အားအကွေ့ အပိုင်း (၉၆ မှ ၁၀၀ ထိ)

#96A ( အစ၏အဆုံး ..အဆုံး၏အစ )

              ယင်းအခိုက် လူနှစ်ယောက်အနက် ယာဘက် တစ်ယောက်မှ ..

            '''ဒီအိမ်မှာ မိန်းကလေးနှစ်ယောက်ရှိတယ် ကြားတယ် .. တစ်ယောက်တော့ တွေ့ပြီ ...နောက်တစ်ယောက်က ဘယ်မှာလဲ ပြောစမ်းမိန်းကလေး..''

              အသံမှာ ယောင်္ကျားသံဖြစ်သော်လည်း စူးရှလွန်း၏ .. ရှောင်မိန်က သူမ၏ခါးကြားမှ စွတ်စွတ်ဖြူနေသော လက်အိတ်ကို ထုတ်ကာ ၀တ်ဆင်နေရင်းနှင့်

            ''မိန်းကလေးနှစ်ယောက်လည်း မသိဘူး ..သုံးယောက်လည်းမသိဘူး ..ခုလောလောဆယ်တော့ ငါတစ်ယောက်ထဲပဲ ..နင်တို့ကို ရှင်းရှင်းပဲ ပြောလိုက်မယ် ..အခုချက်ခြင်း ဒီခြံဝင်းထဲက ထွက်သွား .. မဟုတ်ရင်တော့ နင်တို့ကို ငါသတ်ရလိမ့်မယ်..''

              ရှောင်မိန်၏ စကားမှာ ထိုလူနှစ်ယောက်အတွက် ဟာသ တစ်ပုဒ်ဖြစ်သွားပုံရ၏... တဟားဟား ရယ်ရင်း ရှေ့သို့ ဆက်တိုးလာကြသည်..
ထိုလူနှစ်ယောက်မှာ ပုဝူးလူသွဲ့၏ စနက်အရကျင်းကျူးကို လာရောက်ဖမ်းဆီး ကြသော   နရန်ဂိုဏ်းသားနှစ်ယောက်ဖြစ်လေသည်.. ရှောင်မိန်မှာ ဆိုခဲစေမြဲစေ ဟူသော စကားပုံနှင့်အညီ ဆက်မပြောတော့ဘဲ သူမ၏ကိုယ်ခန္ဓာကို တချက်လှုပ်လိုက်၏... အမြင်၌သာ လှုပ်ခတ်ရုံရှိသည်..သူမ၏ တကိုယ်လုံး လေပေါ်သို့မြောက်တက်သွားပြီးနောက် လေပေါ်မှ ဦးစိုက်ကာ နရန်ဂိုဏ်းသား နှစ်ယောက်ထံသို့ ၀ါးလုံးထိုး ၀င်သွားလေ၏.. သူမအသွင်မှာ  ကောင်းကင်ပေါ်တွင် ပျံဝဲနေသော သိမ်းငှက်ကြီးမှ မြေပြင်ရှိ အမဲကောင်အား သုတ်ချီရန် ဦးစိုက်ထိုးဆင်လာ သည်နှင့် တပုံထဲပင်...

              ''ဖတ်...''

              ''၀ှီး...၀ှီး...၀ှီး..''
             
              ရှောင်မိန်၏ လှုပ်ရှားပုံမှာ မြန်ဆန်လွန်းလှသောကြောင့်  နရန်ဂိုဏ်းသား နှစ်ယောက်သည် အငိုက်မိလုလုပင် ဖြစ်သွားရ၏.. ရှောင်မိန်၏ အဖြူရောင် လက်နှစ်ဖက် သူတို့မျက်နှာအား ဆွဲကုတ်လုဆဲဆဲတွင်မှာ မြေပေါ်သို့ ၀မ်းလျားပစ် လူးလိမ့်ရှောင်တိမ်းလိုက်ရသည်.. သူတို့နှစ်ယောက်လုံး အသဲတုန်အူတုန်ဖြစ်သွား သည်တော့အမှန် ... သူတို့သိထားသည့် သတင်းနှင့် လက်တွေ့တွင် ကြုံလိုက်ရသည်မှာ ဆန့်ကျင်ဘက်မဟုတ်လား ..  နေပြည်တော်မှ စာပို့ သိမ်းငှက်ရောက်လာစဉ်က ၀ူချောင်တွင် မိန်းကလေးနှစ်ယောက်ကို ဖမ်းဆီးရမည် ..ထိုမိန်းကလေးနှစ်ယောက်လုံး သာမာန်မိန်းကလေးသာဖြစ်သည်ဟုသာဖော်ပြထား သည်လေ ..ယခုလက်တွေ့တွင်တော့ မိန်းကလေးတစ်ယောက်နှင့် စတွေ့တွေ့ခြင်းပင် မျက်နှာအရေပြား စုတ်ပြဲလုလုဖြစ်သွားရသည်လေ...

                 နရန်ဂိုဏ်းသားနှစ်ယောက်မှာ အတွေးစတို့ကို ရပ်ဆိုင်းလိုက်ပြီး မာန်သွင်းသံနှင့်အတူ မြေပြင်ပေါ်မှ ခုန်ထ၍ သူတို့၏ လက်အစုံကို ရမ်းခါလိုက်ကြ၏

                ''ယား...ဟိတ်...''

                ''၀ှစ်...၀ှစ်...၀ှစ်..၀ှီး..''

                '' ချွမ်း...ချွမ်း.. ချွမ်း..ချွမ်း..''

                 သံမဏိလွှစက်ဝိုင်းလေးစုံမှာ တ၀ှီဝှီလည်ပတ်ကာ ရှောင်မိန်၏ ဦးခေါင်း ရင်ဘတ် ခါး  နှင့် ဒူးဆစ်နေရာသို့ ပြေးဝင်လာလေသည်..  လွှစက်ပိုင်းများ၏ လည်ပတ်နှုန်းမှာအရိပ်မထင်အောင် မြန်ဆန်လွန်းလှ၏ .. သို့သော် ရှောင်မိန်၏ အဖြူရောင်လက်အစုံက ထိုလွှသွားများထက် နှစ်ဆခန့်ပိုမြန်လှရာ သံသံခြင်း ထိတွေ့သံ လေးချက်တိတိထွက်လာပြီးနောက် နရန်ဂိုဏ်းသားတို့၏ လျှက်တပြက် တိုက်ကွက် က မူရင်းပစ်မှတ်နှင့်လွဲချော်သွားတော့သည်.. ရှောင်မိန်ကို ထိရမည့်အစား သူမ၏ နဘေးရှိ ဂန္တမာပန်းပင်များကိုသာ ဖြတ်တောက်သွားရ၏.. ရှောင်မိန်မှာ လွှသွားလေးစုံကို နေရာမှ တလက်မမှ မရွေ့ရဘဲ အသာအယာ ပုတ်ဖယ်လိုက်ခြင်း ဖြစ်သည်..

             ''ဟင်းဟင်းဟင်းဟင်း.. နင်တို့ရဲ့လွှသွားတွေက ပန်းပင်တွေကိုတော့  အဖြတ်နိုင်သားပဲ .. မဆိုးပါဘူး..နင်တို့အဆင့်နဲ့ဆို ဒီခြံထဲမှာ ဥယျဉ်မှူးအလုပ်လာ လျှောက်လို့ရနိုင်တယ်..''

             နရန်ဂိုဏ်းသားတို့မှာ ရှောင်မိန်၏စကားနာထိုးမှုကိုပင် ခွန်းတုံ့ မပြန်နိုင်အောင် ဆွံ့အ နေမိသည် .. သူတို့ကို အံ့အားသင့်စေသည့် အချက်က ရှောင်မိန်၏အဖြူရောင်လက်အိတ်သည် မည်သည်နှင့်ယက်လုပ်ထားသနည်းဟုသာ .. သူတို့လက်ထဲမှ သံမဏိလွှစက်ဝိုင်းလက်နက်သည် တော်ရုံဓါးလှံတို့ကိုပင် အပိုင်းအပိုင်းပြတ်တောက်သွားစေနိုင်သည်အထိ ထက်မြလွန်းလှပါ၏ .. သို့သော် ပါးလွှာသော အဖြူရောင်လက်အိတ်တစုံက ထိုထက်မြသည့် လွှသွားများကို တားဆီးနိုင်ခဲ့သည်မဟုတ်လား .. ယင်းသို့ သူတို့စဉ်းစားနေခိုက် ရှောင်မိန်က လက်ဦးမှုရယူကာ ၀င်ရောက်တိုက်ခိုက်လိုက်သည်..

                 ''ဟိတ်.. ''
                 ''၀ှီး..၀ှီး..၀ှီး..၀ှီး..''
                ''ထန်း..ထန်း..ထန်း..ထန်း..''

                နရန်ဂိုဏ်းသားနှစ်ယောက်မှာ သူတို့တကိုယ်လုံးကို လွှမ်းခြုံလာသော လက်အစုံကို သူတို့လက်နက်နှင့် ရိုက်ဖယ်ခတ်ထုတ်နေရ၏..  ရှောင်မိန်၏ သိုင်းကွက် မည်မျှ မြန်သည် မမြန်သည်မသိ သူတို့မျက်စိထဲတွင် အဖြူရောင် အရိပ်ကိုသာ မြင်ရတော့သည် ... တခဏခြင်း၌ပင် သိုင်းကွက်ပေါင်း ရှစ်ဆယ်မျှ တိုက်ခိုက်ပြီးဖြစ်၏.. နှစ်ယောက်မို့သာတော်တော့သည်  ..တစ်ယောက်ခြင်းဆိုလျှင် သိုင်းကွက် ထိုသိုင်းကွက် ရှစ်ဆယ်အတွင်း အသက်ထွက်နိုင်သည်..

              ''ရွှီး ....''

              နရန်ဂိုဏ်းသားနှစ်ယောက်မှာ လေချွန်သံ တစ်ချက်ပြုကာ နောက်တို့ပြိုင်တူ ခုန်ဆုတ်လိုက်ကြ၏ ..သူတို့၏ ရည်ရွယ်ချက်မှာ သိုင်းကွက်
ပြောင်းကာ ခံစစ်မှ တိုက်စစ်မြင့်တက်ရန်ပင် .. ရှောင်မိန်ကလည်း ထိုအကွက်ကို သဘောပေါက်သည်နှင့် နည်းနည်းမှ အလွတ်မပေး .. ထိုသူတို့ တိုက်စစ်မမြင့်နိုင်ရန် သူမ၏ လက်အစုံဖြင့် မနားတမ်းပင် ဖိအားပေးနေသည်.. ယင်းအခိုက် ရှောင်မိန်က

             ''ကဲ ..အချိန်ကြာတယ် ..နင်တို့နှစ်ကောင် သေပေရော့..''

            ဟုအော်ကာ သူမ၏သိုင်းကွက်ကို တဆင့်မြင့်တင်လိုက်၏.. သူမသိုင်းကွက် ပြောင်းလိုက်သည်နှင့် လေထဲတွင် ရာထောင်မကသော လက်ရိပ်များပေါ်လာကာ  နရန်ဂိုဏ်းသားနှစ်ယောက်လုံး၏ အသက်ရှုနှုန်းကို မွန်းကြပ်သွားစေတော့သည် .. နရန်ဂိုဏ်းသားထဲမှ တစ်ယောက်မှာ လက်ရိပ်များကို မြင်သည်နှင့် .. တုန်လှုပ်ခြောက်ခြားသံဖြင့်....

              '''အရိုးဖြူလက်သည်းသိုင်း ..ဒါ..ဒါ ..အရိုးဖြူလက်သည်းသိုင်း .. ''

               '''ဟင်း..ဟင်း..ဟင်း..ဟင်း.. ဟုတ်တယ် .ဒါ အရိုးဖြူလက်သည်းသိုင်းပဲ''
               
                ရှောင်မိန်၏ အဖြေစကားကို ကြားသိပြီးသည့်နောက် .. ထိုနရန်ဂိုဏ်းသားမှာ သူ့ဝဲဘက်လက်ဖြင့် သူ့ယာဘက်လက်အား ရိုက်ချိုးလိုက်တော့သည်..

              ''ဂျွပ်..''

               လွှသွားလက်နက်မှာ လက်တွင်ပတ်ချည်ထားသည်မို့ ကျိုးသွားသော လက်နှင့်အတူ အောက်သို့တွဲရွဲ ကျနေ၏... ကျန်နရန်ဂိုဏ်းသား တစ်ယောက်ကတော့ ထိုအဖြစ်အပျက်ကို နားမလည်နို်င်သော မျက်လုံးနှင့် စိုက်ကြည့်နေမိသည်..

               ယာဘက်လက်ကျိုးသွားသော နရန်ဂိုဏ်းသားက ရှောင်မိန်ရှေ့တွင် ဒူးထောက်လိုက်ပြီး ...

               ''အမှောင်သခင်မလေးရဲ့ လက်စွဲတော်မမလေးမှန်း မသိလို့ ကျွန်တော်တို့ကို ခွင့်လွတ်ပါဗျာ .. ''

            ထိုအခါမှ ကျန်တစ်ယောက်ကပါ ကပြာကယာဒူးထောက်လိုက်တော့သည်..
           ရှောင်မိန်က သူမ၏ လက်အိတ်ကို ပြန်ချွတ်ရင်း..

            ''နင်တို့ကငါ့ကိုသိတယ်ဆိုတော့ နရန်သခင်လေးရဲ့ တပည့်တွေလား...''

             လက်ကျိုးက အသံတုန်တုန်နှင့် ...

             ''ဟုတ်ပါတယ် ..မမလေး ..ကျွန်တော်တို့က ကိုယ်တော်လေးရဲ့ တပည့်မိုက် တပည့်ညံ့တွေပါ... မမလေးကို တခါမှ မမြင်ဘူးပေမယ့် ..မမလေးရဲ့ အရိုးဖြူ လက်သည်းသိုင်း အစွမ်းနဲ့ မမလေးရဲ့ ဂုဏ်သတင်းကို အမြဲကြားဖူးပါတယ်ခင်ဗျ..''

              ''ငါတို့နန်းတော်နဲ့ နရန်အိမ်တော်ရဲ့ ပတ်သက်မှုကို နင်တို့သိရဲ့သားနဲ့ ..ငါ့ကိုထိပါးချင်သေးတယ်ပေါ့လေ..ဟုတ်စ..''

               ''မဟုတ်..မဟုတ်ရပါဘူးဗျာ ..ကျွန်တော်တို့ကို နေ...နေပြည်တော်က ညွှန်ကြားလာလို့ပါ.. မမလေးမှန်းသိရင် ..ခြံရှေ့ကတောင် ဖြတ်လျှောက်ဝံ့မှာ မဟုတ်ပါဘူး ..''

                ရှောင်မိန်က လက်နှစ်ဖက်ကို နောက်ပစ်လိုက်ရင်း..

                ''ငါ့ကိုသေသေချာချာနဲ့ပြည့်ပြည့်စုံစုံပြောစမ်း.. ''

                လက်ကျိုးကပင်...

                ''ကျွန်တော်..ကျွန်တော်တို့က အရမ်းအဆင့်နှိမ့်လွန်းတော့ သိပ်ပြီး ရေရေရာရာ မသိပါဘူးခင်ဗျ .. နေပြည်တော်က ပို့လိုက်တဲ့ စာထဲမှာတော့ ၀ူချောင်မြို့စွန်မှာ ပန်းခင်းတွေအများကြီးရှိတဲ့ ခြံဝင်းတစ်ဝင်းရှိတယ် .. အဲ့ခြံထဲမှာ သိုင်းမတတ်တဲ့ မိန်းကလေးနှစ်ယောက်နေတယ်.. နှစ်ယောက်လုံးကို လက်ရဖမ်းခဲ့ ..လို့ပဲ ရေးထားတာပါ ..''

               ရှောင်မိန်က မျက်မှောင်ကုတ်လိုက်ပြီး..

               ''နေပြည်တော် ..နေပြည်တော် ..စာကဘယ်ကပို့တာလဲ..''

               ''အမတ်ချုပ်ကြီးစံအိမ်တော်ကပါ မမလေး..''

                ရှောင်မိန်မှာ ဥာဏ်မီသလောက် စဉ်းစားသေးသော်လည်း အဖြေမပေါ်သည်နှင့် ..

              ''ဒါဆို နရန်သခင်လေးက နေပြည်တော်မှာပေါ့ ဟုတ်လား..''

             လက်ကျိုးက ခေါင်းညိမ့်လိုက်ကာ..

              ''ဟုတ်ပါတယ် ..မမလေး ..ကိုယ်တော်လေးက နေပြည်တော်မှာပါ ..''

             ရှောင်မိန်က လက်ကာပြလိုက်ပြီး...

              ''ထားတော့ ..ထားတော့ ..နင်တို့ကိစ္စ ငါလည်း မသိချင်ဘူး .. နောက်တခါ ....''

               ''အမလေး ..ခေါင်းမူးလိုက်တာ ..ရှောင်မိန်ရေ ..ညီမလေး ..ညီမလေးရေ''

                ရှောင်မိန်၏ စကားမဆုံးခင် ပန်းခင်းထဲတွင် မေ့မျောနေသည့် ကျင်းကျူးမှာ နားထင်ကို လက်ဖြင့်ထောက်ရင်း ကုန်းထလာခဲ့သည်.. ရှောင်မိန်က ကျင်းကျူးကို မြင်သည်နှင့်မျက်စိမျက်နှာပျက်ကာ .. နရန်ဂိုဏ်းသားတို့ဘက်လည့်၍

                ''သွား..သွား.. နင်တို့ မြန်မြန်သွားတော့..''

                လက်ကျိုးနှင့် သူ့အဖော်မှာတော့ ရှောင်မိန်၏ အနှင်စကားကြောင့် မျက်ရည်လည်မတတ်ပျော်ရွှင်သွားကြပြီး လေပွေတိုက်သလိုပင် ခုန်ထ ထွက်ပြေးသွားကြတော့သည်.. အမှောင်နန်းတော်၏လက်ဝါးဇောင်းထက်မှုကို သူတို့အသိဆုံးပင်မဟုတ်လား ..နရန်အိမ်တော် အရှိန်အ၀ါကြီးသည်မှာ အမှောင်နန်းတော်နှင့်ယှဉ်လျှင် ဖွဲ ဇကွဲ လောက်သာရှိသည်လေ..

                 ရှောင်မိန်ကထိုသူများ မြင်ကွင်းကပျောက်သွားသည်နှင့် ကျင်းကျူးထံ အပြေးလေးသွားလိုက်ပြီး ဖေးမလိုက်သည်..ကျင်းကျူးက ရှောင်မိန်၏ပုခုံးကို မှီထားလိုက်ရင်း ..

             ''ရှောင်မိန် ..မမဘယ်လိုလုပ် အိပ်ပျော်သွားတာလည်း ပန်းခင်းကြီးထဲမှာ ..''

              ရှောင်မိန်က ကျင်းကျူးအားတွဲ၍ အိမ်ဘက်သို့ လျှောက်လာရင်းနှင့်မှ ..

              ''လေစိမ်းတွေတိုက်တော့ မမရောဂါပြန်ထလာတာ ဖြစ်မှာပေါ့.. ရှောင်မိန်က အိမ်မှားလို့ လာမေးနေတဲ့ လူစိမ်းတွေကို သွားပြီးလမ်းညွှန်ပေးနေတာ .. ဒါကြောင့် မမကို ပြောသားပဲ အိမ်ထဲမှာပဲ နေပါလို့ ...''

             ကျင်းကျူးမှာ သူမ၏ခေါင်းမူးနေသည်မို့ စိတ်ထဲတွင် ဇဝေဇ၀ါနှင့်ပင် ရှောင်မိန်အား ဆက်မမေးတော့ဘဲ အိမ်ထဲသို့ ၀င်သွားတော့၏ ..

==============================
           
       နေပြည်တော် နန်းတော်ရာနှင့် မနီးမဝေးနေရာတွင် ထောက်လှမ်းရေးမှူးချုပ်ကြီး ချန်း၏ အိမ်တော်ရှိလေသည် ..ချန်းမိသားစု ချန်းအနွယ်ဝင်တို့သည် သိုင်းလောကတွင်သာမက အတိုင်းတိုင်း အပြည်ပြည်ထိ ထင်ရှားကျော်ကြားလှ
သော်လည်း သူတို့ဂေဟာကမူ နာမည်နှင့်မလိုက်အောင် သေးငယ်လွန်းလှ၏ ..

        မည်သည့် အမှတ်တံဆိပ်မှမရှိ မည်သည့်ဆိုင်းဘုတ်မှမရှိသော စည်းရိုးနိမ့်နိမ့် ခတ်ထားသည့် ခပ်မှိုင်းမှိုင်းအဆောက်အဦဟောင်းကြီးသည်က ချန်းမိသားစု၏ အိမ်တော်ရာပင်တည်း..  ခြံဝင်းထဲတွင်လည်း ထိုအဆောက်အဦကလွဲလျှင် မြင်းဇောင်း တစ်ခုသာရှိသည် ..

         ယခုတော့ ထိုအိမ်တော်အတွင်း အားကွေ့တို့လူစု စတည်းချနေကြပြီဖြစ်၏ ..
 အားကွေ့တို့အဖွဲ့ အိမ်တော်တွင် တည်းခိုနေကြသည်မှာ ယနေ့နှင့်ဆိုလျှင် သုံးရက်တင်းတင်းပြည့်ပြီဖြစ်၏ .. ထိုသုံးရက်လုံးလုံး အားကွေ့တို့မှာ မနားမနေ အလုပ်ရှုပ်နေကြသဖြင့် ယား၍ပင်မကုတ်အားကြ .. အိမ်တော်သို့ရောက်သည်နှင့် တရှုံး တို့အဖွဲ့အား အားကွေ့က ပရဆေးများ ၀ယ်ခိုင်းသည် .. ကြုံလောက်တို့ကိုမူ သမားတော်အပင့်ခိုင်းရသည် .. ဒက်ပေါမိထားသော အဆိပ်အား  အားကွေ့ကုသပေးနိုင်သော်လည်း ပြင်ပဒါဏ်ရာနှင့် အတွင်းဒါဏ်ရာအတွက်မူ သမားတော်လိုပေသည်.. ထို့ပြင် အတွင်းအား အလွန်အကျွံ သုံးစွဲမှုကြောင့် ပျော့ခွေနေသည့် ဘဘဟုန်းနှင့်ဘကြီးနန်တို့အားလည်း အနားယူခိုင်းထားရသည် ... အစိုးရိမ်ရဆုံးကတော့ ဘုံကျောင်းဆရာတော်ပင် .. ကလီစာများ ရွှေ့လျားသွားသော ကြောင့် သမားတော်လေးယောက်နှင့် အသက်လုနေသည့်တိုင် ယခုချိန်ထိ သတိပြန်လည်မလာသေး ..

            ဟွားဟွားကတော့ သူမအဖိုး ဖခင်ဖြစ်သူနှင့်အတူ နန်းတော်အတွင်းသို့ အလည်သွားနေသည်.. သူမ၏မိခင်ဖြစ်သူမှာ လွန်စွာသဘောကောင်းသူဖြစ်ရာ အားကွေ့တို့ လိုလေသေးမရှိအောင် အစစအရာရာ ဂရုစိုက်ပေးသဖြင့် သူတို့ကပင် တဖန်အားနာနေရသေး၏..

            ဒက်ပေါ၏သွေးခုန်နှုန်းကို အားကွေ့တချက်စမ်းလိုက်ပြီး .. ဘေးနားတွင် အိပ်ပျော်နေသည့် သွားကျိုးအား လက်ဖြင့်အသာပုတ်နိုးလိုက်သည်.. သွားကျိုးမှာ ဆတ်ခနဲလည့်ကြည့်ပြီး အားကွေ့ကို မြင်လျှင် ရယ်ကြဲကြဲလုပ်ပြလိုက်၏..

        အားကွေ့က ပြန်လည်ပြုံးပြလိုက်ကာ ..

             ''မင်းလည်း သုံးည လေးည ဆက်တိုက် မအိပ်ဘဲနေရတော့ ပင်ပန်းနေမှာပေါ့ .. သွား တရှုံးနဲ့လဲလိုက် .. ငါ ခဏနေအပြင်သွားစရာ ရှိသေးတယ်''

           သွားကျိုးက ပါးစောင်တွင်ပေနေသော သရေများကိုလက်ခုံဖြင့် သုတ်လိုက်ရင်း...

            ''ဟုတ်ကဲ့အကိုအားကွေ့ ကျွန်တော်မရတော့ဘူး အရမ်းအိပ်ချင်နေပြီ..''

            သွားကျိုး၏ပုခုံးကို လက်ဖြင့်ပုတ်ကာ ..

            ''သိပ်ပြီး အပင်ပန်းမခံနဲ့ နားစရာရှိတာနား .. လုပ်စရာရှိတာလုပ်.. ငါတော့ အ၀တ်အစားသွားလဲလိုက်အုံးမယ်..''

              သွားကျိုးအား မှာကာ အားကွေ့ သူ့အတွက်ပေးထားသော အခန်းထဲသို့ ပြန်လာခဲ့သည်.. အခန်းမှာ အကျယ်ကြီးမဟုတ်သော်လည်း တခါမှ အိပ်ခန်းနှင့် မနေဘူးသော အားကွေ့အတွက်တော့ လိုသည်ထက်ပိုနေသယောင်ယောင်.. စားပွဲပေါ်တွင် တင်ထားသော သူ၏အ၀တ်ထုတ်ကို ဖြည်ပြီးမှ အားကွေ့စိတ်ပျက်သွား၏ .. ယခုသူဝတ်ထားသည့် အ၀တ်အစားသာလျှင် အကောင်းဆုံးဝတ်စုံဖြစ်နေသည်မဟုတ်လား ..အထုတ်ထဲတွင်ရှိသည်က ယခင်က သူဝတ်ခဲ့သော စုတ်ပြတ်သတ်ဖွာလှန်ကြဲနေသော အ၀တ်နှစ်စုံသာ .. ကျင်းကျူးချုပ်ပေးထားသော ယခုဝတ်စုံသည်လည်း ဘုံကျောင်းတိုက်ပွဲကြောင့် သွေးများ အညစ်အကျေးများ စွန်းပေနေသည့်အပြင် စုတ်ပြဲ၍နေနေသည် ..

             မထူးတော့ပြီမို့ အ၀တ်ထုတ်ထဲမှ တစုံကို ထုတ်ကာ လဲဝတ်လိုက်၏.. အကယ်၍ထိုနေရာမှာသာ ကြေးမုံရှိလျှင် ထိုဝတ်စုံဝတ်လိုက်မှ သူ၏မလှပသော ရှိရင်းစွဲ ရုပ်လေးပင် အသရေညိုးကာ ပီဘိသူတောင်းစားနှင့်တူပေတော့သည်.. မရိတ်သင်တာ ကြာပြီဖြစ်သောကြောင့် မုတ်ဆိတ်ပါးသိုင်းမွှေးတို့က ဂျီးအထပ်ထပ် မျက်နှာအား ခြံရံလိုက်သည့်နောက် စုတ်ချာသော ၀တ်စုံနှင့်မို့ လမ်းဘေးကခွေးပင် သူ့အား လှည့်ကာ သေးဖြင့် ပန်းဖွယ်မရှိပေ..

            သို့သော်မည်သို့ပင်ဖြစ်စေစိတ်လိုလက်ရ တခါမှ အ၀တ်အစားမလဲဘူး သော အားကွေ့မှာ မည်သည့်အတွက်ကြောင့် လဲနေရသနည်းဟုဆိုလာလျှင် နောင်တချိန်တွင် တော်လာနိုင်ဖွယ်ရှိသည့် ယောက်ခမလောင်းလျာနှင့် သွားရောက် တွေ့ဆုံမလို့ဟု ဖြေရမည်ပင် .. ကျင်းကျူးကမှာလိုက်သည်မဟုတ်လား နေပြည်တော်သို့ရောက်လျှင် သူမ၏ဖခင်ဖြစ်သူ ရန်ခွမ်းနှင့်သွားရောက်တွေ့ဆုံရန် ..
            အားကွေ့မှာ သူ၏၀တ်လက်စ အ၀တ်ကို လုံးထွေးလိုက်စဉ် ခပ်မာမာ အရာတစ်ခုကို စမ်းမိလိုက်၍ ..

           ''အဟား ..ငါမေ့နေတာပဲ..မှန်းစမ်း ငွေရောင်ဗူးပြားထဲမှာ ဘာပါသလဲ ကြည့်ရအောင်.... '''

============
ရေးရင်းနဲ့ မျက်စိညောင်းလာလို့ ...မဆိုစလောက်လေး တိုသွားသဗျ
ခွင့်လွတ်ကြကုန်


#96B ( အစ၏အဆုံး ..အဆုံး၏အစ )

        တစ်ယောက်ထဲကျိတ်ပြောနေရင်းဖြင့် ငွေရောင်ဗူးပြားလေးအား အသာဟကြည့်လိုက်၏.. အထဲတွင် သေသပ်စွာခေါက်ထားသော ပိုးစလေးတစ်စ.. အရိုးပေါ်နေသည့် လက်ချောင်းရိုးတစ်ချောင်းနှင့် သစ်သီးစေ့နှစ်စေ့ရှိသည်.. လက်ရိုးမှာ လက်သန်းရိုးဖြစ်ဟန်တူပြီး ရွှေပိန်းချထားရာ မသိလျှင် ရွှေသားဖြင့် ပြုလုပ်ထားသည့်နှယ်.. အားကွေ့က တဟားဟားရယ်လိုက်ရင်း..

         ''ဟားဟားဟားဟား ငါ့မှာ ရတနာပစ္စည်းတွေများလားလို့ ..အရိုးချောက်နဲ့ အဖိုးမတန်တဲ့ သစ်စေ့တွေပဲ..''

         ထို့နောက် ဗူးအားစားပွဲပေါ်လှမ်းတင်လိုက်ပြီးနောက် .. ပိုးစခေါက်လေးအား ယူကာ ဖြန့်ကြည့်လိုက်သည် .. ပိုးစထဲတွင် အနက်ရောင်မှင်ဖြင့် ရေးထိုးထားသော စာလုံးများပါရှိ၏.. စာမှာ ရှေးဟောင်းစာတစ်မျိုးဖြစ်သော *ကျာကူဝိန်( 甲骨文 - Jiǎgǔwén ) ဟုအမည်ရှိသည့် စာများဖြစ်ရာ သာမာန်လူတို့ဖတ်ရှုရန် မဖြစ်နိုင်ပေ .. သို့သော် ပိဋိကတ်တိုက်ရှိ ပေစာ ပုရပိုဒ်စာများအား ခေါင်းအုံးအိပ်လာသည့် အားကွေ့အတွက်တော့ အချိန်ခဏမျှယူလိုက်သည်နှင့် ကောင်းမွန်စွာ ဖတ်ရှုနိုင်ပေ သည်.. စာမှာ

            ''ယခု ကျာကူဝိန်စာဖြင့် ရေးသားခဲ့သော ကျွန်ုပ်သည်ကားမားဟူပိန်ဟု အမည်ရှိသောလူတစ်ယောက်ဖြစ်သည်..  ကျွန်ုပ်တို့၏မျိုးရိုးမှာ ပညာရှိမျိုးရိုးဖြစ်ကာ အစဉ်အဆက် တိုင်းပြည်ဝန်ကို ထမ်းခဲ့ ကြသော်လည်း ကျွန်ုပ်ကမူ သိုင်းပညာကိုသာ အပတ်တကုတ် လေ့လာလိုက်စားခဲ့၏ .. ပြည်မကြီးတွင် ပညာရှိဂေဟာဟု ဆိုလိုက်လျှင် မသိသူမရှိ ထင်ရှားကျော်ကြားလှပြီး ထိုဂေဟာ၏ လေးယောက်မြောက် အမွေဆက်ခံသူကတော့ ကျွန်ုပ်မားဟူပိန် ဖြစ်သည် .. သို့နှင့် ကျွန်ုပ် ပညာရှိဂေဟာ အား လက်လွဲယူပြီးနောက် နှစ်ပေါင်းနှစ်ဆယ်အကြာ .. အသက်လေးဆယ့်ရှစ်နှစ် ပြည့်သည့်အချိန်တွင် ဂေဟာအတွင်းရှိသိုင်းမှတ်တမ်းများအား ကိုးကားကာ လေ၀ဲအအေးလှိုင်းလက်ဝါးဟူသည့် သိုင်းပညာတမျိုးကို တီထွင်နိုင်ခဲ့၏..ထိုစဉ်က စာအားဖြင့်သာ တီထွင်နိုင်ခဲ့သော်လည်း ကျင့်ကြံအားထုတ်ခြင်းတော့ မပြုခဲ့နိုင်ပါ .. အဘယ့်ကြောင့်ဆိုသော် အနှီလေ၀ဲအအေးလှိုင်းသိုင်းပညာသည် အလွန်တရာ အေးစိမ့်သော နေရာဌာနမျိုး၌သာ လေ့ကျင့်နိုင်မည်ဖြစ်ပြီး ကျွန်ုပ်တို့အရပ်ဒေသ ရာသီဥတုနှင့်ကိုက်ညီခြင်း မရှိသောကြောင့်ပင်..  သို့နှင့် ကျွန်ုပ်မှာ တစ်နှစ်တာပတ်လုံး လွန်ကဲသောအအေးဓါတ်ရှိမည့် နေရာအား လူအင်အား များစွာ နှင့်ရှာဖွေခဲ့တော့သည်.. နှစ်နှစ်တိုင်တိုင် ရှာဖွေပြီးသည့်နောက်တွင် စိတ်တိုင်းကျ နေရာတစ်ခုအား ရှာတွေ့ပါတော့၏.. ၎င်းနေရာမှာ ပြည်မကြီးနှင့်အလှမ်းကွာသော မြောက်ပိုင်းတစ်နေရာဖြစ်လေသည် .. ထူပေါ(တိဗက်)နှင့်မနီးမဝေး အလွန်ခေါင်သည့် နေရာတစ်ခုဖြစ်လေရာ တပည့်တပမ်းများ အကူအညီဖြင့် နန်းတော်တမျှ ကြီးကျယ်လှသော အဆောက်အဦကို ဆောက်လုပ်စေခဲ့၏.. သိုင်းရူးရူးနေသော ကျွန်ုပ်အတွက်တော့ ထိုလုပ်ငန်းမှာ မိုက်မဲလှသည့် ဟုသိပင်သိညား စိတ်ဆန္ဒကို ချွန်းအုပ်နိုင်ခြင်းမရှိခဲ့ .. လေးနှစ်ကြာ တည်ဆောက်ပြီးသည့်နောက်တွင် ၎င်းနေရာကို ရေခဲနတ်နန်းဟု သမုတ်စေခဲ့၏.. ထို့နောက်တွင်တော့ လေ၀ဲအအေးလှိုင်းသိုင်းပညာ ကိုရူးမိုက်စွာလေ့ကျင့်တော့သည် .. သိုင်းပညာအား စာဖြင့်ဖော်ထုတ်ရေးသားစဉ်က လွယ်ကူသလောက် ကျင့်ကြံသည့်နေရာဝယ် ခက်ခဲခြင်းမက ခက်ခဲတော့၏.. ကျွန်ုပ် မှာ ဥာဏ်ရည်ထူးချွန်သူတစ်ယောက်ဖြစ်ကာ မည်သည့်ခက်ခဲသည့် သိုင်းအမျိုးအစား ကိုမဆို တစ်နှစ်အပြင် ပိုမလေ့ကျင့်ရသူတစ်ယောက်ပင် ..သို့သော် ထိုလေ၀ဲအအေးလှိုင်းသိုင်းပညာအား နှစ်နှစ်တိုင်တိုင်ကျင့်ကြံသော်လည်း မည်သို့မျှ အဆင်မချောဖြစ်နေ၏ ..ဇွဲကြီးစိတ်ထက်သူ တစ်ယောက်ပီပီ အေးစိမ့်လှိုင်ဂူ အတွင်း နောက်နှစ်ဝက်လောက် ထပ်မံလေ့ကျင့်ပြီးနောက်ဝယ် ကျွန်ုပ်တစ်ကိုယ်လုံး အကြောများဆိုင်းကာ အောက်ပိုင်းသေလုလုဖြစ်သွားတော့သည် .. ထိုနေရာတွင် ကျွန်ုပ်၏အေးစိမ့် လှိုင်ဂူအကြောင်း ဖော်ပြလိုပါ၏.. လှိုင်ဂူမှာ အရည်မှန်သမျှ တခဏခြင်း၌ခဲနိုင်သော ဂုဏ်သတ္တိ ရှိပြီးသည့်အပြင်  ဂူထဲဝယ် ထူပေါနိုင်ငံ ကျော့ဟန် ဘုန်းတော်ကြီးကျောင်းမှ မရမက ခိုးယူလာသည့် မီးလင်းအအေးတိုင် အမည်ရှိ ထူးဆန်းသော အပင်တစ်ပင်ကိုလည်း စိုက်ပျိုးထားပါသည် .. ထိုမီးလင်းအအေးတိုင် သစ်ပင်၏ အသီးများသည် စိန်းဖန့်ဖန့်အလင်းရောင်များကို ထုတ်လွင့်ပေးနိုင်ကာ သူ၏အအေးဓါတ်ကြောင့် ရေခဲချပ်လွှာများကို ဖြစ်ပေါ်စေနိုင်၏ .. ထိုအသီးများကို သာမာန်လူ ..သာမာန်သတ္တ၀ါများမစားသုံးနိုင်သော်လည်း  ဒဏ္ဍာရီလာ သတ္တ၀ါများ နှစ်ခြိုက်စွာ စားသုံးကြသော အာနိသင်ရှိလေသည် ..

