဝက်ခန့်မှာ အားကွေ့၏၀ါးလုံးဒါဏ် ကြောင့် အရိုးအသားပင်ရှာ၍ရမည်မထင် .. အဘိုးကြီးမှာ ကိုယ်ဖော့ပညာတင်မဟုတ် အတွင်းအားပါ ထိပ်တန်းရောက်နေသော အားကွေ့အား မယုံနိုင်အောင်ဖြစ်နေသည် ..
                   ''အိမ်း..ဒီသူငယ်ဟာနောက်ဆယ်နှစ်လောက်ဆို ယှဉ်နိုင်တဲ့ ကောင်တောင်ရှိနိုင်မယ်မထင်တော့ပါလား.. ''
                   အားကွေ့ကတော့ အဘိုးကြီး၏အတွေးကို မရိပ်မိပါ.. လှော်တက် တစ်ချောင်းကို ယူကာ တဖက်ကမ်းဆီသို့ရောက်အောင်လှော်ခတ်နေတော့သည် .. သူ၏စိတ်ကူးထဲတွင်တော့ ဆိုးရွားသောင်းကျန်းလှသော ကြွက်တအုပ်မှကြီးကို မည်ကဲ့သို့အမြစ်ဖြုတ်ရမည်လည်းဟု အဖြေရှာလျှက်..

====================================

                        စားသောက်ဆိုင်တစ်ခုလုံး ဧည့်သည်များနှင့်ပြည့်ကျပ်လျှက် ရှိသောကြောင့် ဆိုင်ပိုင်ရှင်မှာ ၀မ်းသာနေသည် .. ယခုရက်ပိုင်းအတွင်း ၀ူချောင် မြို့ကြီး မကြုံစဖူးစည်ကားနေသည်မဟုတ်လား .. လူအများစည်ကားလေလေ သူ့အတွက်တော့ အဆင်ပြေလေလေပင် .. တရက်တရက် လက်မလည်အောင် ရောင်းချနေရ၍ သူ၏နောက်ဖေး စားဖိုဆောင်မှ မီးခိုးတိုင်သည် အငွေ့ထောင်းထောင်း ထနေသည်.. ဆိုင်လုလင်များပင်မလောက်င၍ အခြားမှ ထပ်မံခေါ်ယူထားရသည်

                    ဆိုင်လုလင်များအဖို့တော့ ထိုရက်ပိုင်းသည် အနားမနေရသော နေ့ရက်များဖြစ်၏ .. တနေကုန်ပြေးလွှားကာ စားပွဲဝိုင်းအလီလီကို အခေါက်ခေါက် အခါခါဖြတ်သန်းနေရသဖြင့် ခြေသလုံးသားများပင်တောင့်ကာနေသည် ..
                    စားသောက်သူများကမူ ထိုအချင်းအရာကို ဂရုစိုက်ပြီးလေ့လာမနေပါ စားမည့်သူက စားမည် သောက်မည့်သူကသောက်မည် စကားစမြည်ပြောနေသူက ပြောမည် အစရှိသဖြင့် ကိုယ့်အာရုံနှင့်ကိုယ် အလုပ်များနေကြသည်ပင်..

                     ထိုသူများထဲတွင် အဘိုးကြီးနှစ်ယောက်ကတော့ စားလည်းစား သောက်လည်းသောက် စကားလည်းဖောင်ဖွဲ့အောင်ပြောဆိုနေကြ၏ ...

                      ''ဒီလိုဆို ဆိတ်ဖြူ မင်းလည်း ဒီရောဂါကို အမြစ်ပြတ်အောင် မကုသနိုင်ဘူးလို့ ဆိုလိုတာပေါ့ဟုတ်လား..''

                        ''ဟုတ်တယ် သူတောင်းစား .. ငါမှမဟုတ်ဘူး ဘယ်သူမှကုနိုင်မယ် မထင်ဘူး .. ''
                       ဆိတ်ဖြူဆိုသောအဘိုးကြီးကတစ်ခုခုကိုတွေးမိလိုက်သည့်ပုံဖြင့်

                         ''တစ်ခုတော့ရှိတယ်ကွ.. ''ဟုဆိုကာ ချက်ချင်းခေါင်းကိုရမ်းခါပြီး

                        ''ဒါလည်းမဖြစ်နိုင်ပါဘူးကွာ ..'''

                       သူတောင်းစားဆိုသူက ဆိတ်ဖြူအဘိုးကြီး၏စကားကို မျှော်လင့်ချက်ဖြင့်စောင့်နေရာမှ မဖြစ်နိုင်ဘူးဟူသော နောက်ဆက်တွဲစကားကြောင့် စိတ်ဓါတ်ကျသွားသည် .. စားပွဲပေါ်မှအရက်ခွက်ကိုကောက်ကိုင်ကာ တရှိုန်ထိုး သောက်ချလိုက်တော့၏..

                        ထိုအချိန်တွင် စားသောက်ဆိုင်ထဲသို့ မဟာမိတ်အဖွဲ့သားများ ၀င်ရောက်လာကြသည် .. မြို့ထဲတွင်အားကွေ့နှင့်အပေါင်းအပါများ ပုန်းခိုနေမည်ထင် သောကြောင့် လိုက်လံရှာဖွေနေကြခြင်းဖြစ်သည်.. အယောက်နှစ်ဆယ်ခန့်ပါသော လူစုဖြစ်ပြီး ခေါင်းဆောင်ဖြစ်သူမှာ ထောင်လွှားသူဖြစ်ပုံရသည် စားပွဲဝိုင်းတစ်ဝိုင်းဆီကို ထ ခိုင်းပြီး မေးမြန်းစစ်ဆေးနေ၏ ..
                           အဘိုးကြီးနှစ်ယောက်မှာ ထိုသူများ၏ပုံစံကိုကြည့်ကာ လွန်စာ မျက်စိစပါးမွှေးစူးလှသည် .. သို့နှင့်တ၀ိုင်းပြီးတ၀ိုင်းလည့်ပတ်စစ်ဆေးနေရာမှ သူတို့ နှစ်ဦးထိုင်နေရာသို့ရောက်ရှိလာလေ၏ ..

                            ခေါင်းဆောင်ဖြစ်သူမှာ ကောင်းတုံဂိုဏ်းသားဖြစ်ပြီး သိုင်းလောကတွင် နာမည်အသင့်အတင့်ရှိသော မိကျောင်းဓါးထန်းလိဆိုသူပင်..
ကြီးသူကိုမြောက်ပင့် ရွယ်တူကိုခြေထိုး ငယ်သူကိုနှိမ့်ချ ဟူသည်မှာ မိကျောင်းဓါးထန်း ၏ဆောင်ပုဒ်ဖြစ်သည်....
                               မိကျောင်းဓါးထန်းလီက မိကျောင်းပုံဓါးအိမ်ပါသော သူ၏ဓါး ဖြင့် အဘိုးကြီးနှစ်ယောက်၏စားပွဲပေါ်ဆောင့်ချလိုက်ပြီး ..

                      ''ဒုန်း..''

                      ''ဟေ့..အဘိုးကြီးနှစ်ယောက် ထုံထုံထိုင်းထိုင်းလုပ်မနေနဲ့. မြန်မြန် ထစမ်း.. နဖူးမှာရွှေရောင်အစက်အပျောက်နဲ့ကောင် နဲ့ခင်ဗျားတို့နဲ့အပေါင်းအပါ မို့လား .. ပြောစမ်း..'''
                     ''နေပါအုံးကွ ..မင်းတို့က ရဲမက်တွေလား.. မေးလားမြန်းလား စစ်လားကြောလားနဲ့ .. အခုမင်းတို့မေးနေတဲ့ ကောင်ကရော .. ဘာ အမှုတွေ လုပ်ထားလို့လဲ ..''

                     မိချောင်းဓါး ထန်းလိက သူတောင်းစားအဘိုးကြီး၏ စကားကြောင့် မျက်နှာ ကွက်ကနဲပျက်သွားကာ ..

                      ''ဒီသူတောင်းစားအဘိုးကြီးက တော်တော်စကားများလှပါလား .. မဟာမိတ်သိုင်းအဖွဲ့အစည်းအကြောင်းကို မသိသေးဘူးနဲ့တူတယ် .. ခင်ဗျားတော့ အသက်ကြီးမှ ဒုက္ခကို လက်ယပ်ခေါ်နေတာပေါ့ ဟုတ်လား''

                     ''မင်းတို့ကလည်း ဒီအဘိုးကြီးနှစ်ယောက်အကြောင်းကို မသိသေးဘူး နဲ့တူတယ် ..''

                      ဆိုင်ပေါက်ဝမှ အသံကြောင့် သူတို့အားလုံး အသံပိုင်ရှင်မည်သူ မည်ဝါဟု လှမ်းကြည့်လိုက်ကြ၏ .. ဆိုင်ပေါက်ဝတွင် လူနှစ်ယောက်ရပ်နေပြီး သက်လတ်ပိုင်းရွယ် လူရွယ်တစ်ယောက်နှင့် သက်ကြီးပိုင်းအရွယ်လူတစ်ယောက် ဖြစ်သည်.. လူရွယ်မှာ ကြီးမားလှသော ခုတ်ဓါးမကြီးကိုလွယ်ပိုးထားရာ စစ်သည်တော် တစ်ယောက်နှင့်အလားသဏ္ဍန်တူလှ၏ .. သူတို့နှစ်ယောက်ကား သိုင်းလောက ထိပ်သီးစာရင်းဝင် ခုတ်နဂါးယဲ့ယွင်နှင့်ဆယ်မျက်နှာခြေဆန့်သူယွဲ့ပိုင်ပင် .. စကားပြောလိုက်သူက ယွဲ့ပိုင်ဖြစ်သည် ..

                    ယွဲ့ပိုင်ကိုတော့ ထန်းလိတို့အဖွဲ့ကောင်းကောင်းသိပုံပေါ်၏ .. ယွဲ့ပိုင်က ယာဘက်လက်သီးကို ဘယ်ဘက်လက်ဖ၀ါးထဲသို့ ထိကပ်ကာ ထိုအဘိုးကြီးနှစ်ယောက်အားဂါရ၀ပြုရင်း

                      ''ဒုက္ခကိုလက်ယပ်ခေါ်တာက မင်းတို့ပဲထန်းလိရဲ့ သိုင်းလောက မဟာမိတ်အဖွဲ့အစည်းခြောက်ခုလုံးပေါင်းလိုက်ရင်တောင် အခုထိုင်နေ တဲ့ဆရာကြီး နှစ်ပါးရဲ့ အင်္ကျီစကိုထိဖို့ခက်တယ် .. ''

                         ထန်းလိမှ ယွဲ့ပိုင်စကားကြောင့် ခြေမကိုင်မိလက်မကိုင်မိဖြစ်သွား သည်...
                         ယွဲ့ပိုင်ကထန်းလိအမူအယာကို ပြုံးချင်ချင်ဖြစ်သွားကာ ဆက်လက်ပြီး ..

                          ''ခုနှစ်မျိုးထူးချွန်ဆရာကြီးမုန့်နဲ့ သူဖုန်းစားဂိုဏ်းအကြီးအကဲ ဆရာကြီးဟုန်းကို မမြင်ဘူးကြရင်တောင် သိုင်းလောကသား မှန်ရင်သတင်းသဏ္ဍန် လေးတော့ ကြားဖူးမှာပေါ့ ..''