                ထို့ပြင်ကျွန်ုပ်မွေးမြူထားသော သစ်ခြောက်ခေါင်းနီဟု ခေါ်တွင်သော ဒဏ္ဍာရီလာအနွယ်ဝင် မြွေတစ်ကောင်ရှိ၏.. ထိုမြွှေမှာ လက်သန်းလုံးလောက်သာ ရှိ၍ သူ၏နှာငွေ့မှုတ်လိုက်တိုင်း အအေးလှိုင်းများ ထွက်ပေါ်လာလေသည် .. ၎င်းမြွေမျိုးကို တာကလန်မာကန်သဲကန္တရ (၀င်လမ်းရှိပြီး ထွက်ပေါက်မရှိသော နယ်မြေ..)ထဲမှ အသက်ဘေးနှင့်ယှဉ်ကာ ဖမ်းယူလာခဲ့ရပြီး ထိုမြွေမှာ ဆယ်နှစ်တွင်မှ ကိုယ်ခန္ဓာ တလက်မမျှကြီးထွားတတ်သော ထူးဆန်းမြွေအမျိုးအစားပင်.. နှစ်ပေါင်းများစွာ အစာမစားဘဲ နေနိုင်သည့်အပြင် မည်သည့်ဓါးလှံမျှ မတိုးပေ .. ကျမ်းအစောင်စောင်တွင်မူ ထိုမြွေကြီးပြင်းလာ၍ နှစ်ပေါင်းသုံးရာမျှ ကြာလျှင် သူ၏၀မ်းထဲတွင် အမြူတေကဲ့သို့ မွေးစကလေးလက်သီးဆုပ်မျှ အသားလုံးကြီး ဖြစ်ပေါ်လာကာ စားသုံးမိပါက လူကြီးလက်နှစ်ဘက်ရှိ သစ်ပင်ကို အမြစ်မှ လှန်ကာ ဆွဲနုတ်နိုင်စွမ်းရှိသည်ဟု ပါရှိသည်.. အလွန်ရန်လိုတတ်သော အကောင်ဖြစ်သော်လည်း ထိန်းသိမ်းနည်းသိလျှင် လိုသလို ခိုင်းစေနိုင်သော ဥာဏ်ရည်မြင့်သတ္တ၀ါဖြစ်လေ၏.. ''

                   အားကွေ့မှာ ထိုနေရာရောက်လျှင် ..တဟားဟားရယ်လိုက်ကာ ..

              ''ဟားဟားဟားဟား .. တွေ့ပြီ တွေ့ပြီ ..ငါ့ကို အနှစ်နှစ်အလလ စိတ်ဒုက္ခပေးလာတဲ့ မြွေစုတ် .. ဒင်းကို အပီကိုင်နိုင်တဲ့ နည်းတွေ့လို့ကတော့ အရည်ခွံစုတ်ပြီး ကင်စားလိုက်အုံးမယ် ..''

                ဟုကြုံးဝါးပြီးလျှင် ..

               ''အင်း ..ဒီမြွေကို စာထဲမှာ ရေးထားတာ လက်သန်းလုံးလောက် ..ငါတွေ့တာက လက်မောင်းလောက်ဆိုတော့ ဒင်းအသက်က ရာစုနှစ်တောင် မကတော့ပါလား .. ဒါဆို သူ့အသားကျက်ဖို့ တော်တော်လေး မီးမြိုက်ရမယ် ..ဟဲဟဲဟဲ..''

                တစ်ယောက်ထဲ စကားပြောနေရင်းနှင့်မှာ စာကို ဆက်ဖတ်လိုက်၏ ..

                '' ထိုမြွေ၏အဆိပ်မှာ လောကတွင် အပြင်းထန်ဆုံးဟု ဆိုလိုကဆိုနိုင် သော်လည်း ထူးခြားမှုတော့ ရှိပေသည်.. အပေါက်ခံလိုက်ရသည်နှင့် တကိုယ်လုံး အေးစက်တောင့်တင်းလာပြီး ခရမ်းရောင်အကွက်များ ထလာနိုင်၏ .. အကွက်များ တကိုယ်လုံးဆက်သွားသည်နှင့် အသားများပုပ်ဆွေးကာ တရိရိပဲ့ကြွေ၍ ဝေဒနာကြီးစွာ ခံစားရင်း သေပွဲဝင်ရမည်သာ ..ယာယီသက်သာလိုလျှင်မူ ထိုအချိန်၌ မီးသင်္ဂြီုလ် သကဲ့သို့ လူအားအချိန်မီ မီးမြိုက်ပေးရမည်ဖြစ်ပြီး အသက်မသေရန် သုံးရက်မှ တပတ်အထိ ဆွဲဆန့်နိုင်လေသည်..နိမိတ်အနေဖြင့် အဆ်ိပ်သည် နေရာတခုခု၌စုစည်းကာ ထိုနေရာတွင် ရွှေရောင်လက်လက်တောက်ပနေမည်ဖြစ်၏..  ပို၍သက်သာလိုလျှင်မူ သူနှင့် တန်းတူမျှရှိသော အဆိပ်တမျိုးမျိုးကို ရဲဝံ့စွာ သုံးစွဲပေးနိုင်၏ ..ထိုသို့ဆိုလျှင် အဆိပ်ကို ငါးနှစ်ခြောက်နှစ်မျှ ထိန်းပေးထားနိုင်မည်ဖြစ်ပြီး ဖြေဆေးမရလျှင် အူအပိုင်းပိုင်းပြတ်သေမည်သာ ..  ..ကျွန်ုပ်တို့ ရေခဲနတ်နန်း၌တွင်သာ ထိုအဆိပ်ကို ဖြေနိုင်သည့် ဆေးရှိပေ၏ .. သို့ကလို အအေးဓါတ်မြင့် အကောင် ..အပင်မျိုးရှိသည့် အထဲတွင်မှ ကျွန်ုပ်ထိုင်သော ကျောက်ဖြာမှာ စင်ကျန်းနယ် ကွန်းလုံတောင်ခြေရှိ ရိလုံရှားမြစ်ထဲမှ ဟဲထျန်ကျောက်စိမ်းအစစ်ဖြင့် ပြုလုပ်ထားသော ကျောက်ဖြာအမျိုးအစားဖြစ်ရာ အေးစိမ့်သည်ထက်ပို အေးစိမ့်တော့၏ .. ထိုကဲ့သို့ လစ်ဟာမှုမရှိအောင် အဘက်ဘက်မှ ပြင်ဆင်ထားသော်လည်း လက်တွေ့ရလာဒ်သည်ကား အကြောဆိုင်းခြင်းတည်းဟူသည့် တပိုင်းသေသည့် ဝေဒနာတို့သာ ဖြစ်လေသည်.. တပည့်သားမြေးတို့ကမူ ကျွန်ုပ်အား အစွမ်းကုန် ကုသပေးသော်လည်း ထိုဝေဒနာမှာ လားလားမျှ သက်သာမလာပါ .. စိတ်ဓါတ်အကျကြီးကျနေရာမှ အချိန်ကာလ ကြာသည်နှင့်အမျှ ကျွန်ုပ်၏စိတ်ဓါတ်တို့သည် အခက်ထန်ကြီး ခက်ထန်လာလေသည် .. မြင်ရသမျှ ကြားရသမျှတို့သည် ကျွန်ုပ်အား လှောင်ပြောင်နေသယောင်ယောင် ဟားတိုက်နေသယောင်ယောင် ဖြစ်လာသည်မို့ နေ့စဉ်နှင့်အမျှ ဆဲဆို ကြိမ်းမောင်း၍ သာနေတော့၏ .. တပည့်သားမြေးတို့မှာ အဖြူအမည်းကဲ့သို့ ပြောင်းသွားသော ကျွန်ုပ်ကို အကြောက်ကြီးကြောက်ကာ အနားသို့ပင် မကပ်ရဲအောင်ရှိကြတော့သည် .. ကျွန်ုပ်သည်ကား ထိုအချိန်ဝယ် ဘီလူးသရဲကဲ့သို့ဖြစ်ကာ မိစ္ဆာဓါတ်များ ၀င်ပူးနေသည့် သဖွယ်ပင်.. သို့နှင့် အအေးမြင့်နေသော တစ်မနက်ခင်းတွင် .. ကျွန်ုပ်၏ စိတ်မိုက်စိတ်ရိုင်းတို့မှာ အစွန်းဆုံထိမြင့်တက်လာပြီး.. လတ်ဆတ်သော သွေးတို့ကို သောက်သုံးလိုသည့် အာသီသ တစ်မျိုးဖြစ်ပေါ်၍လာတော့သည်.. ပေါ်လာသည့် စိတ်အတိုင်း တပည့်တစ်ယောက်ကို အခေါ်ခိုင်းပြီး. ၀န်တင်လားတစ်ကောင်အား လည်ချောင်းကိုဖောက်စေပြီးနောက် သွေးတို့ကို ခွက်ဖြင့်ခံကာ မြိန်ရည်ရှက်ရည်သောက်သုံးလိုက်တော့၏.. ထိုစဉ်က ပီဘိ ဘီလူးသရဲ နှယ်ဖြစ်နေပုံမှာ ပြန်တွေးလိုက်တိုင်း ရှက်ရွံ့ဖွယ်ရာရှိတော့သည်..သွေးတို့ကို  သောက်သုံးပြီးသည်နှင့် ပြန်ရလိုက်သော အာနိသင်က အံမခန်းဖြစ်၏.. တကိုယ်လုံး အကြောဆိုင်းနေရာမှ ခြေလက်များ လှုပ်ရှား၍ ပြန်ရလာတော့သည် .. ဤတွင်မှ ကျွန်ုပ်လည်း ရိပ်မိတော့၏ .. လေ၀ဲအအေးလှိုင်းသိုင်းပညာ၏ လိုအပ်ချက်သည် အအေးဓါတ်တစ်ခုတည်းသာ မဟုတ် .. လတ်ဆတ်သော သွေးကို သောက်သုံးရန် လည်း လိုမည်ဟု...

               ထိုသို့သိသည်မှစကာ နေ့စဉ်မပြတ်လေ့ကျင့်တော့သည် .. ကျင့်နေရင်းတွင်မှ တခါတရံ၌ သံသယ၀င်လာသော်လည်း စိတ်ဆောင်နေသည်နှင့် ဓမ္မတာမဟုတ်မှန်းသိသိဖြင့် အားထုတ်နေမိသည်.. ထူးခြားသော သိုင်းဖြစ်သည်နှင့် အညီ သက်ရောက်မှုကလည်း ကြောက်စရာအကောင်းဆုံးဖြစ်၏.. လူတစ်ယောက်ကို အဝေးမှ ဆွဲခေါ်နိုင် ...တွန်းထုတ်နိုင်စွမ်းရှိလာသည်..  သိုင်းပညာမြင့်လာသည်နှင့် အတူ ကျွန်ုပ်၏ စိတ်ဓါတ်ကလည်း တဖြည်းဖြည်း ကြောက်မက်ဖွယ်ကောင်းလာ၏..  နောက်ဆုံးကျင့်စဉ်ရောက်သည့်အခါဝယ် .. ကျွန်ုပ်၏ပင်ကိုယ်အသိစိတ် လုံးဝဖောက်သွားကာ ကျွန်ုပ်၏ အချစ်ဆုံးတပည့်နှစ်ယောက်အား ဂုတ်ချိုးသတ်၍  သွေးတစ်စက်မှမကျန်အောင် လည်ချောင်းမှ ကိုက်ဖောက်စုတ်မိတော့၏.. အသိစိတ် ပြန်ဝင်လာသည့်အချိန်တွင် အရာရာဟာ နှောင်းလျှက်သားဖြစ်နေတော့သည် .. ကျွန်ုပ်သည်ကား ကိုယ်ထွင်လိုက်သော သိုင်းပညာကြောင့် အမှောင်ဖုံးကာ လူ့ဘောင်နှင့်မညီသော အမှုကို ပြုနေသည့် လူတစ်ယောက်ဟု အကြိမ်ကြိမ် ကျွေးကြော်၍ လက်သန်းကို ဖြတ်ချလိုက်၍ ကျွန်ုပ်၏ အဆက်အနွယ်များ မှတ်သားစေရန် တိုင်တည်တော့၏..

             ထို့နောက် ရှိသမျှလူအပေါင်းကိုစုကာ ရေခဲနတ်နန်းအား အပြီးတိုင် လက်လွဲပေးလိုက်သည်.. ကျွန်ုပ်ပိုင်ဆိုင်သမျှ ငွေကြေးများ ..စည်းစိမ်ဥစ္စာများ အတတ်ပညာများ ..သီးခြားသိုင်းပညာမှန်သမျှတို့ကို နောက်ဆက်ခံမည် တပည့်အား အမွေပေးရစ်ခဲ့၏ .. လေ၀ဲအအေးလှိုင်းသိုင်းပညာမူရင်းနှင့် မြွေဆိပ်ဖြေဆေးကိုမူ ကျွန်ုပ်အမြဲထိုင်နေကြ ဟဲထျန်ကျောက်ဖြာအောက်တွင် မြှပ်နှံထားခဲ့ပြီး .. အပြည့်အစုံ မပါသော သိုင်းကျမ်းတစ်စောင်ကိုမူ ကျွန်ုပ်နှင့်တပါထဲ ယူဆောင်လာခဲ့၏..  အပြည့်အစုံမပါသော သိုင်းကျမ်းကို ရေးသားရသည်မှာ ကျွန်ုပ်၏တီထွင်မူကို နှောင်းလူတို့ အသိအမှတ်ပြုစေရန်အတွက်လည်းကောင်း .. ပိုမိုပြည့်စုံ၍ အထက်လမ်းကျသော သိုင်းကျမ်းထွင်သူရှိပါက မွန်းမံနိုင်စေရန်အတွက်လည်းကောင်း .. ထိုထဲမှသိုင်းကွက်အသွားအလာများကို ကြည့်ရှုကာ ထိုထက်မက အစွမ်းထက်သော ပညာရပ်များကို ဖော်ထုတ်နိုင်ရန်အတွက်လည်းကောင်း ရည်ရွယ်ခဲ့ပါသည်. ..

             ယခုထိုစာကိုရေးသားနေသည့်အချိန်သည် ကျွန်ုပ်ကွယ်လွန်ခါနီး အချိန်ဖြစ်ပြီး ..ကျွန်ုပ်၏နဘေးတွင် အဖော်ဟူ၍ သစ်ခြောက်ခေါင်းနီတစ်ကောင်သာ ရှိ၏ ...ယခုစာကို ကျာကူဝိန်"( 甲骨文 - Jiǎgǔwén )အရေးအသားဖြင့် မှတ်တမ်းတင်ထားသော်လည်း  မြွေ ထိန်းသိမ်းနည်းလမ်းညွှန်နှင့် သစ်စေ့စိုက်ပျိုးနည်း ကိုမူ အရပ်သုံးစာဖြင့်သာရေးသားရစ်ခဲ့သည်.. ထိုနည်းလမ်း နှစ်ခုလုံးမှာ
ကျာကူဝိန်"( 甲骨文 - Jiǎgǔwén )နှင့်မရေးနိုင်အောင် ရှုပ်ထွေးလွန်း၍ဖြစ်၏..

     စာရေးသားသူ..   မားဟူပိန် ဘ၀မှသေဆုံးသွားသော  ရွှီဟူပိန်...
          ဒါဏ်ကျဆောင်တွင် ထိုငွေဗူးအားမြှပ်နှံခဲ့သည် ..
   
           ''ဟူး...''

         စာကိုဖတ်ပြီးသည်နှင့်အားကွေ့မှာ သက်ပြင်းရှည်ကြီးကို မူတ်ထုတ်လိုက်၏..
   ထို့နောက်...

          ''အင်း အခုမှဇာတ်ရည်လည်တော့တယ် .. ရှောင်လင်ဂိုဏ်းချုပ်ဆရာတော်ရဲ့ သူငယ်ချင်း မကောင်းဆိုးဝါးဘုန်းကြီးက မပြည့်စုံတဲ့ လေ၀ဲအအေးလှိုင်းသိုင်းကို အဟုတ်မှတ်ပြီး အလွတ်ကျက်ကြမယ် ... အဲ့အထဲမှာ သဲလွန်စတစွန်းတစ ရလို့ ဒါဏ်ကျဆောင်မှာ ၀ှက်ထားတဲ့ငွေဗူးကိုရှာမယ် ... တွေ့လည်းတွေ့ရော အတွင်းအားသုံးပြီးရိုက်ဖွင့်မယ် .. ဂိုဏ်းချုပ်ဆရာတော်ရဲ့သူငယ်ချင်းဆိုတော့ ဗူးဖွင့်ဖို့ အခက်သိပ်ရှိမှာမဟုတ်ဘူးလေ.. ဒါပေမယ့် ကျာကူဝိန် မတတ်လေတော့ ဒီစာကို ဖတ်တတ်ဟန်မပေါ်ဘူး..မြွေထိန်းချုပ်နည်းနဲ့ သစ်စေ့စိုက်နည်းကိုပဲဖတ်တတ်ကြမယ်
အဲ့ဒါနဲ့ သူ့တပည့်ကို ရိုက်သတ် ..သိုင်းကျမ်းအေးအေးဆေးဆေးကျင့်လို့ရမယ့် နေရာရှာတော့ လှိုင်ဂူကိုတွေ့ .. အပင်စိုက် ..အပင်ရဲ့အအေးဓါတ် ..မြွေရဲ့အအေးငွေ့နဲ့သိုင်းကျမ်းကို ကျင့် .. သိုင်းကျမ်းကမစုံလေတော့ ရူး .. တလွဲတွေဖြစ်.. နောက်ဆုံးငါနဲ့တွေ့မှ အမိုက်ဇာတ်သိမ်းသွားတာကိုး ..သူ့ခမျာ သေတာသေသွားရတယ် သိုင်းကျမ်းက မစုံမှန်းတောင် မသိလိုက်ရရှာဘူး.. အဲ့ဒါက အရေးမကြီးဘူး ..မားဟူပိန်နဲ့ သိုင်းကျမ်းသူခိုးဘုန်းကြီး ကမြင်းကျောထလိုက်တာ ..ငါတောင် သက်ဆိုးမရှည်တော့မယ့် အပေါက်ရောက်ကုန်ပြီ..  လက်စသတ်တော့ ငါကလည်း မြွေဆိပ်တက်နေတဲ့အချိန် အပူအတွင်းအားကြောင့် အဆိပ်တွေနဖူးမှာစု ရွှေရောင်အကွက်ထ .. သိုင်းကျမ်းစင်က အနက်ရောင်လောက အနီရောင်အခန်း စာအုပ်မှာသုတ်ထားတဲ့ အဆိပ်နဲ့တွေ့ .. အဆိပ်အဆိပ်ခြင်း ဖိသိပ်ခံထားရလို့ ချက်ခြင်းမသေတာ .. ''
           အားကွေ့မှာ ခေါင်းကိုရမ်းခါလိုက်ပြီး..
            ''အိုး ...လူပဲ သေချိန်တန်ရင်သေမှာပေါ့ ..မသေသေးခင်တော့ လုပ်စရာရှိတာ လုပ်ရမှာပဲ ..မတတ်နိုင်ဘူး .. ဘယ်လိုဖြစ်ဖြစ်..''
           ပိုးစကို ဗူးထဲပြန်ထည့်ပြီး နောက်စားပွဲပေါ်တင်ကာ သူ၏ ဦးတည်ချက်အတိုင်း အပြင်သို့ထွက်လာခဲ့သည်.. နေပြည်တော်သည်ကား နေပြည်တော်ဟူသည့်အတိုင်း သူရောက်ဖူးသမျှ နေရာဌာနတို့ထက် အစပေါင်းများစွာ စည်ကားလျှက်ရှိ၏.. တွေ့ရမြင်ရသမျှ လူအပေါင်းမှာလည်း အရောင်အ၀ါ တောက်ပစွာနှင့် ခန်းနားထည်ဝါနေကြသည်..
              လူအုပ်ကြားထဲမှ တိုးလျှောက်လာရင်း ..တစ်ခုခုကို သတိရသွားသည့်နှယ် ရပ်တန့်လိုက်၏...
             ''အဲ့ ..ဟုတ်သား .. ငါကလည်း မေ့တတ်လိုက်တာလွန်ရော .. စုံစမ်းစစ်ဆေးရေးဌာနဘက်ကို သွားအုံးမှ ..''
            စုံစမ်းစစ်ဆေးရေးဌာနတွင် ထန်စူးစူးအား အဖမ်းချုပ်ခိုင်းထားသည် မဟုတ်လား.. ချန်းအိမ်တော်တွင် လူမဆန့်တော့သောကြောင့် ထောက်လှမ်းရေးမှူးချုပ်ကြီးချန်းအား အကူအညီတောင်းကာ ထန်စူးစူး ..ဦးကြီးကျောက် နှင့် အားဖုန်တို့သုံးယောက်ကို စုံစမ်းစစ်ဆေးရေးဌာနတွင် ဖမ်းချုပ်ခိုင်းထားရသည်.. ဒါဏ်ရာရ လူများအား ပြုစုပေးနေရသည်နှင့်  ထန်စူးစူးတို့အား တစ်ခါမှမတွေ့ရသေးပေ ..ယခုလို အပြင်ထွက်သည့်အခါ၌တော့ သွားရောက်ကြည့်ရှုသင့်သည်မဟုတ်လား...

==================


#97 ( အစ၏အဆုံး ..အဆုံး၏အစ )

       ထိုသို့ဆုံးဖြတ်ချက်ချကာ နဘေးနဘီအား အကဲခတ်ပြီးနောက် အနီးရှိ ထီး ဖိနပ်နှင့်ခြုံလွှာများရောင်းသောဈေးဆိုင်ထံသို့ လျှောက်လှမ်းသွားလိုက်၏.. စုံစမ်းစစ်ဆေးရေးဌာနတည်နေရာလည်း စုံစမ်းရင်း ..ပေါက်ပြဲစုတ်ပြတ်နေသော ဖိနပ်အသစ်လည်း ၀ယ်ရင်းဟူ၍ပင်.. ဆိုင်မှာ သစ်သားစားပွဲရှည်ခင်းကာ သက်ကယ်မိုးတပ်ထားသော ခပ်နုတ်နုတ်ဆိုင်လေးဖြစ်၏ ..သို့သော် ပစ္စည်းအမျိုးများ ကတော့ စုံလင်ပေသည်.. ထင်းရှူးခုံဖိပ်နပ်များ ..ပိတ်သားချည်ထိုးဖိနပ်များ .. ခြေနင်းဖိနပ်များ..သားရေဖိနပ်များ.. ကောက်ရိုးကွင်းစွပ်ဖိနပ်များ .. ကြိမ်ယက်ဖိနပ်များ.. ရွှေချည်ငွေချည်ထိုးထားသည့် အနွေးဖိနပ်များ ..သားမွှေးဖိနပ်များ အစရှိသည့်ဖိနပ်မျိုးစုံ .. အရောင်အသွေးအစုံချယ်သထားသည့် ဆီစိမ်စက္ကူသားထီးအရွယ်စုံ .. သားမွှေးခြုံလွှာ ..ကတ္တီပါခြုံလွှာ ..ပိုးခြုံလွှာ .. သားရေခြုံလွှာ ... ပိတ်သားခြုံလွှာ အစရှိသော ခြုံလွှာအသီးသီးများကို စားပွဲပေါ်တကန့်စီ တကန့်စီတင်ပြီးရောင်းချနေခြင်းဖြစ်၏..  ဆိုင်ပိုင်ရှင်မှာ သက်လတ်ပိုင်းအရွယ် သေးကွေးပိန်လှီသော လူ့ဗလံလေးဖြစ်ကာ မျက်စိအစုံမှာ စွေစောင်းလျှက်ရှိသည် ..

            ထိုလူမှာ စွေစောင်းနေသော မျက်စိကို အကျိုးရှိရှိအသုံးချတတ်သူ တစ်ယောက်ဖြစ်ပုံရသည် တောင်တစ်လုံးမြောက်တစ်လုံးမျက်ဝန်းများဖြင့် လမ်းသွားလမ်းလာမှန်သမျှကို အလွတ်မပေးစတမ်းလိုက်ကြည့်နေ၏...

          အားကွေ့မှာ စားပွဲခုံရှေ့သို့ရပ်လိုက်ရင်း တွေးမိသည်..

         ''အင်း ..သဘာဝတရားကြီးကတော့ လောကကြီးနဲ့လိုက်ဖက်ညီအောင် ဖန်တီးပေးထားတာပဲ ..ဒီလူကို မြင်တာနဲ့ မတရားစပ်စုမယ့်လူဆိုတာ မပြောဘဲနဲ့ သိနိုင်တယ် ..ဒီလိုလူမျိုးကိုမှ တချိန်ထဲ မြင်ကွင်းနှစ်မျိုးကြည့်နိုင်အောင် မဖန်တီးပေး ထားရင် ဘယ်လိုလူမျိုးကို ပေးရအုံးမှာပါလိမ့်.. အဲ ..သူ့မျက်လုံးက သူစပ်စပ်စပ်စုစု ကြည့်လွန်းလို့ စွေစောင်းသွားတာလည်းဖြစ်နိုင်ရဲ့ ..''

           သို့သော် လူဗလံဆိုင်ရှင်မှာ တောင်နှင့်မြောက် နှစ်ဘက်စလုံးကို အာရုံစိုက်နေရ၍ ထင်သည် သူ၏ရှေ့တည့်တည့်တွင်လာရပ်နေသည့် လူကိုတော့ ယခုထိမြင်သေးပုံမရပါ..

             ''အဟမ်း...အဟမ်း.. ဆိုင်ရှင်ကြီး ..''

            အားကွေ့က လုပ်၍ဆိုးလိုက်သော ချောင်းခြောက်နှင့်အတူ သူ့အား သတိပေးလိုက်မှ သူ၏တောင်တစ်လုံးမြောက်တစ်လုံးအား ရှေ့တူရှုသို့လည့်ကာ

             ''ဟေ့ကောင် တခြားမှာသွားတောင်းကွာ .. ဒီနေ့တစ်နေကုန် ဈေးဦးမပေါက်သေးဘူး..''

             အားကွေ့မှာ စိတ်ဆိုးရအခက် ရယ်ရအခက်ဖြစ်ရင်း ..

             ''အမယ် ငါ့ဥပဓိရုပ်ကလည်း အခံလေးနဲ့ကိုးကွ ..ကောင်းကွာ .. အ၀တ်အစားလဲလိုက်မှ သူတောင်းစားစစ်စစ်ဖြစ်ရတော့တယ်..''

             စိတ်ထဲတွင်ကျိတ်ရယ်လိုက်သော်လည်း နူတ်ကမူ ..

             ''အောင်မာ ..ရုပ်ကိုသေချာကြည့်စမ်းပါအုံး ..ဘယ်နေရာမှာ သူတောင်းစားနဲ့တူလို့လဲ.. ''

              ထိုလူကအားကွေ့တကိုယ်လုံးအား မြင်စေရန် စားပွဲခုံအား လက်ထောက်၍ ကိုယ်ကိုကြွကာ စေ့စေ့စပ်စပ်ကြည့်ရင်း..

               ''သေသေချာချာကြည့်မှ ကိုယ့်လူက သူတောင်းစားနဲ့ လုံးလုံးမတူဘူး ဆိုတာသိရတော့တယ်.. သူတောင်းစားကမှ ခင်ဗျားထက် သန့်သေးတယ်ဗျ .. နေပြည်တော်မှာ ရှိတဲ့ ဘယ်သူတောင်းစားမှ ခင်ဗျားလောက် မညစ်ပတ်ဘူး..''

               ''မအေပေးစွေစောင်း ခွေးသားကြီး ..ငါ့ကိုများ မှိုချိုးမြစ်ချိုးနဲ့ ..''

              စိတ်ထဲတွင် တစ်တစ်ခွခွ ဆဲလိုက်ပြီး စားပွဲခုံကို လက်ဖြင့်ခပ်ကြမ်းကြမ်းပုတ်ကာ ..

                ''ဟေ့လူ ... ခင်ဗျားရဲ့ ချီးမွမ်း ထောပနာပြုမှုတွေကို ဒီမှာတင်ရပ်တော့ ..အခု ခင်ဗျားလုပ်ရမှာက ဒီဆိုင်မှာ ရှိတဲ့ အကောင်းဆုံးဆိုတဲ့ ဖိနပ်ကို ကျုပ်ကိုပြ .. ဈေးဘယ်လောက်များများ ..ခြေထောက်နဲ့ကိုက်ရင်ဝယ်မယ် .. ဒါပဲ..''

                 စွေစောင်းမှာ အားကွေ့အား သူ၏ပုလဲတလုံးရွဲတလုံးမျက်ဝန်းနှင့် စိုက်ကြည့်ပြီးနောက်.. မြန်မြန်ပြန်အေးရော ဟူသည့် သဘောနှင့် ခုံအောက်တွင် သပ်သပ်ထည့် ထားသော သစ်သားဂျပ်ဖာဗူးကြီးတဗူးကို ထုတ်ယူလိုက်၏.. သူ၏ကိုင်တွယ်ပုံကို ကြည့်ခြင်းအားဖြင့်တော့ ထိုဗူးမှာ အလွန်အဖိုးထိုက်တန်သည့်ပုံ .. အသစ်စက်စက်မယားလေး၏ ပါးပြင်မှဝက်ခြံကို ညှစ်ပေးနေသည့်နှယ် ယုယုယယ ကိုင်ကာ စားပွဲပေါ်သို့ အသာချလိုက်ရင်း..

                  ''ဟေ့ကောင် ..မင်း စမ်းတော့မစီးကြည့်ရဘူးနော်..''

                 ဟုပြောကာ အားကွေ့၏လက်ကို သေသေချာချာကြည့်ပြီး..

                 ''လက်နဲ့ကိုင်ချင်ကိုင် ..လုံးဝမစီးကြည့်နဲ့ .. အခုငါပြမယ့် ဖိနပ်က နှယ်နှယ်ရရမမှတ်နဲ့ .. ဟိုး...ဂိုဂူယောနိုင်ငံက မုံဘုရင်ကြီး ယောက်ဖရဲ့ မယားပါသား စီးခဲ့တဲ့ဖိနပ်ကွ .. အောက်ခံသားရေပြားကို ထူပေါနိုင်ငံက စာမရီသားရေပြားနဲ့ လုပ်ထားပြီး .. ဘေးနဲ့အပေါ်သားရေပြားကို ဂန္ဓာရတိုင်း နှင်းတောင်ကြီးပေါ်မှာ နေတတ်တဲ့ ဧဏီဆိုတဲ့အကောင်ရဲ့သားရေပြားနဲ့ ကျက်ထားတာ.. ဒီဖိနပ်ကိုချုပ်တဲ့ပညာရှင်က  သူ့လက်နဲ့ထိရင် အသွေးချွန်မြတဲ့ဆူးတောင် ပန်း ပွင့်လာမယ်လို့ တင်စားခြင်းခံခဲ့ရတဲ့  ဆရာကြီး လောက်ချင်းထျန်းဟွာ ကိုယ်တိုင်ချုပ်ထားတာ''

                 အားကွေ့က ရယ်ချင်သောစိတ်ကိုအောင့်ကာ မျက်ခုံးနှစ်ဖက်ကို ပင့်တင့်လိုက်ရင်း..

                 ''အလို.. တယ်ဆိုတဲ့စာပါလား .. ပြစမ်းပါအုံးဗျာ ..''

                 ထိုလူမှာ ဂျပ်ဖာကို သိမ်မွေ့သော လက်အစုံဖြင့် အသာအယာ ဖွင့်၍
  အတွင်းမှ ဖိနပ်အား ထုတ်ယူလိုက်၏... ဖိနပ်မှာ ကြက်သွေးရောင်တောက်နေပြီး လွန်စွာလှ၏.. အောက်ခံခုံမှာ အတော်မာမည့်ပုံရှိကာ ဘေးနှစ်ဖက်တွင် ငွေဖြင့် ပြုလုပ်ထားသော ငါးထောင့်ကြယ်ငါးလုံးကိုတပ်ဆင်ထားသည် .. အားကွေ့က ထိုဖိနပ်အား လက်ဖြင့် ဆကြည့်လိုက်ရာ ပေါ့လွန်းသည်လည်း မဟုတ် လေးလွန်းသည်လည်းမဟုတ်ဘဲ အလောတော အလေးချိန်ရှိ၍ သဘောကျသွားသည်နှင့် ..

                   ''ကိုင်း ခင်ဗျားရဲ့ဖိနပ်ကိုတော့ သဘောကျသွားပြီ .. ဈေးစကားသာ ပြောပေတော့ ..''

                 စွေစောင်းက အားကွေ့အလစ်သုတ်မည်ကို စိုးသည့်နှယ် သူ့လက်ထဲမှ ဖိနပ်အား ပြန်ဆွဲလုလိုက်ပြီး ..

               ''ငွေစငါးဆယ်မှ မရရင် လုံးဝမရောင်းနိုင်ဘူးကွ .. အပင်ပန်းခံပြီး စဉ်းစားမနေနဲ့ ..ကိုယ်နဲ့တန်ရာတန်ရာ ကောက်ရိုးဖိနပ်ကိုစီး .. ကြေးပြားရှစ်ပြား ရောင်းတာကို မင်းကို သနားလို့ လေးပြားနဲ့ပေးလိုက်မယ် ..''

              အားကွေ့က တဟားဟားရယ်ကာ ..သူ့ရင်ဘတ်ထဲမှ ရွှေတုံးတစ်တုံးကို ထုတ်လိုက်၍ စားပွဲပေါ်ပစ်တင်လိုက်၏..

             ''ရွှေတုံးတစ်တုံးဆိုရင် ရွှေရွက်ငါးရွက်စာရှိတယ် ..ရွှေရွက်တစ်ရွက်ကို ငွေစ တရာ့နှစ်ဆယ်ရှိတယ် ဆိုထားတော့... ခင်ဗျား ပြန်အမ်းဖို့တတ်နိုင်ပါ့မလား... ဟားဟားဟားဟား''

              ဆိုင်ရှင်၏ စွေနေသော မျက်လုံးမှာ ပုဇွန်မျက်လုံးသဖွယ် ပြူးကျယ်ကာ သွား၏.. ထိုလူစုတ်ထံတွင် ရွှေတုံးတစ်တုံးရှိသည်ဟု တခြားလူမှလာပြောလျှင် အူတက်မတတ် ဟားတိုက်၍ပင် ရယ်လိုက်အုံးမည် .. ယခုတော့ ထိုလူစုတ်၏လက် ထဲတွင် တဖိတ်ဖိတ်တောင်ပြောင်နေသော ရွှေတုံးက အမှန်တကယ်ရှိပါ၏.. ဆိုင်ရှင်မှာ အတန်ကြာနုတ်ဆိတ်နေပြီးမှ .. အ ထစ် အ ထစ်ဖြင့်

             ''သ ..သ..သူဌေးလေးရယ် ကျွန်တော့်မှာ အဲ့လောက်ပြန်အမ်းဖို့ တတ်နိုင်ရင် ဘယ်က ဈေးရောင်းစားနေတော့မှာလဲဗျာ .. မနောက်ပါနဲ့ ..''

             အားကွေ့က ချက်ြခင်းအမူအယာပြောင်းသွားသော စွေစောင်းအား ပြုံးစစဖြင့်ကြည့်ရင်း ရွှေတုံးကို လက်ညိုးလက်မဖြင့် အသာဖဲ့လိုက်၏...

           ''ဂျွပ်''ဟူသောအသံနှင့်အတူ ရွှေတုံးမှာ လက်တစ်ဆစ်ခန့် ပဲ့ထွက်သွားသည် .. စွေစောင်းသည် ထိုအခါမှ အနှီလူစုတ်မှာ သိုင်းပညာရှင်တစ်ယောက်ဟု သဘောပေါက်သွားသောကြောင့် ဦးခေါင်းကို အကြိမ်ကြိမ် ညွတ်ရင်း အသံတိတ် နေရှာ၏..

          ''ကဲ..ကဲ .. ရော့ဒီမှာ ရွှေစ .. လက်တစ်ဆစ်လောက်ဆိုရင်ကို ငွေစ တရာလောက်တန်နေပြီ .. ပြန်အမ်းမနေနဲ့တော့.. အခုခင်ဗျားဖိနပ်ကို ကျုပ်စီးကြည့်မယ် ... တော်ရင်တော့ ယူမှာပေါ့ မတော်ရင်တော့ တခြားတော်တဲ့ ဖိနပ်နဲ့လဲရမှာပေါ့..''

            ရွှေစကို ပစ်ပေးရင်း ဆိုင်ရှင်လက်ထဲမှ ဖိနပ်ကို ဆွဲယူကာ ခြေတွင် စွပ်ကြည့်လိုက်၏.. ဖိနပ်မှာ သူ့အတွက် ရည်ရွယ်ပြီး ချုပ်ထားသည့်အတိုင်း ကွက်တိပင်.. အားကွေ့က ပို၍အသားကျသွားအောင် ခုန်ဆွခုန်ဆွ လုပ်ရင်း..

           ''အကိုက်ပဲဗျို့ ..ခင်ဗျားရဲ့ လောက်ချင်းထျန်းဟွာက ကျုပ်အတွက် တိုင်းချုပ်ထားတာနဲ့တူရဲ့ .. ဟားဟားဟားဟား..''
               အားကွေ့က တဟားဟားနှင့်ရယ်ကာ
      '' နို့နေပါအုံး တစ်ချက်မေးစမ်းပါရစေ ဆိုင်ရှင်ကြီး .. စုံစမ်းစစ်ဆေးရေးဌာနကို ဘယ်လို သွားရမှာတုန်း .. သိရင် လမ်းညွှန်စမ်းပါ့...''

          ဆိုင်ရှင်မှာ ရွှေစအား သွားဖြင့်ကိုက်ကြည့်နေရာမှ ပုတ်သင်ညိုရှုံး လောက်အောင် ခေါင်းအခါခါငြိမ့်ကာ..

         ''သိပါတယ် ..သူဌေးလေး ..သိပါတယ် .. ခုဒီလမ်းမကြီး တည့်တည့်သွား .. အတော်ကြာကြာသွားလို့... လရောင်ဆမ်းသော နှင်းပန်းကလေး စားသောက်ဆိုင် ရောက်ရင် သူနဲ့ဝဲဘက်ဓါးလွယ်ခုတ်မှာ နေပြည်တော်အထူးစစ်ဆေးရေးဌာန လို့ စာတမ်းအကြီးကြီးချိတ်ထားတဲ့ ရုံးကြီးကိုတွေ့ပါလိမ့်မယ်ခင်ဗျ .. ရုံးရှေ့မှာ ဗုံကြီးတစ်လုံးရယ် နှိပ်စက်တဲ့ ကိရိယာတွေ ထားထားပါတယ် ..''

             အားကွေ့က ရွှေတုံးကို ရင်ဘတ်ထဲ ပြန်ထိုးထည့်ရင်း ဆိုင်ရှင်အား နူတ်ဆက်ကာ ထွက်လာခဲ့သည်.. ဖိနပ်အသစ်စီးလိုက်မှ သူ၏ခြေလှမ်းများက ပိုသွက်နေသယောင်ယောင် ..

            ဆိုင်ရှင်လမ်းညွန်သည့်အတိုင်း လရောင်ဆမ်းသော နှင်းပန်းကလေးဟူသည့် ခန်းနားလှသောစားသောက်ကြီးသို့အရောက် ၀ဲဘက်သို့ ဂရုစိုက်ကြည့်လိုက်ရာ အနက်ရောင်စာလုံးများနှင့် ရေးသားထားသော နေပြည်တော်အထူးစစ်ဆေးရေးဌာန ဟုတွေ့လိုက်ရသဖြင့် ထိုဘက်သို့ဦးတည်လိုက်တော့၏ ..

          အားကွေ့ရုံးထဲသို့ ၀င်သွားပြီး သိပ်မကြာခင်တွင် လရောင်ဆမ်းသော နှင်းပန်းလေး စားသောက်ဆိုင်ထဲမှ လူတစ်ယောက် သုတ်သီးသုတ်ပြာနှင့် ပြေးထွက်သွားသည် .. အ၀ါရောင်ဖဲကြိုးကွပ်ထားသော တန်ဘိုးကြီးဝတ်စုံကို ၀တ်ဆင်ထားသည့် ထိုလူသည် သေသေချာချာကြည့်လျှင် ယာဘက်လက်တစ်ဖက် ပြတ်တောက်နေသည်ကို တွေ့ရမည်ပင် .. မှန်ပေ၏ ထိုလူသည်က ရှု့ယီဖြစ်လေတော့၏..

            တကယ်တော့ ရှု့ယီမှာနေ့ခင်းကတည်းက ထိုဆိုင်တွင် အရက်ထိုင်သောက်နေခြင်းဖြစ်သည် .. လရောင်ဆမ်းသော နှင်းပန်းလေး စားသောက်ဆိုင်သည် နေပြည်တော်တွင် အထင်ရှားအကျော်ကြားဆုံးဖြစ်ပြီး ..ကုန်ကျစရိတ်လွန်စွာကြီးမြင့်လှ၏ ..မင်းစိုးရာဇာအနွယ်များ သူဌေးသူကြွယ်များနှင့် ငွေကြေးကုံလုံသူတို့သာ လာရောက်နိုင်ပြီး တော်ရုံချမ်းသာသူများ အနားပင် မကပ်နိုင်ချေ .. စရိတ်ကြီးမြင့်လှသည်နှင့်အညီ ၀န်ဆောင်မှုကလည်း ကောင်းလှသည်ပင်.. ချောပေ့ လှပေ့ နုပေ့ ပျိုပေ့ ဟူသည့် မိန်းမချောလေးများက ၀ိုင်းတိုင်းဝိုင်းတိုင်းအား ဧည့်ခံဖျော်ဖြေပေးသည့်အပြင် ချိုမြသော တူရိယာသံစဉ် ..မွှေးပျံ့သော စားသောက်ဖွယ်ရာတို့ကလည်း ပိုးမျိုးရှစ်ဆယ်ကို ထကြွစေမည်သာ .. အကောင်းတကာ့အကောင်းဆုံး အရက်များဖြစ်ကြသော လီတစ်သောင်းပျံ့မွှေး ..ပါးအို့လေးရဲရဲနီ.. ကညာနီနှင့်အပျိုစင် .. ကျောက်စိမ်းဧက္ကရာဇ် မူးယစ်ဝေ.. သုံးမျိုးသုခဘုံ ..အစရှိသော အရက်အမျိုးမျိုးမှာ အနံ့ရရုံနှင့်ပင် သရေချောင်းစီးစေနိုင် သည်လေ...

           ထိုသို့ဌာနဖြစ်သောကြောင့်လည်း ရှု့ယီမှာ နေ့ခင်းကတည်းက ဇိမ်ယစ်နေခြင်းသာ .. အထပ်နှစ်ထပ်ရှိသည့်အနက် .. အပေါ်ထပ်တွင် နေရာယူထားသည်မို့ လမ်းသွားလမ်းလာမှန်သမျှကို မျက်စိစားပွဲထိုင်နိုင်သည် မဟုတ်လား..

            သူ၏ပျော်ရွှင်ခြင်းမှာ အားကွေ့ကို မတွေ့ခင်ကဖြစ်သည် .. လမ်းမကြီး အတိုင်း မြောက်ကြွကြွ လမ်းလျှောက်လာသော အားကွေ့ကို မြင်သည်နှင့် တကိုယ်လုံးနတ်ပူးသလို တုန်လှုပ်ကာ စားထားသမျှ သောက်ထားသမျှ အန်ထွက်လုလု ဖြစ်သွား၏ ..

           သူ၏အမူအယာကိုကြည့်ကာ နဘေးမှ မိန်းမပျိုလေးပင် ရိပ်မိသွားပုံရသည် .. မည်သို့ပင်ဖြစ်စေ သူ့အနေနှင့်တော့ အကြောက်တရားကို မထ်ိမ်းချုပ်နိုင် .. သို့သော်သူကံကောင်းပါ၏ အားကွေ့မှာ စားသောက်ဆိုင်ရှေ့တွင် ခေတ္တမျှသာ ရပ်ပြီး လမ်းဝဲဘက်မှ ရုံးတော်ထဲသို့ ၀င်သွားသည်..  ထိုသို့ဝင်သွားသည်နှင့် ကျသင့်ငွေပင် မရှင်းနိုင်တော့ဘဲ ဆိုင်ထဲမှ တရမ်းကြမ်းပြေးထွက်လာမိ၏ ..

              ရှု့ယီမှာ သေတွင်းထဲကလွတ်လာသူတစ်ယောက်လို နှလုံးသွေးကြောများ တဒိတ်ဒိတ်ခုန်နေရင်းနှင့်မှ အတွေးတို့ကို ရပ်ဆိုင်းလိုက်ရသည် .. သူတို့တည်းခိုရာ စံအိမ်အတွင်းမှ ဝေါယာဉ်နှစ်စီးထွက်သွားတာမြင်လိုက်ရ၍ဖြစ်၏.. တစ်စီးမှာ သူမြင်နေကျ အမတ်ချုပ်ကြီး၏ဝေါယာဉ်ဖြစ်ပြီး ကျန်တစ်စီးကတော့ အသစ်ဖြစ်သည်... တူညီကြသော အချက်ကတော့ နှစ်စီးစလုံး ကြီးကျယ်ခန်းနားခြင်းပင်.. အမတ်ချုပ်ကြီး၏ဝေါယာဉ်ကိုတော့ သူ၏ကိုယ်ရံတော်တပ် ခြံရံထားကာ ကျန်ဝေါယာဉ်ကိုမူ ရင်ဘတ်တွင် ဘီလူးရုပ်ရေးဆွဲထားသည့်  အနက်ရောင်ဝတ် အဖွဲ့သားများက ခြံရံထား၏.. ဆရာဖြစ်သူ ပုဝူးလူသွဲ့ကိုမူ စံအိမ်ဝတွင်ရပ်နေသည်ကို တွေ့ရသည် .. ထိုအဖွဲ့နှစ်ဖွဲ့မြင်ကွင်းမှ ပျောက်ကွယ် သွားသည်နှင့် ရှု့ယီက ဆရာဖြစ်သူထံ အပြေးတပိုင်းသွားကာ ..

             ''ဆရာကြီး ဟိုခွေးကောင်ကို ကျွန်တော်မြို့ထဲမှာ တွေ့လိုက်တယ် ..''

              ပုဝူးလူသွဲ့က မေးဆတ်ပြလိုက်ရင်း..

              ''အေး လောလောဆယ် အဲ့ကောင်နဲ့ထိပ်တိုက်တော့ မတွေ့စေနဲ့ ... မင်းကိုသူမမြင်သွားဘူး မဟုတ်လား..''

              ''မမြင်ဘူးဆရာကြီး ..သူနေပြည်တော် အထူးစုံစမ်းရေးရုံးတော်ထဲ ၀င်သွားတာ..''

              ပုဝူးလူသွဲ့က သူ့နောက်က လိုက်ခဲ့ဟူသည့် အမူအယာဖြင့် လက်ရမ်းပြလိုက်ရင်း အစောင့်အကြပ်များ ရှင်းလင်းသည့် ဥယျဉ်တော် နားနေဆောင်သို့ ဦးဆောင်သွားလိုက်ပြီး ..အဆောင်တွင်းရှိ ကျေက်ဖြူသားခုံပေါ် ၀င်ထိုင်လိုက်ကာ ..

               ''ထိုင် ..ရှု့ယီ အခုလတ်တလောတော့ ဒီ့ကောင့်ကို လွတ်ပေးထားရအုံး မှာပဲ..  ၀ူချောင်ကိစ္စအောင်မြင်မှ စိစိညှက်ညှက်ကြေအောင် ထောင်းရမှာ .. ခုနက အမတ်ချုပ်ကြီးတို့ ထွက်သွားတာ မြင်လိုက်လား...''

             ''မြင်တယ် ဆရာကြီး ..နောက်ကဝေါက ဘယ်သူ့ဝေါယာဉ်လဲ..''

             ''ဟားဟားဟားဟား ...နရန်ကိုယ်တော်လေးဆိုတဲ့ ကောင်ရဲ့ဝေါယာဉ်ကွ ..ကောင်လေးက ငချွတ်လေးပဲရှိသေးတယ်..အားကွေ့ထက်ကြီးလှ နှစ်နှစ်သုံးနှစ်ပေါ့ .. ဒါပေမယ့် ကောက်ကျစ်တဲ့ နေရာမှာတော့ .. သူတို့နှစ်ယောက် ဘယ်သူသာမယ် မသိဘူး ..အခုလည်း ငါနဲ့ အမတ်ချုပ်ကြီးကို ပက်စက်တဲ့ အကြံတစ်ခု လာပေးတာကွ..''

              ''ဘယ်လို အကြံအစည်တဲ့လည်း ဆရာကြီး ...''

              ''ဒီလိုကွ.. အမတ်ချုပ်ကြီးက ရှင်းရှင်းပြောရရင် ရန်ခွမ်းကို အပြတ်ရှင်းချင်နေတာ .. ဒါပေမယ့် အကျိုးအကြောင်းမရှိဘဲနဲ့လည်း ရှင်းလို့ မရဘူး ..ရန်ခွမ်းဘက်မှာ စစ်တပ်နဲ့ပြည်သူရှိနေတာကိုး .. သူရှင်းတဲ့ အကြောင်းသာ သိသွားရင် တတိုင်းပြည်လုံးအုံကြွလာလိမ့်မယ် .. ဒါကြောင့်မို့လို့ သူ့ကိုရှင်းဖို့ အကြောင်းပြ ချက်ကောင်းကောင်းလိုတယ် .. တတ်နိုင်ရင် ဘုရင့်အမိန့်နဲ့ ရှင်းချင်တာပေါ့  ... ပိုလို့ဖြစ်စေချင်တာက ဘုရင်နဲ့ ရန်ခွမ်း အပြတ်တိုက်စေချင်တာ ပေါ့ ..ဒါမှ သူ့လက်ထဲ အာဏာရမှာလေ.. ပြီးတော့ ညီလာခံမှာလည်း ရန်ခွမ်းကို သက်တော်ရှည်ဝန်မင်းနဲ့ အရှေ့ဝန်မင်းအဖွဲ့ ၀င်ကာထားလို့ အမတ်ချုပ်ကြီးလည်း တိုးမပေါက်ဘူး.. ဆိုတော့ အဲ့ နရန်ကောင်က အကြံပေးတယ် .. ဘုရင်နဲ့ရန်ခွမ်းကို တည်ပေးဖို့ ရန်တိုက်ပေးဖို့တဲ့ ''

               ရှု့ယီက ဖားပြုတ်အို၏စကားအား စိတ်ဝင်တစားနှင့်..

             ''ရန်တိုက်ပေးဖို့ ...လွယ်ပါ့မလားဆရာကြီးရယ်.. ''

             ''အင်း ..သူပြောတော့လည်း ဖြစ်တော့ဖြစ်နိုင်မယ့်ပုံကွ.. ဘယ်လိုလဲဆိုတော့ .. ပထမဆုံး ဘုရင့်ကိုယ်ရံတော်တပ်က လက်ရွေးစဉ်သိုင်းသမား ငါးယောက်နဲ့ ရန်ခွမ်းကို လုပ်ကြံမယ် .. တချိန်ထဲမှာပဲ ရန်ခွမ်းရဲ့ တပ်က လက်ရွေးစဉ် သိုင်းသမား ငါးယောက်နဲ့ ဘုရင့်ကို လုပ်ကြံမယ် ..အဲ့ဒီလုပ်ကြံရေးသမား ဆယ်ယောက်ကိုတော့ နရန်ဂိုဏ်းနဲ့ ငါနဲ့ကဖန်တီးပေးရမယ်တဲ့..''

               ''ကျွန်တော်တို့က ဖန်တီးပေးရမယ်...ဟုတ်လား..''

               ''ဖန်တီးပေးရမယ်ဆိုတာက ဒီလိုရှု့ယီရေ ..နရန်ဂိုဏ်းက ဘုရင့်တပ်ထဲက သိုင်းသမားငါးယောက် .. ရန်ခွမ်းရဲ့လက်ရွေးစဉ်သိုင်းသမား ငါးယောက် စုစုပေါင်း ဆယ်ယောက်ကို အရှင်ဖမ်းခဲ့မှာ .. အဲ ..ရလာတဲ့ဆယ်ယောက်ကိုတော့ ငါ့ဘက်က စိတ်ပြောင်းပေးရမှာပေါ့ ..ငါတို့လူမဲကြီးတွေကိုလုပ်သလိုမျိုးပေါ့... အသိစိတ်မဲ့သွားတဲ့ ကောင်တွေနဲ့ နှစ်ဘက်လုံးကို လုပ်ကြံခိုင်းမှာ .. အိမ်း ... လုပ်ကြံတာက အောင်မြင်မှာတော့မဟုတ်ဘူး ..ဘာလို့လည်းဆိုတော့ နန်းတွင်းက အင်အားမသေးသလို ..ရန်ခွမ်းကလည်း အင်အားမနည်းဘူးလေ .. လွတ်လိုက်တဲ့ ဆယ်ယောက်စလုံးသေမှာပဲ ..  ဒါပေမယ့် ရန်ခွမ်းဘက်က သူ့ကို ဘုရင်က လက်စတုန်းချင်တယ်လို့ ထင်.. ဘုရင်ဘက်ကလည်း ရန်ခွမ်းက သူ့ကိုလုပ်ကြံတယ် လို့ထင်သွားလိမ့်မယ်.. ကဲ ...ဒီလောက်ဆို နောက်ဖြစ်လာမှာကိုတော့ မင်းဆက်စဉ်းစားကြည့်ပေါ့...''
           
              ရှု့ယီမှာ ပက်စက်လှသော အကြံကြောင့် မျက်လုံးပြူးသွားပြီး..

             ''ဟင်.. အကြားနဲ့တင် ဒီ နရန်ကကောင်ရဲ့ ကောက်ကျစ်တဲ့ဉာဏ်ကို သဘောပေါက်မိပြီဗျ .. ဟိုခွေးမသားအားကွေ့ထက် သာဖို့ပဲရှိတယ် ဘယ်နည်းနဲ့မှ အောက်မကျနိုင်ဘူး ..သူ့အကြံသာအောင်ရင် နှစ်ဘက်စလုံး ပွဲကြမ်းပြီပဲ ..''

            ဖားပြုတ်အိုက ခေါင်းတဆတ်ငြိမ့်လိုက်ရင်း..

            ''မှန်တယ် ..တပည့်ကြီး ..အခုဆို ငါတို့သတိထားရမယ့် မြေခွေးတစ်ကောင် ထပ်ပေါ်လာပြီလို့ဆိုရမှာပဲ ..''

            ထိုအခိုက်ရှု့ယီက ခေါင်းထဲတွင် အကြံတစ်ခုဝင်လာ၍ ..

           ''ဟုတ်ပြီ ..ဟုတ်ပြီ ..ဆရာကြီး ..ဒီလိုဆို ကျွန်တော်တို့ မြေခွေးနှစ်ကောင်ကို လှည့်တိုက်ပေးရင်ရော.. ဘယ်လိုလဲ..''

            ပုဝူးလူသွဲ့က ရှု့ယီ၏ စကားကြောင့် တွေ ခနဲ တချက်ဖြစ်သွားပြီး...

           ''ဟားဟားဟားဟား .. ဟုတ်တယ် ..မှန်တယ် တပည့်ကြီး .. တသက်လုံး သုံးစားမရတဲ့ ခေါင်းက ဒီနေရာမှာတော့ အသုံးဝင်သွားပြီပေါ့... ဟားဟားဟားဟား..''

          ရှူ့ယီမှာ အောင့်သက်သက်နှင့်ပင် ဆရာဖြစ်သူနှင့်အတူ လိုက်လံရယ်မော ရတော့၏...
           
           
==========================
           အခုတော့ အင်အားကြီး ဗီလိန်တစ်ယောက်ထပ်ပေါ်လာပြီပေါ့ဗျာ ..
ဇာတ်လမ်းက အခုမှ စမှာရယ်...ဟဲဟဲ..



#98A ( အစ၏အဆုံး ..အဆုံး၏အစ )

         ထိုအချိန်တွင်အားကွေ့ကတော့ ဌာနမှူးရှလုံ ဓါးကိုင် မင်းမှုထမ်း ခြောက်ယောက်နှင့်အတူထန်စူးစူး အား ဖမ်းချုပ်ထားသော မြေအောက်ခန်းသို့ သွားနေသည် .. မြေအောက်ခန်းပီပီ အလင်းမပေါက်သော်လည်း နံရံတွင် ထင်းရှူးမီးတိုင်များ ထွန်းညှိစိုက်ထူထားသောကြောင့် ပတ်ဝန်းကျင်အား သဲကွဲစွာ မြင်နေရပါ၏...

         မြေအောက်ခန်းမှာ ရှည်လျားလှပြီး သွားရာ ၀ဲယာလမ်းတစ်လျှောက်တွင် အချုပ်ခန်းများက အစီအရီနေရာယူထားသည်.. အခန်းအတော်များများတွင် လူများရှိကြသော်လည်း အသံဟူ၍ တစက်မှ မကြားရ .. သူတို့အဖွဲ့၏ ခြေသံသဲ့သဲ့သာ ထွက်ပေါ်နေလေ၏ ..

        လေ၀င်လေထွက်မကောင်းသော နေရာမို့ အောက်သိုးသိုးအနံ့.. မှိုအနံ့ .. ချဉ်စုတ်စုတ်အနံ့ .. မစင်နံ့ .. အညစ်အကျေးအနံ့ အစရှိသော အော်ကလီဆန်ဖွယ် အနံ့အမျိုးမျိုးက လုံးထွေးနေသဖြင့် ရှူရှိုက်နေရသော လေထုမှာ အဆိပ်အထောက် သဖွယ်ပင်.. အမြဲတမ်းလာနေကြဖြစ်သော ဌာနမှူးရှလုံနှင့် ဓါးကိုင်မင်းမှုထမ်းများမှာ နှာခေါင်းတရှုံ့ရှံ့ ချောင်းတဟွတ်ဟွတ် ဖြစ်နေသလောက် .. အားကွေ့ကတော့ ပြုံးပြုံးပြုံးပြုံးနှင့် လွန်သာမောဖွယ် ဥယျဉ်နယ်ထဲသို့ ရောက်နေသည့် အသွင် ..

         ရှလုံမှာ အားကွေ့အားမကြာမခဏအကဲခတ်ကြည့်ပြီး လွန်စွာ နားလည်ရ ခက်သော လူပေလူတေဟု မှတ်ချက်ချမိတော့၏.. ၀တ်ထားသည်ကလည်း စုတ်တီးစုတ်ပြတ်..လူပုံကလည်း မျက်နှာအားစေ့စေ့ကြည့်၍ ဖြတ်ရိုက်ချင်စရာမျက်နှာ .. လမ်းလျှောက်လျှင်က မြောက်ကြွမြောက်ကြွနှင့် ထို့ပြင် ဘယ်အချိန်ကြည့်ကြည့်  ပါးစပ်ကစပ်ဖြဲဖြဲ ပြုံးနေတတ်သေးသည်.. ထိုကဲ့သို့သော လူကို ရှလုံအနေဖြင့်တော့ အောက်တန်းစားကောင်ဟုသာ မြင်ပေတော့၏ ..ထိုသို့အောက်တန်းစားကောင်အား အချုပ်ခန်းထဲသို့လိုက်ပို့နေရသော သူ့အဖြစ်ကို ရင်နာ၍မဆုံး...

          သို့သော် ထောက်လှမ်းရေးမှူးချုပ်ချန်းကိုယ်တိုင် သူ့အား အမိန့်ပေးထား သဖြင့် မလိုက်နာဘဲလည်း မနေရဲပါ .. ရှလုံမှာ အချုပ်ခန်းထဲမှ အပေါ်ပြန်ရောက်လျှင် တကိုယ်လုံးနွားနို့ဖြင့် ရေချိုးကာ သန့်ရှင်းလိုက်မည်ဟု တွေးတောပြီး အပြုံးမျက်နှာ ဖန်တီးလိုက်ကာ ..အားကွေ့အား လှမ်းကြည့်၍  ..

           ''အကိုလေးအားကွေ့ .. ရှေ့တစ်ကွေ့ဆိုရင် ဟိုမိန်းမကြီးကို ချုပ်ထားတဲ့ နေရာ ရောက်ပါပြီ ..  သူ့အခန်းရှေ့မှာ အစောင့် ရှစ်ယောက်တောင် စောင့်ခိုင်းထားပါတယ်''

           အားကွေ့က လက်သန်းဖြင့် နှာခေါင်းနိုက်နေရာမှ

            ''ဌာနမှူးကြီး ရှ ကတော့ တကယ်ပဲအကွက်မြင်တတ်ပါပေတယ် .. ကျွန်တော် အိမ်ပြန်ရောက်တာနဲ့ ဘဘချန်းကို ဌာနမှူးကြီး ရှ အလွန်တာဝန်ကျေတဲ့ အကြောင်း ပြန်ပြောပေးပါ့မယ်..''

           ရှလုံက ထိုစကားကြောင့် ၀မ်းသာအားရဖြင့်..

          ''ကျေးဇူးမမေ့ပါဘူး ..ကျေးဇူးမမေ့ပါဘူး အကိုလေးရယ် ..ဟဲဟဲဟဲဟဲ..''

           သူတို့၏ရာထူး တက်ရေးမတက်ရေးက ထောက်လှမ်းရေးမှူးချုပ်ကြီး ချန်း လက်ထဲမှာသာ ရှိနေသည်မို့ အားကွေ့၏ ထောက်ခံစကားတခွန်းက မည်မျှလောက် တာသွားမည်ဆိုသည်ကိုတော့ ရှလုံသဘောပေါက်ပါသည်.. ယခုရက်ပိုင်းအတွင်း ထောက်လှမ်းရေးမှုးချုပ်ကြီးချန်းမှာ သူတို့နှင့်စကားစပ်မိတိုင်း ထိုလူစုတ် ဘယ်လောက်တော်ကြောင်း ဘယ်လောက်သိကြောင်းအား ဟိမ၀န္တာ ချီးမွန်းခန်း ဖွင့်နေသည်မဟုတ်မလား..

            အားကွေ့က သူခဲရာခဲဆစ် နှိုက်၍ရလာသော နှပ်ချေးခြောက်ကို လုံးခြေရင်း

           ''မြေအောက်အချုပ်ခန်းက တော်တော်ရှည်သားပဲ..ကျွန်တော် စိတ်ထဲက ရေလာတာ အခန်းပေါင်း လေးဆယ့်ရှစ်ခန်းရှိသွားပြီ.. ''

           ''မှန်တယ် အကိုလေးအားကွေ့ .. စုစုပေါင်း အခန်းခြောက်ဆယ် ရှိတယ် .. မိန်းမကြီးကိုတော့ ဟိုးထောင့်ဆုံးခန်းမှာတစ်ယောက်ထဲချုပ်ထားပြီး ..ဟို လူလေးယောက်ကိုလည်း တစ်ယောက်တစ်ခန်းစီနဲ့သီးသန့်ချုပ် ထားပါတယ် ...''

           အားကွေ့က ကောင်းသည်ဟူသော အမူအယာနှင့်ခေါင်းငြိမ့်ပြလိုက်သည် ..ထိုအခိုက် ရှေ့မှ ဦးဆောင်လျှောက်နေသည့် မင်းမှုထမ်းတစ်ယောက်က ..

          ''အလို ဟိုမိန်းမကြီးအခန်းရှေ့မှာ စောင့်နေတဲ့ မင်းမှုထမ်း ရှစ်ယောက်လုံး လဲကျနေတယ်ဗျ.. .''

          ရှလုံမှာ ထိုစကားကြောင့် ငယ်ထိပ်တွင် မြွေပေါက်ခံလိုက်ရသည့်နှယ် ဆတ်ခနဲ တွန့်သွားပြီး..

          ''ဘယ်...ဘယ်...ဘယ်လို ဖြစ်ကုန်ကြတာတုန်း.. ဘယ်လို ဖြစ်ကုန်ကြတာတုန်း..''

           အားကွေ့က စိတ်လှုပ်ရှားနေသော ရှလုံလက်ကို ဆွဲကာ ..