                         ထန်းလိမှာ ရာသီဥတုပူပြင်းခြင်းမရှိပါဘဲနှင့်ချွေးသီးချွေးပေါက်များ ပြိုက်ပြိုက်ကျဆင်းလာလေ၏ .. ဒီလောက်ဆိုသူကောင်းကောင်းကြီး ရိပ်မိလိုက်ပါပြီ .. ထိုအဘိုးအိုနှစ်ယောက်မှာ ရှောင်လင်ဂိုဏ်းချုပ်နှင့်အပြိုင်နာမည်ကြီးလာသော သိုင်းဝိဇ္ဇာအဘိုးကြီးနှစ်ယောက်မဟုတ်လား .. သူ၏သိုင်းအဆင့်အတန်းနှင့်ဆိုလျှင် မိုးနဲ့မြေမက ကွာခြားလှသည်ပင် ..

                        ဆရာကြီးမုန့်က ထန်းလိ၏ဖြစ်အင်ကိုကြည့်ကာ သနားသွား၍ ထင်သည် ..

                   ''ကိုင်း..ကိုင်း မင်းလည်း မသိလို့ မှားတာပဲကိုး ဒီလောက်စိတ်သောက ရောက်မနေပါနဲ့ .. သွားကြ သွားကြတော့ ..''

                   ဆရာကြီးဟုန်းကမူ စိတ်ပြေဟန်မတူ ..သူ့အား အသားလွတ်ကြိမ်း မောင်းသွားသည်ကိုး .. ထို့ကြောင့် စားပွဲကိုလက်ဖြင့်ပုတ်လိုက်၏ ..

                  ''ဖုန်း..''
                  ''  ရွှီး..''
                   ''ဒုတ်..''

                 ဆရာကြီးဟုန်း၏လက်ပုတ်အားကြောင့် စားပွဲပေါ်မှ တူတစ်ချောင်းသည် အံ့ဖွယ်ရာ ခုန်ပျံသွားပြီး ထန်းလိ၏ မိကျောင်းဓါးအား ထုတ်ချင်းပေါက်စိုက်ဝင် သွားလေ၏ ..ထန်းလိမှာ ယာဘက်လက်တစ်ချောင်းလုံး ပြုတ်လုလုခံစားလိုက်ရပြီး နောက်သို့ ငါးလှမ်းခန့်နောက်ဆုတ်သွားသည်.. ထို့နောက် နောက်မလှည့်ကြည့် စတမ်းအမြီးတမ်းအောင်ပင် ထွက်ပြေးသွားလေတော့၏ ....

                    ယွဲ့ပိုင်က သူတို့နှစ်ယောက်ကြားမှ အတင်းတိုးထွက်ပြေးသွားသော ထန်းလိတို့အဖွဲ့ကိုကြည့်ကာ ရယ်ကျဲကျဲနှင့် ..

                       ''ကောင်းလိုက်တဲ့ အတွင်းအားထိန်းချုပ်ပညာ .. ဆရာကြီးဟုန်း ရဲ့ ပညာကိုတော့ ကျွန်တော်တို့တတွေ အတုယူရမှာပါပဲဗျာ ..''

                    ဆရာကြီးမုန့်ကလည်းသူ၏ ရောင်းရင်းကို ဂုဏ်ယူစွာဖြင့် ကြည့်ကာ

                  ''သူတောင်းစားကတော့ အခုထိကို စိတ်ကြီးတုန်းပဲဟေ့ .. လာဟေ့ ယွဲ့ပိုင် ..မင်းတို့နှစ်ယောက်စလုံး ဒို့ဝိုင်းမှာလာထိုင်.. ''

               ထိုစဉ်ဆိုင်ထဲသို့ သူတောင်းစားကလေးတစ်ယောက်ပြေးဝင်လာ၍ ဆိုင်လုလင်များနှင်းရုန်းရင်းဆန်ခတ်ဖြစ်နေကြသည် ..

                ဆရာကြီးဟုန်းက ထိုအချင်းအရာကိုမြင်သည်နှင့် ထရပ်လိုက်ပြီး ..

               ''ဟင် ..ကျင်းကျူးနဲ့ဆော့နေတဲ့ ကလေးပဲ ဘာပြသနာများဖြစ်လို့လည်း မသဘူး ..ဆိတ်ဖြူမင်းနေရစ်ခဲ့အုံး ငါသွားကြည့်လိုက်အုံးမယ်..''

                 ဆိုင်လုလင်များက သူတောင်းစားလေး အထဲမ၀င်ရန် တားဆီးနေကြ ခြင်းပင် .. ဆရာကြီးဟုန်းကိုမြင်လျှင် ထိုသူတောင်းစားလေးက ငိုသံပါနှင့်..

                   ''ဘဘဟုန်း..ဘဘဟုန်း ..မမလေးကျင်းကျူးကို လူတစ်ယောက်ဖမ်း ခေါ်သွားပြီ .. ''

                  ဘဘဟုန်းသည် မိုက် ကနဲဖြစ်သွားကာ တကိုယ်လုံးထူပူကာသွား၏ .. ကြားလိုက်ရသော သတင်းကြောင့် ရုတ်တရက်စိတ်ထိခိုက်သွားခြင်းပင်.. ထို့နောက် ဒေါသများတလိပ်လိပ်ထွက်ပေါ်လာပြီး ဆိုင်လုလင်များကို တွန်းဖယ်လိုက်သည်..

                  ''အား..အမလေးဗျ..''

                   ဆိုင်လုလင်များမှာ ဘဘဟုန်း၏လက်ချက်ကြောင့် ဇောက်ထိုးမိုးမျော် ဖြစ်ကာ ဂျွမ်းပြန် လွင့်စင်သွားကြ၏ .. ဘဘဟုန်းက ထိုသူတောင်းစားလေး၏ လက်ကိုဆွဲ၍ ...

                  ''ဘယ်နေရာမှာလဲ ငါ့ကိုပြစမ်း..''

                  ''ဟိုဘက် ..ဘဘဟုန်း..''

                 ထိုစကားလည်းပြောပြီးရော ထိုသူတောင်းစားလေးမှာ သတိမေ့လုလု ဖြစ်သွားရလေသည် .. ဘဘဟုန်းမှာ သူလက်ညိုးညွန်ပြရာသို့ လျှပ်စစ်ကဲ့သို့ လျှင်မြန်ခြင်းမျိုးနှင့် သူ့အားခေါ်ကာ ပြေးထွက်သွားခြင်းကြောင့်ဖြစ်၏ ... အတွင်းအား အခြေခံမျှပင်မရှိသော ကလေးတစ်ယောက်မှာ ထိုဒါဏ်ကို ခံနိုင်သည်လား မခံနိုင်သည်လား ဘဘဟုန်းမစဉ်းစားမိတော့ ..သူစဉ်းစားမိသည်မှာ ကျင်းကျူးအား ဖမ်းခေါ်သွားသော သူကောင့်သားကို အမှုန့်ဖြစ်အောင်ပြုလုပ်ဖို့ပင်..

                    ''ခွေးမသား.ကျင်းကျူး မှဲ့တစ်ပေါက် စွန်းတာနဲ့ .. မင်းဘ၀ငရဲကျ တာထက်ဆိုးအောင် ငါလုပ်ပြမယ် .. '' စိတ်ထဲတွင် ကျုံးဝါးရင်း ရှိသမျှအားကုန်ပြေး မိနေသော ဘဘဟုန်းတစ်ယောက် .. ကျင်းကျူးကို ရှာတွေ့ပါမည်လား ..
                ကျင်းကျူးကို မည်သူကများ ဖမ်းခေါ်သွားသနည်း ..
အော် လောကကြီးက လွန်စွာရှုပ်ထွေးပွေလီလှသည်ကော  ..

===============

#အစ၏အဆုံး ..အဆုံး၏အစ
Pyae Phyoe San

၆၄

           ကျင်းကျူးသည် ဘဘဟုန်းနှင့်ဘဘဆိတ်ဖြူ ထွက်သွားပြီးသည့်နောက် ကလေးများနှင့်ပျော်ရွှင်စွာဆော့နေခဲ့ခြင်းဖြစ်သည်.. သူမအဖို့ ကလေးများ .. တိရိစ္ဆာန်လေးများနှင့်နေရသည်မှာ ပျော်ရွှင်စရာကောင်းသည်ဟုခံယူထား၏ ..

           ယခုလည်းကလေးများနှင့် မျက်နှာပ၀ါအုပ် ရိုက်တမ်းဆော့နေကြရင်း သူမပျော်နေသည် ..  လမ်းသွားလမ်းလာများပင် သူမတို့အဖွဲ့ဆော့ကစားနေသည်ကို ခဏခဏရပ်တန့်ကြည့်ရှုသွားသေး၏ .. အမှန်တော့ ကြည်သူများမှာ သူတောင်းစား ကလေးများနှင့် ဖက်လဲတကင်းနေနေသော ကျင်းကျူးကို ကြည့်နေကြခြင်းသာ ..
မိန်းကလေးများမှာ နတ်သမီးကြွေရုပ်လေးအတိုင်းလှပနေသော ကျင်းကျူးကို အားကျသောအကြည့် .. ယောင်္ကျားလေးများကတော့ မိုးစက်ကလေးစိုနေသည့် စကားပန်းလေးသဖွယ်သိမ့်မွှေ့နှစ်လိုဖွယ်ကောင်းသော ကျင်းကျူးကို ချစ်မြတ်နိုးသော အကြည့်တို့ဖြင့် စိတ်ဝင်စားကြခြင်းဖြစ်၏..

              သူမကတော့ မည်သူ့ကိုမှသတိမထားမိပါ .. ကလေးများနှင့်သာ ပြေးလွှား နေမိသည် .. အတန်ကြာမျှဆော့မိပြီးလျှင် ကိုယ်ခံအားနည်းသော ကျင်းကျူးမှာ မောပန်းလာသဖြင့် ဘေးသို့ထွက်ထိုင်ပြီး ကလေးများဆော့နေသည်ကို လက်ခုပ်တီး အားပေးရသည့်အဆင့်ရောက်သွား၏ .. သူမ၏လှုပ်ရှားမှုမှန်သမျှကို အခြားသူများ လိုမဟုတ်ဘဲ မျက်တောင်မခတ်တမ်း စိုက်ကြည့်နေသူတစ်ဦးရှိပါသည် ..

             ထိုလူသည် ခေါင်းဆောင်းပါသော အနက်ရောင်ဝတ်ရုံရှည်ကြီးကို ၀တ်ဆင် ထားသဖြင့် ရုပ်လုံးမပေါ်ရုံတင်မက ယောက်ျားမိန်းမ မသဲကွဲပါချေ..

              ''ဟေး .. ပြေးထားလေ.. မိတော့မယ် .. မိတော့မယ်နော် ..ဟားဟား မိသွားပြီဟေ့.. '''

              ကျင်းကျူးမှာ အသံသာသာနှင့်ဟစ်အော်နေရင်း နှလုံးဆီမှ ရုတ်တရက် ထိုးအောင့်သွားသောကြောင့် ရင်ဘတ်ကို လက်ဖြင့်ဖိကာ သူမထိုင်နေသော သစ်ပင်ကြီးအားမှီ၍မျက်စိကို ခဏမှိတ်ထားလိုက်သည်..
               သူမအားစောင့်ကြည့်နေသောသူသည် အခွင့်ကောင်းအခါကောင်းကို တွေ့လိုက်ရသည်နှင့်တပြိုင်နက် ငှက်တစ်ကောင်အလား ကျင်းကျူးအနားသို့ ခုန်ပျံလာကာ လက်တဖက်ကို ဝှေ့ရမ်းလိုက်၏ ..

                ကျင်းကျူးမှာ ချိုအီသော မွှေးရနံ့ကို ရှူရှိုက်မိလိုက်ပြီး ချက်ခြင်း သတိလစ် မေ့မျောသွားသည်.. ထိုလူမှာအချိန်မဆိုင်းပါ ကျင်းကျူး၏ အိထွေးသော ကိုယ်လုံးလေးကို ပုခုံးတွင် မ ထမ်းကာ သွက်လက်စွာပြေးထွက်သွား၏ ..
                ထိုအချင်းအရာအားလုံး မျက်တောင်တခတ်အတွင်း ဖြစ်သွားသော ကြောင့် ကလေးများမပြောနှင့် ဘေးမှလူကြီးများတောင် တားမြစ်ရန် မေ့လျော့ နေကြသည်..

               ''မမကျင်းကျူး ..မမလေး..ကယ်ကြပါအုံးဗျာ ..မမလေးကို ဖမ်းသွားပြီ''

              ကလေးများမှာ ၀ရုန်းသုန်းကားအော်ဟစ်ကာ ထိုလူနောက် ပြေးလိုက် သွားသော်လည်း အဘယ်မှာမီတော့မည်နည်း .. ကိုယ်ဖော့ပညာအဆင့်မြင့်လှသော ထိုလူကို ထိပ်တန်းသိုင်းသမားအချို့သာ လိုက်မီပေလိမ့်မည်..

               ကျင်းကျူးကတော့ ဘာမှပင်မသိလိုက် .. သူမ၏အာရုံထဲဝယ် အနက်ရောင် လွင်ပြင်ထုကြီးသာ ကြီးစိုးနေတော့သည်...

================================

               သဲသောင်ပြင်ကမ်းစပ်ဝယ် .. မီးပုံတစ်ပုံဖိုထားပြီး လူတစ်စုဝိုင်းပတ်ကာ ထို်င်နေကြသည် ...တစ်ဖျစ်ဖျစ်တောက်နေသော မီးပုံပေါ်တွင်တော့ တံစို့ထိုးပြီး ကင်ထားသော ငါးကြီးခြောက်ကောင်ရှိ၏ ..
                ထိုလူစုမှာ ကြွက်အရေးတော်ပုံ မအောင်မြင်ဘဲ တပ်ဆုတ်ပြန်လာသော အားကွေ့တို့လူစုပင်..

                   အားကွေ့က ဒုတ်တစ်ချောင်းဖြင့် မြေကြီးပေါ် ရေးခြစ်နေသည် .. ခဏမျှကြာလျှင် သူရေးခြစ်နေသောပုံမှာ ရုပ်လုံးပေါ်လာ၏ ..ကျွန်းတစ်ကျွန်း၏ပုံ ဖြစ်သည် .. ရှင်းရှင်းပြောရမည်ဆိုလျှင် ကြွက်များနေထိုင်ရာ မြစ်ဝကျွန်းပုံဖြစ်၏ ..

                မြေပုံမှာ အပြည့်အစုံမပါဝင်ဘဲ ရှေ့ခေါင်းပိုင်းတစ်ပိုင်းသာ ပါရှိသည် ..
    အားကွေ့က သူဆွဲထားသည့်မြေပုံကို ဒုတ်ဖြင့်ထောက်ကာ ..

                ''ဘကြီးနန် ရေ ကျွန်တော်ဆွဲထားတဲ့ ဒီရှေ့ပိုင်းမှာ ဘာတွေလို သေးလဲ ..လိုတာရှိရင် ထပ်ဖြည့်ပေးပါအုံး ..'''

               ဘကြီးနန်ဆိုသူက တဖြည်းဖြည်းနီရဲ မွှေးပျံ့လာသော ငါးကင်အား သရေတမျှားမျှားနှင့်ကြည့်နေရာမှ  မြေပုံကိုမျက်လုံးဝေ့ကြည့်ပြီး ..

                 ''အင်း... လိုတာတော့မရှိပါဘူးကွာ မင်းဆွဲထားတဲ့ တချို့နေရာတွေဆို ငါတောင်မသိဘူး .. ''

                    ဟုဆိုကာ ငါးကင်ဘက်ပြန်လှည့်သွား၏ ..ပြီးနောက် ငါးကင်ကို လက်ဖြင့်တို့ကာ ..
                   ''ငါ..ငါတော့ မရတော့ဘူးကွာ  စားတော့မယ် ဆာလှပြီ .. မဟုတ်ရင် ဒီအနံ့ကြောင့် ဗိုက်ထဲကအူတွေပါဖောက်ထွက်လာတော့မယ် ..''

                  ''ဟားဟားဟားဟား .. ဘကြီးကလည်း ကျွန်တော့်လို ဟန်မဆောင် တတ်တဲ့လူကိုးဗျ.. စားပါဗျာ စားပါ..''

                  အားကွေ့၏အပြောအဆုံးတွင် ဘကြီးနန်မှာ တံစို့ကို ယူ၍ ငါးကင်ကို ဖြုတ်ကာ အသားများကို ဖဲ့ဝါးနေ၏ .. အားကွေ့ကလည်း ငါးတစ်ကောင်ကို ယူပြီး အရိုးများနွင်၍ သူ့အားငေးကြည့်နေသော မိန်းကလေးပိုင်အား ပေးလိုက်ကာ ..

                ''ရော့ မိန်းကလေးပိုင်လည်း ဆာနေတော့မယ် ... စားလိုက်တော့လေ''

                  မိန်းကလေးပိုင်၏ ဖူးသစ်နေသောမျက်နှာလေးမှာ အားကွေ့၏ အယုအယကြောင့် ၀င်းပသွားပြီး ငါးကင်ကိုယူလိုက်သည် ထို့နောက်ခေါင်းကို အောက်သို့ငုံ့ကာ နူတ်ဖျားမှ မပွင့်တပွင့်နှင့် ..

                ''ကျေးဇူးပဲနော် အကိုအားကွေ့ .. ''

                 အားကွေ့က သူ့လက်၌ပေနေသော အသားအစနများကို ပါးစပ်ထဲ ထည့်စုပ်လိုက်ပြီး ..
                  ''မလိုပါဘူး မိန်းကလေးပိုင်ရယ် .. သူစိမ်းတွေမှ မဟုတ်ဘဲ ..''

                  ''အကိုအားကွေ့ကကျွန်တော့်ကိုကြတော့ အရိုးနွင်ပေးဖို့နေနေသာသာ စားပါအုံးလို့တောင်မပြောဘူး ..''

                   သွားကျိုး၏စကားကြောင့် အားကွေ့မှာ ပြုံးရီရီဖြစ်ကာ

                 ''အောင်မလေး သွားကျိုးရယ် ငါတို့ညီအကိုတွေကြားမှာ လောကွတ် ချော်စရာ ရှိပါ့မလားကွာ .. မင်းစားချင်တာများယူစားလိုက်ပေါ့ .. ကိုင်းကိုင်း မင်းလည်းစား ငါ့ကိုစောင့်မနေနဲ့ .. မင်းတို့စားပြီးလို့ ကျန်တဲ့ဟာမှ ငါစားမယ် ..''

                  သွားကျိုးမှာလည်း ဆာလှပြီဖြစ်ရာ ငါးကင်ကိုဖြုတ်ကာ အားရပါးရ စားလေသည် .. ဘကြီးနန်ကတော့ ကုန်သွားသောငါးရိုးကို  မြစ်ထဲပစ်ချလိုက်ပြီး လေ တစ်ချက် အန်ထုတ်လိုက်ပြီးနောက် ...

                   ''ငါးကင်က အမြင်သာကြီးတာ စားလိုက်တော့လည်း နံကြားတောင် မကပ်ပါကလား .. ''

                  ''ဘကြီးနန် မ၀သေးရင်နောက်တကောင်ထပ်ယူစားဗျာ ..ကုန်သွား လည်း မြစ်ထဲမှာငါးတွေက တပုံကြီး ကြိုက်သလောက်ထပ်ဖမ်းလို့ရတယ် ''

                   ''ဒါဆိုကျွန်တော်လည်း နောက်တကောင်ယူမှာနော်..''

                   ပထမအကောင်မကုန်သေးဘဲ စမာန်ခုတ်နေသော သွားကျိုးအား အားကွေ့က ပြုံးပြခေါင်းငြိမ့်ကာ မြင်းလည်းဆီသို့လျှောက်လှမ်းသွား လိုက်သည် ..
မီးပုံအနားသို့ပြန်လာတော့ သူ့လက်ထဲတွင် အရက်အိုးတစ်လုံးနှင့် ..

                  ဘကြီးနန်မှာ အရက်အိုးကိုမြင်သော် ထခုန်လိုက်ပြီးနောက် အားကွေ့ လက်ထဲမှဆွဲလုကာ တရှိန်ထိုးမော့သောက်လိုက်၏ ..

                    ''အကုန်တော့မသောက်လိုက်နဲ့ ဘကြီးနန်ရေ .. ဟိုမှာ သွားကျိုးကို လည်းတိုက်လိုက်အုံး ..''

                     ''အား....ကောင်းလိုက်တဲ့အရက် ..ကောင်းလိုက်တဲ့ ငါးကင်.. ပိုပြီးတန်ဖိုးရှိတာက မင်းတို့လို စိတ်ကောင်းရှိတဲ့လူငယ်တွေနဲ့ ဆုံရတာပဲဟေ့ ..ခုခေတ်ကြီးမှာ ဂါရဝေါစ နိဝါတောစ ရှိတဲ့ နောက်ပေါက်တွေ ရှားတယ်ကွ .. လူကြီး ကိုတောင် မရိုမသေ မခန့်လေးစားနဲ့ .. ဒါကြောင့် ဟိုစာဆိုတောင် စပ်ဆိုထားတယ် ဘာတဲ့ ..''

                    အားကွေ့ကလက်ကာပြလိုက်ပြီး ..

                    ''မဆိုပါနဲ့တော့ ဘကြီးရယ်ဒီလောက်ဆို သဘောပေါက်ပါပြီ ..  ဘကြီးမော့တာနဲ့ အရက်လည်းကုန်တော့မယ်..''

                   သွားကျိုးကငါးရိုးကို ပစ်ချလိုက်ပြီးနောက် အပြေးတပိုင်းနှင့် ဘကြီးနန် ထံမှ အရက်အိုးကို ဆွဲယူကာ အိုးပေါက်သို့မျက်စိကပ်ကြည့်လိုက်ရင်း..

                   ''ဟာ ..ဘကြီးနန် ဗျာ လူကြီးလုပ်ပြီး လူငယ်တွေကို ညှာတာမယ် မရှိဘူး အရက်က ဖင်ကပ်ပဲကျန်တော့တယ် .. ''

                   ဘကြီးနန်က နှုတ်ခမ်းတွင်ကပ်ကျန်နေသော အရက်ကြွင်းကျန် များကို လျှာဖြင့်ယက်ကာ ..

                    ''မင်းကလည်းကွာ အများကြီးကျန်ပါသေးတယ်ဟ .. ဟဲဟဲ .. လူငယ်ဆိုတာ အရက်သေစာအများကြီးမသောက်ရဘူးကွဲ့ ..ဟဲဟဲ''

                     ''ကဲ..ကဲ စားပြီးသောက်ပြီးရင် ..ကြွက်တွေကို ဘယ်လို နှိမ်နှင်းရမလဲ ဆိုတာ တိုင်ပင်ကြအုံးစို့ရဲ့ ..''

                   ''အကိုအားကွေ့ ကျွန်တော် အကုန်သောက်လိုက်တော့မယ်နော် ..''

                   ''သောက်စေဗျာ ..သောက်စေ ..''