          ''စိတ်မပူပါနဲ့ဗျာ .. ထန်စူးစူးက မေ့ဆေးသုံးလိုက်တာပါ .. စိတ်ချ သူအချုပ်ခန်းထဲက လုံးဝထွက်ပြေးလို့မရပါဘူး .. ထန်စူးစူးသာ အပြင်ထွက်လို့ရရင် ခင်ဗျားလူရှစ်ယောက်ကို ဒီတိုင်းဘယ်ထားခဲ့မလဲ .. အနည်းဆုံးတော့ ခေါင်းဖြတ်သွားမှာပေါ့....''

         ''ခစ်...ခစ်...ခစ်..ခစ် .. ငါ့မောင် လိုလူမျိုးကိုမှ လူတော်လို့မဆိုရင် ဘယ်သူ့ကို လူတော်လို့ ချီးမွန်းရမှာလဲ .. မှန်တယ် သွေးစွန်းကဝေထန်စူးစူးက အပြင်သာထွက်လို့ရရင် .. ဒီကောင်တွေကို ခေါင်းဖြတ်ပစ်ခဲ့မှာ အမှန်ပဲ..''

           ရှလုံမှာ ထန်စူးစူးဟူသော အားကွေ့ပြောလိုက်သည့် စကားကြောင့် သွေးဆုတ်ဖြူလျော်သလိုဖြစ်သွားရင်း..

            ''ဘုရားရေ ..အကိုလေးအားကွေ့ ကျွန်တော်တို့ အခုဖမ်းထားတဲ့ မိန်းမကြီးက သွေးစွန်းကဝေ ဆိုတာလား .. ''

             အားကွေ့က ချော်လဲရာရောထိုင် နှပ်ချေးခြောက်ဖြင့် ရှလုံအား သုတ်လိုက်ကာ ..

            ''ဟုတ်ပါ့ဗျာ ..ထန်စူးစူးဆိုတာ သူပေါ့ ..ဘယ့်နှယ်လဲ လှတယ်မို့လား.. ''

             ရှလုံမှာ အကြောက်လွန်၍ ပါးစပ်ပင်မဖွင့်နိုင်တော့.. သွေးစွန်းကဝေ ထန်စူးစူးမည်မျှသိုင်းတော်သည် မည်မျှကောက်ကျစ်သည် မည်မျှရက်စက်သည် ဟူသည့် အကြောင်းမှာ တတိုင်းပြည်လုံးနီးနီးသိကြသည်မဟုတ်လား ..ထို့ထက်ဆိုး သည်က မျက်နှာချေများထူပိန်းအောင် လိမ်းချယ်ထားသည့် ထိုမိန်းမကြီးအား သူတို့ လှောင်ပြောင်ရယ်မောခဲ့ကြခြင်းနှင့် ဒုတ်များဖြင့်ရိုက်ကာ ခွေးမောင်းသလို မောင်းရင်း အချုပ်ခန်းအတွင်းသို့ ရိုက်သွင်းခဲ့ကြခြင်းပင်..

              အားကွေ့က မျက်နှာအား အပေါ်မော့ကာ လေတချက် ရှူသွင်းလိုက်ပြီး...

            ''အား...  အပြုံးတစ်ဝက်မှူးမေ့ဆေးနံ့ပါလား .. ဒါကြောင့်မို့ သူတို့တခါထဲ မေ့လဲသွားတာကိုး... ''

             ရှလုံနှင့် မင်းမှူထမ်းခြောက်ယောက်မှာ နှာခေါင်းကို လက်ဖြင့် အုပ်ပြီး နောက်သို့ ဆုတ်သွားကြသဖြင့် ..

           ''အာ ..ဌာနမှူးကြီးရှ . မေ့ဆေးငွေ့က ပျယ်သွားပါပြီဗျ .. လေထဲမှာ အနံ့ သက်သက်ပဲကျန်တော့တာ .. အပြုံးတစ်ဝင်မေ့ဆေး ဆိုတဲ့အတိုင်း အနံ့ရတာနဲ့ အပြုံးတောင် တစ်ဝက်ပဲပြုံးနိုင်ပြီး ချက်ခြင်းမေ့သွားသလို အာနိသင်ကုန်တာလည်း ခပ်မြန်မြန်ပဲ .. အခုတောင် ကျွန်တော့်လို အနံ့ခံကောင်းတဲ့ လူမှ ဆေးနံ့ရမှာ .. ခင်ဗျားတို့ မယုံရင် ရှူကြည့် ဘာအနံ့မှ ရမှာမဟုတ်ဘူး.''

            ''ခစ်ခစ်ခစ်ခစ် ..မှန်တယ် ..ခွေးလို အနံ့ခံကောင်းတဲ့သူမှပဲ အဲ့အနံ့ရတော့မှာ....''

           အားကွေ့က သူ့အားခွေးနှင့်နှိုင်းသည်ကို စိတ်မဆိုးဘဲ..

           ''အချုပ်ခံထားရတဲ့ လူနဲ့စာရင် လွတ်လပ်နေတဲ့ ခွေးဖြစ်ရတာမှ စိတ်ချမ်းသာပါသေးတယ်ဗျာ .. ဘယ့်နှယ်လဲ နေရထိုင်ရ အဆင်မှပြေရဲ့လား..''

         ထန်စူးစူးက ကောက်ရိုးများခင်းထားသည့် ကြမ်းပြင်ပေါ်တွင် မိန့်မိန့်ကြီးထိုင်ရင်း .. သံတိုင်ကြားမှ ၀ိုးတ၀ါးမြင်ရသော အားကွေ့အား..

        ''နေရထိုင်ရတာတော့ မဆိုးပါဘူး ...အစားအသောက်ကတော့ နည်းနည်းညံ့ တယ်ကွဲ့ .. ''

        အားကွေ့က သံတိုင်အနီးသို့ တိုးကပ်သွားလိုက်ရင်း ..သော့ခလောက်ကို ကိုင်ကာ ..

        ''ဌာနမှူးကြီး ရှ ကျွန်တော့်ကို မရိုမသေ တံခါးလေးဖွင့်ပေးပါလားဗျာ ..''

        ရှလုံမှာ အားကွေ့အနား ခပ်ရို့ရို့လေး လျှောက်လာပြီး ..အသင့်ကိုင်လာသော သော့အားပေးလိုက်သည်.. သော့ပေးပြီးသည်နှင့် နောက်သို့ ချက်ခြင်းပြန်ခုန်ဆုတ် သွား၏.. သူ့ကြည့်ရတာ ထန်စူးစူးအား အကြောက်ကြီးကြောက်နေသည့်ပုံပင်...

        ''ကျွီ...''

         သံတခါးအား အားကွေ့ဆွဲဖွင့်လိုက်သည်နှင့် ရှလုံမှာ သူ၏ခါးကြားမှ ဓါးအား တင်းတင်းဆုပ်ကိုင်ရင်း နောက်သို့ထပ်ဆုတ်သွားပြန်၏..

            အားကွေ့က အထဲသို့ဝင်သွားပြီး.. ထန်စူးစူး၏ရှေ့တွင် ဆောင့်ကြောင့်ထိုင်ကာ...

              ''အမကြီး .. ကျွန်တော့်ကို ရက်စက်ရမယ့် လမ်းကိုမရွေးခိုင်းချင်ပါနဲ့ .. ဖြစ်နိုင်ရင် ဦးကြီးကျောက်တို့ကို အသိစိတ်ပြန်ရလာအောင် လုပ်ပေးပါ ..''

              ထန်စူးစူးက ခပ်ထေ့ထေ့နှင့်ပင်...

              ''နင်ကဒီလောက်တော်တာ ကျောက်ကျူးထင်တို့ကို ကိုယ့်ဟာကိုယ် ကောင်းအောင်ပြန်လုပ်ပေါ့ .. အပြုံးတစ်ဝက်မေ့ဆေးကိုတောင် နင်သိသားနဲ့ ..''

               '' မေ့ဆေးအမျိုးအမျိုးနဲ့ ..အဆ်ိပ်အမျိုးမျိုးကို သိသင့်သလောက် သိပါတယ် .. ဒါပေမယ့် အခုဦးကြီးကျောက်တို့ မိထားတဲ့ စိတ်ပြောင်းဆေးကိုတော့ လုံးဝမသိဘူး..''

                ထန်စူးစူးက မျက်နှာမဲ့လိုက်ရင်း..

                ''နင့်ကို ငါကဖြေဆေးပေးပါပြီတဲ့ .. ငါ့ကဘာပြန်ရမှာလည်း..''

               အားကွေ့က

               ''အနည်းဆုံးတော့ အနှိပ်အစက်မခံရတော့ဘူးပေါ့ဗျာ ..ပြီးရင် ဘေးမသီရန်မခဘဲ ပြန်လွတ်ပေးမယ်ဗျာ ..ဒီ့ထက်ဘာလိုချင်သေးတာတုန်း .. ''

               ထန်စူးစူးက အားကွေ့အား စိုက်ကြည့်ရင်း ..

               ''နင်ငါ့ကို အဲ့လိုမလုပ်ပါဘူး ..ငါသေသေချာချာသိတယ် .. ငါနင့်ကို တွေ့စကတည်းက မှတ်မိသလိုလိုရှိလို့ ..အခုအချုပ်ခန်းထဲရောက်မှ ခေါင်းအေးအေး ထားပြီး ပြန်စဉ်းစားကြည့်မိတာ .. ပြန်သတိရလာတယ် .. နင်ဝူပေဘုံကျောင်းက ပုရစ်ဖမ်းတဲ့ကောင်လေးပဲ..အခုထိ နင့်နာမည်ကို အခုထိငါမှတ်မိတယ် ..အားကွေ့ ..နင့်နာမည်က အားကွေ့ ..''

                 ''မှန်တယ် .. ကျွန်တော်အားကွေ့ပါ .. ''

                 ''အားကွေ့ တကယ်မှန်ရင် ..နင်ငါ့ကို ဘာမှမလုပ်ဘူးဆိုတာ လုံးဝ သေချာတာပေါ့ကွယ် .. ''

                အားကွေ့က သက်ပြင်းချရင်း..

               '' အဲ့တုန်းက အမကြီး ကျွန်တော့်အပေါ်ကောင်းခဲ့တာတွေ .. မြင်းဖြူဘုံကျောင်းမှာ ကျွန်တော့်အသက်ကို နှစ်ခါတိတိ ကယ်ခဲ့တာတွေကြောင့် အခုထိ ကောင်းကောင်းမွန်မွန် ဆက်ဆံတယ်မှတ်ပါ.. ''

                ထန်စူးစူးက မဲ့ပြုံးပြုံးလိုက်ပြီး..

                ''ငါ့ကို ဒီလို စုတ်ပြတ်နေတဲ့ အချုပ်ခန်းထဲထည့်ထားတာ ကောင်းတာပေါ့လေ.. ဟုတ်လား..''

                 ''အမကြီးကိုသာ လုပ်ခဲ့တဲ့အပြစ်တွေနဲ့ ဒီလောက်လေးပဲ ခံရတာကို ကျေးဇူးတင်ပါ ... မဟုတ်ရင် ကျွန်တော်ဟွားဟွားလက်ထဲထည့်ပေးလိုက်တယ် .. ဟိုကောင်မလေးလေ..  သူက အမကြီးကို မသတ်ဘူးဆိုရင်တောင် ကောင်းကောင်း ကြီး နှိပ်စက်မှာ အသေအချာပဲ..''

                 ထန်စူးစူးက အားကွေ့ကိုစိုက်ကြည့်နေရာမှ ရေညှိတက်နေသော အချုပ်နံရံဘက်သို့ အကြည့်လွဲလိုက်ကာ ..

                ''ငါ့အသက် ဒီလောက်တောင်ရှိပြီ .. အခြေအနေအမျိုးမျိုး အဖြစ်ဆိုး အမျိုးမျိုးနဲ့ကြုံခဲ့ဖူးပြီ .. ဘယ်လို ဘ၀ဆိုးဆိုး ငါရုန်းထွက်နိုင်တာကြီးပဲ .. အခုလည်း နင်ငါ့ကို ဘာမှ မလုပ်နိုင်သေးဘူးဆိုတာ ငါသိတယ် .. နင်ဘယ်လောက် ချိန်းခြောက်ခြောက် ငါမကြောက်ဘူး..''

                 အားကွေ့က ခေါင်းတဆတ်ဆတ်ငြိမ့်လိုက်ပြီး..

              ''လတ်စသတ်တော့ အမကြီးမှာ ဖြေဆေးမရှိဘူးကိုး.. ကျွန်တော် အမကြီးရဲ့စိတ်ဓါတ်ကို ကောင်းကောင်းသိတယ် .. အမကြီးမှာသာဖြေဆေးရှိရင် ကျွန်တော့်ကို စတွေ့ကတည်းက အနိုင်ကိုင်မှာ သေချာတယ် .. ခုတော့ အမကြီးရဲ့ စကားတွေထဲမှာ အားနည်းနေတဲ့ လေသံတွေကို ကျွန်တော်ခံစားမိလိုက်တယ် .. ဒီတော့ ကျွန်တော့ကိုပြောပါ .. ဒီဆေးကို ဖန်တီးလိုက်တဲ့သူက ဘယ်သူလဲ ..ဘယ်မှာ ဖြေဆေးသွားယူရမလဲ ..''

                 ထန်စူးစူးက အားကွေ့ရဲ့စကားကြောင့်  အူလှိုက်သဲလှိုက် ရယ်မောလိုက်ကာ  ..

                 ''ကောင်လေး..ကောင်လေး ..နင့်ကို ငါဝူပေမှာတွေ့ကတည်းက အထင်မသေးခဲ့ဘူး ..ထူးခြားတဲ့ကောင်လေးတစ်ယောက်ဖြစ်မယ်လို့ ငါ အတပ် သိခဲ့တယ် .. ဒါ့ကြောင့်မို့ တခြားလူတွေလို နင့်အပေါ်မှာ မရက်စက်နိုင်ခဲ့ဘူး.. ခု အရွယ်ရောက်လာတော့ ငါထင်ထားတာထက် ပိုပါးနပ်လာပေါ့.. ဟုတ်တယ် အားကွေ့ အဲ့ဆေးပေးလိုက်တဲ့ပိုင်ရှင်က ငါ့ကိုဖြေဆေးမပေးလိုက်ခဲ့ဘူး.. ''

              အားကွေ့က ရယ်မောနေသော ထန်စူးစူးအား ဆက်လက်မေးမြန်းလိုက်၏..

               ''ကောင်းပြီ .. ဒါဆို ကျွန်တော် ဖြေဆေးရနိုင်မယ့်နေရာကို လမ်းညွှန်ပေးပါ..''

               ထန်စူးစူးက အရယ်ရပ်လိုက်ရင်း..

              ''အားကွေ့မောင်လေး .. တခြားလူကိုဆို အဲ့ဖြေဆေးရှိမယ့်နေရာကို ငါပြောပြမှာ အမှန်ပဲ .. ဘာလို့လဲသိလား .. အဲ့နေရာက လောကမှာ အရှာရအခက်ဆုံး ..အရက်စက် အကြမ်းတမ်းဆုံးနဲ့ .. ဂရုဏာတရားမရှိဆုံးဖြစ်လို့ပဲ .. နင်မပြောနဲ့ နင်ထက်ဆယ်ဆ ဉာဏ်ကောင်းပြီး ..နင့်ထက်ဆယ်ဆ သိုင်းတော်တဲ့ လူလည်း အဲ့ရောက်ရင်သေမှာပဲ...''

               အားကွေ့က ထိုင်ရာမှ ထရပ်ကာ ..

               ''အမကြီး ..ကျွန်တော်ကတော့ ဘယ်လိုနည်းနဲ့ပဲဖြစ်ဖြစ် မရရအောင် ရှာရမှာမို့ .. မသိသိအောင်တော့ လုပ်ရမှာပဲ .. ဒါပေမယ့် စိတ်ချပါ .. ကျွန်တော် အမကြီးကို လက်ဖြားနဲ့တောင် မထိပါဘူး.. ဒီနေ့တော့ ကျွန်တော်ပြန်ပြီ.. ''

               အားကွေ့က စကားဆုံးသည်နှင့် အခန်းထဲမှ လှည့်ထွက်လိုက်၏ .. သူ၏စိတ်ထဲတွင် ..

              ''တစ်လှမ်း..နှစ်လှမ်း...သုံးလှမ်း..လေးလှမ်း....''

              ဟုရေရွတ်ရင်း လျှောက်လာခဲ့၏.. သို့သော် လမ်းကွေ့လေးသာ ရောက်ခဲ့သည်  ထန်စူးစူးကတော့ သူ့အားပြန်ခေါ်မလာပေ..

           ရှလုံမှာ အားကွေ့ထွက်သွားပြီ ဖြစ်သဖြင့် .. အချုပ်ခန်းသော့အား မရဲတရဲနှင့် ခတ်ကာ မင်းမှူထမ်းခြောက်ယောက်အား

          ''မင်းတို့ကောင်တွေ ... မေ့နေတဲ့ကောင်တွေကို အပေါ်ရအောင် သယ်လာခဲ့ ..ပြီးရင် ဒီနေရာကို အစောင့်ပြန်ချထား..''

           ဟုအော်ကာ လာလမ်းအတိုင်း ပြေးထွက်သွားတော့၏..

            ထန်စူးစူးမှာ ရှိသမျှလူကုန် ပျောက်ကွယ်သွားသည်နှင့် ကောက်ကျစ်စွာ ပြုံးလိုက်ရင်း...

          ''ခွေးကောင် နင်လည်တာလောက်တော့ ငါအိပ်နေသလောက်ပဲရှိတယ် ..''

           ဟုရေရွတ်လိုက်တော့သည်..
         
           အားကွေ့မှာ ရှလုံအားနူတ်ဆက်ထွက်လာပြီး ရုံးအပြင်တွင် အကြာကြီးရပ်ကာ ..

            ''ငါမှားသွားတယ် ..ငါမှားသွားတယ်.. ထန်စူးစူးက တော်တော်လည်တဲ့ မိန်းမကြီးပဲ .. သူငါ့ကို ငယ်ရုပ်ဖမ်းပြီး မှတ်မိတာမှ မဟုတ်ဘဲ .. တောင်ပေါ်မှာ တိုက်ခိုက်ကြတုန်းက ငါ့ခါးမှာ ချိတ်ထားတဲ့ ပုရစ်ဗူးကြောင့် သူရိပ်မိသွားတာဖြစ်မယ် .. နောက်မှ ငါ့နာမည်ကို ရှလုံ ခေါ်တာကြားလို့ ဆက်စပ်မိသွားတာ .. အချုပ်ခန်းထဲမှာတုန်းက သူရယ်လိုက်တာ အကြောင်းမဲ့မဟုတ်ဘူး ... တခုခုတော့ တခုခုပဲ .. ဧကန္တ သူ့မှာ ဖြေဆေးရှိတာကို ငါရိပ်မိမှာ စိုးလို့ ဖုံးကွယ်တဲ့ အနေနဲ့ ရယ်လိုက်တာဖြစ်မယ် ..ရယ်ပြီးမှ ဖြေဆေးမပေးလိုက်ဘူးလို့ ပြောလိုက်တော့ လိမ်တဲ့အမူအယာနဲ့ လေသံက ပျောက်သွားတာပေါ့''

==============================----
 မအိပ်ကြသေးရင် အပျင်းပြေဖတ်ကြပေါ့ဗျာ ..
ကျွန်တော်လည်း ဘောလုံးပွဲစောင့်ရင်း ရေးမိရေးရာ ရေးလိုက်တာရယ်
သိပ်တော့ ကောင်းမှာ မဟုတ်ဘူး...


#98B ( အစ၏အဆုံး ..အဆုံး၏အစ )

     အားကွေ့မှာ စဉ်းစားရင်း အဖြေရှာမရတော့သဖြင့် ခေါင်းပူမခံတော့ဘဲ .. ရုံးတော် ရှေ့မှ ဆက်လက်ထွက်ခွာခဲ့တော့၏.. ယခုဦးလည့်သည့်နေရာကတော့ စစ်သေနာပတိချုပ်ကြီး ရန်ခွမ်း၏ အိမ်တော်ရာပင်ဖြစ်လေသည်.....

     ထိုအိမ်တော် တည်နေရာအား ရှလုံ သေသေချာချာညွှန်ပြလိုက်သည်မို့ ရှောရှောရှူရှူပင်ရောက်သွားပါသည် .. သေနာပတိချုပ်ကြီးစံအိမ်တော်က အားကွေ့ထင်ထားသည်ထက်ပင် ကြီးကျယ်သေး၏.. .. စည်းရိုးမှာ ခံတပ်လောက်နီးနီး ထူထဲမြင့်မားပြီး အပေါက်ဝတွင် လှံကိုင်အစောင့် နှစ်ယောက်က ရုပ်ထုကြီးသဖွယ် မားမားရပ်နေကြသည်..

      ရပ်နေသော အစောင့်အား မေးမြန်းစုံစမ်းကြည့်ရာ စစ်သေနာပတိချုပ်ကြီး အိမ်တော်သို့ မပြန်လာတာကြာပြီဖြစ်ကြောင်း .. စစ်ခုံရုံးတွင်သာ အနေများကြောင်း သိရသဖြင့် အားကွေ့မှာ လာလမ်းအတိုင်း တပ်လှည့်ပြန်ခဲ့ရ၏..

       သို့သော်လည်း အိမ်သို့တန်းမပြန်ချင်သေးသဖြင့် ရုံးတော်ဘက်သို့ ပြန်လှည့်၍ လရောင်ဆမ်းသော နှင်းပန်းကလေး စားသောက်ဆိုင်ထဲဝင်ကာ တခွက်တဖလားလောက် သောက်အုံးမည်ဟု အကြံပေါ်သောကြောင့် စိတ်၏ဦးဆောင်ရာအတိုင်း ခြေထောက်များကို လွတ်ပေးလိုက်သည်..

      ညနေစောင်းဖြစ်သောကြောင့် လမ်းသွားလမ်းလာများ နေ့ခင်းကထက် ပိုမိုရှုပ်ထွေးနေ၏ .. ငွေကြေးချမ်းသာသောသူဌေးသူကြွယ်အချို့မှာ ၀တ်ကောင်း စားလှများ ၀တ်ဆင်လျှက် ဖီးလိမ်း ပြင်ဆင်ကာ လှည်းယာဉ်ကြော့များနှင့် တသွယ် ဝေါဖြင့်တဖုံ ကိုယ်ရံတော်များ အခိုင်းအစေများ နှင့် အကောင်းဆုံးစားပွဲရုံများ အခမ်းနားဆုံး ဆောင်ကြာမြိုင်များ လောင်းကစားရုံများ အစရှိသော လူ့စည်းစိမ် ယစ်ရမည့်နေရာများသို့ ခရီးဆက်နေကြသလို .. ငွေကြေးအသင့်အတင့် ရှိသူများကတော့ ပုဇွန်ဆီရောင် နေမင်းကြီး၏ ရင်ငွေ့ကို ခိုလုံရင်း စီးတော်မြင်း လက်စွဲတော် အခိုင်းအစေ နှစ်ယောက်သုံးယောက် ခြံရံလျှက် သူတို့ကျက်စားနေကြဖြစ်သည့် အပျော်ဂေဟာများ .. တည်းခိုဆောင်နှင့် ပူးတွဲဖွင့်လှစ်ထားသော သူရာဆိုင်များသို့ ချီတက်နေကြသည်ပင်.. အချမ်းသာကြီး မဟုတ်သည့်တိုင် ငွေစကြေးစ မျိုးမျိုးမြက်မြက်ကလေး ရှိသူများကလည်း ညနေခင်း၏ ဆွဲဆောင်မှုကို လွန်ဆန်နိုင်ခြင်း မရှိသောကြောင့် လမ်းမကြီးပေါ်သို့ ခေါက်တုန့်ခေါက်ပြန်လျှောက်ကာ သူတို့ပါလာသော ငွေကြေးနှင့်ကိုက်ညီမည့် စားတော်ဆက်များ အပျော်ဂေဟာများကို ရှာဖွေနေကြ၏..

           ညနေခင်းဟူသော အချိန်သည်ကား တနေ့တာတွင် အလှပဆုံးဖြစ်သကဲ့သို့ လူ့စိတ်ကိုလည်း မရိုးမယွဖြစ်အောင် အလုပ်နိုင်ဆုံးဖြစ်သည်ဟုဆိုသော် မည်သူမျှ ငြင်းဆန်မည်မထင်.. နေလုံးကြီး အနောက်ဂေါယာသို့ ယွန်းလုလုဖြစ်သည်နှင့် ကမြင်းကျောထလိုစိတ်များ တဖွားဖွားပေါ်ပေါက်လာသည့်အပြင် မိမိ၏ ငွေအိတ် အတွင်းမှ အသပြာတို့ကလည်း သုံးပါ သုံးပါဟု တဖွဖွ ဟစ်အော်နေကြသည် မဟုတ်လား..  ယစ်ရွှေရည်ကြိုက် သူရာသမားတို့မှာ   ပါးစပ်လေး တချဉ်ချဉ် တံတွေးလေး တပြင်ပြင် တအော့အော့ တအင်အင် ဖြစ်ကာ ကိုယ်ကမခိုင်းရဘဲနှင့် ခြေလှမ်းတို့က ရွှေရည်ဆိုင်သို့အလိုလို  လှမ်းလျှောက်နေကြသလို .. စားကောင်း မြိန်ကောင်းမက်သူတို့ကလည်း စားသောက်ဆိုင်တကာပတ်ကာ မည်ဟာကိုစားမည် ဤဟာကိုစားမည်ဟု နှာခေါင်းနှင့် လျှာ၏ အလိုကျအတိုင်းသာ ခေါင်းထဲတွင် ရှိကုန်ကြ၏..

              အလင်းရောင်ပြပြရှိစဉ်က မှင်နှင့်မောင်းနှင့် ရှိကြကုန်သော်လည်း မှောင်ရီ ပျိုးစ ၀ိုးတ၀ါး ဖြစ်လာသည်နှင့် စိတ်အလိုလိုက်တတ်သူတို့မှာ တဏှာစိတ်ငယ်ထိပ် ရောက်လျှက် ရမ္မက်တည်းဟူသောနိုးဆွခြင်းအား မတွန်းလှန်နိုင်ကြတော့ရာ  ဣထ္ထိယ ..ပုရိသ ဆန့်ကျင်ဖက်လိင်အသီးသီးအား ရှာဖွေကြကုန်သည်ကလည်း ရှိကြသေး သည် မဟုတ်လော..

               ထိုသို့နှင့် ကိုယ်အပန်းဖြေချင်သူ ..စိတ်အပန်းဖြေချင်သူ ... အလုပ်ကိစ္စ .. ၀မ်းရေးအရ အစရှိသော လူများ ပေါင်းစုံလိုက်သည့်နောက်ဝယ် မင်းလမ်းသည် ကြက်ပျံမကျ စည်ကားခြင်းသို့ ရောက်ရကုန်၏.. မြင်းစီးလာသူ ရထားလုံးမောင်းလာသူတို့၏ ကျာပွတ်သံ တရွှမ်းရွှမ်း ... ဈေးသည်များ၏ ဆူသံအူသံ နင်ပဲငဆ ဆဲနေသံတို့ကလည်းနေရာအနှံ .. လမ်းသွားလမ်းလာတို့ အကြွေစေ့များ ယောင်မှားကာ ပစ်ချလေမလားဟု ခွက်ကလေးတစ်လုံးပိုက်ပြီး တောင်းနေသူများ ကလည်းမရှား.. အစောကြီးရေချိန်ကိုက်လာသော ဇိုးသမားနှစ်ယောက်၏ သံသေးသံကြောင် အော်ဟစ်သံကြောင်စီစီကလည်း တချက်တချက်ထွက်လာသေး၏ .. ထိုဇိုးသမားနှစ်ယောက်၏ အမှားကို စောင့်ကာ လက်တပြင်ပြင်ဖြစ်သော ခမောက်ဆောင်း မင်းမှုထမ်းကမူ လက်ထဲမှ အနီရောင်ဒုတ်ကြီးကို တဆဆလုပ်ရင်း မျက်ထောင့်နီနှင့်စောင့်ကြည့်နေသေးသည်..

                  အားကွေ့မှာ လူအုပ်ကြားထဲ လျှောက်ကာ မျက်လုံးနှစ်ဖက်ကို အနားမပေးစတမ်း ငေးကြည့်ရင်း အလိုလိုပျော်ရွှင်လာသည်.. သို့နှင့် စိတ်လက်ပေါ့ပါးစွာ မင်းလမ်းတစ်လျှောက် လျှောက်လာရင်း လရောင်ဆမ်းသော နှင်းပန်းလေး စားသောက်ဆိုင်သို့ ရောက်ရှိလာ၏... ဆိုင်ရှေ့တွင် ဝေါယာဉ်များ အစီအရီရပ်ထားသဖြင့် ဤဆိုင်သို့ အရာရှိအရာခံများ သူဌေးသူကြွယ်များသာ လာရောက်စားသုံးလေ့ရှိသည်ဟု မပြောဘဲ အလိုလိုသိနိုင်သည်.. အားကွေ့ကတော့ မည်သူ့ကိုမှ ဂရုမစိုက် .. ဆိုင်ထဲသို့ ခပ်တည်တည်နှင့်ဝင်သွားကာ လွတ်နေသော ၀ိုင်းတစ်ဝိုင်း၌ ၀င်ထိုင်လိုက်၏...
                   သူထိုင်လိုက်သည်နှင့် ချက်ခြင်းဆိုင်လုလင်နှစ်ယောက်
ရောက်လာပြီး ..အားကွေ့၏ ပုခုံးနှစ်ဖက်အားကိုင်ကာ ..
                  ''ဟေ့လူ .. ခင်ဗျားဘာဝင်လုပ်တာလဲ..ခုချက်ခြင်း အပြင်ပြန်ထွက် .. ဒီဆိုင်က လူကြီးလူကောင်းတွေပဲ ထိုင်တဲ့ဆိုင် .. အပေအတေတွေ လက်မခံဘူး..''
                 ဟုပြောပြီးလျှင် အားကွေ့အား ဆွဲမလိုက်ကြ၏..
               အားကွေ့က ရယ်ချင်ပက်ကျိနှင့် ..
                ''စားသောက်ဆိုင်ဆိုမှ ငွေကြေးတတ်နိုင်ရင် အစာထဲ့ရမယ့် ဗိုက်ပါတဲ့ လူတိုင်း လာစားမှာပေါ့ကွ .. လာမစားစေချင်ရင် .. ဆိုင်နဖူးစီးပြောင်းထားလေ.. လူ့ဂုဏ်ထံများအတွက်သီးသန့်စားသောက်ဆိုင်လို့ .. ''
                 ဆိုင်လုလင်နှစ်ယောက်မှာ ငပေငတေကောင်အား ဂုတ်မှကိုင်ကာ ဆွဲထုတ်လိုက်မည်ဟူသော ရည်ရွယ်ချက်နှင့် အားကွေ့အား ဆွဲမ နေကြသော်လည်း အားကွေ့၏ ကိုယ်ခန္ဓာမှာ ဆံချည်မျှင်တမျှင်စာပင်ရွေ့လျား မသွားပါ.. ဆိုင်လုလင်နှစ်ယောက်လုံး အားစိုက်ထုတ်ရလွန်း၍ ချွေးများပင်ယိုစီးကာ ကျလာကြသည်.. ပိုဆိုးသည်က သူတို့နှစ်ယောက်လုံး၏လက်နှစ်ဖက်မှာ ကော်ဖြင့် ကပ်နေသည့်နှယ်ပြန်ခွာ၍မရတော့ပေ..
              ငွေသိမ်းစားပွဲခုံတွင် ထိုင်နေသော အပြာရောင်ဦးပေါင်းဆောင်းထားသည့် ငွေကိုင်စာရေးကြီးမှာ အားကွေ့တို့နား ပြေးလာပြီး...အသံတိုးတိုးနှင့် ..

              ''ဟိုနှစ်ကောင် ဒီခွေးသူတောင်းစားကို ဆိုင်ပြင် မြန်မြန်မောင်းထုတ် .. နည်းနည်းနေ အရေးကြီး ဧည့်သည်တွေ ရောက်လာတော့မယ် .. မြန်မြန်မောင်းလိုက် .. တခြားဧည့်သည်တွေလည်း မရိပ်မိစေနဲ့ ....''
              အားကွေ့မှာ သူ့အား ခွေးသူတောင်းစားနှင့် နိူင်းလိုက်သော စာရေးကြီးအား ဒေါပွသွားသဖြင့် စားပွဲခုံကိုလက်ဖြင့် အသာလေးပုတ်လိုက်၏..

           ''ဖတ်....''

           ''ဖုန်း..ဖုန်း..''
         
           ''အောင်မလေးဗျ...''

          ''အားရိုး..သေပါပြီ..''

          အားကွေ့လက်တစ်ချက်လှုပ်လိုက်သည်နှင့် ဆိုင်လုလင်နှစ်ယောက်မှာ အဝေးသို့ လွင့်စင်သွားကြသည်... စားပွဲနှင့် လက်အသာလေးအထိတွင် .. ခုံပေါ်တွင် တင်ထားသော တူခွက်ထဲမှ တူတစ်ချောင်းမှာ ခွက်ထဲမှ အံ့အားသင့်ဖွယ် ခုန်ထွက်သွားပြီး .. ငွေသိမ်းစာရေးကြီး၏ မေးစေ့ရှိ သွေးကြောဆုံအား သွားရောက်ထိမှန်လေသည်..

             ''ထောက်...''

             ''အူး...အူး..၀ူး ..၀ူး..''

              စာရေးကြီးမှာ  တကိုယ်လုံးကျင်တုန်သွားပြီး စကားမပြောနိုင်တော့သဖြင့် ဗလုံးဗထွေးအော်မြည်ရင်း နောက်သို့ ယိုင်ထိုးထိုးနှင့် ဆုတ်သွားလေသည် .. နှစ်လှမ်းမျှ ဆုတ်ပြီးလျှင် ဆိုင်ကြမ်းပြင်သို့ ခြေပစ်လက်ပစ်လှဲကျသွားကာ .. အကြောများဆွဲလျှက်  တဆတ်ဆတ်တုန်နေရှာ၏ .. အကြောဆွဲနေရင်းမှ ပါးစပ်ထဲမှ အဖြူရောင်အမြုပ်များပါ ယိုစီးကျလာသည်..