                     ၀မ်းရေးပြည့်သွားသော ထိုသုံးယောက်မှာ အားကွေ့ဆွဲထားသော မြေပုံဘေးဝိုင်းဖွဲ့ထိုင်လိုက်ကြသည်.. အားကွေ့က ထိုသုံးယောက်ကို စေ့စေ့ ကြည့်ပြီး

                      ''ကြွက်တွေကတော့ သိကြတဲ့အတိုင်းပဲ ရေတွက်လို့မရအောင်ကို များတာ .. အခု နွေဝင်တော့မယ် ရွာသားပြောသွားတဲ့အတိုင်းဆို ရေကျတာနဲ့ ကျွန်းနဲ့ကုန်းတဆက်ထဲဖြစ်မယ်တဲ့ ..အဲ့အချိန်ဆိုရင် ကြွက်တွေကုန်းပေါ်ရောက်လာ မှာသေချာတယ် .. ကုန်းပေါ်သာဒီကောင်တွေရောက်သွားရင် .. မြို့တွေရွာတွေ အကုန်ဒုက္ခရောက်မှာ သေချာတယ် ..ဒီတော့ ဒီကျွန်းပေါ်မှာတင် တကောင်မှမကျန် အောင် အမြစ်ဖြတ်မှရမယ် .. ဒီလောက်များတဲ့ ကြွက်တွေကို ဘယ်လို နည်းလမ်း သုံးပြီးရှင်းရမလဲဆိုတာ ကိုယ်တွေးမိသလောက် ပြောကြည့်ကြအုံးစို့ .. ပထမဦးဆုံး အတွေ့အကြုံရင့်တဲ့ ဘကြီးနန်အရင်ပြောကြည့်...'''

                        သွားကြားကို မြက်ရိုးနှင့်ထိုးနေသော ဘကြီးနန်က အသားဖတ်ကို ထွေးထုတ်လိုက်ပြီး ..
                           ''ထွီ.. အင်း .. ငါအစကတော့ ကြွက်တွေဒီလောက်များမယ် မထင်လို့ ကျွန်းပေါ်တက်ကြည့်တာ .. များလိုက်တဲ့ကြွက် .. တစ်ကောင်တစ်ကောင် ကလည်း ကြောင်ပေါက်တစ်ကောင်လောက်ရှိတယ် .. အမြစ်ဖြတ်ဖို့ဆိုရင်တော့ အဆိပ်နဲ့ဆိုရင်ရော .. အစာထဲမှာ တအားပြင်းတဲ့ အဆိပ်ထည့်လိုက်မယ် ပြီးရင် ကျွန်းပေါ်ပစ်တင် .. ဒီကောင်တွေလာစားတော့ စားမိတဲ့ကောင်တွေသေ .. သေတဲ့ ကောင်တွေကိုတစ်ခြားကောင်တွေကစား .. အကုန်ရှင်းရော .. ''

                        အားကွေ့ကခေတ္တစဉ်းစားလိုက်ပြီး ..

                        ''ဘကြီးနန်ပြောတာ သဘာဝတော့ကျပေမယ့် ..  ထောက်ပြစရာ တွေရှိတယ်ဗျ .. ပထမဆုံးအချက်က ဒီလိုဆင့်ပွားအဆိပ်မျိုးဖန်တီးဖို့ အချိန်ယူရမယ် ဆိုတာပဲ .. ဘကြီးပြောတဲ့အဆိပ်ကို ကျွန်တော် ဖော်တတ်ပါတယ် ဒါပေမယ့် အမယ် တွေများပြီး  အဆိပ်သဘာဝပီပြင်ဖို့ အနည်းဆုံး ရက်ပေါင်းတရာကျော် အချိန်ယူရ မယ် .. ဖော်လို့ရပြီထားတော့ ကြွက်တွေက မတရားများတယ် .. အဆိပ်မိပြီး အကုန်သေဖို့တော့ မျှော်လင့်ထားလို့မရဘူး ..ကြွက်တွေရဲ့ သားဖောက်နှုန်းကို လည်း တွေးထားအုံး ကောင်ရေသိန်းချီနေတဲ့ကြွက်တွေ တရက်တရက်ပေါက်အား က ဘကြီးအဆိပ်မိပြီးသေမယ့်ကောင်တွေထက်ပိုလောက်တယ်ဗျ .. နောက်တခုက ကြွက်ဆိုတာ တအားလည်တဲ့အမျိုး ..ဇာတ်တူသားလည်းစားတဲ့အမျိုး .. ကျွန်တော်တို့ကျွေးတဲ့အထဲ အဆိပ်ပါမှန်းသိရင် ဆက်ပြီးစားတော့မှာမဟုတ်ဘူး ..  အဆိပ်မမိသေးတဲ့ ဇာတ်တူသားပဲ ပြန်စားတော့မှာ .. ''

                      ဘကြီးနန်မှာအားကွေ့စကားကြောင့် သူ့အစီအစဉ်ကို ပြန်လည် စဉ်စားမိနေသည် .. သွားကျိုးက

                   ''အကိုအားကွေ့ကျွန်းကိုမီးရှို့ရင်ရော ..အကုန်မီးလောင်ပြီး မျိုးပြုတ်ရောပေါ့ ''

                    အားကွေ့ကခေါင်းငြိမ့်လိုက်ပြီး

                 ''မင်းပြောတဲ့အချက်ကိုလည်း ငါစဉ်းစားမိတယ် ... ဒါကြောင့်လည်း ဒီမြေပုံကို ဆွဲရတာပဲ .. မြေပုံအနေအထားအရ မင်းပြောသလို တကျွန်းလုံးကို မီးရှို့ ဖို့လုံးဝမဖြစ်နိုင်ဘူး .. ငါတို့မြင်ရတဲ့ ရှေ့ပိုင်းလေးတင်က တော်တော်လေးကို ကျယ် တယ် .. ပြီးတော့ကွင်းပြင်တွေလည်းရှိတယ် .. နှုံးတင်မြေနုတောကြီးလည်းရှိတယ် ချောင်းပေါက်တွေလည်းရှိတယ် .. ဒါတောင်နောက်ဖက်တော မပါသေးဘူးနော် .. '
'
                      သွားကျိုးမှာ သူလည်းမစဉ်းစားတတ်တော့ပါဟူသောပုံစံနှင့် ခေါင်းရမ်းကာ ကုန်နေသောအရက်အိုးမှ မတော်တဆများ ပြန်ထွက်လာအုံးမလား ဟူသော ရည်ရွယ်ချက်နှင့်  ပါးစပ်ထဲသို့လောင်းထည့်နေတော့၏.. အရက်က တစက် မှ ထွက်မလာသောအခါ လှုပ်ခါနေပြန်သည်..
                       မိန်းကလေးပိုင်ကမူသူမ၏ ဓါးနှင့် သဲပြင်ကို တောင်ခြစ်မြောက်ခြစ် လုပ်ကာ ခြေဖြင့်ပြန်ဖျက်ရင်း ..

                    ''ကျွန်မကတော့ ကြွက်တွေအကြောင်းစဉ်းစားလိုက်ရင် အန်ချင် အော့ချင်လာတယ်ရှင့် .. ဒါပေမယ့် စဉ်းစားမိတာတစ်ခုတော့ရှိတယ် .. အဓိကက သူတို့ကုန်းပေါ်မရောက်လာဖို့မဟုတ်လား ..အဲ့ဒီတော့ နွေအခါမှာ ပေါ်မယ့် ကုန်းပြင် ဆက်လမ်းကို ရေတားလမ်းလုပ်လိုက်ရင်ရော .. ဒါဆိုသူတို့ မကူးနိုင်တော့ဘူးလေ .. ဇာတ်တူသားစားရင်းနဲ့ လေးငါးနှစ်နေရင် သူတို့ မျိုးတုန်းသွားမှာပဲ ..''    

                    အားကွေ့ ရှာရှာဖွေဖွေတွေးတတ်သော မိန်းကလေးပိုင်အား စိတ်ထဲကျိတ်ချီးကျူးကာ ..
                    ''ခုပြောသမျှအစီအစဉ်ထဲမှာတော့ မိန်းကလေးပိုင်ပြောသွားတာ သဘာဝအကျဆုံးပဲ .. ဒါပေမယ့် လုံးဝပြည့်စုံတဲ့ အပိုင်းတော့ မဟုတ်ဘူး .. ဘာလို့ လဲဆိုတော့ .. ရေတားလမ်းတူးမယ် ဆိုရင် ကုန်းပေါ်မယ့် အချိန်ကို ပထမတွက်ရမယ်  ရွာသားပြောတာက ရက်သုံးဆယ်လောက်ဆို ကုန်းပေါ်မယ်ပြောတာကိုး တူးမယ်ဆို ရက်သုံးဆယ်လောက်မှ စောင့်ပြီးတူးမှရမယ် .. ရေထဲမှာတော့ တားလမ်းတူးလည်း အလကားပဲ သဲပြန်ဖုံးသွားမှာပဲ.. ပြီးတော့ ကုန်းက ကျွန်းဘက်ကပေါ်မှာလား .. အခုဘက်ကမ်းကပေါ်မှာလား ကိုဒုတိယ တွေးရမယ် ..ကျွန်းဘက်ကပေါ်ရင်တော့ တူးဖို့လုံးဝမစဉ်းစားနဲ့တော့ အလကားပဲ .. ''
                        မိန်းကလေးပိုင်ကလည်း လက်လျှော့သွားသည့်ပုံပင် .. သဲပြင်ကို သာထပ်ခြစ်၍နေသည်..

                      ဘကြီးနန်က အားကွေ့အားကြည့်ကာ ..
                      ''ကဲ ...ငါတို့သုံးယောက်ရဲ့ မဟာအစီအစဉ်ကတော့ ကုန်ပြီ ..လုပ်ပါအုံး မင်းအကြံအစည်ကို .. ''

                     အားကွေ့က လက်နှစ်ဖက်ကို နောက်ပစ်ကာ ..

                     ''ကျွန်တော်စဉ်းစားမိတာတွေက အများကြီးပဲ ..  ဒီထဲကမှ နှစ်မျိုးကို ပြောပြမယ်ဗျာ .. ပထမက ထောင်ချောက်ဆင်ပြီးမီးရှို့ဖို့''

                       သူ့အားစောဒကတက်ဟန်ပြင်နေသော သွားကျိုးအား အားကွေ့က လက်ကာပြလိုက်ပြီး ဆက်လာက်၍

                     ''သွားကျိုးပြောသလို တကျွန်းလုံးကိုတော့ မီးရှို့လို့မရဘူးလေ .. ဒီတော့ သူတို့ကို ထောင်ချောက်ဆင်ပြီး အစုလိုက်အပြုံလိုက် မီးရှို့ ပစ်ရမယ် ..'''

                      ''အားကွေ့ သိန်းချီနေတဲ့ အုပ်စုကြီးနော် ..'''
                     ''ဘဘနန်ပြောတာမှန်ပါတယ် ..ဒီလို သိန်းချီတဲ့ကြွက်တွေမို့လို့ ထောင်ချောက်ကို လူလေးယောက်နဲ့ဖြစ်ပါ့မလားလို့ အစကတွေးမိတယ် .. ဒါပေမယ့် ခက်တော့ သိပ်ခက်တဲ့အရာတော့ မဟုတ်ဘူးဗျ ..သူတို့တွေ ကိုက်ဖြတ်ထားတဲ့ သစ်ပုံကြီးနဲ့ရိုးပြတ်တောခြောက်ကို ဘဘနန်လည်း တွေ့မှာပါ   အဲ့သစ်ပုံနဲ့ ရိုးပြတ် တောခြောက်က စက်ဝိုင်းပုံကြီးဖြစ်နေတာ .. အလယ်မှာလည်း ရွက်ခြောက်နဲ့ သစ်ဆွေးတွေချည်းပဲ အဲ့ အလယ်ကို  ဒီကြွက်အုပ်စု  တချိန်ထဲ ရောက်အောင် လုပ်နိုင်ရင် အဆင်ပြေလောက်တယ် .. လူကနည်းနည်းတော့ စွန့်စားရမှာပေါ့ .. ပထမ သစ်ပုံကြီးကို လောင်စာဖြန်းရမယ် .. ရိုးပြတ်တောကတော့ မီးပွားကျတာနဲ့ကို တခါထဲ လောင်မယ့်ပုံ ..တပြိုက်နက်မီးကူးတာနဲ့ အလယ်ကိုလိုက်လောင်သွားမှာပဲ ..''

                  ''အင်း..စဉ်းစားကြည့်တာကတော့ ဖြစ်နိုင်မယ့်ပုံပဲ ..အကုန်မသေရင် တောင် တော်တော်များများတော့ မီးလောင်ကုန်မှာ..''

                  ''မှန်တယ်ဘကြီးနန်.. နောက်တခုကတော့ ရေထဲမျောမယ့်အစီအစဉ် အဲ့အစီအစဉ်က ပိုလွယ်ပြီး ပိုလည်း ဖြစ်နိုင်တယ် .. ''

                  ရေထဲမျောမည်ဆိုတော့ ဘကြီးနန်မှာ မျက်ခုံးပင့်သွားသည် ..မှန်သည် ကျွန်းတစ်ခုလုံးကို ရေလွှမ်းမှသာ ထိုကြွက်များ ရေထဲမျောမည်မဟုတ်လား .. ကျွန်းတစ်ခုလုံရေထဲမြုပ်အောင်လုပ်ဖို့များ အားကွေ့မှာ အစီအစဉ်ရှိ၍လား .. မဖြစ်နိုင် ထိုကိစ္စမှာ နတ်များသာ ပြုလုပ်နိုင်မည်ဖြစ်သည်.. ဘကြီးနန်မှာ သိလိုသည်နှင့် ..

                    ''လုပ်ပါအုံးကွာ ..ရေထဲဘယ်လိုမျောမှာလည်း..''

                      အားကွေ့မှာ ဘကြီးနန်စကားကို မဖြေ လမ်းမဘက်ကို မျှော်ကြည့်လိုက်၍ ဘကြီးနန်က ..

                       ''ခရီးသွားနေမှာပါကွာ ..ရထားလုံးအသံပဲဟာ .. ''

                        အားကွေ့မှာ သူကအသံသဲ့သဲ့မျှသာကြားရသည် .. ဘကြီးနန်က ရထားလုံးဟုဆိုသောကြောင့် ဘကြီးနန်၏ အတွင်းအားနှင့် အတွေ့အကြုံကို လေးစား မိ၏ .. သို့သော် ရန်သူပတ်လည်ဝိုင်းနေသော အားကွေ့ အတွက် သတိဟူသည်မှာ ပိုသည်မရှိပါ.. ထို့ကြောင့် သွားကျိုးကို အသင့်ပြင်ထားရန် မျက်ရိပ်ပြလိုက်၏ ..

            သွားကျိုးကလည်း ဒီလောက်တော့ လျှင်ပါ၏ .. ချက်ခြင်း ကမ်းစပ်မှ လမ်းဘေးကို  ခုန်တက်သွားသည် .. ဘကြီးနန်ကမူ အားကွေ့တို့အကြောင်း ကုန်စင်အောင် မသိသေး၍ ယခုလို သတိပိုခြင်းကို အပိုအလုပ်ဟုထင်မိ၏ ...

                မိန်းကလေးပိုင်ကမူ မည်သည်ကိုမှဂရူမစိုက် အားကွေ့သစ်ပင်ကို ကြိုးဖြင့် ရစ်ပတ်ပြီးလွဲတက်သွားသည်ကိုသာ မျက်ခြေမပြတ်တမ်းကြည့်နေမိသည် ..

                  အတန်ကြာမျှဆိုင်းစိုင်းပြီးလျှင် သူတို့မြင်ကွင်းထဲသို့ မြင်းလေးကောင် ကထားသော ရထားလုံးတစ်စီး ၀င်လာသည် .. ပန်းခြူးကနူတ်များစီချယ်ထားသော ရထားလုံးမှာ သစ်မွှေးဖြင့်ပြုလုပ်ထားပုံရ၏ .. မွှေးပျံ့၍နေသည် .. ပြတင်းပေါက် မပါသော အလုံပိတ်ရထားလုံးမျိုးဖြစ်သောကြောင့် သာမာန်လူမျိုးစီသည့် ရထားလုံး တော့မဖြစ်နိုင် .. ရထားလုံးတင်မက မောင်းနှင်သူကလည်း ထူးခြားသည် .. ခေါင်းစွပ်ပါသော အနက်ရောင်ဝတ်ရုံရှည်ကြီးနှင့်ဖြစ်၏ ..

                    ''ရွှမ်း ..ရွှမ်း..''
                    ''ဖြောင်း..ဖြောင်း..ဖြောင်း..ဖြောင်း..''

                   မြင်းလှည်းမောင်းသောသူမှာ သွားကျိုးပုန်းအောင်းနေသည့် နေရာကို စိုက်ကြည့်လိုက်ပြီး မြင်းပြေးအားကို နှစ်ဆဖြင့်သည့်အနေဖြင့် မြင်းရိုက်ကြာပွတ်ကို လေထဲတွင် ''ရွှမ်း ရွှမ်း''မြည်အောင် အသံပေးလိုက်သည်.. မြင်းများကလည်း သခင့် အထာကိုသိသည့်နှယ် .. ခွာလေးဘက်ကျအောင်ပြေးတော့၏ .. သွားကျိုးက မြင်းလှည်းကို တားမြစ်ရမည်လားဟု အားကွေ့အား မော့ကြည့်လိုက်သည်..
  အားကွေ့က......

====================
                 
      ရော့ဗျာ ..မျက်စိလည်းမှုန် ..ဘေ လည်းကုန်ပြီ ဒါပဲ နက်ဖြန်တော့ နီပါး

#65အစ၏အဆုံး ..အဆုံး၏အစ
Pyae Phyoe San

၆၅

         သွားကျိုးအား ခေါင်းယမ်းပြလိုက်သည်.. မိမိတို့အားရန်မူရန် လာသည် မဟုတ်ဘဲ ကိုယ့်လမ်းကိုယ်သွားနေသော ရထားလုံးအား တားလည်းအပို မဟုတ်လား
ရထားလုံးမှာလျှင်မြန်စွာပင် ရှေ့သို့ဆက်သွားနေတော့၏ ..

         အကယ်၍အားကွေ့တစ်ယောက် ထိုရထားလုံးထဲ၌ ကျင်းကျူးပါသွားမှန်း သိလိုက်လျှင်မူ ထိုသို့မျက်ကွယ်ပြုမည်မဟုတ်ပါ...
          သိပ်မကြာခင်အချိန်အတောအတွင်းတွင် လမ်းမကြီးသည် ဤနေရာတွင် ရထားလုံးဖြတ်သွားသည်ဟု ယူဆ၍မရနိုင်အောင် ပြန်လည်တိတ်ဆိတ်သွား၏....
           
          ===============================

       ကျောက်ကျူးထင်တို့အုပ်စုသည် တုံးမင်မြို့သို့ဦးတည်ကာ ခရီးဆက်နေကြ သည်.. အားဖုန်နှင့်အားချန်တို့မှာ လူငယ်သဘာဝ ပြောင်ဟယ် နောက်ဟယ်နှင့် လမ်းတလျှောက်လုံး စကားများနေသလောက် လိုင်လိုင် နှင့် ကျောက်ကျူးထင် ကတော့ ရွှေရောင်နဖူးကောင်အကြောင်းတိုင်ပင်နေကြ၏ .. ဟွားဟွားကတော့ ကျောက်ကျူးထင်ကို စိတ်ကောက်နေသည်..

         လိုင်လိုင်က သူ၏မြင်းဝမ်းဗိုက်ကို ခြေဖြင့်တို့လိုက်ပြီး ကျောက်ကျူးထင်အား

       ''ဦးကြီးကျောက် .. ၀ူချောင်အထွက် လမ်းပိုင်းမှာ လူအုပ်ကြီးတစ်အုပ် ဖြတ်လာတာ တွေ့တယ်နည်းတဲ့ လူအုပ်ကြီးမဟုတ်ဘူး ..ဘာဖြစ်လို့ပြောင်းလာ တယ်မသိဘူးနော်..''

           ''အော် .. ငါတို့ အစား စားနေတုန်းက ဖြတ်သွားတဲ့ လူအုပ်ကြီးလား ..  မသိပါဘူးကွာ သူတို့အကြောင်းရှိလို့နေမှာပေါ့ ..လောလောဆယ် ငါစဉ်းစားနေတာ ဟိုကောင်အကြောင်းကွ''

           ''ဦးကြီးကျောက် ဒီကောင့်နောက်ကို သဲကြီးမဲကြီးလိုက်နေတာ ဟွားဟွား ကြောင့်တော့မဟုတ်ဘူးထင်တယ် .. ကျွန်တော် ဘယ်လိုပဲစဉ်းစားစဉ်းစား ဦးကြီကျောက်အနေနဲ့ ကိုယ့်ထက်ဝါအများကြီးနုတဲ့ နောက်ပေါက်လူငယ် တစ်ယောက်ကို ဒီလောက်အာဃာတ မထားဘူးဆိုတာသိနေတယ် .. ဦးကြီးကျောက် ကျွန်တော်တို့ကို မပြောဘဲ တစ်ခုခု လျှိုထားတာတော့သေချာပြီ''
              ကျောက်ကျူးထင်မှာ လိုင်လိုင်၏စကားကြောင့် မျက်နှာကွက်ကနဲ ပျက်သွားသည် .. စိတ်ထဲတွင်လည်း

             ''အင်း လိုင်လိုင်ကလည်း ဟိုမြေခွေးကောင်လောက်နီးနီးပါးနပ်ပုံရတယ် .. ဒီကောင့်ရှေ့မှာ အနေအထိုင်ဆင်ချင်ရမယ့်ပုံပေါက်နေပြီ .. ''

               ဟုတွေးကာ နူတ်ကတော့ ပေါ့ပေါ့ပါးပါးဟန်ဖြင့်

              ''မဟုတ်ပါဘူး လိုင်လိုင်ရ ငါကို့ကျောသွားလို့မခံချင်တာရယ် .. စိတ်ကောက်အိုးလေးကို စော်ကားမော်ကားလုပ်တာရယ်ကြောင့်ပါ့ .. မင်းလည်းသိတဲ့ အတိုင်း ဆရာကြီးမုန့်သာ ဒီအကြောင်းကိုသိရင် မလွယ်ဘူးကွ. '''

                လိုင်လိုင်မှာ ကျောက်ကျူးထင် ပြောသည်မှာ သဘာဝကျသော်လည်း သူ့စိတ်ထဲတွင်တော့ ဒီ့ထက်ပိုသည်ကို ရိပ်မိနေ၏..
               ''ဦးကြီးကျောက် ကျွန်တော်တို့အမြန်နှုန်းနဲ့ဆို သူတို့အဖွဲ့ကို မီနိုင်လောက်ပြီဗျ.. တညနဲ့တနေ့ခင်းလုံး အပြင်းနှင်းလာတာ တကယ်ဆို ကျော်တောင် ကျော်ရတော့မှာ ..'''
               ''သူတို့လည်း ဒို့လိုမြင်းကောင်းနဲ့ အပြေးသွားလို့နေမှာပေါ့ လိုင်လိုင်ရ''

              '''ဟာ.. ကျွန်တော်တို့မြင်းလောက်ကောင်းတာ ၀ူချောင်မှာမရှိနိုင်ဘူး.. ပြီးတော့ အရပ်သားနှစ်ယောက်က မြင်းကို ဒီလောက်ကျွမ်းကျွမ်းကျင်ကျင်စီးနိုင်မှာ မဟုတ်သလို ဟိုကောင်ကလည်း အမြန်သွားမှာမဟုတ်ဘူး ဦးကြီးကျောက် ..ကျွန်တော့် စိတ်ထင် .. ဒီကောင်တွေ တနေနေရာရာမှာ ခိုနေတာထင်တာပဲ ..'''