             ဆိုင်အတွင်း စားသောက်နေကြသူများမှာ ၀ုန်းဝုန်းဒိုင်းဒိုင်း အသံများကြောင့် လှည့်ကြည့်ကြသော်လည်း လျှပ်တပြက်အတွင်း ဖြစ်သွားသော အခြေအနေကို မသိလိုက်ကြသဖြင့် ငွေသိမ်းစာရေးကြီး၏ အမြုပ်တစီစီအလှအပကိုသာ ရှုစားလိုက်ကြသည်...

             အားကွေ့က ထိုင်နေရာမှ ထလိုက်ပြီး စားသောက်နေကြသူများအား ဝှေ့ကြည့်ကာ လက်ကာပြလိုက်ရင်း..

            ''စိတ်မပူကြပါနဲ့ ..စိတ်မပူကြပါနဲ့ .. စိတ်အေးလက်အေးသာ သုံးဆောင်ကြပါ.. ကြည့်ရတာ ဒီအဘိုးကြီးမှာ ၀က်ရူးပြန်ရောဂါရှိပုံရတယ် ..ခဏနေရင် ပြန်ကောင်းသွားမှာပါ.. ''

            ဆိုင်ထဲရှိ လူဂုဏ်ထံများမှာ ခေါင်းတရမ်းရမ်းလှုပ်လိုက်ကြရင်း ..နေမြဲအတိုင်းနေကုန်ကြ၏..အားကွေ့က အခုချိန်ထိလဲကျနေကြသော ဆိုင်လုလင် နှစ်ယောက်အား ..

          ''ဟေ့ကောင်တွေ .. ဘာလုပ်နေကြတာလဲ မြန်မြန်ထပြီး မင်းတို့ပထွေးကို ပြန်ထမ်းသယ်သွား ..ခဏနေရင် သူ့ဟာသူ ပြန်ကောင်းသွားလိမ့်မယ် .. ''

           ဆိုင်လုလင်နှစ်ယောက်မှာ အားကွေ့၏ အစွမ်းအစကို ရိပ်မိသွားသည်မို့ အပိုစကားမဆိုရဲတော့ဘဲ  စာရေးကြီးကိုသာ သယ်မလိုက်ကြ၏.. အားကွေ့က ..

         ''မြန်မြန်သွား ..ပြီးရင် ..ငါစားသောက်စရာ မှာအုံးမယ် ..ပြန်လာခဲ့ကြ..''

          နှစ်ယောက်သား ခေါင်းသွက်သွက်ငြိမ့်ရင်း နောက်ဖေးသို့ အပြေးတစ်ပိုင်း လျှောက်ဝင်သွားကြသည်...

         ထိုအခါမှ အားကွေ့လည်း ဆိုင်အနေအထားကို ကောင်းကောင်းအကဲ ခတ်နိုင်တော့၏.. ဆိုင်မှာ အပြင်ပန်းခမ်းနားသည်ကဲ့သို့ အတွင်းပိုင်းကလည်း ခေတ်မှီလှသည် .. အပေါ်ထပ်နှင့်အောက်ထပ် နှစ်ထပ်ဖြစ်ပြီး ..အပေါ်တက်ရန် လှေကားနှစ်ခုရှိ၏ .. ဆိုင်၏တည်ဆောက်ပုံမှာ အလည်တွင် ကွက်လပ်အကျယ်ကြီး ဖြစ်အောင် စက်ဝိုင်းပုံ ခြုံဆောက်ထားသဖြင့် .. အပေါ်ထပ်နှင့် အောက်ထပ်မှာ လှမ်းမြင်နေရသည် .. အလည်တည့်တည့် ကွက်လပ်အကျယ်တွင် စင်မြင့် တစ်ခုရှိပြီး တူရိယာပစ္စည်းများကို စနစ်တကျထား ထားမှုကြောင့် ဂီတစင်ဟု အတပ်သိနိုင်၏..
ရှင်းရှင်းပြောရလျှင် ထိုဂီတစင်အား ကြည့်ရှုခံစားနိုင်ရန် စားပွဲဝိုင်းများအား ပတ်ပတ်လည် ချထားသည်ဟုဆိုရမည်..

           အောက်ထပ်တွင် လူစည်စပြုနေသော်လည်း အပေါ်ထပ်တွင်တော့ လူသိပ်ရှိပုံမပေါ်သေး .. ၀ရံတာအဖြစ် ကာထားသည့် သစ်သားလက်ရမ်းကြားမှ လှမ်းမြင်နေရသော ထိုင်ခုံများတွင် လူတစ်ယောက်စ နှစ်ယောက်စကိုသာ တွေ့ရသည်.. အောက်ထပ်တွင် စားသုံးနေကြသူအားလုံးလိုလိုမှာ သိုင်းပညာကျွမ်းကျွမ်းကျင်ကျင် တတ်မြောက်ဟန်မတူကြပေ .. အစားအသောက်ကို သာဦးစားပေးရင်း ဂီတခန်းအဖွင့်ကိုသာ နားစွင့်နေကြဟန်တူသည် ... သူတို့နဘေးတွင်တော့ မျက်နှာချေများချယ်သကာ အစွမ်းကုန်လှပနေကြသော မိန်းမပျိုလေးများက ၀ိုင်းဝိုင်းလည်နေကြ၏..

         တဆိုင်လုံးအား အကဲခတ်၍အပြီးတွင် ဆိုင်လုလင်တစ်ယောက် သူ့အနားရောက်လာသည်.. ဟိုနှစ်ယောက်မှာ သူ့အားကြောက်သွားရှာပြီထင်သည် ယခုတစ်ယောက်မှာ အသစ်ဖြစ်၏.. အားကွေ့က ထိုသူအားပြုံးပြလိုက်ပြီး..  

          ''ဒီဆိုင်မှာ ဒီနေ့အတွက် အကောင်းဆုံးဟင်းလျာ ကဘာလဲကွ..''

           ဆိုင်လုလင်မှာ သူ့အားခပ်ရွံ့ရွံ့နှင့်ကြည့်ကာ ..

           ''ဟုတ်ကဲ့ပါ ဆရာ ..ဒီနေ့အတွက်အကောင်းဆုံးဟင်းတွေ ကတော့ ..  ရွှေတောင်ပေါ်ကမျောက်ဖြူသုံးကောင်ဟင်းလျာ (ရွှေဖရုံသီးအတွင်း ၀က်ပျိုဝမ်းတွင်းသားအား ဟင်းခပ်အမွှေးအကြိုင်များ ..အရသာများထည့်သွင်းထားပြီး ပေါင်းထားသော ဟင်းဖြစ်သည်..) နောက်တစ်မျိုးက လက်ဝါးပေါ်ကပုလဲလေး ဟင်းလျာ ..(အဆီပါသော ရေချိုငါးအား နှစ်ခြမ်းခွဲ၍ လက်ဝါးပုံရအောင် အပြားလိုက်ကြော်ကာ ကြက်သွန်မြိတ် ..နံနံပင် အုပ်ပြီးနောက် အချဉ်စိမ်ထားသော ကြက်သွန်ဥတစ်လုံး တင်ထားသောဟင်း..) နောက်ထပ်က တောင်ပေါ်က ပတ္တမြားတစ်လုံးနဲ့နဂါးနှစ်ကောင်ဟင်းလျာ .. (အလုံးလိုက် ပေါင်းထားသော ကျောက်ဖရုံသီးတစ်လုံးအား .. ချက်ပြုတ်ကျော်လှော်ထားသော ငါးမြွေထိုး သို့မဟုတ် ငါးရှဥ့် နှစ်ကောင်အား သွားကြားထိုးတံနှင့်ပြုတ်မကျအောင် ထိန်းပတ်ထားကာ ကျောက်ဖရုံသီး ထိပ်တည့်တည့်တွင် ခရမ်းချဉ်သီးအား အချိုရည်စိမ်ထားသော ဟင်းလျာ ..) နောက်တမျိုးကတော့ ပတ္တမြားတောင်ထိပ်က ကျောက်စိမ်းမြစ် ဟင်းလျာ (၀က်လက်အား အနံ့ပျောက်အောင် ဟင်းခတ်အမွှေးအကြိုင်များ ..ဂျင်း ကြက်သွန်တို့နှင့် ပြုတ် .. ပြီးမှ သကြားရည်ဖြင့် ရဲတွတ်အောင်ချက်၍ အပေါ်တွင် ကြက်သွန်မြိတ်များဖြူးထားသော ဟင်းလျာ..) နောက်ပြီး...''

                အားကွေ့က လက်ကာပြလိုက်ပြီး  .

             ''ရပြီ ..ရပြီ ဒီလောက်ဆို ရပြီ .. အဲ့ဟင်းတွေ အကုန်ချကွာ ..ပြီးတော့ ကြက်ပေါင်သားချည်းပဲ သတ်သတ်ကင်ထားတာယူခဲ့ .. အရက်ရောယူခဲ့ကွာ..''

              ''ဟုတ်ကဲ့ ဆရာလေး..အရက်က ဘာအရက်မျိုးသုံးဆောင်မလဲခင်ဗျ ..''

               အားကွေ့က နှာခေါင်းတရှုံ့ရှံ့နှင့် အနံ့ခံလိုက်ကာ...

               ''လီတစ်သောင်းပျံ့မွှေးဆိုတဲ့ အရက်ပေါ့ကွာ... အဲ့အရက်..အဲ့အရက်''

                ဆိုင်လုလင် မှာ ဟုတ်ကဲ့ဟူသော အမူအယာနှင့် အရိုအသေပေးကာ ထွက်သွားလေသည်..
                 ဆိုင်လုလင်ထွက်သွားပြီးသိပ်မကြာ.. စင်မြင့်ပေါ်သို့ ကျောက်စိမ်းရောင် ၀တ်စုံဖြင့် အလှကြီးလှနေသော ဗျပ်စောင်းကိုင်အမျိုးသမီးတစ်ယောက် တက်လာပြီး ... ကျကျနနထိုင်ကာ ...

                ''ကျွန်မတို့ရဲ့ လရောင်ဆမ်းသော နှင်းပန်းလေး စားသောက်ရုံသို့ ကြွရောက်အားပေးလာကြတဲ့ ဂုဏ်သရေရှိ ဧည့်သည်တော်များကို ကျေးဇူးဥပကာရ တင်ရှိကြောင်း တစ်ဆိုင်လုံးရဲ့ကိုယ်စား ကျွန်မ ပိချင်းက ဦးစွာပဏာမနူတ်ခွန်းဆက် စကားဆိုပါရစေ.. ဧည့်သည်တော်များ ကိုယ်စိတ်နှလုံးရွှင်ပြုံးစေချင်သော ဆန္ဒနဲ့ အညီ နေ့စဉ်ဖျော်ဖြေနေကြဖြစ်တဲ့ ကျွန်မပိချင်းက ဒီနေ့မှာတော့ စစ်သူရဲရဲ့ ဓါးခွင်းသံ တိမ်ယံထက်ပျံ ဆိုတဲ့ သီချင်းလေးကို သီဆိုမှာဖြစ်ပါတယ်.. ''

             ပိချင်းဟူသော မိန်းမလေး၏ ပီယ၀ါစာ ချစ်ဖွယ်သော စကားက တစ်ဆိုင်လုံးရှိ ပုရိသအပေါင်းကို ဆွဲဆောင်ထားနိုင်၏.. လှပသော မျက်နှာ.. ကျော့ရှင်းသော ကိုယ်ဟန်တို့အပြင် သိမ့်မွေ့သော အပြုံး.. သာယာသော အသံ လေးကြောင့် မီးအိမ်အလင်းအောက်၌ ပိချင်းမှာ အလှကြီးလှနေတော့သည်..

         အားကွေ့မှာ ယခုကဲ့သို့ ဂီတဖျော်ဖြေပွဲမျိုး တခါမှ မကြုံတွေ့ဖူးသဖြင့် သူ့အတွက် အဆန်းတကျယ်ဖြစ်နေပုံပင် ..
           ပိချင်းဟူသော မိန်းကလေးကပင် ဆက်လက်၍...

          ''ဧည့်သည်တော်များရှင့် .. ကျွန်မသီချင်း မသီဆိုပြခင်မှာ ဒီသီချင်းလေး ဖြစ်ပေါ်လာပုံကို အရင်ဆုံးရှင်းပြချင်ပါတယ်ရှင့်.. ဟိုးလွန်ခဲ့တဲ့ နှစ်ပေါင်း တစ်ရာကျော်မှာ ကျွန်မတို့တိုင်းပြည်အတွက် နေလိုလလို ထွန်းလင်းခဲ့တဲ့ စစ်သူကြီး တစ်ယောက်ရှိခဲ့ဖူးပါတယ်..  တစ်တိုင်းပြည်လုံး သူတလူ ငါတစ်မင်း ဖြစ်ကာ နယ်မြေအစိတ်စိတ်အမွှာမွှာကွဲနေတဲ့ ကာလမို့ စစ်မက်ကလည်း အလွန်ထူပြော နေချိန်ပေါ့ရှင် .. နေပြည်တော်အတွင်း တစ်ယောက်နဲ့တစ်ယောက် မယုံရဲလောက်အောင် သံသယတွေ ပြည့်နှက်နေတဲ့အချိန်မှာ ဘုရင့်အထိန်းတော် တစ်ယောက်ဖြစ်တဲ့ ကုန်းကုန်းဟာ လောဘရမ္မက်တွေ ထောင်လွှားပြီး ဘုရင့်ကို ပုန်ကန်ခြားနားပါလေရဲ့ရှင်  .. အပြင်မီးထက် အတွင်းမီးက ပိုကြောက်ဖို့ ကောင်းတယ် ဆိုတဲ့စကားအတိုင်း အတိုင်းတိုင်းအပြည်ပြည် ကွဲနေလို့ တပ်တွေ ပြန့်နေတဲ့အချိန်မှာ သစ္စာဖောက်လာတာဖြစ်လို့.. နေပြည်တော်တစ်ခုလုံး ကုန်းကုန်း တပ်တွေ ရဲ့ ကျဆုံးတော့မယ့် အရေးကြုံလာတာပေါ့.. အင်အား သုံးထောင်သာ ရှိလို့ မများလှဘူးလို့ ဆိုပေမယ့် နန်းတွင်းထဲမှာတော့ စစ်သည်အင်အား လေးရာပဲ ရှိတော့
ကုန်းကုန်းတပ်နဲ့ယှဉ်ရင် အဆအများကြီးကွာနေလေရဲ့ .. အဲ့ဒီရှိတဲ့ အင်အား လေးရာလေးကို ကွပ်ကဲရတဲ့ စစ်သူကြီးကတော့ ထန်းလီကျောက်ယွင် လို့အမည်ရှိတဲ့ တကယ့်သူရဲကောင်းကြီးတစ်ယောက်ပါ .. သူဟာ နေပြည်တော်ကို ကုန်းကုန်းတပ် ချီတက်လာပြီလို့ သိသိခြင်းပဲ ..ရှိတဲ့ အင်အား လေးရာထဲက စစ်သည်သုံးရာကို ခေါ်ပြီး နေပြည်တော်အ၀င်ဖြစ်တဲ့ ကျန်းဆို့ဆိုတဲ့ ရွာကြားမှာ စစ်ဆင်ဖို့ ကြိုးစားသတဲ့ .. အဲ့ရွာလေးဟာ နေပြည်တော်နဲ့ အလှမ်းမဝေးပေမယ့် .. ကျောက်တောင်တွေ ကျေက်လှိုင်ဂူတွေ ချောက်ကမ္ဘားတွေ အလွန်ပေါတယ်လေ.. ထန်းလီကျောက်ယွင် တပ်စွဲထားတဲ့ နေရာလေးမှာပဲ .. ကျောက်လှိုင်ဂူကိုးခုနဲ့ ..ကျောက်တောင်နှစ်တောင် ရှိတယ်တဲ့ရှင်.. စစ်သူကြီး ထန်းလီကျောက်ယွင်ဟာ ရတဲ့အချိန် သုံးရက်အတွင်းမှာ ရန်သူတွေအတွက် ထောင်ချောက်တစ်ခုဆင်ထားသတဲ့ .. အဲ့လိုနဲ့ သုံးရက်လည်း ပြည့်ရော ကုန်းကုန်းတပ်နဲ့ စစ်သူကြီးတပ်တို့ ရင်ဆိုင်တွေ့ကြပါလေရောတဲ့ ..''

             ထိုအချိန်တွင် အားကွေ့၏စားပွဲဝိုင်းသို့ မှာထားသော စားသောက်ဖွယ်ရာများ ရောက်လာလေသည်.. အားကွေ့က အရက်ခွက်ထဲသို့ ငှဲ့လိုက်ပြီး .. တဂွပ်ဂွပ်လိုက်၏... နှာဝတွင် အရက်၏သင်းပျံ့သော ရနံ့နှင့် အတူ ပူနွေးချိုခါးသော ယစ်ရွှေရည်က လျှာပေါ်မှ တဆင့် လည်ချောင်းထဲသို့ ခုန်ဆင်းကာ သွားလေသည်..

           ''အား... ကောင်းလိုက်တဲ့ အရက် .. အရက်ဆိုတာ ဒါမျိုးဖြစ်နေရမှာ .. ဒါကြောင့်လည်း ဒီအရက်အရမ်းနာမည်ကျော်နေတာကိုးကွ... ''

           အရက်ကို သုံးခွက်ဆင့်သောက်လိုက်ပြီး ကြက်ပေါင်တစ်ချောင်းကိုက်ကာ ပိချင်းမိန်းကလေး၏ စကားကို ဆက်လက်နားထောင်နေ၏.. မိန်းကလေးက

          ''ကုန်းကုန်းက သူ့ရဲ့လူအင်အား များတာကို အခွင့်ကောင်းယူပြီး လူအားနဲ့ ဖိတိုက်တာပေါ့ .. စစ်သူကြီးကလည်း ရှိတဲ့ လူအင်အား သုံးရာ မှာ နှစ်ဖွဲ့ခွဲပြီး အင်အားနှစ်ရာနဲ့ ကုန်းကုန်းတပ်ကို ခုခံရင်း ခုခံရင်း နောက်ဆုတ်ဆုတ်လို့ သွားသတဲ့.. ဒီလိုနဲ့ ကုန်းကုန်းက ဖိတိုက်လိုက် စစ်သူကြီးတို့က နောက်ဆုတ်လိုက် နဲ့ လာလိုက်ကြတာ လေးဆစ်ချိုး နှစ်ဖက်ပွင့် လှိုင်ဂူနားကို ရောက်သွားကြရော ... လေးဆစ်ချိုး လှိုင်ဂူသွားရာလမ်းတစ်လျှောက်က တောင်ကြားလမ်းကျဉ်းမို့လို့လည်း စစ်သူကြီးတို့ အဖွဲ့ ကံကောင်းတယ်လို့ဆိုရမယ် .. မဟုတ်ရင် ကုန်းကုန်းတို့အဖွဲ့ တပ်ဖြန့်တိုက်ပြီး အနိုင်ယူသွားမှာပေါ့ .. အခုတော့ ကုန်းကုန်းတို့တပ် လေးဆစ်ချိုးလှိုင်ဂူနား အရောက်မှာ စစ်သူကြီးရဲ့ ကျန်တဲ့ အင်အားတစ်ရာက တောင်ပေါ်နှစ်ဖက်ကနေ မျှားမိုးရွာလိုက် ..ခဲမိုးရွာလိုက်နဲ့ အပေါ်စီးကနေ တိုက်သတဲ့ ...စစ်သူကြီးတို့ကတော့ ပြင်ဆင်ထားတဲ့ အဖွဲ့ဆိုတော့ မျှားမိုးရွာတာနဲ့ လေးဆစ်ချိုးဂူထဲကို ၀င်ပြေးတော့တာပေါ့.. ကုန်းကုန်းကအဲ့မှာ ဒေါအပွကြီးပွပြီး မလုပ်သင့်တာကို လုပ်တော့သတဲ့ ..အဲ့ဒါက ကိုယ်မကျွမ်းတဲ့ နယ်မြေထဲ လိုက်ဝင်သွားတာပဲ .. ကုန်းကုန်းတို့အဖွဲ့ ဂူထဲလည်းရောက်ရော .. တောင်ပေါ်မှာ စောင့်နေတဲ့ စစ်သားတွေက ကျောက်တုံးကြီးတစ်တုံးလိမ့်ချလိုက်တာ ဂူပေါက်က ပိတ်ပါရောလား.. ကုန်းကုန်းတို့လည်း ကျောချမှ ဓါးပြမှန်းသိပြီး ထွက်ပေါက်ကို အပူတပြင်းလိုက်ရှာရပါရော .. ဒါပေမယ့် ဟိုဘက် အစွန်းကလည်း ပိတ်ထားတာမို့ အချည်းနှီးဖြစ်ကုန်တာပေါ့ .. နောက်တော့ ကုန်းကုန်းအပါအ၀င် စစ်သည်သုံးထောင် လည်း ဂူထဲမှာ အစာငတ်ရေငတ်နဲ့ သေသွားရပါလေရောရှင်.. အဲ  အချိန်ခဏလေး အတွင်းမှာ စစ်သူကြီးတို့အဖွဲ့ တဖက်ဂူပေါက်ကို မြန်မြန်ရောက်သွားတဲ့ အချက်က အဲ့ဂူထဲမှာ မြင်းတွေကို ဖွက်ထားခဲ့လို့တဲ့ရှင်.. ''

             ပိချင်းမိန်းကလေးက ဧည့်သည်တော်များ သူမ၏စကားကို စိတ်ပါဝင်စားမှု ရှိရဲ့လားဟု အကဲခတ်လိုက်ပြီးနောက်..

            ''အဲ့လိုနဲ့ စစ်သူကြီးထန်းလီကျောက်ယွင်က သုံးထောင်တပ်ကို သုံးရာနဲ့ အနိုင်ယူပြီးတဲ့နောက် တိုင်းပြည်တစ်ခုလုံး ဖိန့်ဖိန့်တုန်သွားကြတာပေါ့  ... အဲ့နိုင်ပွဲ  အတွက် စပ်ဆိုတဲ့ ကဗျာတွေ ..ရေးသားခဲ့တဲ့ သီချင်းတွေကတော့ မနည်းမနောပါပဲရှင် .. အခုကျွန်မဆိုပြမယ့်သီချင်းကတော့ စစ်သူကြီးထန်းလီကျောက်ယွင်ရဲ့ ရုပ်ထုအောက်ခြေမှာ ရေးထိုးထားတဲ့ သီချင်းလေးတစ်ပုဒ်ပေါ့ ...အဲ့ရုပ်ထုကို သူ စစ်နိုင်ခဲ့တဲ့ လေးဆစ်ချိုးဂူထဲမှာပဲ သံမဏိနဲ့သွန်းလုပ်ထားခဲ့တယ်လေ.. ပိသချိန် တစ်ထောင်နီးနီးရှိတယ်လို့ခန့်မှန်းကြတယ် .. အခုထက်ထိ ရုပ်ထုအောက်ခြေမှာ သီချင်းစာသားလေးတွေကို မြင်နိုင်ပါသေးရဲ့ရှင်... ''

               ပိချင်းမိန်းကလေးမှာ ရာဇ၀င်အူပေါက်ကြီးကို ရှည်လျားစွာပြောပြီးနောက် သူမ၏ ဗျပ်စောင်းလေးနှင့် ဂီတတံခါးကို ဖွင့်လိုက်တော့သည် .. သာယာသော အသံက စည်းချက်ကျကျ နရီမှန်မှန် ပျံ့လွှင့်လာလေ၏.. နားသောတဆင်နေကြသည့် ဧည့်ပရိတ်သတ်အပေါင်းတို့ကတော့ အရက်လေးသောက်လိုက် ..သီချင်းလေး နားဆင် လိုက်နှင့် အဟုတ်ကြီးဟုတ်နေကြသည်..

           ထိုစဉ် ဆိုင်ထဲသို့ လူတစ်ဖွဲ့ဝင်လာလေ၏  .. လူမှာ ငါးယောက်ဖြစ်ပြီး ထိုအထဲတွင် အားကွေ့သိသော လူတစ်ယောက်ပါလာသည်.. ၎င်းမှာ အခြားမဟုတ် သူရဲကောင်းဇရပ်ပိုင် ယွဲ့အိမ်တော်သခင်ယွဲ့ကိ်ျုး၏တပည့်ဖြစ်သော ဆောင်ကျင့်ဖုန်းပင် ..သူနှင့်ပါလာသူ လေးယောက်အနက် သုံးယောက်မှာ အနက်ရောင်ကိုယ်ကျပ်ဝတ်စုံကို ၀တ်ဆင်ထားပြီး ရင်ဘတ်တွင် ဘီလူးရုပ်ပုံ ရေးချယ်ထား၏.. ထိုသူတို့၏ခါးတွင်တော့ စက်ဝိုင်းပုံ သားရေအိတ်ကြီး ချိတ်ဆွဲထားကြသည်... ကျန်တစ်ယောက်မှာမူ ဆိုးဝါးသော ရုပ်သွင်ရှိကာ မျက်စိတစ်ဖက်လပ်နေပြီး အ၀ါရောင်တောက်တောက် ပိုးသားဝတ်စုံဝတ်ဆင်ထား၏  .. သူ၏ကျောတွင်တော့ လက်နှစ်လုံးခန့်သာရှိသည့် အနက်ရောင်ဓါးတစ်လက်ကို လွယ်ပိုးထားလေ၏...

            ဆောင်ကျင့်ဖုန်းမှာ ဆိုင်ထဲသို့ ၀င်လာစဉ်က ဆောင့်ကြွားကြွား နိုင်နေသလောက် ..အားကွေ့မျက်နှာကို မြင်လိုက်စဉ်ခဏတွင် တုန့်ကနဲ ဖြစ်သွားလေသည်.. မဖြစ်ခံနိုင်ရိုးလား .. သူ့ဆရာ၏မျက်စိတစ်လုံးနှင့် အသားများ ဆွေးပုပ်အောင် ကန်ထားသူ ကိုမှ မကြောက်ရင် မည်သူကို ကြောက်အံ့နည်း.. ဆောင်ကျင့်ဖုန်း၏ အမူအယာကို တစ်ဖက်ကန်းက တွေ့မြင်သွား၍ထင်သည်..

           ''ဟေ့ကောင် ဆောင်ကျင့်ဖုန်း ..မင်းမျက်ခွက်က ဘယ်လိုဖြစ်တာတုန်း ..ဖြူဖတ်ဖြူလျော်နဲ့ ချွေးစီးတွေလည်း ထွက်လို့ပါလား..''

         ဆောင်ကျင့်ဖုန်းမှာ တဖက်ကန်း၏စကားကို ပြန်မဖြေဘဲ နောက်လှည့် ပြေးမည့်ဟန်ပြုနေသဖြင့် တဖက်ကန်းက လက်ကိုလှမ်းဆွဲလိုက်ပြီး..

          ''မင်းပဲ ဒီနေ့ပိချင်းကို ရအောင်ဖန်ပေးမယ်ဆိုပြီး မောင်းတင်လို့လာခဲ့တာ .. အခု ဆိုင်ထဲဝင်တာနဲ့ ကြောက်ချေးကပါနေပြီ.. ဒီလိုပြန်သွားလို့ဘာရမလဲ..''

         ဆောင်ကျင့်ဖုန်းက အားကွေ့ဘက် မရဲတရဲလှမ်းကြည့်ကာ..

        ''မဟုတ်ဘူး ..ဆရာကြီးဝမ်ကုံး .. ကျွန်တော်...ကျွန်တော်..''

       ၀မ်ကုံးဟူသည့် တဖက်ကန်းက ဆောင်ကျင့်ဖုန်း ကြည့်နေရာသို့ လှမ်းကြည့်လိုက်ပြီးနောက် ..

       ''မဟုတ်သေးပါဘူး ..မင်းကအဲ့ကောင်ကို တွေ့တာနဲ့ ဘာလို့ ဒီလောက် ကြောက်နေရတာတုံး..''

        ဆောင်ကျင့်ဖုန်းက တံတွေးမြိုချလိုက်ရင်း..

       ''အဲ့ကောင် ..အဲ့ကောင်ပဲ ..ဆရာကြီးဝမ်ကုံး ..ကျွန်တော့်ဆရာကို မျက်စိကန်းအောင် လုပ်သွားတာ..''

         ''အော်...လက်စသတ်တော့ ... သွေးဘီလူးပြောပြောနေတဲ့ အားကွေ့ဆိုတာ ဒင်းကိုး .. ဟားဟားဟားဟား ..ကြည့်ပါအုံး ရုပ်ကိုက တစ်စက်မှ ရှု့ချင်စရာမရှိဘူး
မင်းအသာနေ ..ဒီကောင့်ကို ငါဘယ်လိုဆုံးမလိုက်မလဲဆိုတာစောင့်ကြည့်..''

         ဆောင်ကျင့်ဖုန်းမှာ ၀မ်ကုံး၏သိုင်းပညာအဆင့်ကို သိသော်လည်း အားကွေ့ကို နိုင်မည်မနိုင်မည်ဆိုတာမသေချာ၍ ရင်တစ်ထိတ်ထိတ်ခုန်နေသည့်ကြားကပင် စောင့်ကြည့်နေမိသည်. ၀မ်ကုံးကတော့ သူ့တပည့်သုံးယောက်နှင့်အတူ အားကွေ့ထိုင်နေသည့် စားပွဲဝိုင်းအနီးသို့ တလှမ်းခြင်းသွားနေတော့၏....
        ပိချင်း၏ အသံသာသာကတော့ တစ်ဆိုင်လုံးကို ပျံ့လွင့်နေတုန်းပင်...