.         ကျောက်ကျူးထင်မှာ လိုင်လိုင်၏စကားကြောင့် ပြန်စဉ်းစားပြီးနောက်သို့ ပြန်လည့်ရမလိုဖြစ်သွား၏ .. ဟုတ်သည် ဒီအချိန်ဆို မီတန်ကောင်းလှပြီ .. ထိုစဉ် သူ့နားထဲသို့ အသံတစ်သံတိုးဝင်လာသဖြင့်
              လိုင်လိုင်အား လက်ကာပြလိုက်ပြီး .

              ''ခဏနေအုံး နောက်ဘက်မှာ မြင်းခွာသံကြားရတယ် ဒီကောင်တွေလား မသိဘူး..လိုင်လိုင်မင့်ပြောတာ ဖြစ်နိုင်တယ် ဒီကောင် တနေနေရာရာမှာ ခိုရင်း အခုမှ ထွက်လာတာဖြစ်မယ် ..''

             ကျောက်ကျူးထင်၏စကားကြောင့် လိုင်လိုင်မှာ နောက်သို့နားစွင့်လိုက်ရာ အမှန်ပင် ဒုန်းစိုင်းနှင်လာသော မြင်းခွာသံပင် ..

            လိုင်လိုင်ကနောက်ပြန်လှည့်လိုက်ပြီး သတိပေးလိုက်၏ ..
          ''အားဖုန်..အားချန်နဲ့ညီမလေး နောက်မှာ မြင်းခွာသံကြားရတယ် .. ဟိုငနာ တွေအဖွဲ့လားမသိဘူး.. အသင့်ပြင်ထားဟေ့''

          အမှန်တော့ အားကွေ့တို့ ကြွက်ကျွန်းတွင် ဒုက္ခများနေကြချိန်တွင် ကျောက်ကျူးထင်တို့အဖွဲ့ အားကွေ့တို့အားကျော်တက်လာခြင်းဖြစ်သည်.. အကယ်၍အားကွေ့တို့သာ ကြွက်ကျွန်းသို့ မကူးသွားလျှင်သေချာပေါက် သူတို့နှင့်ဆုံမည်သာ ...

           အတန်ကြာမျှစောင့်ဆိုင်းပြီးလျှင် တလိမ့်လိမ့်တက်နေသော ဖုန်လုံးကြီးနှင့် အတူ ရထားလုံးတစ်စင်းကို တွေ့လိုက်ရ၏ .. မောင်းနှင်သူမှာ အနက်ရောင်ဝတ်ရုံ ရှည်ကြီးနှင့် မြင်းရိုက်ကျာပွတ်ကို အဆက်မပြတ်ဝှေ့ရမ်းကာ အရှိန်မလျော့စတမ်း မောင်းလာခြင်းဖြစ်သည်..

              ''လတ်စသတ်တော့ ဒီကောင်တွေက ရထားလုံးနဲ့လာတာကိုးကွ..''

              ကျောက်ကျူးထင်၏ကောက်ချက်အဆုံး၌ လိုင်လိုင်က ဤမျှသားနား သောရထားလုံးကိုတော့ ဟိုကောင် မည်သည့်နည်းနှင့်မျှမစီးနိုင်ဟု တွေးမိ၍ ကန့်ကွက်စကားဆိုရန်ပြင်နေစဉ်တွင် ဟွားဟွားက မပြောမဆိုနှင့် မြင်းပေါ်မှ ခုန်ပျံကာ ရထားလုံးမောင်းသူအား ၀င်ရောက်တိုက်ခိုက်လိုက်၏ .. ဟွားဟွား ၀င်သွား သည်နှင့် အားဖုန်ရော အားချန်ပါ ငြိမ်ကာမနေပါ .. ဘယ်ညာ နှစ်ဖက်ခွဲကာ ဓါးစွမ်း ၀င်ပြကြသည် ..
                 ''ဟိုင်းယား.. ''
                 ''ရော့ဟေ့..''
                 ''လာပြီနော် ..ဒါခွန်လွန်းရဲ့ အသင်္ချေဓါးသိုင်းလို့ခေါ်တယ် ..''
                '' ၀ှီး   ၀ှီး    ၀ှီး''
                  ၀င်းလက်နေသော ဓါးသုံးလက်သည် မြင်းလှည်းမောင်းနေသော အနက်ရောင်ဝတ်ရုံရှင်ထံသို့ တနေရာစီမှခွဲဝင်လာ၏ ..

                 ''ထောက်....ထောက်''

                 မြင်းလှည်းမောင်းသူသည် မထင်မှတ်ဘဲ တိုက်ခိုက်လာသော  ထိုဓါးသုံးလက်အား ရုပ်ပျက်ဆင်းပျက် တိမ်းရှောင်လိုက်ရသည်.. ဟွားဟွား၏ ဓါးချက်ကို သာ လွတ်အောင် ရှောင်တိမ်းနိုင်သော်လည်း အားဖုန်နှင့် အားချန် တို့၏ ဓါးချက်ကိုမူ ကျာပွတ်ဖြင့် ထိုးခံလိုက်ရ၏ ..
                 သူ၏ကျာပွတ်မှာ ဓါးချက်ကြောင့် သုံးပိုင်းပြတ်ထွက်သွားသည်..
                အားဖုန်နှင့်အားချန်မှာသူတို့၏ ဓါးချက် ထိရောက်သော်ကြောင့် လွန်စွာ အားတက်၍ နောက်ထပ်အကွက်သစ်အသုံးပြုရန် ပြင်နေစဉ် လိုင်လိုင် က ၀င်ရောက် တားဆီးလိုက်၏ ..
              ''အားဖုန်..အားချန် ..ညီမလေး ခဏနေအုံး ဒီလူက ဟိုကောင်မဟုတ်ဘူး ''
               ဟွားဟွားက လိုင်လိုင်၏စကားကို မယုံသင်္ကာနှင့် ..
              ''ဒါဆို သူ့ဝတ်ရုံကို ချွတ်ခိုင်းလိုက်လေ ..သူ့ရုပ်မြင်ရရင် ဘယ်သူဆိုတာ သဲကွဲမှာပဲ..''
             လိုင်လိုင်ကာ အနက်ရောင် ၀တ်ရုံရှင်နားသို့သွားကာ ဂါရ၀ါပြုလိုက်ရင်း ..

             ''တောင်းပန်ပါတယ် မိတ်ဆွေကြီး ..ကျွန်တော်တို့နဲ့ ရန်ငြိုးရန်စ ရှိတဲ့ သူနဲု့ မှားသွားလို့ပါ..''

             ထိုလူက လိုင်လိုင်၏ ချောမောပြေပြစ်သောရုပ်နှင့် ဟွားဟွား၏ လှပသော ရုပါကို တလှည့်စီးငေးကြည့်နေပြီးမှ  အသံသြောသြောနှင့် ..

             ''ကိစ္စမရှိပါဘူးဗျာ ..ဘာမှဖြစ်သွားတာမှ မဟုတ်ဘဲ  မိတ်ဆွေတို့ မယုံ သင်္ကာ ဖြစ်မယ်ဆိုလည်း ဖြစ်ချင်စရာပေါ့ဗျာ ကျွန်တော်က ရထားလုံးကို အပြင်း မောင်းလာတာကိုး .. အမှန်တော့ ကျွန်တော်နဲ့ ကျွန်တော့် ညီမလေးနဲ့ ရောဂါဝေဒနာ တခုခံစားနေရလို့ တုံးမင်မှာ ဆေးသွားကုမလို့ပါ .. ''
             အားဖုန်က ထိုလူအနားသို့ကပ်ကာ ..
             ''ဘာရောဂါလည်းဗျ ..ဆေးဝါးကုတဲ့ပညာဆို ကျုပ်တို့နဲ့ မစိမ်းပါဘူး''

             ''အရေပြားရောဂါပါဗျာ .. ကျွန်တော့် ကိုယ်မှာ အနာစိမ်းတွေ ပြည်တွေယို ပြီးလေထိရင် မခံနိုင်အောင် နာနေတာ ..ဒါကြောင့် ဒီဝါတ်ရုံရှည်ကို ၀တ်ထားတာပါ ညီမလေးကတော့ ကျွန်တော့်နားက ကူးသွားပုံရတယ် .. သူ့ခမျာ အရမ်းနုနယ်တော့ ထကိုမထနိုင်ဘူး .. တကယ်လို့ တတ်နိုင်မယ်ဆိုရင် ကျွန်တော့် ညီမလေးကို စစ်ဆေးပေးကြပါလားဗျာ'''
            အားဖုန်မှာ ဆေးဝါးနှင့်ပတ်သက်လာရင် အကျွမ်းကျင်ဆုံး ..လက်တည့် အစမ်းချင်ဆုံး ဖြစ်၍ တက်ကြွကာ မြင်းတွင်ချိတ်ထားသော ဆေးအိတ်ကြီးကို သွား ဖြုတ်ကာ

            ''ကိုင်း .. ဘယ်မှာလည်း ခင်ဗျားညီမ ..''

           '' ရထားလုံးထဲမှာပါ''

             ထိုလူကပြောပြောဆိုဆိုနှင့် ရထားလုံးကို ဖွင့်ပြလိုက်၏ ..
            အားဖုန်မှာ ရထားလုံးထဲကို ကြည့်ပြီး ပါးစပ်အဟောင်းသားနှင့်ဖြစ်ကာ

            ''အလို .. ဘယ်လိုလှလိုက်တဲ့ မိန်းကလေးပါလိမ့်..''

              အားချန် ..လိုင်လိုင်နှင့်ဟွားဟွားတို့မှာ  အားဖုန်၏ စကားကြောင့် လွန်စွာ စိတ်ဝင်စားသွားပြီး သွားကြည့်ရှု့ကြ၏ .. မည်မျှလောက်လောက်လှသည့် မိန်းကလေး မို့လည်း ..
                ရထားလုံးအတွင်းပိုင်းသည် အပြင်ပိုင်းထက် ပို၍သားနားသေးသည် မွှေးကြိုင်လှပလျှက်ရှိ၏ ..အပြာရောင် ကတ္တီပါသားများကို အတွင်းခန်းတခန်းလုံး ကပ်ထားကာ  အောက်တွင်  လဲ့မှိုအစာသွပ်ထားသည့် ထိုင်ခုံပျော့များ တပ်ဆင်ထား သည်..  အတွင်းခန်း တွင် မိန်းကလေးတစ်ယောက် ပုဝါရမ်းကာ ကနေသည့်ပုံကို ကြေးပြားကြီး ဖြင့် ပုံဖော်ထား၏..  ထိုင်ခုံရှည်ကြီး တစ်ခုပေါ်တွင်မူ မိန်းကလေးတစ်ယောက် မျက်စိမှိတ်ကာ လဲလျောင်းနေသည်..

                လှပသည်ဟူသော စကားသည် ထိုမိန်းကလေးအတွက် အသုံးပြုရန် သင့်တော်သော စကားလုံးမဟုတ်ပါ.. သိမ်မွေ့ခြင်း ..ကျက်သရေရှိခြင်း ခန့်ညားခြင်း
နူးညံ့ခြင်း အစရှိသည့်စကားလုံးကိုသာ အသုံးပြုရမည်ထင်၏ .. လူငယ်တစ်စုမှာ ရထားလုံးပေါ်မှ မိန်းကလေးကိုသာ ငေးကြည့်နေမိသည် ... မိန်းမသားခြင်း ဖြစ်သော ဟွားဟွားပင်လျှင် ထိုမိန်းကလေး၏ မျက်နှာကို ကြည့်မ၀ပါပေ..