#အစ၏အဆုံး ..အဆုံး၏အစ

Pyae Phyoe San

၉၉A
 
        အားကွေ့မှာ ဆောင်ကျင့်ဖုန်းတို့အဖွဲ့ဆိုင်ထဲသို့ဝင်ဝင်ခြင်း သတိပြုသော်လည်း ယခုအချိန်တွင် အေးအေးဆေးဆေးသာနေလို၍  မသိကျိုးကျွံ ပြုနေခြင်းသာ .. သို့သော် ဆောင်ကျင့်ဖုန်းနှင့်ပါလာသော တဖက်ကန်းနှင့်လူသုံးယောက်၏ အမူအယာကြောင့် သူ၏သာယာဖွယ် ညနေခင်း စားသောက်ပွဲလေးပျက်တော့မည်ဟု ရိပ်မိလိုက်လေ၏....
      ၀င်ပေါက်နှင့်အားကွေ့၏ စားပွဲဝိုင်းမှာ သိပ်မဝေးလှရာ ၀မ်ကုံးတို့အဖွဲ့ ခြေလှမ်း သုံးဆယ်မျှလျှောက်ပြီးသည်နှင့် အားကွေ့၏စားသောက်ဝိုင်းသို့ရောက်လာလေသည်
ဝမ်ကုံးမှာ အားကွေ့ရှေ့တည့်တည့် ခုံတွင် ၀င်ထိုင်လိုက်ပြီး...
      စားပွဲအား ''ဒုန်း...''ကနဲထု၍
       ''ဟေ့ကောင် မင်းငါ့ကိုသိသလား..''
       အားကွေ့က ကိုက်လက်စကြက်ပေါင်ကို အသာချကာ..
      ''မသိဘူး .. သိစရာလည်းမလိုဘူး..ဒီမှာမိတ်ဆွေ.. ခင်ဗျား ပြသနာရှာဖို့ လူလာရှာတယ်ဆိုရင် ..လူရွေးမှားသွားပြီလို့ ကျုပ်ပြောလိုက်မယ်..ဒီတော့ .. ကိုယ့်ဟာနဲ့ကိုယ် တခြားဝိုင်းကိုသွား ..အစားအသောက်မှာ.. သီချင်းလေးနားထောင်ပြီး မိန်းမချောလေးတွေရဲ့အပြုအစုကို ခံချေဗျာ .. အခုခင်ဗျားရဲ့ ကျက်သရေတုံးမျက်ခွက် ကျုပ်အရှေ့မှာ ခံထားတော့ မိန်းမလှလေးပိချန်းရဲ့ အလှအပကို မမြင်ရဘူးဖြစ်နေတယ် ..''
         ''ဟားဟားဟားဟား ..လူကသာ ညစ်စုတ်စုတ်နိုင်တာ လေသံကတော့ အမာစားထဲကပါလား .. ကောင်းပြီ လေသံထွားတဲ့ကောင်ရဲ့ လျှာ ဘယ်လောက် အရှည်ရှိသလဲ ဆိုတာ ဖြတ်ပြီးမှတိုင်းကြည့်ရမယ်..''
         ''ကျုပ်ရဲ့လျှာကို မဖြတ်နိုင်ခင် ..ခင်ဗျားရဲ့ တစ်လုံးထဲသော မျက်စိ အလုံးလိုက် ကျွတ်ထွက် မသွားဖို့ အရင်ဆုတောင်းထားဗျို့ .. ခင်ဗျားလည်း ဟိုကောင်နဲ့ အတူလိုက်လာတာပဲ .. သူ့ဆရာရဲ့ မျက်စိဘယ်လိုဖြစ်သွားသလဲဆိုတာ မေးကြည့်ထားဖို့ကောင်းတယ်..''
         ''ယွဲ့ကျိုးလိုအဆင့်မျိုးကို နိုင်လို့ကိုယ့်ကိုယ်ကို ဘ၀င်လေဟပ်မနေနဲ့ ... ငါလို အဆင့်မျိုးနဲ့မကြုံသေးလို့ မင်းလေကျယ်နိုင်သေးတာပါ .. တကယ်တမ်း မင်းမှာ သတ္တိရှိတယ်ဆိုရင် ..တပွဲတလမ်းလောက်အကဲစမ်းကြည့်ကြတာပေါ့..''
       အားကွေ့မှာ ၀မ်ကုံး၏ရန်လိုသော အမူအယာကြောင့် မည်သို့မျှ ရှောင်လွဲ၍ မရတော့ဟု သိလိုက်သဖြင့်..
        ''ကောင်းပြီလေ .. ခင်ဗျားက လူ့လောကမှာနေရတာ အရမ်းငြီးငွေ့နေတော့ လည်း ငရဲပြည်ကို ဖြတ်လမ်းနည်းနဲ့ပို့ပေးရမှာပေါ့ .. ခင်ဗျားက စိန်ခေါ်လာတဲ့သူ ဖြစ်တဲ့အတွက် ..ဒီဝိုင်းကို ရှင်းလိုက် ... ပြီးရင် လူရှင်းတဲ့နေရာမှာ ယှဉ်ကြမယ်.. ကျုပ်တို့ကြောင့် တခြားလူတွေကို အနှောက်အယှက်မဖြစ်စေချင်ဘူး.. ''
          ၀မ်ကုံးမှာ အားကွေ့အားဆုံးမလိုနေသည်ဖြစ်ရာ ဆက်လက်စောဒက မတက်တော့ဘဲ.. သူ၏ ရင်ဘတ်ထဲမှ ငွေလွဲလက်မှတ် တစ်စောင်နှိုက်ယူ၍ စားပွဲပေါ်ပစ်ချပြီး..
         ''မင်းဘက်က စကားတည်မယ်လို့ ငါယုံလိုက်မယ် .. ဒီဆိုင်ရဲ့နောက်ဖေးမှာ ကွက်လပ်ကြီးရှိတယ်.  ငါအဲ့မှာစောင့်နေမယ် ခုချက်ခြင်းလိုက်လာခဲ့..''
           ဟုဆိုကာ ထိုင်ရာမှထ၍ တပည့်သုံးယောက် ဆောင်ကျင့်ဖုန်းတို့နှင့်အတူ ဆိုင်ထဲမှ ထွက်သွားလေတော့သည် .. အားကွေ့ကတော့ အစားအသောက်များကို နည်းနည်းချင်းဆီနှိုက်မြည်းပြီးနောက် အရက်ကိုအိုးလိုက်မော့သောက်ကာ ..
          ''ရှင်းမယ်ဟေ့...''
          ဆိုင်လုလင်မှာ အားကွေ့နှင့်မလှမ်းမကမ်းတွင် ရှိနေရာ အလျင်အမြန်ရောက် လာပြီး..
           ''အကုန်လုံးအတွက် .. ငွေသားရှစ်ဆယ်နဲ့ကြေးပြားဆယ့်ခုနှစ်ပြား ကျပါတယ်ခင်ဗျာ .. ''
           အားကွေ့ကငွေလွဲလက်မှတ်ကို ကောက်ကိုင်ကြည့်လိုက်ပြီးလျှင်..
           ''အမယ် တဖက်ကန်းက သဘောကောင်းသားပဲဟ .. ငွေသား တစ်ရာတန် လက်မှတ်ပဲ .. ''
          ဟုတွေးရင်း.. ဆိုင်လုလင်အား ပေးလိုက်ကာ
          ''ရော့ ..တရာတန်လက်မှတ် .. ပိုတာမင်းယူထားလိုက်တော့..ကြားလား..''
          ဆိုင်လုလင်မှာ သူ၏လစာထက်ပင် ပိုများနေသေးသော အပိုဆုငွေကြောင့် နားရွက်ချိတ်မတတ်ပြုံးရင်း ကျေးဇူးတင်မဆုံးဖြစ်နေတော့သည်.. အားကွေ့က စားပွဲပေါ်ရှိတူကို ထက်ပိုင်းချိုး၍ အချောင်းသေးသေးလေးဖြစ်အောင် လုပ်ပြီး သွားကြားထိုးရင်း ဆိုင်အတွင်းမှ အေးဆေးစွာထွက်လာ၏..
           ဆိုင်၏နောက်ဖက်တွင် ရိုးပြတ်ငုံးတိုများနှင့် ရိုးဘောင်အိုများရှိရာ ယခင်က စိုက်ကွင်းကြီးတစ်ခုဖြစ်ခဲ့ဟန်တူသည် ..  ဆိုင်ထဲမှ ထွန်းညှိထားသော ဆီမီးရောင်များ ရောင်ပြန်ဟပ်နေရာ ကွင်းပြင်ကြီးထဲတွင်လည်း ထိန်ထိန်လင်းလျှက်ရှိ၏..
           ရိုးဘောင်ဟောင်းများပေါ်တွင် သူ့အားစောင့်မျှော်နေကြသော ၀မ်ကုံးတို့ငါးယောက်အားတွေ့သည်နှင့် ပြုံးစိစိဖြင့်
            ''ကိုင်း.. ခင်ဗျားတောင့်တလွန်းလို့ ကျုပ်ကတော့ ကိုယ်ထင်ပြရပြီ .. ဒါပေမယ့် မတိုက်ကြမခိုက်ကြခင် သေသေချာချာစဉ်းစားနော် ... တော်ကြာလွန်မှ နောင်တတွေတပွေ့တပိုက်ကြီး ရနေအုံးမယ်..''
         ၀မ်ကုံးက အားကွေ့၏ ကလိတိတိစကားကို အမှုမထားဘဲ ..သူ့လူများအား
         ''ငါ့ကောင်တွေ .. ဒို့နရန်ဂိုဏ်းရဲ့ အစွမ်းအစလေးကို ဒီသဘောက်မသား သိသွားအောင် ပြလိုက်ကြစမ်းကွာ ..ဒီကောင့်ခေါင်းကို ဖြတ်ယူလာနိုင်တဲ့လူကို ရွှေတစ်ဆယ်သား ဆုချမယ်..''
           အားကွေ့မှာ နရန်ဂိုဏ်းဟု ကြားလိုက်ရသဖြင့် ..ပြုံးစိစိမလုပ်နိုင်တော့ဘဲ တည်ကြည်ကာသွား၏.. နရန်၏ ရက်စက်ဆိုးသွမ်းမှုကို သူကောင်းကောင်းကြီး သိသည်မဟုတ်လား .. ထို့ပြင်သူ အားထားနေကြသိုင်း တစ်ခုဖြစ်သော သရဲအရိပ် ခြေထောက်သိုင်းမှာလည်း နရန်၏မှုပိုင်သိုင်းအမျိုးအစားဖြစ်သည်ဟု သိထားရသည်လေ.. သူနားမလည်နိုင်သည်က အင်မတန်မှ လှို့ဝှက်သော နရန်ဂိုဏ်း နေပြည်တော်၌ ပေါ်ထွက်လာခြင်းနှင့် ဆောင်ကျင့်ဖုန်း ယွဲ့ကျိုးတို့ ဆရာတပည့်၏ နရန်ဂိုဏ်းနှင့်ပတ်သက်မှုကိုဖြစ်သည်..
              ''၀ှီး...၀ှီး...၀ှီး..၀ှီး..''
              ''ထန်း...ထန်း...ထန်း...ခြွင်..''
             သူဝါဒီများနေစဉ်၌ အနက်ရောင်စက်ဝိုင်းကြီး ခြောက်ဝိုင်းက သူ့အား အပိုင်းပိုင်းဖြတ်တောက်ရန်ပေးဝင်လာသဖြင့် .. န၀င်းလက်ချောင်းတောက်ပညာဖြင့် တောက်ထုတ်လိုက်ရ၏..  လက်ချောင်းလေးဖြင့် တောက်ထုတ်လိုက်သော်ငြား သံသံခြင်းထိတွေ့သံထွက်လာပြီး စက်သွားဝိုင်း ခြောက်ဝိုင်းစလုံး ပစ်မှတ်နှင့် လွှဲချော်သွားလေသည်..
            အားကွေ့မှာ ယခင်ကထက်စာလျှင် တိုက်ပွဲအတွေ့အကြုံ ရင့်သန်လာပြီ ဖြစ်ရာ  စက်ဝိုင်းများဘေးချော်သွားသည်နှင့် တုံ့ဆိုင်းမနေဘဲ အားမာန်ပြင်းပြင်းဖြင့် ပြန်တုံ့ပြန်လိုက်၏..
             ''အုံး.....''
           အားကွေ့၏ဗလာလက်ဝါးနှစ်ဖက်မှ ထွက်ပေါ်လာသော အတွင်းအားလှိုင်းက လေမုန်တိုင်းတိုက်သည့်နှယ် မာန်ဟုန်ကြီးစွာထွက်ပေါ်လာသည်.. အားကွေ့အသုံးပြု လိုက်သော သိုင်းကွက်မှာ လေးမျက်နှာပညာရှိချင်ဝေ၏ လေလှိုင်းတုန်ခါ အမည်ရှိ လက်ဝါးသိုင်းကွက်ပေ.. ချင်ဝေလောက် မကျွမ်းကျင်သေးသော်လည်း ပင်ကိုယ် အတွင်းအား မြင့်မားမှုကြောင့် ကောင်းမွန်စွာအသုံးချနိုင်ခဲ့၏..
        နရန်ဂိုဏ်းသား သုံးယောက်မှာ ပေါက်ကွဲသံကဲ့သို့ အသံထွက်ပေါ်လာသည်နှင့် မဟန်ပြီဟု သိလိုက်၍ ကမန်းကတန်းတိမ်းရှောင်လိုက်ကြသည် .. နှစ်ယောက်မှာ လွတ်ကင်းအောင် ရှောင်ထွက်နိုင်သော်လည်း ကံဆိုးသူတစ်ယောက်ကမူ အနည်းငယ် နောက်ကျသွား၏..
         ''ဖောင်း...''
         ဟူသော လေလှိုင်းရိုက်သံနှင့်အတူ နရန်ဂိုဏ်းသား ၏ ကိုယ်ခန္ဓာတစ်ခုလုံး အဝေးသို့လွင့်စင်သွားလေသည်.. လေလှိုင်းတုန်ခါသိုင်းကွက်မှာ သာမာန်အဆောက်အဦတစ်ခု ပြိုလဲသွားအောင် ပြင်းထန်လှရာ ထိမှန်သွားသော နရန်ဂိုဏ်းသားအတွက်တော့ မတွေးဝံ့စရာပင်..
        ကျန်နရန်ဂိုဏ်းသားနှစ်ယောက်မှာ လေလှိုင်းအဖျားအနားလေး ခတ်မိရုံနှင့်ပင် မြေပြင်ပေါ်၌ ဖင်ထိုင်ရက်လေးလဲကျနေကြသည်မဟုတ်လား.. တကွက်ထဲနှင့် သူ့လူများ ရှုံးနိမ့်သွားသောကြောင့် ၀မ်ကုံး၏ မျက်နှာမှာ ခရမ်းချဉ်သီး မီးဖုတ်လိုက်သည့်နှယ် ရှုံ့တွ နီရဲသွားပြီး..
       ''ထွီ.. ခွေးကောင်တွေ ..အသုံးကို တစက်မှမကျဘူး ..ဒါကြောင့်လဲ မင်းတို့ကောင်တွေ အပြင်စည်းကကို မတက်တာ ..''
         ဟုမြည်တွန်တောက်တီးပြီးနောက် အားကွေ့ထံလျှပ်တပြက် ခုန်ဝင်ကာ လက်နှစ်ဖက်ဖြင့် ကုတ်ဆွဲလိုက်သည်..
         ''ယား...ဟိတ်...''
         ''၀ှစ်..၀ှစ်..၀ှစ်..''
         ''ဖြန်း..ဖြန်း..ဖြန်း..ဖြန်း..''
        အားကွေ့မှာ မျှော်လင့်ပြီးသားဖြစ်၍ အဆင်သင့်ပင် ကာကွယ်လိုက်နိုင်သည် .. တဖက်လပ်ကား မော်ကြွားချင်လည်း မော်ကြွားနိုင်သည့် အဆင့်ရှိပေ၏ .. သူ၏ ကုတ်ဆွဲလက်သိုင်းမှာ အားကွေ့တတ်မြောက်ထားသော ခုနှစ်ဘုံသို့ ဖမ်းဆုပ်ခြင်း နီးနီးကောင်း၏ .. သူတွေ့ကြုံဖူးသမျှ သိုင်းသမားများထဲတွင် နတ်ရွှေနဂါး ဂိုဏ်းချုပ်ကြီးနှင့် ပုဝူးလူသွဲ့ပြီးလျှင် အဆင့်အမြင့်ဆုံးပင်.. ကုတ်ဆွဲချက်များမှာ မြန်ဆန်လွန်းလှရာ လေလှိုင်းတုန်ခါကဲ့သို့ လေးလံပြင်းထန်သော သိုင်းနှင့် ခုခံ၍ မရသဖြင့် သိုင်းကွက်ပြောင်းလိုက်ရ၏..
          ''ရွှီး...''
          ''၀ှမ်း...၀ှမ်း..၀ှမ်း....''
          ''ဟိတ်..''
           လေချွန်သံတစ်ချက်နှင့်အတူ လေးလံသော လက်ဝါးသိုင်းကွက်မှ .. သွက်လက်မြန်ဆန်သော လက်ချောင်းသိုင်းကွက်များသို့ ပြောင်းလဲသွားသဖြင့် ၀မ်ကုံးမှာ ပိုမိုဂရုစိုက်လိုက်ရသည်.. အတွင်းအားကိုလည်း ငါးဆင့်မှခြောက်ဆင့်အထိ မြင့်တင်ရင်း..
           ''တောက်..ဒီကောင်လေးက အရွယ်နဲ့မလိုက်အောင်ကို တော်တာပါလား ..ယွဲ့ကျိုး နာသပဆိုလည်း နာသင့်တယ် ..  ငါကြိုတင် လေ့လာထားရသလောက် ထိပ်သီးသိုင်းသမားဆယ်ယောက်ထဲ မှာတောင် ငါ့အတွင်းအား ခြောက်ဆင့်ကို ခံနိုင်တဲ့သူ ငါးယောက်အပြင်ပိုမရှိဘူး.. အဲ့ထဲက အတွင်းအားအကောင်းဆုံးဆိုတဲ့ ကျောက်ကျူးထင်တစ်ယောက်ပဲ ငါ့ အတွင်းအား ကိုးဆင့်အထိခံနိုင်လောက်တယ် ..ပြီးတော့ ဒီကောင့် သိုင်းကွက်တွေက သိပ်ဆန်းလွန်းနေလို့ ဘယ်လိုဇစ်မြစ် နဲ့ ဘယ်လိုခြေရာခံရမလဲမသိဘူး..''
           ဟုစိတ်ထဲတွင်တွေးကာ အတွင်းအား ခြောက်ဆင့်မှ ခုနှစ်ဆင့်ထိမြင့်တင်ကာ တိုက်ကွက်ကိုလည်း ပိုမိုအားထည့်လိုက်သည်.. လေတိုးသံတဟူးဟူးနှင့် ၀မ်ကုံး၏ လက်အစုံက ချည်ငင်စက်ထဲမှ လွန်းသဖွယ် အားကွေ့တကိုယ်လုံးအား ဖုံးလွှမ်းသွားလေတော့၏...
            ''ဟူး...ဟူး...ဟူး..ဟူး..''
           ''ယား...''
           ''ဖြောင်း...ဖြောင်း..''
          အားကွေ့ကတော့ မည်သို့ရှိမည်မသိ နဘေးမှရပ်ကြည့်နေကြသော ဆောင်ကျင့်ဖုန်းနှင့် နရန်ဂိုဏ်းသားနှစ်ယောက်မှာ ၀မ်ကုံး၏အတွင်းအား ရိုက်ခတ်မှုကြောင့် ခြေလှမ်း သုံးဆယ်မျှ ဆုတ်ဖယ်လိုက်ရ၏.. ရိုးပြတ်ထဲမှ ခြုံဘုတ်များ သစ်ဆွေးများမှာ အမြစ်မှကျွတ်ဖယ်သွားရသည့်တိုင်အောင် တဖက်လပ်၏အတွင်းအားက ပြင်းလှသည်..

           ထိုအချိန်တွင် မီးဒုတ်တဖက် ဓါးတစ်ဖက် ကိုင်စွဲလာသော မင်းမှုထမ်း ဆယ်ယောက်ခန့်ကွင်းထဲသို့ရောက်လာ၏.. ထိုအဖွဲ့ကိုဦးဆောင်လာသူက ဌာနမှုးရှလုံဖြစ်ပြီး သူ၏နဘေးတွင် ဦးပေါင်းပြာဆောင်းထားသည့် ငွေကိုင်စာရေးကြီး ကလိုက်ပါလာသည် ..ကြည့်ရသည်မှာ ဆိုင်နောက်ဆီမှ တိုက်သံခိုက်သံများကြောင့် ဆိုင်၏ဂုဏ်သတင်းပျက်မည်စိုး၍ စစ်ဆေးရေးဌာနသို့ သွားရောက်တိုင်ကြားခဲ့ပုံပေါ်၏ ..
            မှန်ပေသည် အားကွေ့တို့နှစ်ဦးတိုက်ခိုက်နေပုံမှာ တောဆင်ရိုင်းများ ရွာထဲသို့ ၀င်မွှေနေသည့်နှယ် ဆူညံပွက်လောရိုက်နေသည်မဟုတ်လား.. လရောင်ဆမ်းသော နှင်းပန်းကလေးဆိုင်မပြောနှင့် တရပ်ကွက်လုံးနီးပါး ကြားရအောင် ကျယ်လောင်ကာနေသည်လေ..ယခုဆိုလျှင် မိန်းကလေးပိချန်း၏ အဆိုပွဲပျက်ကာ တဆိုင်လုံး သူတို့နှစ်ယောက်တိုက်ပွဲကို ထွက်ကြည့်နေကြ၏..
             ရှလုံမှာ လူအများရှေ့တွင်မို့ ဌာနမှူးဟူသော ဂုဏ်ဘွဲ့နှင့်အညီ လက်ထဲမှ ဓါးလွတ်ကြီးကို ၀င့်ကာ ..

            ''ဟိတ်...နေပြည်တော်မှာ မင်းမဲ့စရိုက်နဲ့တိုက်နေခိုက်နေကြတဲ့ ကောင်တွေ အခုချက်ခြင်းရပ်စမ်း.. ဆက်ပြီးတိုက်နေကြမယ်ဆိုရင် .. နေပြည်တော်ထောက်လှမ်း စစ်ဆေးရေးမှူး ရှလုံဆိုတဲ့ ငါက ကြည့်နေတော့မှာ မဟုတ်ဘူး ..''

            အားကွေ့နှင့်ဝမ်ကုံးနှစ်ယောက်ကမူ ရှလုံ၏စကားအား အရေးပင်မလုပ်ကြပေ .. အကယ်စစ်စစ်ရှလုံမှာ ကြိ်မ်းဝါး၍သာနေရသည် မြန်ဆန်လွန်းသော တိုက်ပွဲကြောင့် မည်သူမည်ဝါမပြောနှင့် လူလုံးပင်မသဲကွဲ ..အရိပ်သဲ့သဲ့မျှသာ မြင်နေရ၏.. သို့နှင့် သုံးလေးကြိမ်မျှ အော်ဟစ်ငေါက်ငမ်းပြီးနောက် သူ့အား အရေးမစိုက်သဖြင့် ရှလုံက ဒေါပွသွားဟန်တူ၏..

             ''ကောင်းပြီ ..မင်းတို့က ငါကောင်းကောင်းမွန်မွန် ပြောနေတုန်း အရေးမစိုက်တော့ .. အကြမ်းကိုင်မှ ရတော့မှာနဲ့တူတယ် .. ''

             ဟုဆိုကာ နောက်လှည့်၍..

           ''မင်းမှုထမ်းတွေ ..ကွင်းထဲမှာ ရပ်နေတဲ့ သုံးကောင်ကို ဖမ်းလိုက်စမ်း .. ငါကတော့ ဟိုတိုက်နေတဲ့ ကောင်တွေကို ဆုံးမလိုက်အုံးမယ်.. ရှလုံတဲ့ကွ..''

            လည်ချောင်းသံကြီးဖြင့် အော်ဟစ်ပြီးနောက် လူရိပ်အလုံးကြီး နားတိုးကပ်သွားလိုက်သည်.. ခြေလှမ်း သုံးလှမ်းမျှလှမ်းပြီးလျှင်..
           ''ဖောင်း....''
          ''အား.....''
           မမြင်ရသော လေလှိုင်းကြီးတစ်လုံးမှာ ရှလုံ၏ ၀မ်းဗိုက်ကို ၀င်ဆောင့်လိုက်ပြီး သူ့အား အဝေးသို့လွင့်စင်သွားစေသည်.. အားကွေ့နှင့်ဝမ်ကုံးတို့နှစ်ယောက် ထုတ်သုံးထားသော အတွင်းအားပမာဏမှာ ရှလုံလိုလူမျိုးမပြောနှင့် ထန်စူးစူးကဲ့သို့ သိုင်းသမားပင် မခံနိုင်လောက်ပေ.. မင်းမှုထမ်းများမှာ ဆောင်ကျင့်ဖုန်းတို့ကို သွားဖို့နေနေသာသာ လဲကျသွားသော ရှလုံကိုသာ သွားရောက်ပြုစုနေကြ၏.. ရှလုံ၏ ဗျက်ကျယ်သော ဓါးကတော့ ကွင်းထဲတွင် ပက်လက်ကလေး ပြုတ်ကျနေလျှက်..

           ၀မ်ကုံးက သူ၏အတွင်းအား ခုနှစ်ဆင့်အား ခုခံနိုင်သော အားကွေ့အား မယုံနိုင်လောက်အောင်ဖြစ်ရင်း နောက်တဆင့်သို့ ထပ်မံမြင့်လိုက်ပြန်၏..

          ''ရော့ကွာ ခံနိုင်ရင်ခံစမ်း...''
           ''၀ှစ်..၀ှစ်..၀ှစ်..''
           ''ဖောင်း...ဖောင်း...ဖောင်း..''

           အားကွေ့မှာ  လေးဆသက်ရောက် အတွင်းအားပိုင်ရှင် ဖြစ်နေသောကြောင့်သာ မထောင်းသာခြင်းပင် .. ၀မ်ကုံး၏အတွင်းအားက ကျောက်ကျူးထင်ထက် အပုံကြီးသာလေ၏.. သက်ပြင်းကို တချက်ရှိုက်လိုက်ရင်း လက်တစ်ထောင်ထန်ဖု၏ တုဖူးမိုးစွေ သိုင်းကွက်သို့ ပြောင်းလဲပြီး ၀မ်ကုံး၏ လက်ရိုက်ချက်များအား တုန့်ပြန်လိုက်လေသည် .. တုဖူးမိုးစွေမှာ ဓါးကွက်များ ဖြစ်သော်လည်း အားကွေ့က လက်ညိုး လက်ခလယ် နှစ်ချောင်းပူးရင်း ဓါးကွက်သဖွယ် တိုက်ခိုက်လိုက်ခြင်းဖြစ်၏..

           ''တစ်ဖက်ကန်းရေ.. ခင်ဗျား ရဲ့တစ်လုံးထဲသော မျက်စိကို ထိုးဖောက်မယ့် တုဖူးမိုးစွေဆိုတဲ့ သိုင်းကွက်လာပြီ....''
           ''၀ှမ်း..၀ှမ်း..''
           ''ဗျိ...''
           ၀မ်ကုံးမှာ သူ၏လက်နှစ်ဖက်ကြားမှ အမှတ်မထင် ထိုးထွက်လာသော အားကွေ့၏လက်ချောင်းနှစ်ချောင်းကြောင့် ကမှန်းကတမ်း နောက်သို့ ခုန်ဆုတ် လိုက်ရ၏... အချိန်မီရှောင်တိမ်းလိုက်နိုင်သော်လည်း လက်ချောင်းများမှာ မြန်ဆန်လွန်းလှရာ သူ၏ရင်ဝအင်္ကျီစသည် လက်ချောင်းကြားထဲတွင် ညှပ်ပါသွားလေသည်....
       
            အားကွေ့က နောက်ဆုတ်သွားသော ၀မ်ကုံးအား လိုက်လံ တိုက်ခိုက်ခြင်း မပြုသေးပဲ လက်ထဲမှ အ၀တ်စကို ကိုင်မြောက်ကာ ခပ်ထေ့ထေ့ဖြင့်...

           ''ဟားဟားဟားဟား ..တဖက်ကန်း ခင်ဗျားနည်းနည်း ကံကောင်းသွားတယ် .. နောက်တခါတော့ ကံကောင်းနိုင်မယ်မထင်တော့ဘူးနော့် ... အခုချိန်လေး အချိန်မှီနောက်ဆုတ် ပြန်ချင်ရင် ..ကျုပ်ကပြန်ခွင့်ပေးလိုက်မယ်...''

        ၀မ်ကုံးက တစ်ထွာခန့်စုတ်ပြဲနေသော နေရာကို ငုံကြည့်ကာ လက်နှစ်ဘက်ကို ဘေးသို့ကားလိုက်၏.. ''ဗျိ..ဗျိ ''ဟူသော မြည်သံနှင့်အတူ သူ၏အပေါ်အင်္ကျီ တစ်ခုလုံးစုတ်ပြဲကာ အဝေးသို့လွင့်စင်ကုန်ကြသည် .. ပြီးနောက် သူ၏ကျောပေါ်မှ ဓါးကို ၀ဲဘက်လက်ဖြင့် ဆွဲထုတ်လိုက်ပြီး..

         ''ကောင်းပြီ .. မင်းကငါ့ရဲ့ အင်္ကျီကိုဖြဲခဲ့တဲ့အတွက် မင်းအသက်ကို လျော်ကြေး အနေနဲ့ ငါပြန်ယူရင် မတရားဘူးလို့ ဘယ်သူမှပြောကြတော့မှာမဟုတ်ဘူး.. ''

         အားကွေ့က ၀ဲဘက်လက်ဖြင့် ကိုင်ထားသော ၀မ်ကုံးကိုကြည့်ကာ ..

          ''အင်း ..ဓါးကို ၀ဲဘက်နဲ့ကိုင်ပြီး တိုက်တဲ့ ဓါးသမားအတော်များများဟာ သိပ်မထူးချွန်ကြဘူးလို့ ဘဘထင်းလွေပြောဖူးတယ် .. တကယ်လို့ ၀ဲဘက်နဲ့ ဓါးသိုင်းကျင့်လို့ အောင်မြင်ပေါက်ရောက်သွားရင်လည်း အရမ်းကြောက်စရာကောင်း တယ်လို့ သူကပြောထားတော့ .. ဒီတစ်ဖက်ကန်းကလည်း သတိထားရမယ့် အထဲမှာပါလောက်တယ် .. ခုနက ငါတို့သိုင်းကွက် တစ်ရာကျော်နီးပါးတိုက်လာတာ တောင် သူ့ရဲ့ ကုတ်ဆွဲလက်သိုင်းကို ငါမခန့်မှန်းနိုင်ခဲ့ဘူး.. လေလှိုင်းတုန်ခါ .. ၀ရိန်ဇိန်သူရိန်လက်ညိုးသိုင်း..ကျောက်စိမ်းမြေခွေးရဲ့ သိုင်းကွက်တွေကို အသုံးပြုတာလည်း အနိုင်မယူခဲ့နိုင်ဘူး ... တုဖူးမိုးစွေ ဓါးသိုင်းကို အသုံးပြုလိုက်မှ တစ်ကွက်အသာ ရလာတယ် .. ဒီလူကြီးရဲ့လက်သိုင်းတောင်ကြောက်စရာ ကောင်းနေမှ ဓါးသိုင်းဆိုရင် ဒီ့ထက်သာဖို့ပဲရှိမယ် .. အံ့သြေစရာကောင်းတာက သူ့ရဲ့လက်သိုင်းဟာ အနက်ရောင်လောက အနီရောင်အခန်းထဲက စုန်းမာယာကုတ်ဆွဲလက်သိုင်း နဲ့ တော်တော်လေးဆင်တူနေတာပဲ ..ဒါပေမယ့် သူက ပိုအကွက်စေ့ပြီး ..ပိုလည်းထက်မြက်တယ်.. ဒီလောက်တော်တဲ့လူဟာ နာမည်ကျော်ထဲက ဖြစ်သင့်ပါရဲ့နဲ့ ..ငါမခန့်မှန်းနိုင်တာတော့ ညံ့နေပြီ.. သွေးဘီလူး ထက်တောင် သူကအဆင့်မြင့်နိုင်လောက်ရဲ့ .. ငါပေါ့လိုမဖြစ်ဘူး..''

           ရှည်လျားစွာကောက်ချက်ချပြီးနောက် .. ကိုယ်ကိုတစ်ချက်လှုပ်ခါလိုက်၏.. အရိပ်တရာခြေလှမ်းတစ်ထောင် ကိုယ်ဖော့ပညာကို အသုံးပြုလိုက်ပြီး လွင့်စင်ကျနေသော ရှလုံ၏ ဓါးကို သွားကောက်ယူလိုက်ခြင်းဖြစ်သည်.. သူ့၏ လှုပ်ရှားမှုမှာ မြန်ဆန်လွန်းလှသဖြင့် ... ၀မ်ကုံးမှ တပါး အခြားရပ်ကြည့်နေကြသူတို့ ၏မျက်လုံးထဲတွင်တော့ အားကွေ့လက်ထဲ ဓါးတစ်လက် မျက်လှည့်ပြလိုက်သကဲ့သို့ ချပ်ကနဲ ရောက်လာသည်ဟုသာ တွေ့လိုက်ရ၏..

          ၀မ်ကုံးမှာ အားကွေ့၏ကိုယ်ဖော့ပညာကို မြင်ရုံမျှနှင့် ထိုသူငယ်မှာ ငယ်ငယ်ရွယ်ရွယ်ဖြင့် သိုင်းပညာထိပ်တန်းအဆင့်လွန်မြောက်နေသူတစ်ဦးဟု မှတ်ချက်ပြုလိုက်ရသည်.. ထို့ကြောင့် သူ၏စိတ်အာရုံကို ဓါးထဲတွင်သာ နှစ်မြုပ်လိုက် ပြီး.. အားကွေ့၏မျက်လုံးကို မျက်တောင်မခတ်တမ်း စိုက်ကြည့်နေတော့၏..
           အားကွေ့ကတော့ ၀မ်ကုံး၏ လက်နှစ်သစ်ခန့်သာဗျက်အကျယ်ရှိသော ဓါးသွားကိုသာ စူးစိုက်ကြည့်နေသည်..

          သူတို့နှစ်ယောက်၏အကွာအဝေးမှာ ခြေလှမ်း ဆယ်လှမ်းစာမျှရှိပြီး .. အနည်းငယ်မျှလှမ်းသည်ဟုဆိုရပေမည်.. သို့သော်လည်း နှစ်ယောက်စလုံး ရှေ့သို့ လည်းမတက် ..နောက်သို့လည်း မဆုတ်ဘဲ ..ထိုအတိုင်းသာ ရပ်နေတော့၏..
          ကျောက်ရုပ်သဖွယ် ရပ်နေကြသော လူနှစ်ယောက်အား အမြင်ကတ်၍ လားတော့မသိ .. ညလေ က ရိုးတစ်လျှောက်ကို ဖြတ်သန်းလာကာ အားကွေ့နှင့် ၀မ်ကုံးတို့နှစ်ယောက်၏ အ၀တ်အစားများကို တဖတ်ဖတ်နှင့် လှုပ်ခတ်သွားစေသည် ..
          ကျောက်ရုပ်သဖွယ်ဖြစ်နေကြသူများကတော့ သူတို့နှစ်ယောက်တင် မဟုတ်ပါ ဆောင်ကျင့်ဖုန်း ..နရန်ဂိုဏ်းသားနှစ်ယောက် ..မင်းမှုထမ်းများ .. ရွှေပွဲလာဧည့် ပရိတ်သတ်များပါ ထိုအတိုင်းပင်... သို့သော် မည်သည့်အတွက်ကြောင့်မှန်းမသိ .. ရပ်ကြည့်နေသူအားလုံးမှာ ရင်တဒိတ်ဒိတ်ခုန်နေရင်း အလိုလိုစိတ်မောနေကြသည် ..

          ကာယကံရှင်နှစ်ယောက်ကတော့ မတုန်မလှုပ် ပီဘိစာခြောက်ရုပ် ......

         ညလေက လနှင့်ကြယ်များ အားဖုံးကွယ်နေသည့် တိမ်ဆိုင်မဲတို့ကိုပါ လွင့်စင်သွားစေသောကြောင့် ယခင်ကထက်စာလျှင် ပိုမိုအလင်းရောင်ရလာလေ၏..
လူအုပ်ကြီးမှာ တိတ်ဆိတ်နေသဖြင့်  ကျိုးကျိူးကြည်ကြည်အော်နေသော ပုရစ်သံ .. တဂွပ်..ဂွပ်နှင့်မြည်နေသော ကျော်စံကေးဖားသံတို့ကသာ ကွင်းထဲတွင် ပျံ့လွင်နေလေသည်..

           ထိုသို့ရပ်နေကြသည်မှာ အမွှေးတိုင် တစ်ဝက်ကျိုးခန့် အချိန်တိုင်လေပြီ... ယခုအချိန်ထိ မည်သူကမှ လှုပ်ရှားမလာသေးပါ.. မျက်မတောင်မခတ်တမ်း စိုက်ကြည့်နေရလွန်း၍ အချို့သမာဓိမခိုင်မာသော လူတို့၏ မျက်ဝန်းထဲမှ မျက်ရည်များပင် ကျဆင်းလာကြ၏ .. သို့သော် မည်သူကမျှ သုတ်ပစ်ဖို့ မစဉ်းစား မျက်ခမ်းများ စပ်နေသည့်တိုင်အောင် မလှုပ်မရှားကြည့်နေကြတုန်း...

          ထိုအခိုက် ဦးပေါင်းပြာနှင့်ငွေကိုင်စာရေးကြီးသည် .. ''အား ...'' ဟူ၍စူးစူးဝါးဝါး အော်ဟစ်လိုက်ပြီး ခွေလဲသွားလေသည်.. အမှန်တော့ ရင်ဖိုလွန်းသော .. စိတ်လှုပ်ရှားလွန်းသော .. တိတ်ဆိတ်လွန်းသော ဒါဏ်တို့ကြောင့် နှလုံးမခိုင်တော့ဘဲ ခွေခေါက်လဲကျသွားခြင်းသာ ....