               သူတို့အား ရပ်စောင့်နေသော ကျောက်ကျူးထင် မှာ ရထားအတွင်း မည်သည်ကို တွေ့၍ ဤသို့ကြည့်နေကြသနည်းဟု သူလည်း စိတ်ဝင်တစား လာကြည့် လေသည် .. တံခါးပေါက်ဝ သို့ရောက်သည်နှင့် ကျောက်ကျူးထင်မှာ  မျက်နှာကွက်ကနဲ ပျက်သွားပြီး ...

                  ''မြန်မြန်နောက်ဆုတ်ကြ .. ''

                ဟုအော်ပြီးနောက် ရထားလုံးမောင်းသူအား အတွင်းအား အကုန်ထုတ် ကာ ထိုးနှက်လိုက်သည်. ..

                 ''ဖောင်း..ဖောင်း..ဖောင်း''

                 ရထားလုံးမောင်းသူမှာ ကျောက်ကျူးထင် တိုက်ခိုက်လာမည်ကို ကြိုတင် ရိပ်မိ၍သာ တော်တော့၏ .. မဟုတ်လျှင် ထိုလက်သီးချက်ထိမှန်၍ အသက်မည်သို့ ထွက်သွားမည်ကိုပင်သိမည်မဟုတ်ပါ..

                  အားဖုန်..အားချန်..လိုင်လိုင်နှင့် ဟွားဟွားတို့မှာ မည်သည့်အတွက် ကြောင့်မှန်းမသိ လူတကိုယ်လုံး အားအင်ချိနဲ့ကာ မူးယစ်ရီဝေလာနေသည်.. ခဏမျှ ကြာလျှင်လေးယောက်သား မြေပြင်ပေါ်သို့ လဲကျသွားတော့၏ ..

                      ကျောက်ကျူးထင်မှာ ရထားလုံးတံခါးဝသို့ရောက်လျှင်ပင် သူ၏ နှာဝကို ကလူကြည်ဆယ်ပြုလာသော အနံ့မှာ မေ့ဆေးရနံ့ဟုခွဲခြားသိလိုက်သည် ... ထို့ကြောင့် ရထားလုံးမောင်းသူကို တိုက်ခိုက်လိုက်ခြင်းဖြစ်၏ ..

              ''ယား..သေစမ်း ..အယုတ်တမာကောင်..''
              ''၀ှစ်..၀ှစ်..၀ှစ်''
     
                      အနက်ရောင် ၀တ်စုံရှင်မှာ ကိုယ်ဖော့ပညာအဆင့်မြင့်သူဖြစ်၍ ကျောက်ကျူးထင်၏ လက်သီးချက်များကို နောက်ဆုတ်ကာ ရှောင်တိမ်းနေရသည် .. သို့သော် သူမည်မျှနောက်ဆုတ်နိုင်မည်နည်း .. ခြေလှမ်းငါးမျှ ဆုတ်ပြီးသည်နှင့် နောက်တွင် သစ်ပင်ကြီးတစ်ပင်က ခံနေ၏ .. ကျောက်ကျူးထင်က ပြုံးလိုက်ပြီး သူ၏အဝေးရောက်လက်သီးဖြင့် အားကုန်ထိုးထည့်လိုက်သည်..

                    အနက်ရောင်ဝတ်စုံရှင်မှာ သူ၏မေ့ဆေးကို ရှူရှိုက်မိသွားသော်လည်း ယခုချိန်ထိ ထိုးနှက်နိုင်သေးသော ကျောက်ကျူးထင်၏ အတွင်းအားပညာကို အကြောက်ကြီးကြောက်သွား၏ .. ကြောက်နေလည်း အပိုပင် သူ့မှာ ထိုလက်သီး ချက်ကို မည်သို့မျှ နောက်ဆုတ်ရှောင်နိုင်တော့မည်မဟုတ်ပါ ...

                မျက်စိမှိတ်ကာ ကျောက်ကျူးထင်၏လက်သီးချက်ကို မျှော်လင့်နေသော ရထားလုံးမောင်းသူသည် အတန်ကြာသည်အထိ လက်သီးချက် ရောက်မလာသေး သောကြောင့် မျက်လုံးကို ဖွင့်ကြည့်လိုက်ရာ ကျောက်ကျူးထင်မှာ မတ်တပ်ရပ်လျှက် သတိလစ်မေ့မျောနေသည်ကို တွေ့လိုက်ရ၏ ..

                    အနက်ရောင်ဝတ်စုံရှင်မှာ ခြေတုန် လက်တုန်ဖြစ်ကာ တဒိတ်ဒိတ်ခုန် နေသော သူ၏နှလုံးသား ပေါက်ထွက်မလာအောင် လက်ဖြင့် ဖိ၍ 'ရထားလုံးဆီသို့ သုတ်ခြေတင်ပြေးတော့သည် .. ကံကောင်း၍ သူ၏အသက်တစ်ချောင်း ပြန်လည် ကောက်ရခဲ့ခြင်းမဟုတ်လား .. ရထားလုံးနားသို့ရောက်သည်နှင့် မည်သည်ကို မှ မစဉ်းစားနိုင် ဟွားဟွားကို ပွေ့ချီကာ အတွင်းထည့်၍ ဒုန်းစိုင်းမောင်း တော့သည်....

                   သူထွက်သွားလိုက်သည်နှင့် ..''၀ုန်း ..''ကနဲမြည်ကာ ကျောက်ကျူးထင် တစ်ယောက် နောက်ပြန်လဲကျသွား၏
                    မြေပြင်ပေါ်တွင် လူလေးယောက် ဖရိုဖရဲနှင့် လဲနေကြပါသည်..

=======================
 
                   အားကွေ့က ရထားလုံးထွက်သွားသည်နှင့် ဘကြီးနန်ဘက် လှည့်၍
            ''ကိုင်း..ဘကြီးနန် ကျွန်တော်တို့ ကိစ္စအဖြေပြန်ရှာကြအုံးစို့ ..''
              ဘကြီးနန်က နောက်ဆုံးတစ်ခုထဲသော ကျန်တော့သည့် ငါးကင်ကို အားကွေ့လက်ထဲထည့်ကာ ..
             '' ရေထဲမျောမယ့် အစီအစဉ်ကို မင်းပြောရမှာလေ ..လုပ်စမ်းပါအုံး ''
              အားကွေ့က ငါးအရိုးကိုနွင်လိုက်ရင်း ..
               ''အစီအစဉ်ကဒီလိုဗျ ..  သိပ်မကြာခင် လေးငါးဆယ်ရက်လောက်ဆို ဒီကောင်တွေ ဇာတ်တူသားပြန်စားရတော့မယ့် အခြေအနေမျိုးရောက်တော့မယ် .. အဲ့ခါကြရင် အဲ့ကြွက်တွေ ဒီဘက်ကမ်းကို ကူးဖို့ အာသီတရှိလာမှပဲ ..  အဲ့အချိန်မှာ ကျွန်တော်တို့က ကူးဖို့ လုပ်ပေးရမယ် .. ''

                  သွားကျိုးက အားကွေ့အား ရူးများသွားသလားဟု ကြည့်ကာ

                 ''အကိုအားကွေ့ ဘယ်လိုအစီအစဉ်ကြီးလဲဗျာ .. မဟုတ်သေးပါဘူး''

                  ''ဟားဟားဟားဟား ..မင်းကဆုံးအောင်မှ နားမထောင်ဘဲ .. ဒီလိုကွ.. အခုငါတို့မှာ လှေအစင်းပေါင်း တရာကျော်နှစ်ရာနီးပါးရှိတယ် ..အဲ့လှေတွေကို ဟိုဘက် ကျွန်းနဲ့တဆက်ထဲဖြစ်အောင် စီတန်းလို့ရတယ် .. ငါတို့ဘက် ကမ်းကနေ လှေကို စစီမယ်ကွာ.. နွေဝင်တော့မှာမို့ ရေပါးပြီး ရေစီးတန့်နေတော့ ကြိုးနဲ့တုပ်ထား ရုံနဲ့  လှေမမျောလောက်ဘူး .. အစီးတရာ့ရှစ်ဆယ်လောက်ဆိုရင် ကျွန်းနဲ့ကမ်းနဲ့ ဆက်ပြီ .. အဲလို ဆက်သွားတာနဲ့ ကြွက်တွေက လှေတွေပေါ်တက်ပြီး ဒီဘက်ကမ်းကို ရောက်အောင် ပြေးကြမှာပဲ .. ဒီဘက်ဆုံးလှေပေါ် မရောက်မခြင်း ကူးခိုင်းထားမယ် .. ဒီကောင်တွေ လှေတရာ့ရှစ်ဆယ်လုံးအပြည့်ရောက်တဲ့ အချိန်မှာ ပထမဆုံးလှေနဲ့ နောက်ဆုံးလှေကို ခဲအကြီးကြီးနဲ့ပေါက်ခွဲပြီး နစ်ပစ်လိုက်မယ်ကွာ .. ဟိုဘက်ကူးမရ ဒီဘက်ကူးမရနဲ့ ကျန်ခဲ့တဲ့ကြွက်တွေကို မင်းစိတ်ကြိုက် ရှုင်းလို့ရပြီ  လှေပေါ်မှာ မီးလောင်တတ်တဲ့ ကောက်ရိုးတင်ပြီး အဝေးကနေ မီးမျှားနဲ့ ပစ်မလား .. ဒါမှမဟုတ်လှေပေါ်မှာ အပေါက်သေးသေးလေးဖေါက်ထားပြီး တဖြည်းဖြည်းရေနစ် သေခိုင်းမလား .. နှစ်မျိုးစလုံး သုံးအုံးမလားရတယ် .. အဲ့ ငါတို့လုပ်ရမှာ တခုထဲ ဟိုဘက်ကျွန်းမှာ လှေတစ်စီးနေ .. ဒီဘက်ကမ်းမှာ လှေတစ်စီးနေ .. အချက်ပြပြီးရင် တပြိုက်နက် ထိပ်ဆုံး နောက်ဆုံးလှေကို ခဲနဲ့ပေါက်ခွဲဖို့ပဲ .. ''

                ရှည်လျားစွာပြောပြီးနောက် အားကွေ့က ငါးကင်ကို ပါးစပ်ထည့်ဝါးလိုက် သည်..

               မိန်းကလေးပိုင်က အရက်ဗူးအခွံကို သွားကျိုးနားက တောင်းယူကာ မြစ်အတွင်း ရေအသန့်ဆုံးနေရာမှ ရေကြည်သွားခပ်နေ၏ .. ပြီးနောက် အားကွေ့အား ကမ်းပေးလိုက်ရာ  အားကွေ့က ပြုံးပြပြီး ..
               ''အခြင်းခြင်းတွေမို့ ကျေးဇူးတင်စကားမပြောတော့ဘူးနော် မိန်းကလေး ပိုင်..''
               မိန်းကလေးပိုင်မှာ အားကွေ့စကားအားသဘောကျစွာ ရယ်နေမိသည်..
သူတို့နှစ်ယောက် တဖြည်းဖြည်းနှင့် ရင်းနှီးမှုပိုပို တိုးလာပြီမဟုတ်လား ..
             