         အားကွေ့နှင့် ၀မ်ဖုံးတို့မှ လွဲ၍ ကျန်လူတိုင်းတိုင်းမှာ နောက်အချိန်အနည်း ငယ်အတွင်း၌ အော်ဟစ်ချင်သလို ...အင်္ကျီအ၀တ်အစားများကို ဆွဲစုတ်ချင်သလိုလို မြေပြင်တွင်ပဲ လူးလိမ့်ချင်သလိုလိုဖြစ်လာကြကုန်၏..
         
====================
           အရှည်ကြီးရေးထားတာမို့ အကြွေးကျေပြီဟု ယူဆပါကြောင်း..
ကျေးဇူးပါခင်ဗျ...



#အစ၏အဆုံး ..အဆုံး၏အစ
Pyae Phyoe San

၉၉B

           ယင်းအခိုက်အားကွေ့မှာ ၀မ်ကုံး၏ဓါးဖျားမှာ မသိမသိတုန်ယင်လာသည်ကို တွေ့မြင်လိုက်ရသဖြင့်...
          ''အင်း... ဒီငနဲကြီးရဲ့ စိတ်ထိန်းချုပ်နိုင်စွမ်းက တဖြည်းဖြည်းနဲ့လျော့လာပြီ.. ငါအချိန်နည်းနည်းလောက် ထပ်စောင့်ဖို့လိုမယ်.. သူ့ဓါးဒီထက်နည်းနည်း ပိုတုန်လာရင် ငါအသာစီးရပြီ....''
       ၀မ်ကုံးကလည်း သူ၏ဓါးတုန်လာသည်ကို သိပုံရ၏ .. တင်းကြပ်နေသော စိတ်ကို ခေတ္တမျှဖြေလျော့လိုက်ပြီး..
         ''ဒီကောင်လေးဟာ အမေဗိုက်ထဲမှာ ရှိတုန်းကတည်းက သိုင်းတတ်နေရော့ လားမသိဘူး.. ဓါးကိုင်ထားပုံအရတော့ တကယ်ခက်ခဲမယ့်ပြိုင်ဘက်တစ်ယောက် ဆိုတာ မပြောဘဲသိနိုင်တယ် .. ခက်တာက ငါ့စိတ်စူးစိုက်မှု ကျလာတာပဲ .. ဓါးနဲ့လူ တစ်သားထဲမကျရင် ... ပညာခြင်းတူအုံးတော့ အရှုံးကြီးရှုံးမှာ အသေအချာပဲ.. ငါ့ အခြေအနေဒီ့ထက်မဆိုးခင် ကြိုတိုက်လိုက်မှ...''
        ဟု အတွေးပေါ်ပြီးနောက် စိတ်ကိုဓါးထဲသို့ လုံးဝနှစ်မြုပ်လိုက်ပြီး တည်ငြိမ်အောင် ပြန်လည်တည်ဆောက်လိုက်သည် .. ဓါးသွားထိပ်ဖျား ..ပြန်လည် ငြိမ်သက်သွားသည်နှင့် ဓါးကို မျက်နှာ အနီးသို့ရွှေ့္ပရင်း .. ညာခြေတစ်လှမ်း အရှေ့ကို လှမ်းတိုးလိုက်၏...
        ပရိတ်သတ်များမှာ ၀မ်ကုံးရှေ့တလှမ်းတက်လာသဖြင့် ၀မ်းသာအားရ ဖြစ်သွားကြကာ စောနက မတည်ငြိမ်စိတ်များ ကွယ်ပျောက်သွားကြလေသည်.. ..
         အားကွေ့ကတော့ ၀မ်ကုံး ခြေတစ်လှမ်းရွေ့လာသည်ကိုမြင်လျှင်..
        ''ဒီတဖက်လပ်က လုံးဝရှားပါးတဲ့ ပြိုင်ဘက်ကောင်းတစ်ယောက်ပဲ .. သူ့အမှား ကိုချက်ခြင်းပြန်ပြင်သွားနိုင်တယ် ...ဓါးကိုင်ထားတဲ့ပုံ ရွေ့လာတဲ့ခြေလှမ်းအကွာအဝေး  အရ သူ့ရဲ့ စိတ်နဲ့ဓါးသွား တစ်ထပ်ထဲပြန်ကျသွားပြီလို့ တွေးလို့ရတယ်.. ''
        အားကွေ့ကလည်း ထိုသို့တွေးကာ လက်ထဲမှဓါးကို ရင်ဘတ်ရှေ့တွင် အပေါ်သို့ ဓါးဦးထောင်ကာ ဒေါင်လိုက်ကပ်လိုက်ရင်း ၀ဲခြေကို အရှေ့သို့ ရွေ့လိုက်၏ ...
       ၀မ်ကုံးမှာ အားကွေ့၏ခြေလှမ်းနှင့်ကိုယ်ဟန်ကြောင့် ထိတ်ကနဲဖြစ်သွားရင်း .. ဓါးကိုင်လက်အား နေရာပြောင်းသည့်အနေဖြင့် ရှေ့တည့်တည့်သို့ တန်းတန်းထိုးကာ
ဝဲခြေရှေ့တစ်လှမ်းတိုးလိုက်ရသည်..  စိတ်ထဲမှလည်း...
       ''ခုနငါ့ဓါးဟန်က သူ့ခန္ဓာကိုယ်ရဲ့ သုံးပုံနှစ်ပုံကို အလွယ်တကူ တိုက်လို့ရတဲ့ ကိုယ်ဟန်ခင်းထားတာ .. ဒါကို ဒီခွေးကောင်လေးက ဘယ်လိုရိပ်မိသွားတယ် မသိဘူး ..ငါသာ ပထမဦးဆုံးအကွက် သုံးလိုက်မယ်ဆိုရင်  ကိုယ့်သေကြောင်းကိုယ်ကြံသလို ဖြစ်သွားလိမ့်မယ်.. ''
       
       ပရိတ်သတ်အပေါင်းတို့မှာ တလှမ်းခြင်းလှမ်းနေသည့် နှစ်ယောက်အား ကြည့်နေရင်း ရင်ဝတွင် တစ်ဆို့တစ်ဆို့နှင့် အားမလိုအားမရဖြစ်ကုန်ကြရပြန်သည်..
        အားကွေ့ ကတော့ ၀မ်ကုံး၏ဓါးဟန်ကို မြင်သည်နှင့် ကျိတ်ပြုံးလိုက်ရင်း..
        ''ခွေးသားကြီးက ဒါမျိုးတော့သိသားပဲ .. မဟုတ်ရင် သူ့ပထမကိုယ်ဟန် အတိုင်း လာတိုက်ကြည့် ငါ့ဓါးကွက်အောက်မှာ ချက်ခြင်းအောက်စည်းရောက်သွားပြီး
သိုင်းကွက် သုံးရာအတွင်း အမြစ်တုံးသွားမှာ သေချာတယ် .. ''
      ဟုတွေးရင်း သူလည်း ကိုယ်ဟန်ကို ပြောင်းလဲလိုက်၏.. ၎င်းကတော့ သူလည်း ၀မ်ကုံးကဲ့သို့ ရှေ့သို့ တန်းတန်းထိုးရင်း ယာခြေကို တစ်လှမ်းလှမ်းတိုးလိုက်ခြင်း ဖြစ်သည်...
          ၀မ်ကုံးမှာ ထိုအခါမှ သက်မချ၍
         ''တော်သေးတယ် ..ဒီခွေးသားမှာ ငါ့ထက်ပိုသာတဲ့ အစွမ်းမရှိတော့လို့ ... ခုငါသုံးလိုက်တဲ့ ကိုယ်ဟန်က ငါ့အတွက် အဆင့်ကုန်ပဲ.. လာစမ်း .. အခုတော့ ကျားနဲ့ဆင် လယ်ပြင်မှာတွေ့ကြပြီပေါ့....''
         သို့နှင့် သူတို့နှစ်ယောက် ထိုအတိုင်းကိုယ်ဟန်ခင်းက တစ်လှမ်းခြင်း တက်လာကြသည်မှာ ဓါးတကမ်းအကွာသို့ပင်ရောက်လာကြပြီဖြစ်သည်..
          မည်မျှမထိလည်း ဆိုလျှင် သူတို့၏ရှေ့ထုတ်ထားသော ဓါးနှစ်လက်မှာ ထိပ်ဖျားခြင်းပင် ထိကပ်၍နေလေပြီ..
           မီးရောင်ကြောင့် တဖိတ်ဖိတ်လက်ပြောင်နေသော ဓါးနှစ်ချောင်းမှာ ခေါင်းခြင်း ဆိုင်နေလေကြပြီကော .. ဓါးတစ်လက်မှာ နက်မှောင်တောက်ပလျှက်ရှိသော သေးသွယ်သွယ် အဖိုးတန်ရှေးဟောင်းဓါးတစ်လက်ဖြစ်ပြီး ..နောက်တစ်လက်မှာတော့ မင်းမှုထမ်းများကိုင် ဗြက်ကျယ်ဦးမော့သော ဘော်ငွေရောင်တောက် ဓါးကြီးတစ်လက်ပင်..
           ထိုစဉ်ဝမ်ကုံးက စတင်လှုပ်ရှားလိုက်လေသည်....
           ''ယား....'' .
          ''၀ှမ်း...၀ှမ်း...ရွှီး.....''
          ''ထန်း.....''
          ရပ်နေတော့သာကျောက်ရုပ် ..စအသုံးပြုလိုက်သည်နှင့် မြွှေတွန်သံကဲ့သို့ အသံကြီးထွက်ပေါ်လာကာ ..အားကွေ့၏ ခေါင်း..ရင်ဘတ် ..ပုခုံးနှစ်ဘက် .. နံကြား နှင့် ခါး အစရှိသော နေရာခြောက်နေရာ .. အကွက်ပေါင်းခြောက်ကွက်တိတိအား တဆက်ထဲအသုံးပြုသွားခြင်းဖြစ်သည်.. အားကွေ့ကတော့ ယာဘက်လက်တစ်ဘက် ထဲသာ လှုပ်ရှားကာ ထိုအကွက်ခြောက်ကွက် .. နေရာ ခြောက်နေရာစလုံးကို ကိုယ်မရွှေ့စတမ်းကာကွယ်လိုက်နိုင်၏... ဓါးဓါးခြင်း ခြောက်ကြိမ်စလုံး ထိတွေ့သွား သော်လည်း မြန်ဆန်လွန်းသည်ဖြစ်ရာ ထန်း ဟူသောအသံက တစ်သံထဲသာ ထွက်ပေါ်လာသည်...
         ၀မ်ကုံးမှာ စတိုက်စစ်သူပီပီ .. မနားတမ်းပင် တိုက်ခိုက်နေတော့၏.. သူ၏ လှုပ်ရှားပုံမှာ ရုပ်နှင့်မလိုက်အောင် လှပသပ်ရပ်လှသည်.. ဓါးကိုင်ဝဲလက်တင် မဟုတ်  ..တကိုယ်လုံးအသုံးပြုကာ လည့်ပတ်တိုက်ခိုက်နေသဖြင့် .. လူတစ်ယောက်ထဲဟု မမြင်ရတော့ဘဲ အရိပ်အပွားများ ရာချီတိုက်ခိုက်နေသည့်နှယ်ပင်.. ဓါးချက်တချက် ထုတ်လိုက်တိုင်း လေတိုးသံကလည်း တဟူးဟူးနှင့်နေသည်..
           ''ဟူး.ဟူး..ဟူး..ဟူး..''
            ''ကျား...ဟိတ်..''
            ''ဒီလို ဘာရမလဲ  ...ရော့..''
             ''ထန်း.'.ထန်း..ထန်း..''
             ၀မ်ကုံး၏ကိုယ်ဟန်နှင့်သိုင်းကွက်က လှပညှက်ညောသလောက် အားကွေ့၏ဓါးကွက်များက အရိုင်းဆန် ..ပြင်းထန် .. ရက်စက်လွန်းလှ၏.. သူ၏ ဓါးပြားကြီး တစ်ချက် ..တစ်ချက်ခုတ်လိုက်တိုင်း .. လေထုကြီးကို တဟဲဟဲနှင့် ခွင်းထွက်ကာ ၀မ်ကုံးအား ခြိမ်းခြောက် နေသည့်အသွင်...
            ထိုစဉ် ၀မ်ကုံး၏ လက်သစ်ခန့်ဓါးသွားက အားကွေ့၏ ဓါးကြီးအား အသွားသုံးလက်မမျှ ပဲ့ထွက်သွားစေသည်.. အားကွေ့မှာ ၀မ်ကုံး၏ဓါး ထက်မြက်မှုကို ချီးကျူးလိုက်ပြီးနောက် ဓါးကွက်ကို တမျိုးပြောင်းလိုက်၏.. မြောက်ပိုင်း ၀တ်ရုံနီဂိုဏ်း၏ ရင်ခွဲအသည်းလှန် ဓါးကွက်ဖြစ်သည် ..
             '''ဟူး..ဟူး ..ဟူး..''
              ''ရွှီး..ရွှီး..ခြွင်..''
              ''ထန်း..''
              ၀မ်ကုံးမှာ ရက်စက်ကြမ်းကြုတ်လွန်းသော ထိုဓါးကွက်အား လုံးလုံးမဖြုံသော်လည်း .. ယခုသူအသုံးပြုနေသည့် သိုင်းမှာ တဆင့်နိမ့်နေသေး၍ သိုင်းကွက်ကို ပြောင်းလဲခုခံလိုက်၏.. ထိုသိုင်းကွက်သည်က သူအသုံးမပြုတာ ကြာပြီ ဖြစ်သော သိုင်းကွက်ပင်ဖြစ်တော့သည်...
            '''ရွှီး...၀ှီး...''
            ''ထန်း..''
            ''အလို.. မိုးတစ္ဆေနတ်ဆိုးရဲ့ ငါးမျိုးရှစ်လွှာ သိုင်းကွက်ပဲ... ''
            ၀မ်ကုံး၏ဓါးချက်ကိုမြင်သည်နှင့် အားကွေ့မှာ အံ့အားသင့်သွားပြီး .လွတ်ကနဲအော်မိလိုက်၏.. ၀မ်ကုံးက သူ၏မဟူရာဓါးဖြင့် ငါးချက်တိတိထိုးသွင်း လိုက်ကာ..
              ''ဟားဟားဟားဟား ..ဟုတ်တယ်ဟေ့.. ငါက မိုးတစ္ဆေနတ်ဆိုးပဲ.. ဒါတော့ငါပဲရှိသေးတယ် ငါ့အကို မြေတစ္ဆေနတ်ဆိုးနဲ့ ရေတစ္ဆေနတ်ဆိုး ပါ ပါလာရင် မင်းအသက်ဘယ်က ထွက်လို့ထွက်သွားမှန်းတောင်သိမှာမဟုတ်ဘူး...''
             အားကွေ့မှာ ဆင်ကိုမြင်မှ ခြေရာတွေ့သည့်နှယ် ဖြစ်ရတော့၏.. နတ်ဆိုး သုံးကောင် လွတ်အောင်ရှောင် .. မိုးမြေရေ ..သခင်တစ်ယောက် .. ဘုရင်တောင် ကြောက်၏.. ဆိုသော စကားချိုးအတိုင်း .. ယခုမှ သူတိုက်ခိုက်နေသော သူသည် လွန်ခဲ့သော ဆယ့်ရှစ်နှစ်ခန့်က သိုင်းလောကတလွှား ဖိန့်ဖိန့်တုန်အောင် ကြောက်ကြရသော နတ်ဆိုးသုံးယောက်ဝင် မိုးတစ္ဆေနတ်ဆိုး ၀မ်ကုံးမှန်းသိလိုက်ရ၏.. နတ်ဆိုးသုံးယောက်သည် ညီအကိုရင်းများဖြစ်ကြပြီး ရက်စက်သည့်နေရာတွင် သွေးဘီလူးကဲ့သို့ပင်.. မိမိ၏ဆရာအရင်းနှင့် ဖခင်တို့ကိုတောင် ပြန်လုပ်ကြံကြသူများ ဖြစ်ကာ ..သူတို့၏ သခင်ဖြစ်သူမှလွဲ၍ မည်သူ့သြဇာမှ မခံသူများပေ... သခင်ဖြစ်သူ မှာ အမြဲတမ်း သစ်သားမျက်နှာဖုံးစွပ်ထားကာ ယခုချိန်ထိ မည်သူမည်ဝါမှန်း မသိကြ ထိုသူ၏သိုင်းပညာမှာ ရှောင်လင်ဂိုဏ်းချုပ်ဆရာတော်ထက်ပင် သာသည် ဟု အဆိုရှိသည်... သို့သော် ထိုစဉ်က ထိုလေးယောက်သည် မည်သည့်အတွက်ကြောင့် မှန်းမသိ သိုင်းလောအတွင်း တစ်နှစ်ခန့်သာ ကျင်လည်ပြီး နောက်ဆုတ် ပျောက်ကွယ် သွားကြသည်မှာ ယနေ့မတိုင်ခင်ကဖြစ်လေ၏.. ယခုတော့ မည်သည်က မည်လို ပြန်ပေါ်လာသည်မသိ .. သူနှင့် ယှဉ်လျှက်သားဖြစ်နေသည် ..
                  အားကွေ့မှာ မည်သည်ကိုမျှ အကြောက်အလန့်မရှိသော်ငြားလည်း  မိမိပြိုင်ဘက်၏ နောက်ခံအရှိန်အ၀ါမှာ ကြီးမားသည်ထက် ကြီးမားလွန်းရကာ စိတ်လေးလံညစ်ညူး၍သွား၏... ထို့ကြောင့် သုံးနေသည့် သိုင်းကွက်မှာ အလိုလို အားလျော့သွားလေသည်..
             ၀မ်ကုံးမှာ တိုက်ပွဲပေါင်းများစွာ ယှဉ်ပြိုင်လာသူပီပီ .. အားကွေ့ တိုက်စစ်လျော့သွားသည်နှင့် သူ၏ အတွင်းအားကို အမြင့်ဆုံးထိထုတ်လိုက်ပြီး .. သူ၏အားထားရာ ငါးမျိုးရှစ်လွှာသိုင်းကွက်ဖြင့် အပြင်းအထန် ဖိတိုက်တော့၏...
             ''ရော့ကွာ.. သေစမ်း...''
             ''ရွှမ်း..ရွှမ်း..ရွှမ်း...ရွှမ်း..''
             ''ထန်း..ထန်း...''
             အားကွေ့မှာ တိုက်ပွဲအား ဆက်တိုက်ချင်စိတ်မရှိအောင် ဖြစ်သွားသော်လည်း ဗလချီအသက်မဆုံးလို၍ .. ဆက်လက်ခုခံနေရသည် .. ၀မ်ကုံး၏ ဓါးချက်များကတော့ သူ့တကိုယ်လုံးကို လွမ်းခြုံနေတော့သည်..  သို့နှင့် သိုင်းကွက် ရှစ်ဆယ်မျှ အတိုက်အပြီးတွင်...
             ''ချွမ်း..ချွမ်း...''
             ''ထန်း..''
             ''ဗျိ....''
              ၀မ်ကုံး၏ဓါးချက်ကြောင့် အမည်းရောင်အကွင်းကြီး ငါးကွင်းဖြစ်ပေါ်လာပြီး သူ့ရင်ဘတ်အား ထက်ပိုင်းဖြတ်ရန် တိုးဝင်လာ၍ .. သူ၏ဓါးကြီးဖြင့် ခုခံလိုက်ရာ ..ရှေးဟောင်းဓါးဖြစ်သည်ကတစ်ကြောင်း... အတွင်းအား မြင့်လွန်းသည်က တစ်ကြောင်းမို့ ...အားကွေ့၏ဓါး လက်ငါးသစ်မျှ ပြတ်တောက်သွားပြီး သူ၏ ရင်ဘတ်အင်္ကျီစအား ထိုးခွဲသွားလေသည်.. ၀မ်ကုံးက ထိုသည်ကို မြင်လျှင်..
            ''ဟားဟားဟားဟား .. ဘယ့်နှယ်လဲ ..မင်းအင်္ကျီပြန်စုတ်သွားရပြီ မဟုတ်လား...''
              အားကွေ့မှာ မထိတထိ လေသံနှင့် လှမ်းကလိလိုက်သော ၀မ်ကုံးအား ရွံမုန်းစွာကြည့်ရင်း...
             ''ကောင်းပြီ.. ခင်ဗျားက အသည်းကောင်းလို့ ပွဲတောင်းလာတာပဲ .. ခွေးရှင် မျက်နှာရှိနေလို့ မရိုက်လိုက်တာကို ဟောင်ဖွာဟောင်ဖွာ လာအူနေတော့ .. နူတ်သီး ဖြတ်ရိုက်ပေးရမှာပေါ့.....''
             ဒေါပွသွားသော အားကွေ့က သွားကြားထဲမှ ထွက်လာသော လေသံဖြင့် ပြောဆိုလိုက်ပြီး .. သူ၏လေးဆသက်ရောက် အတွင်းအားကို ဓါးထဲသို့ ပို့လွတ်လိုက်သည်... ဘော်ငွေရောင်တောက်နေသော ဓါးကျိုးသည်  အတွင်းအား များကြောင့် ချက်ခြင်းပင် စိမ်းဖန့်ဖန့်အရောင်သို့ ပြောင်းလဲသွား၏..
           ၀မ်ကုံးမှာ ထိုကဲ့သို့ အချင်းအရာကို တစ်ခါမှ မြင်ဖူးထားခြင်းမရှိရာ အံ့အား တကြီးဖြစ်နေတော့သည်.. အားကွေ့ကတော့ စိတ်ကြီးလာလျှင် ဖြစ်နေကြအတိုင်း နဖူးမှ ရွှေရောင်ဝင်းဝင်းတောက်ကာ မီးလျှံများ မှုတ်ထုတ်တော့မည့် နဂါးအသွင် မာန်ပြင်းလာလေပြီ..
              ထိုနောက် .. အတွင်းအားအပြည့်ထည့်ထားသော ဓါးအား ဝှေ့ရမ်းကာ ၀မ်ကုံးထံသို့ .. အားပါးတရတိုက်ခိုက်တော့၏.. သူအသုံးပြုလိုက်သော သိုင်းကွက်ကတော့ အနက်ရောင်လောက အနီရောင်အခန်း ထဲမှ အဆုံးအထိ ရက်စက် ဓါးကွက်ပင်ဖြစ်တော့သည်...
              ''၀ုန်း..၀ုန်း...၀ုန်း...၀ုန်း....''
               ''ချွမ်း...ထန်း...''
             
               အနက်ရောင်ရတနာတပါးဖြစ်သော အားကွေ့၏ ဒေါသက ၀မ်ကုံးအား အမှောင်ဖုံးလုမတတ်..  သိုင်းတကွက်ထဲနှင့် နေရာလေးနေရာအား ဦးတည်တိုက်လာ သည်မို့ သူ၏မဟူရာဓါးကို လေးနေရာအထိ ခွဲပြီးဝှေ့ရမ်းကာကွယ်လိုက်လေသည် .. သို့သော် ဓါးဓါးခြင်းထိလုလု၌ နေရာပြန်လည်ပြောင်းလဲသွားသဖြင့် ၀မ်ကုံးမှာ တကိုယ်လုံးကို လေထဲသို့ ရောက်အောင် ခုန်တက်လိုက်ရပြန်၏.. လေထဲတွင် ရောက်၍ လွတ်မည်လား မှတ်သည် ခြေထောက်အား ဓါးကြီးက ထိုးသွင်းလာသော ကြောင့် ဂျွမ်းနှစ်ပတ်ပစ်ရှောင်လိုက်ရသည်.. သို့သော်... သိုင်းကွက်မျိုးစုံအောင် တတ်ထားသော အားကွေ့မှာ ဓါးချက်လွဲချော်သွားပြီဟု သိလိုက်သည်နှင့် သူပါ လေထဲခုန်တက်ကာ ဂျွမ်းလိမ်နေသော ၀မ်ကုံး၏ကျောပြင်အား သရဲအရိပ်ခြေထောက်ဖြင့် ဖနောင့်စာကျွေးလိုက်တော့၏...
                  ''ဖုန်း...''
                   ''အားရိုး...သေပါပြီ...''
                  ၀မ်ကုံးမှာ ကျောရိုးဆစ်နှစ်ဆစ်ပြုတ်ထွက်သွားပြီး လေထဲမှ ခွေးကျပြုတ်ကျ သွားလေသည်... အားကွေ့က မြေပြင်ပေါ်သို့ လှပစွာ ခုန်ဆင်းခဲ့ပြီးနောက် ..ဓါးကို ပစ်ချကာ ..
                   ''မိုးတစ္ဆေနတ်ဆိုး ၀မ်ကုံး .. ခင်ဗျားသာ ကျုပ်စားသောက်ထားသမျှ မရှင်းခဲ့ဘူးဆိုရင် အခုချိန် ခေါင်းပြတ်နေတာကြာပြီ.. နောက်ခါ ကျုပ်မျက်နှာကို မြဲမြဲ မှတ်ထား... အဝေးကတွေ့ရင် ဝေးဝေးရှောင်တော့ ... ဒါတောင် မမှတ်သေးဘဲ  ကျုပ်အနားကပ်လာမယ်ဆိုရင် ကျောရိုးတစ်ခုလုံးကို ကန်ချိုးလိုက်မယ်..'''
                 အားကွေ့မှာ ပြောဆို၍ အားရပြီးသည့်နောက် .. မည်သူ့ကိုမှ ဂရုမစိုက်တော့ဘဲ လူအုပ်ကြားထဲမှ တိုးထွက်လာခဲ့သည်.. ၀မ်ကုံးကတော့ ကျောရိုးဆစ်ပြုတ်သွာံးသောကြောင့် ခါးကော့ကာ မှောက်ခုံလဲ၍ ကျန်ခဲ့တော့၏...

=========================

            အခန်းတွင်း၌ ခပ်သဲ့သဲ့လေးတီးခတ်နေသော စောင်းသံက သာယာစွာ ထွက်ပေါ်နေလေသည်.. ပိုးမီးအိမ် ဆယ့်ရှစ်လုံး ထွန်းညှိထားသောကြောင့် ည ဖြစ်စေကာမူ နေ့နှင့်မခြား ထိန်ထိန်လင်းနေ၏ .. အခန်းမှာ ကြီးကျယ်ခန်းနား လှသောကြောင့် အကြောင်းမသိလျှင် ဘုရင့် စက်တော်ဆောင်ဟု ထင်မှတ်မှားလောက်သည်...
             တခန်းလုံးအား ကျားသားရေချပ်များ အပြည့်ခင်းထားပြီး .. နံရံတွင် သာယာတင့်မောဖွယ် ပန်းချီကားများ .. အလှစာလုံးများ ချိတ်ဆွဲထားလေ၏.. ကျွန်းသား စားပွဲခုံတစ်လုံး ထိုင်ခုံလေးခုံ .. စာအုပ်စင်တစ်ခု ... ဓါးစဉ်တစ်ခု .. ဆင်စွယ်ဖြင့် ပြုလုပ်ထားသော မောင်းစင်နှင့် ငွေသားမောင်းတစ်ခု ..  အလှကြွေပန်းအိုးများများက အခန်းထောင့်လေးထောင့်တွင် တစ်လုံးကျ နေရာယူထားကြသေးသည်..
              တစ်ခုတည်းသော ပြတင်းပေါက်ဘေးတွင်တော့ ခုတင်အကြီးကြီး တစ်လုံးရှိပြီး ... ထိုခုတင်ပေါ်တွင် တစောင်းမှီလဲကာ စောင်းသံသဲ့သဲ့ကို နားထောင်နေသူ လူရွယ်တစ်ယောက်ရှိလေသည်.. ထိုလူရွယ်မှာ အဖြူရောင် ညအိပ်ဝတ်ဝတ်စုံကို ၀တ်ဆင်ထားပြီး ..သူ၏လက်ထဲတွင် ဆွတ်ဆွတ်ဖြူနေသော ယုန်လေးတစ်ကောင်ရှိလေသည်..
               ထိုလူရွယ်မှာ အသက်နှစ်ဆယ်နှစ်နှစ် အရွယ်မျှသာရှိသေးပြီး .. ယောင်္ကျာ ပီသခန့်ညားကာ အားကိုးချင်စဖွယ် ရုပ်သွင်ရှိသည် .. နက်မှောင် စူးရှသောမျက်ဝန်း ..အတန်ငယ်ကျယ်သော မဟာနဖူး.. ထူထဲသော မျက်ခုံး .. ပေါ်လွင်သော နှာတံ .. ပိရိသေသပ်သော နှုတ်ခမ်း.. လေးထောင့်ခပ်စပ်စပ် မေးရိုးတို့က ...ဉာဏ်ပညာ ကြီးခြင်း ..မဆုတ်မနှစ်ခြင်း.. ဇွဲကြီးခြင်း ...ပြတ်သားခြင်း တည်းဟူသော အချက်တို့ ကိုဖော်ပြနေကြသည်..
                ထိုလူရွယ်မှာ အခြားမဟုတ်ပေ .. နရန်ဂိုဏ်း၏ ဒုတိယမြောက် အရှင်သခင် နရန်ကိုယ်တော်လေးဖြစ်၏... ဖခင်ဖြစ်သူ၏ အမိန့်အရ အမတ်ချုပ်ကြီး နှင့်ပူးပေါင်းရန် နေပြည်တော်၌ လာရောက်နေထိုင်ခြင်းဖြစ်သည်.. သူနှင့်အတူ အထိန်းတော်တဖြစ်လည်း မိုးတစ္ဆေနတ်ဆိုး အပါအ၀င် အပြင်လက်ရွေးစဉ် ကိုးယောက် ..အတွင်းလက်ရွေးစဉ် ခြောက်ယောက်တို့နှင့် အမတ်ချုပ်ကြီး၏ စံအိမ်တစ်ဆောင်တွင် တည်းခိုနေခြင်းသာ ...
              နရန်ကိုယ်တော်လေးသည် ခပ်သဲ့သဲ့ထွက်ပေါ်နေသော စောင်းသံကို ညီးငွေ့လာအံ့ထင်သည်...
             ''၀မ်ဖုံး.. စောင်းတီးရပ်ခိုင်းပြီး  သဘင်သည်ကို ပြန်လွတ်လိုက်တော့ .. ''
              ဟု ခပ်တိုးတိုးပြောဆိုလိုက်၏.. သူ၏အသံမှာ တိုးတိုးလေးဖြစ်သော်လည်း အပြင်က ကြားဟန်တူသည် ..  ချက်ခြင်းပင် စောင်းသံရပ်သွားပြီး တိတ်ဆိတ်သွားလေ၏..
            ထိုအခိုက်...

=====================
ကိုင်းဗျာ ရွှေစိတ်တော်ပြေစေရော့ . နောက်တပိုဒ်တော့ ဒီည ဆက်မရေးခိုင်းနဲ့တော့
..ခေါင်းပူပြီး ကွဲထွက်တော့မဗျ .. တော်ကြာ လေးငါးရက်လောက် နားနေရအူးမေ
ဖုန်းကလည်း စာရေးရတာများလို့ Screen တောင် အက်နေပြီရယ်..



၁၀၀ #အစ၏အဆုံး ..အဆုံး၏အစ
Pyae Phyoe San

100

      အပြင်ဘက်ဆီမှ ၀ရုန်းသုံးကားဖြစ်နေသံဆူပွက်လာ၍..

     ''၀မ်ဖုံး.. အပြင်မှာ ဘာဖြစ်နေသလဲထွက်ကြည့်အုံး ဆူညံနေတာပဲ...''

      ''ဟုတ်ကဲ့ ..ကိုယ်တော်လေး..''

      ၀မ်ဖုံးဆိုသူ၏ အဖြေစကားထွက်ပေါ်လာပြီးနောက်.. တဆက်ထဲ အပြင်မှအသံ များငြိမ်သက်ကာသွား၏... ခဏမျှကြာလျှင်.. ၀မ်ဖုံးဆိုသူပြန်ရောက်လာပြီး ...

       ''ကိုယ်တော်လေး.. ညီတော်ဝမ်ကုံး ဒါဏ်ရာရလာပါတယ် ...''

     နရန်ကိုယ်တော်လေးမှာ ထိုစကားကို ကြားရလျှင် အံ့သြသွားဟန်တူသည် .. ခုတင်ပေါ်မှ ဆတ်ကနဲ ထလိုက်ပြီး..

       ''ဘယ်လို ၀မ်ကုံး ဒါဏ်ရာရလာတယ် ဟုတ်လား.. မုယုံစုယဲ့နဲ့တွေ့လာလို့လား .. အခုသိုင်းလောကမှာ ၀မ်ကုံးကို ယှဉ်နိုင်တာ သိုင်းဝိဇ္ဇာတွေကလွဲရင် မုယုံစုယဲ့ပဲ ရှိမယ်...''

        ''မသိပါဘူးကိုယ်တော်လေး ..ခုလောလောဆယ်တော့ ၀မ်ကုံး သတိလစ်နေပါတယ် .. သူ့ကို ယွဲ့ကျိုးရဲ့တပည့် ဆောင်ကျင့်ဖုန်းဆိုတဲ့ ငနဲသားလေး က ထမ်းခေါ်လာတာပါ...''

       ကိုယ်တော်လေးမှာ သူ့လက်ထဲမှ ယုန်ဖြူလေးအား ခုတင်ပေါ်အသာတင်လိုက်ပြီး.. အ၀တ်အစားများကို သပ်ယပ်အောင် ပြုပြင်ကာ အခန်းအပြင်သို့ထွက်လာသည်.. အခန်းအပြင်ဘက်တွင်တော့ မျက်စိနှစ်လုံးစလုံး အကောင်းအတိုင်းရှိနေသည်မှလွဲကာ ၀မ်ကုံးနှင့် ချွတ်စွတ်နီးပါးတူညီသော ရုပ်သွင်ရှိသည့် လူကြီးတစ်ယောက် လက်နှစ်ဖက်ကို နောက်ပစ်ရင်း ရို့ရို့ကလေး ရပ်နေရှာ၏... ကိုယ်တော်လေးမှာ ထိုလူကြီးအား မြင်လျှင်..

        ''အခုဝမ်ကုံးဘယ်မှာလဲ.. သူ့ဆီသွားမယ်..''