                  ဘကြီးနန်က မျက်မှောက်ကုတ်စဉ်းစားနေရာမှ
                 ''အင်းပြောတဲ့အစီအစဉ်နှစ်ခုစလုံးက နည်းနည်းတော့ လက်ဝင်ပေမယ့် စဉ်းစားကြည့်တော့လည်း တော်တော် ဖြစ်နိုင်တယ်ကွ ... ကြွက်တွေ အကုန်မသေရင် တောင် ကျန်ခဲ့တဲ့ ပမာဏတော်တော်နည်းသွားပြီ .. ကျန်တဲ့ကြွက်တွေကိုတော့ ငါတို့တွေ တစ်ကောင်ခြင်း လိုက်ရိုက်သတ်ရုံပဲ ..''
                သွားကျိုးကလည်း တက်ကြွစွာ ..
                 ''တွေ့တယ်မို့လား ဘကြီးနန် ကျွန်တော့်အကိုအားကွေ့ ဉာဏ်ဘယ် လောက်ကောင်းမှန်း ..''
                 အားကွေ့ကသွားကျိုး၏ ကိုယ့်ငါးချဉ် ကိုယ်ချဉ်မှုကြောင့် ..
                 ''သွားကျိုးရယ် ..မင်းကလည်း အကြွားမစောပါနဲ့အုံး အစီအစဉ် အောင်မြင်မှ ကြွားရတယ်..''
                 ဘကြီးနန်က ကျွန်းဘက်ကို မျှော်ကြည့်ရင်း ..
               ''ဘာပဲပြောပြော သွားကျိုးပြောတာကအမှန်ပဲကွ .. ငါတို့ဖြင့် မင်းလို မစဉ်းစားမိပေါင်.. ''
                ''ကဲ .. ဒါဆို ကျွန်တော်တို့ ကျွန်း နဲ့ ဒီဘက်ကမ်းနဲ့. ဘယ်လောက် ကွာတယ် .. ကျွန်းအနေအထားကို နောက်တစ်ခေါက်ပြန် လေ့လာကြအုံးစို့ .. ကျွန်းပေါ်ကို မတက်ဘဲနဲ့ပေါ့..''  

                 ဘကြီးနန်က ထရပ်လိုက်ပြီး
                ''မင်းနဲ့ မိန်းကလေးပိုင်သာနေရစ်ခဲ့ပါကွာ ..ငါနဲ့သွားကျိုးနဲ့ သွားလေ့လာလိုက်မယ်  ..ကျွန်းကမ်းစပ်မှာ ကျန်ခဲ့တဲ့ ငါ့ဓါးတစ်လက်ပါ ပြန်ရရင် ရနိုင်တယ် .. ''
               အားကွေ့ကဘကြီးနန်၏ကျောတွင် ကျန်နေသေးသော ဓါးတလက်ကို ကြည့်ကာ ..
              '' ဘကြီးနန်က ဓါးနှစ်လက်သမားလား ..''
               ''မဟုတ်ဘူးကွ ..ငါက ဓါးသုံးလက်သမား .. ''
               ထိုသို့အော်ပြောလိုက်ပြီး ဘကြီးနန်ကလှေပေါ်ခုန်တက်၍ ..
             ''ဟေ့ကောင် သွားကျိုး ..လာလေကွာ .. မင်းက အစားကြတော့ ထိပ် အလုပ်ကြတော့ ဘိတ် မလုပ်စမ်းပါနဲ့ ..ဒီထဲမှာ မင်းနဲ့ငါနဲ့ အစားအများဆုံးကွ..''
             ''လာပါပြီဗျာ .. လာပါပြီ .. အစာတောင် မကြေသေးဘူး ဘကြီးနန်ရယ်..''
             
            လှော်ခတ်၍သွားနေသော လှေကို ကြည့်ရင်း မိန်းကလေးပိုင်က
          ''အကိုအားကွေ့ .. ဒီနေ့တနေကုန် ရေမချိုးရသေးဘူးမို့လား.. ''
           အားကွေ့က မိန်းကလေးပိုင်စကားကြောင့် ကိုယ့်ကိုယ်ကိုယ် ပြန်ငုံ့ကြည့်ရင်း
        ''ဟဲဟဲ ..ဒီနေ့မှ မဟုတ်ဘူး ရေမချိုးတဲ့ရက်တွေက များလှပြီ .. ''
            မိန်းကလေးပိုင်က အားကွေ့အား မျက်စောင်းထိုးလိုက်ကာ  နှာခေါင်းရှုံ့၍
         ''ညစ်ပတ်လိုက်တာ ..အကိုအားကွေ့ကတော့ .. အခုမြစ်ဘေးနား ရောက်တုံး ရေသွားချိုးလေ .. ကျွန်မ အကို့ရဲ့ အ၀တ်အစား အပေါက်အပြဲတွေ ပြန်ချုပ်ပေး ထားမယ် .. ကျွန်မမှာ အပ်ရောအပ်ချည်ရောပါတယ်''
            အားကွေ့ကသဘောကျကာ
           ''ကောင်းပြီလေ ဒါဆို ရေသွားချိုးလိုက်အုံးမယ် ..မိန်းကလေးပိုင် ကျုပ်ရဲ့ အင်္ကျီကိုတော့ ယူပြီး ထွက်မပြေးသွားနဲ့နော် .. ''

          ''ဟွန်း .. ယူနေအုံးမယ် အားကြီးကြီး..''
         
          မေးလေးထိုးကာပြောလိုက်သော မိန်းကလေးပိုင်၏ ချစ်စဖွယ်အမူအယာကို ကြည့်ရင်း အားကွေ့ကသူ၏ အင်္ကျီကို ချွတ်ချလိုက်သည်.. ကျစ်လစ်တောင့်တင်း သော အားကွေ့၏ ကိုယ်ခန္ဓာက မိန်းကလေးပိုင်အား ရှက်သွားစေ၏ .. အားကွေ့အား မ၀ံ့မရဲကြည့်ပြီး

        ''အိုး ..ဘာလို့ဒီလို ချွတ်လိုက်ရတာလဲလို့ ..''

        ''အလိုလေးဗျာ ..သူပဲ အင်္ကျီချုပ်ပေးမယ်ဆိုလို့ ပေးရသေးတယ် ..''

         ရယ်ကျဲကျဲနှင့် အင်္ကျီကိုပေးကာ အားကွေ့ မြစ်ထဲသို့ ဂျွမ်းပစ်ဆင်းသွား၏ ..
        အင်္ကျီမပါသည်ကမှ အားကွေ့တစ်ယောက်  ပိုကြည့်ကောင်းနေသည်မို့ မိန်းကလေးပိုင်မှာ အစုတ်အပြဲကို ဖာထေးရင်း ခိုးခိုးကြည့်နေမိသည်..

           အားကွေ့ကတော့ အနှစ်နှစ် အလလ ကပ်ညှိနေသော ဂျီးညှော်များအား ကျောက်ခဲကြမ်းကြမ်းနှင့် တိုက်ပွတ်ချွတ်နေ၏ .. အတန်ကြာမျှကူးခတ်တိုက်ချွတ်ပြီး နောက် စိတ်လက်ပေါ့ပါးသွား၍ အားကွေ့ ကမ်းပေါ်ပြန်တက်လာသည် ..
          မိန်းကလေးပိုင်က ဖာထေးပြီးသွားသော အင်္ကျီကို အားကွေ့အား ပြန်ပေးလိုက်၏.. ထို့နောက်သူတို့နှစ်ယောက် လမ်းမကြီးပေါ်တက်ကာ ယှဉ်တွဲ လမ်းလျောက်နေကြသည်..
        မိန်းကလေးပိုင်မှာ လမ်းလျောက်နေရာမှ ရှေ့ဆီကို မျှော်ကြည့်ပြီး ..
       ''အကိုအားကွေ့ ..ရှေ့က ဖုန်တထောင်းထောင်းနဲ့ ပြေးလာတာ ဘာကြီးလဲ .. သိပ်မြန်တာပဲ ..''
        အားကွေ့က မျက်မှောက်ကုတ်ကာ စိုက်ကြည့်လိုက်ကာ ..
       ''လူ မိန်းကလေးပိုင် .. လူမှ ကိုယ်ဖော့ပညာ အထွဋ်အထိပ်ရောက်နေတဲ့လူ .. ဘုန်းဘုန်းရွှီကြွင်းထက်တောင်သာဖို့ပဲရှိတယ်.. ကြောက်စရာကြီးပါလား ..''
        အရိပ်မကမြန်သော အရာကြီးသည် အားကွေ့နှင့်မိန်းကလေးပိုင်အား ဖြတ်ကျော်ကာသွားသည် ... မိန်းကလေးပိုင်က ထိုလူကို သဲသဲကွဲကွဲ မမြင်လိုက်ရ သော်လည်း အားကွေ့က သူတောင်းစား အဘိုးကြီးမှန်းသိလိုက်ရ၏..
       ''အင်း.. ဒီတိုင်းဆိုရင် ..သိုင်းလောကမှာ သိုင်းပညာ အထွဋ်အထိပ်ရောက်နေ တဲ့လူတွေ အများကြီးရှိသေးတာပဲ .. စောနက သူတောင်းစားအို .. ပြီးတော့ ဘကြီးနန် .. နောက်ထပ်ဘယ်သူတွေများကျန်သေးလည်းမသိဘူး ..ငါလည်း တော်တော်ကျိုးစားရအုံးမယ် . ''
         ဟုတွေးနေစဉ် သူတို့အား ဖြတ်ကျော်သွားသော အရိပ်ကြီးသည် သူတို့စီသို့ ဦးတည်ပြန်ခဲ့သည်ကို တွေ့လိုက်ရ၏ .. အားကွေ့က သူ့အရှေ့၌ရပ်နေသော သူတောင်းစား အဘိုးကြီးအားဂါရ၀ပြုလိုက်ရင်း ..
          ''ဘာအကူအညီပေးရမလဲ ဆရာကြီးခင်ဗျား..''
          သူတောင်းစားအိုကြီးက သူ့အားစိမ်းစိမ်းကြည့်ကာ...
         ''မင်းက အားကွေ့မဟုတ်လား ..''
          အားကွေ့မှာ သူ့နာမည်ကို သိနေသော သူတောင်းစားအိုကြီးအား အံ့အော စွာကြည့်ပြီး ..
         ''ဟုတ်ကဲ့ ..ကျွန်တော် အားကွေ့ ..''
         ''ဖျန်း..''
          ''အ''
         စကားပင်မဆုံးသေး လျှပ်ပစ်သလိုမြန်သော လက်ဖ၀ါးက အားကွေ့ပါးအား ရိုက်သွားသည်..
       အားကွေ့မှာ မြန်လွန်းလှသည်ကတစ်ကြောင်း တိုက်ခိုက်မည်ဟု မထင်ထားသည် ကတကြောင်း .. ထိထိမိမိကြီးအရိုက်ခံလိုက်ရ၏ .. အတွင်းအား အပြည့်မပါ၍သာတော်တော့၏.. အားကွေ့မှာ နူတ်ခမ်းမှသွေးများပင် ထွက်လာပြီး ဖင်ထိုင်ရက်လဲကျသွားသည် ..
       ''ထွီ   .. ခွေးလိုကောင် ..ကျင်းကျူးမျက်နှာသာမရှိရင် ငါရိုက်သတ်တာကြာပြီ .. ဟိုက မင်းကြောင့် ဒုက္ခရောက်နေတဲ့အချိန်မှာ မင်းက မိန်းကလေးတစ်ယောက်နဲ့ အပန်းဖြေလမ်းလျှောက်နေတယ် ဟုတ်လား..''
          ''ဗျာ..'''
        ကြားလိုက်ရသော စကားကြောင့် အားကွေ့မှာ နာကျဉ်သောဝေဒနာ ဘယ်ရောက်သွားမှန်းပင်မသိလိုက်တော့ပေ..

==================