          ၀မ်ဖုံးဆိုသည့်လူကြီးမှာ ခေါင်းကို ရိုသေစွာငြိမ့်ပြရင်း ..စကားတစ်လုံးမှ မဆိုဘဲ ရှေ့မှ ဦးဆောင်ကာသွားတော့၏.. သို့နှင့် အခန်းလေးငါးခြောက်ခန်းမျှ ဖြတ်ကျော်ပြီးလျှင် .. ခန်းမကျယ်ကြီးတစ်ခုသို့ရောက်လေသည်.. အခန်းအလယ်တွင် တော့ ခါးဆစ်ရိုးကျိုးနေသော ၀မ်ကုံး .. မှောက်ခုံလေး လဲလျောင်းနေသည်ကို တွေ့ရလေ၏... ၎င်း၏ဘေးတွင်တော့ ၀မ်ကုံးနှင့်လိုက်ပါသွားသော နရန်ဂိုဏ်းသား နှစ်ယောက် အပြင် ဆောင်ကျင့်ဖုန်းပါ ရပ်နေကြသည် .. ကိုယ်တော်လေးအား မြင်သည်နှင့် ထိုသုံးယောက်မှာ ပြာပြာသလဲအရိုအသေပေးလိုက်ကြ၏..
            ကိုယ်တော်လေးမှာ မည်သူ့ကိုမှ အရေးထားပြီး ပြန်လည်နူတ်ဆက်ခြင်းမပြု ချက်ခြင်းပင်ဝမ်ကုံးအနားသို့ ကပ်သွားကာ ခါးရိုးရှိ ဒါဏ်ရာတစ်ဝိုက်အား စေ့စေ့စပ်စပ် ကြည့်ရှု့တာ့သည် .. အတန်ကြာမျှ ကြည့်ရှူပြီးသော်..

            ''ငါတို့ နရန်ရဲ့သူရဲအရိပ်ခြေထောက်ပဲ.. မုယုံစုယဲ့မဟုတ်ဘူး..ဟိုကောင် အားကွေ့ဆိုတဲ့ ကောင်လက်ချက်ပဲမဟုတ်လား...''

             ၀မ်ဖုံးဆိုသူမှာ ဆောင်ကျင့်ဖုန်းအား မင်းဖြေလိုက်ဟူသော အမူအယာနှင့် လက်ညိုးထိုးပြလိုက်သဖြင့် ဆောင်ကျင့်ဖုန်းမှာ မျက်စိမျက်နှာ ပျက်ပျက်နှင့်..

             ''ဟုတ်...ဟုတ်..ဟုတ်ပါတယ် ကိုယ်တော်လေး..''

              ကိုယ်တော်လေးက ၀မ်ကုံး၏ အဆစ်ပြုတ်နေသော နေရာကို သူ၏ ဖြူဖွေးရှည်လျားသော လက်ချောင်း သုံးချောင်းဖြင့် ဆတ်ကနဲ ဆတ်ကနဲ ထောက်လိုက်ရင်း...

               ''ဆောင်ကျင့်ဖုန်း... ငါက ဆရာကြီးပုဝူးလူသွဲ့ရဲ့ မျက်နှာနဲ့ မင်းဆရာကို ကုသပေးဖို့လက်ခံလိုက်တာ .. အခုမင်းတို့ဆရာတပည့် ငါ့ဆီရောက်လာတာ ဘာကောင်းသလဲ .. အခုမင်းက ငါ့လူတစ်ယောက်ကို ဒါဏ်ရာရအောင် လုပ်လိုက်ပြီ..''

                 ကိုယ်တော်လေးမှာ စကားအဆုံးတွင် ၀မ်ကုံး၏ ကျောပြင်အား လက်ဝါးဖြင့် နှစ်ချက်ရိုက်လိုက်သည်..

                 ''ဖြန်း...ဖြန်း...''

                ''ဂျွတ်...ဂျွတ်...''

                  အရိုးကျိုးသံကဲ့သို့ အသံထွက်ပေါ်လာသော်လည်း အမှန်စစ်စစ် ပြုတ်နေသော အရိုးများ ပြန်တည့်သွားသံဖြစ်၏ .. ထိုအခါ ဒါဏ်ရာကြောင့် သတိလစ်နေသော ၀မ်ကုံးမှာ တအီးအီး တအားအား အသံနှင့်အတူ ပြန်လည် နိုးထ လာလေသည်....

                  ဆောင်ကျင့်ဖုန်းကတော့ မျက်နှာတွင် ချွေးသီးချွေးပေါက်များ ကျဆင်း ကာ ရုပ်ပျက်ဆင်းပျက်ဖြစ်နေတော့၏.. ကိုယ်တော်လေးက သတိပြန်ရလာသော ၀မ်ကုံးအား အနီးရှိ စောင်ပါးလေးတထည်ခြုံပေးလိုက်ရင်း...

                 ''၀မ်ကုံး .. နေသာသလိုနေ .. ဒါဏ်ရာက လောလောဆယ် အရမ်းနာနေအုံးမယ်.. လေးငါးရက်လောက်နေရင် အရှင်းပျောက်ပါပြီ..ဟုတ်လား..''

               ၀မ်ကုံးမှာ သူသတိပြန်ရရခြင်း ကိုယ်တော်လေး၏အသံကို ကြားလိုက်ရသောကြောင့် အသုံးမကျသော သူ့အဖြစ်ကို ရှက်ရွံ့နေမိသော်လည်း ကိုယ်တော်လေးမှ စိတ်ဆိုးသော အမူအယာမပြ၍ သက်သာရာရသွားတော့သည်..

                 ၀မ်ကုံး၏အခြေအနေပြန်လည် ကောင်းမွန်သွားမှုကြောင့် နရန်ကိုယ်တော်လေးမှ နောက်သို့ပြန်လည့်လိုက်ပြီး ..ဆောင်ကျင့်ဖုန်းအား စူးရဲစွာ ကြည့်ကာ ...

                  ''ဆောင်ကျင့်ဖုန်း...အခု မင်းငါ့ကို အကျိုးသင့် အကြောင်းသင့် ကျေနပ်အောင် ပြောစမ်း.. မဟုတ်ရင် ..ငါဘယ်သူ့မျက်နှာကိုမှ ထောက်မှာ မဟုတ်ဘူး..''
                 ဆောင်ကျင့်ဖုန်း၏ တကိုယ်လုံးမှာ နတ်ကျသကဲ့သို့ တုန်ယင်နေပြီး .. အတန်ကြာမှ.ငိုသံပါကြီးနှင့်..

                 ''ကျွန်တော်..ကျွန်တော် ..တားပါတယ် ကိုယ်တော်လေး..ဆရာကြီး ၀မ်ကုံးကို ကျွန်တော် တားပါသေးတယ်...''

                 ကိုယ်တော်လေးမှာ သူ၏ခါးကြားမှ ဖြူဖွေးသန့်စင်သော လက်ကိုင်ပုဝါ တစ်ထည်ကို ထုတ်ယူကာ သူ၏လက်ကို သန့်ရှင်းနေပြီး...

               ''၀မ်ဖုံး....မင်း ဆောင်ကျင့်ဖုန်းကို ခြိမ်းချောက်ထားသေးလား ..သူအရမ်းကြောက်နေတာ .. ''

               ၀မ်ဖုံးဆိုသူမှာ ကမှန်းကတမ်း ခေါင်းခါကာ

               ''မခြိမ်းချောက်ထားပါဘူး သခင်လေး...''

                ''ဒါဆို ငါ့ရုပ်က အရမ်းကြောက်စရာကောင်းနေလို့လား..''

                ''ဒါလည်း မဟုတ်ပါဘူး ..သခင်လေးရုပ်က ဘယ်လိုကြည့်ကြည့် ကြောက်စရာမကောင်းပါဘူး..''

                 နရန်ကိုယ်တော်လေးက သူ၏လက်နှစ်ဖက်ကို မီးရောင်အောက်တွင် ထောင်ကြည့်ပြီး...

                 ''ကဲ ..ဆောင်ကျင့်ဖုန်း.. မင်းအမူအယာကို သေသေချာချာပြင်လိုက်စမ်း .. ဘာ့ကြောင့် ဒီလောက် တုန်ခါနေရတာလဲ.. မင်းမှာ အမှားတစ်စုံတစ်ရာ မရှိရင် ဘာလို့ ဒီလို ရုပ်ပျက်နေမှာလဲ..''

                ဆောင်ကျင့်ဖုန်းမှာ တံတွေးများကို အတောင့်လိုက် မြိုချကာ စိတ်ကို ပြန်တင်းလိုက်၏.. သို့သော်လည်း သူ၏ဒူးနှစ်ဘက်ကတော့ ကိုယ့်ကို သစ္စာဖောက်နေဆဲ .. နှစ်ဖက်စလုံး တစ်ဆတ်ဆတ်တုန်ရင်း တခွပ်ခွပ်မြည်အောင် တိုက်နေသည်..

                 ထိုစဉ် ဒါဏ်ရာအရှိန်ကြောင့် မျက်လုံးမှိတ်ကာ ငြိမ်နေသည့် ၀မ်ကုံးမှ..

                ''ကိုယ်တော်လေး.. ဆောင်ကျင့်ဖုန်းမှာ ဘာအပြစ်မှ မရှိပါဘူး ခင်ဗျာ.. ဒီကိစ္စမှာ ကျွန်တော့် အပြစ်နဲ့ကျွန်တော်ပါ.. ''

                 ဟူ၍ ၀င်ကာပေးလိုက်ပြီးနောက် လရောင်ဆမ်းသော နှင်းပန်းလေး စားသောက်ဆိုင်အတွင်း ဖြစ်ခဲ့သမျှ ..သူဒါဏ်ရာ ရသွားသည်အထိအဆုံး ပြောပြလိုက်လေ၏... ၀မ်ကုံး၏စကားအဆုံးတွင် ကိုယ်တော်လေးက မျက်မှောင့်ကုတ် ၍ ..

             ''ငါတို့နရန်ဂိုဏ်းသား သုံးယောက်ကို သူကသိုင်းကွက်တကွက်ထဲသုံးပြီး ရှုံးလိုက်စေတာပေါ့လေ..၀မ်ကုံး မင်းသာ အဲ့ကတည်းက လိမ္မာပါးနပ်ပြီး ပြန်လာခဲ့မယ်ဆိုရင် .. ခုလို ဒါဏ်ရာ ရမှာမဟုတ်ဘူး.. ငါ့အဖေ တဖွဖွ မှာနေကြ စကားတစ်ခွန်းရှိသားပဲ .. ကိုယ့်အဆင့်ကို အရင်သဘောပေါက်အောင်လုပ် .. ပြီးမှ ကိုယ့်ရန်သူအကြောင်းကို စေ့စေ့စပ်စပ် နားလည်အောင်လုပ် .. ပြီးမှ နိုင်လောက်တယ် နိုင်နိုင်တဲ့ အခြေအနေရှိမှ ပြိုင်ဖို့စဉ်းစား.. .. တိုက်ပွဲတစ်ခုမှာ အနိုင်ချည်းပဲ ဖြစ်ပါစေ .. ရှုံးနိမ့်တာလောက် ရှက်စရာကောင်းတာမရှိဘူး...  လူတိုင်း လူတိုင်းဟာ ပထမ ဖြစ်နေတဲ့ လူကိုပဲ အသိအမှတ်ပြုကြတယ် .. ဒုတိယတို့ တတိယ တို့ဆိုတာဟာ ရှုံးနိမ့်ခြင်းတမျိုးပဲဆိုတာကို ..  ဒီတော့ ပြိုင်ပွဲတစ်ခု လုပ်မယ်ဆိုရင် . ကိုယ်နဲ့ အဆင့်ခြင်းတူနေရင်တောင် မနိုင်နိုင်ရမဲ့ နည်းလမ်းတစ်ခုရှာပြီး .. ကိုယ့်ကိုယ်ကို ထိခိုက်မှုနည်းဖို့ ပြင်ဆင်ထားရမယ် .. ကိုယ့်ထက်သာနေတဲ့ လူမျိုးကို ဖြိုမယ်ဆိုရင်တော့ ဘယ်လို အောက်လမ်းနည်းမျိုးဖြစ်ပါစေ သုံးကို သုံးရမယ်တဲ့လေ .. အခုမင်းဟာက ကိုယ့်ထက်သာတဲ့လူဆိုတာ သိသိကြီးနဲ့ မိုက်တွင်းနက်ခဲ့တာကိုး..''

             ၀မ်ကုံးမှာ ထိုစကားကို လက်မခံချင်သော်လည်း လက်တွေ့ခံလိုက်ရသူ ဖြစ်သောကြောင့် ကျိတ်မှိတ်နေထားရသည်.. တကယ်လည်း ယခုအချိန်ထိ အားကွေ့ မှာ သူ့ထက်သိုင်းပိုသာသည်ကို မယုံနိုင်သေးပါ.. တိုက်ပွဲတလျှောက်လုံး သူမသာ ကိုယ်မသာ တိုက်လာသူမို့ ..ကံဆိုး၍ ရှုံးလာခြင်းဟုသာထင်မိသည်.. အမှန်တော့ အားကွေ့မှာ သူတတ်ထားသော သိုင်းတစ်မျိုးထဲနှင့်ပင် ထိပ်သီးအဆင့်သို့ တက်လှမ်းနိုင်ပြီဖြစ်သည် .. သို့သော်လည်း များမြောင်လှသော သိုင်းတို့ကို ဟုန် သွားအောင် လေ့ကျင့်ထားသူတစ်ယောက်မို့ အလိုက်သင့်အလျားသင့် အသုံးမချနိုင် ခြင်းမျိုးဖြစ်နေရှာသူပင်..  အားကွေ့၏ အဓိကအားနည်းချက်မှာ စနစ်တကျ သင်ကြား တတ်မြောက်ထားခြင်းမျိုးမဟုတ် ... ရှိသမျှ သိုင်းကျမ်း အကုန်လုံးကို ဦးနှောက်နှင့် ဆံသလောက် ပြွတ်သိပ်ထည့်ထားသူဖြစ်နေသည်.. ဤသည်ကိုတော့ ကာယကံရှင် ပင်မသိသေးရာ ၀မ်ကုံးလို လူအဖို့ သဘောမပေါက်သည်မှာ အဆန်းတကြယ်တော့ မဟုတ်ပါ..

                နရန်ကိုယ်တော်လေးက ၀မ်ကုံးအား ဆုံးမစကားဆိုပြီးနောက် ဆက်လက်ပြီး...

               ''အင်း ...ဒီအတိုင်းဆိုရင် ..ဒီငနဲသားကို အပြုတ်ဖြုတ်ဖို့တော့လိုလာပြီ .. မဟုတ်ရင် ငါတို့ နရန်ဂိုဏ်းကို အထင်သေးနေလိမ့်မယ်.. ဆိုတော့ ..၀မ်ဖုံး..''

             သူတို့ပြောသမျှကို ရပ်နားထောင်နေသော ၀မ်ဖုံးမှာ ခေါ်သံကြားသည်နှင့်

            ''ပြောပါ ..ကိုယ်တော်လေး...''

             ''မင်းနဲ့ ၀မ်ကုံးနဲ့ သိုင်းဘယ်သူပိုမြင့်မယ်ထင်သလဲ ..''

            ''ကျွန်တော်က သူ့ထက်တစ်ဆင့်သာပါတယ် ကိုယ်တော်လေး..''

             ''၀မ်ထုံးနဲ့ မင်းနဲ့ယှဉ်ရင်ရော ... ''

             ''ပြောရခက်ပါတယ် ကိုယ်တော်လေး...''

              ''အိမ်း.. မင်းတို့နှစ်ယောက်ပေါင်းရင် ..ဟိုကောင့်ကို နိုင်ပါ့မလား..''

             ၀မ်ဖုံးမှာ မခံချိမခံသာ မျက်နှာနှင့်..

             '' ကျွန်တော် တစ်ယောက်ထဲနဲ့တောင် နိုင်ပါတယ် ကိုယ်တော်လေး..''

             ကိုယ်တော်လေးမှာ ဟက်ဟက်ပက်ပက်ရယ်လိုက်ပြီး..

              ''မင်းတို့ နတ်ဆိုးသုံးယောက် ..ငါနဲ့ယှဉ်ရင် ဘယ်လိုနေမယ်ထင်လည်း ၀မ်ဖုံး...''

              ''ကိုယ်တော်လေးကို ကျွန်တော်တို့သုံးယောက်ပေါင်းခုခံရင် သိုင်းကွက်နှစ်ရာအတွင်း မရှုံးတာသေချာတယ် ..''

                ''မှန်တယ် မင်းတို့သုံးယောက်ပေါင်းလိုက်ရင် ..ငါ့သိုင်းကွက် နှစ်ရာလောက်ကို တောင့်ခံနိုင်လိမ့်မယ် .. တစ်ယောက်ချင်းဆိုရင်တော့ ငါ့သိုင်းကွက် ငါးဆယ်ကိုတောင် ခုခံဖို့မလွယ်လောက်ဘူး.. အဲ့မှာ ၀မ်ကုံးနဲ့ ဟိုကောင်နဲ့ သိုင်းကွက်ပေါင်းငါးရာနီးပါးလောက်တိုက်ရတယ်ဆိုတော့ မင်းနဲ့ တိုက်ရင် အနည်းဆုံး ရှစ်ရာကတော့ ကျော်လိမ့်မယ်..  မင်းအနေနဲ့ တစ်ယောက်ထဲတိုက်ခိုက်လို့ နိုင်ကောင်းနိုင်မှာဖြစ်ပေမယ့် .. သေချာတာက နှစ်ယောက်လုံး အထိနာမှာပဲ ..သူ့ကို သတ်နိုင်ရင်တောင် မင်းလည်းလွယ်မှာမဟုတ်ဘူး ..၀မ်ထုံးကလည်း အခုဒီမှာမရှိတော့ .. ရှိတဲ့လူနဲ့ သတ်နိုင်အောင်ကြိုးစားရမှာပဲ .. ဒီ့အတွက် ...ငါသေသေချာချာစီမံပေးပါ့မယ် .. လူအားငွေအားတော့ များများလေး သုံးလိုက်ရမယ် ..  ''

                 ၀မ်ဖုံးမှာ သူ့ကို တစ်ယောက်ချင်း ယှဉ်ပြိုင် ခွင့်ပေးပါဟူသော အမူအယာနှင့်ကြည့်နေ၍ .. ကိုယ်တော်လေးက..

                ''မင်းအနေနဲ့ စွန့်စားရဲရင်တောင်.. ငါ့မှာ မင်းတို့မရှိရင် မဖြစ်တော့ မစွန့်စားရဲသေးဘူး .. လုံးဝအနိုင်ရမယ့် နည်းလမ်းကိုပဲ လိုချင်တယ် ..ဖြစ်အောင် လုပ်မယ် .. ငါ့အဆင့်နဲ့လည်း ဒီလိုကောင်ကို တိုက်ခိုက်ဖို့ မတန်လေတော့ .. အလုပ်တော့ နည်းနည်းအရှုပ်ခံရမှာပေါ့.. ကိုင်းကိုင်း ..ဒီကိစ္စတော်ကြစို့...''

             ဟုစကားကို တခါထဲဖြတ်ရင်း ..ဆောင်ကျင့်ဖုန်းဘက်လှည်ကာ ..

             ''ဒီတစ်ခါတော့ မင်းကံကောင်းသွားတယ်မှတ်ပါ .. နောက်တခါများ ငါ့လူတွေကို အပြင်ခေါ်ထုတ်သွားမယ်ကြံရင် .. သေမယ်သာမှတ်..''

            ဆောင်ကျင့်ဖုန်းမှာ ထိုအခါမှအပူလုံးကြီးကျသွားပြီး..

           ''ဟုတ်ကဲ့ပါ .ကိုယ်တော်လေး..ဟုတ်ကဲ့ပါကိုယ်တော်လေး...

           အခါနှစ်ဆယ်မျှ အရိုအသေပေးရင်း ပျော်ရွှင်နေမိတော့သည်...

============================

         အားကွေ့ အိမ်ပြန်ရောက်တော့ ညဥ့်တောင် အတော်နက်စပြုနေပြီဖြစ်၏.. ဒက်ပေါအားစောင့်နေသည့် ကြုံလောက်မှလွဲကာ ကျန်သူများ အနားယူနေကြပြီ ဖြစ်သဖြင့် .. သူကွန်းခိုရာ အခန်းထဲသို့သာ ပြန်လာခဲ့လိုက်သည်.. အခန်းဝသို့ အရောက်တွင် အခန်းထဲမှ အသက်ရှုသံသဲ့သဲ့ကို ကြားလိုက်ရသဖြင့် ကိုယ်ခန္ဓာကို အသင့်ပြင်လိုက်ပြီး သတိထားကာ အခန်းတံခါးအား တွန်းဖွင့်လိုက်၏...

          အထဲသို့လှမ်းဝင်လိုက်ပြီးမှ အစိုးရိမ်ပိုလွန်းသော သူ့အဖြစ်အား ရယ်ချင်သွားသည်.. မှန်၏ အခန်းထဲမှ လူမှာ အခြားသူစိမ်းမဟုတ် စိတ်ကောက်အိုး တဖြစ်လဲ အိမ်ကြီးရှင် ဟွားဟွားပင် ..  ဟွားဟွားမှာ အဖိုးတန်အ၀တ်အစား အသစ်များ ၀တ်ဆင်ထားရင်း ကနဦးမှာ သူ့အားကြွားရန်စောင့်နေဟန်တူသည် ..  အချိန်အကြာကြီး စောင့်နေရင်းနှင့်မှ အိပ်ချင်လာ၍ ၀င်အိပ်လိုက်သည်ဖြစ်မည် သူ၏ခုတင်ပေါ်တွင် ပက်လက်ကလေး အိပ်ပျော်နေသည်.. စားပွဲပေါ်တွင် တင်ထားသော ငွေရောင်ဗူးပြားလေးမှာ ပွင့်နေပြီး ...သစ်စေ့နှင့် ရွှေလက်ရိုးကတော့ တောင်တခြားမြောက်တခြား ဖြစ်နေရှာ၏.. ပိုးစာရွက်ကတော့ ဟွားဟွား၏ ရင်ဘတ်တွင် တင်လျှက်သား...

             ''သြော် ..လက်စသတ်တော့ ..ငါ့စာကို စပ်စပ်စုစုကြည့်ရင်း မဖတ်တတ်လို့ အိပ်ပျော်သွားတာကိုး... ခွေးမလေး စပ်စုတဲ့နေရာမှာ ငါ့အတိုင်းပဲ..''

             အားကွေ့မှာ ပြုံးစိစိနှင့် ဟွားဟွားအနားသို့ကပ်သွားလိုက်သည်.. ဟွားဟွားမှာ အ၀တ်အစားအသစ်များတင်မက မျက်နှာချေများအား အချိုးကျကျလိမ်း ချယ်ထား၍ လွန်စွာလှပနေပေ၏...

               အားကွေ့က ..

              ''အမယ် ဘယ်သူကမြောက်ပေးလိုက်ပါလိမ့် .. အလှတွေတောင် ပြင်လို့ ..တန်တော့ သူ့အမေပဲဖြစ်ရမယ်.. သူ့သမီးကို အိနြေ္ဒရရနေစေ့ချင်နေတာ .. ဒီကောင်မလေးကဖြင့် သူ့ကိုယ်သူ အပျိုဖားဖားဖြစ်နေတာတောင် မေ့နေပြီထင်ရဲ့ .. တကယ့်စိတ်ကြမ်း ကိုယ်ကြမ်းကြီး .. သူ့ကိုရမယ့် ကောင်ကတော့ နာပြီတာမှတ်တော့..ဟဲဟဲဟဲဟဲ..''

                 ဟုစိတ်ထဲတွင် တွေးကာ ဟွားဟွား၏ မျက်နှာအနီးသို့ ကပ်လိုက်ပြီး.. လေဖြင့်မှုတ်လိုက်၏...

               ''ဖူး...''

               ''အမလေး.. သောက်ပလုတ်တုတ်...''

               ''ဖတ်..ဖတ်..''

               ''ဟားဟားဟားဟား.. ခွေးမလေး ..သူများအခန်းထဲ နောက်တစ်ခါ ၀င်အိပ်အုံးမလား..''

               ဟွားဟွားမှာ နှစ်နှစ်ခြိုက်ခြိုက်အိပ်ပျော်နေရာမှ နှာခေါင်းအတွင်းသို့ လေများ တစ်လုံးတစ်ခဲ ၀င်ရောက်လာ၍ မွန်းကြပ်သွားကာ ယောင်ယမ်းအော်ဟစ်၍ နိုးလာသည် .. သိုင်းသမားတစ်ယောက်မို့ နိုးလာသည်နှင့် လက်ဝါးဖြင့် ပစ်ရိုက်လိုက်သော်လည်း .. သူမ၏လက်အစုံမှာ နွေးထွေးကျယ်ပြန့်သော လက်နှစ်ဖက်ဖြင့် ဖမ်းဆုပ်ခြင်းကိုခံလိုက်ရ၏.. နောက်မှ အားကွေ့အသံမှန်းသိသွား၍
အိပ်မှုံစုန်ဝါး အသံနှင့်...

               ''အကိုအားကွေ့က ဘာမှန်းလဲမသိဘူး ..သူများအိပ်နေတာကို လာနှောက်ယှက်တယ်..''

              ''အမယ် ..ဘယ်သူက ဘယ်သူ့ကို လာနှောက်ယှက်တာလဲ ပြောစမ်း.. ငါ့အိပ်ယာမှာ မပြောမဆိုနဲ့ လာအ်ိပ်ပြီးတော့ ..''

              ဟွားဟွားမှာ သူမ၏လက်ကို ပြန်ရုန်းလိုက်ပြီး .. မျက်လုံးကို ပွတ်သပ်ကာ

             ''အက်ို့ကိုစောင့်နေရင်းနဲ့ အိပ်ပျော်သွားတာလေ.. ပြောစမ်း ဘယ်က ကောင်မလေးတွေနဲ့ သွားအကြည်ဆိုက်နေတာလည်း ..အင်္ကျီတွေလည်း စုတ်ပြဲနေတာပဲ ..မမကျင်းကျူးနဲ့ ပြန်တိုင်ရမယ်..''

              အားကွေ့က ဟွားဟွားအား ဆွဲထူလိုက်ပြီးနောက် ... အနီးရှိ ထိုင်ခုံတွင် ၀င်ထိုင်ကာ....

             ''မိန်းကလေးတွေနဲ့ အကြည်ဆိုက်ဖို့နေနေသာသာ ကံကောင်းလို့ အသက်မသေတာ .. နေစမ်းပါအုံး ..နန်းတော်ထဲသွားတာဆို ..ပျော်စရာကောင်းရဲ့လား..''

             ဟွားဟွားမှာ ကလေးစိတ်မကုန်သေးသူပီပီ .. ဟန်မဆောင်တတ်သေးရာ ..မျက်ဝန်းများ အရောင်တောက်ပလာပြီး..

             ''အကိုအားကွေ့ ...နန်းတွင်းကလေ ..သိပ်ပြီးကြီးကျယ်ခန်းနားတာပဲ.. နတ်ပြည်တောင် အဲ့လောက်စည်ကားပါမလားမသိဘူး.. လူတွေကလည်း သိပ်သိမ့်မွေ့ကြတာ ..စကားပြောရင်တောင် မပွင့်တပွင့်နဲ့ ရယ်ချင်စရာကြီး..''

            ''ဟားဟားဟားဟား..အဲ့ထဲက မင်းညီမင်းသားတွေက တယ်ချော တယ်လှ ဆိုပဲ ..ငါ့ညီမကြည့်ရတာ အဲ့ထဲက တစ်ယောက်နဲ့ ချိတ်လာပြီနဲ့တူတယ်..''

            ဟွားဟွားမှာ ထိုစကားကြောင့် ရှက်သွေးဖြန်းသွားကာ...

             ''ဖွတ်.. ဘယ်ကလာ .. သူတို့ကြည့်ရတာ သိပ်နုတာပဲ ...မိန်းကလေးတွေ ထက်တောင် နုယွနေသေးတယ် .. ခုဘုရင်မင်းမြတ်ရဲ့ ရှစ်ယောက်မြောက်သားတော် ဆိုတဲ့လူက ပိုတောင်ဆိုးသေးတယ်...လူကသာ မိန်းမလျာပုံစံနဲ့ ဟွားဟွားကိုမြင်တော့ စားမတတ်ဝါးမတတ်ကြည့်နေတာ အမြင်ကတ်စရာကြီး''

              အားကွေ့က မျက်ခုံးနှစ်ဖက်ကို ပင့်တင်ရင်း ..

              ''မှန်မှန်ပြောစမ်း ..ခုနကအိမ်မက်ထဲမှာ ယောင်ယောင်အော်နေတာ ငါကြားလိုက်တယ် ..သူ့နာမည်မဟုတ်လား...ဟားဟားဟားဟား..''

              ဟွားဟွားမှာ သူမအား လိုက်စနေသော အားကွေ့အား ဒေါပွသွားကာ ကုတင်ပေါ်မှ ခုန်ထ၍ အားကွေ့လည်ပင်းကို လိုက်ညစ်တော့သည် .. အားကွေ့မှာ တမင်ပင် လျှာကြီးကို ထုတ်၍..

              ''အစ်...အစ်..သေပါပြီဗျာ ..ကယ်ကြပါအုံးဗျို့ ..ဒီမှာကောင်မလေး တစ်ယောက် သူ့အကြောင်းပြောလို့ ရှက်ရမ်းရမ်းပြီး လည်ပင်းညစ်သတ်နေပါတယ်ဗျို့..''

                 ဟွားဟွားမှာ အားကွေ့၏ အမူအယာကြောင့် တခစ်ခစ်ရယ်ကာ ..

              ''မှတ်ပြီလား... ကြောက်ပြီလား..နောက်ခါ စအုံးမလား..''

              ''အမလေး..ကြောက်ပါပြီဗျ ..မှတ်ပါပြီဗျ... နောက်ခါ မလုပ်တော့ပါဘူးဗျ ..  အိမ်မက်ထဲမှာ အော်ခေါ်နေတဲ့အကြောင်း ဘယ်သူ့ကိုမှ မပြောတော့ပါဘူးဗျ..''

              ဟွားဟွားမှာ အားကွေ့၏လည်ပင်းမှ ကိုင်ကာ လေးငါးချက်ရမ်းခါ၍ လွတ်ပေးလိုက်ပြီး....

               ''အကိုအားကွေ့နော် ..နောက်ခါပြောရင် ဟွားဟွားတကယ်စိတ်ဆိုးမှာ ဒီက နန်းတွင်းအကြောင်းပြောပြမလို့လာတာကို...''

            အားကွေ့က ယားယံနေသော လည်ပင်းကို ပွတ်ကာ ..

            ''ဟားဟားဟားဟား ..မသိပါဘူးကွာ .အ၀တ်အစားအသစ်တွေ ၀တ် ..အလှတွေပြင်ထားတော့ .. ဘယ်လောက်လှမှန်း လာကြွားတယ်ထင်နေတာ ..''

           ဟွားဟွားမှာ အားကွေ့အား မျက်စောင်းထိုးလိုက်ပြီး သူမတကိုယ်လုံးကို တပတ်လှည့်လိုက်ရင်း..

           ''ဟွန်း.. ကိုယ့်ဟာကိုယ် ဘယ်လောက်လှမှန်း သိပြီးသား ကြွားစရာမလိုဘူး .. မျက်စိပါတဲ့ လူတိုင်းသိတယ်နော်...''

            အားကွေ့က တဟားဟားနှင့်ရယ်ကာ ..

             ''ကိုင်း..လုပ်ပါအုံး နန်းတွင်းမှာ ဘာတွေ ကြုံရ ..ကြားရသလဲလို့..''

            ဟွားဟွားမှာ အောက်သို့ပြုတ်ကျနေသော ပိုးစာရွက်ကို ကောက်ယူလိုက်ပြီး

            ''နန်းတွင်းမှာ အခုဆို အဖွဲ့လေးဖွဲ့ဖြစ်နေတာ.. မမကျင်းကျူးတို့ အဖေက တစ်ဖွဲ့ ..အမတ်ချုပ်ကြီးက တစ်ဖွဲ့ ..ဘုရင်ကိုထောက်ခံတဲ့သူကတဖွဲ့ ..  အိမ်ရှေ့စံအဖွဲ့ကတစ်ဖွဲ့ .. ဘဘကြီးရန်ခွမ်းရဲ့ အဖွဲ့ကိုတော့ .. ဘိုးဘိုး ..ဖေဖေနဲ့ အရှေ့ပိုင်း ၀န်မင်းတွေက ထောက်ခံကြတယ် .. အမတ်ချုပ်ကြီးကိုတော့ အိမ်ရှေ့စံက လွဲလို့ ကျန်တဲ့မင်းသား ဆယ့်တစ်ပါး.. အနောက်ဆောင်မိဖုရား နဲ့ အနောက်ဝန်မင်း အကုန်လုံးက ထောက်ခံကြတယ်တဲ့ .. အဲ ပြီးတော့ သိုးသိုးသန့်သန့်ကြားရတာ သူက ဘဘရန်ခွမ်းကို အမြဲတမ်းလုပ်ကြံဖို့ချောင်းနေတယ်လို့လဲ ကြားတယ် .. သူ့မှာ ကိုယ်ပိုင်တပ်ဖွဲ့အပြင် သိုင်းလောကသားတွေနဲ့ အဆက်အသွယ်လည်း ရှိတော့ မဖြစ်နိုင်ဘူးလို့ ဆိုလို့မရဘူး..ကျန်တဲ့ ဘုရင့်အဖွဲ့ကတော့ အာပလာပါ .. သူ့မှာ အမိန့်ထုတ်လို့ရတာပဲရှိတာ .. ချယ်လည်နေတာကတော့ အနောက်ဆောင် မိဖုရားရယ်...ဒါပေမယ့် သူ့ကိုထောက်ခံတဲ့သူတွေထဲမှာ နယ်စားမင်းတွေရယ် ..ပြည်နယ်စစ်ကဲမှူးရှစ်ယောက်ရယ်ရှိသေးတော့ အင်အားမသေးဘူးလို့ဆိုလို့ရတယ် .. အမတ်ချုပ်ကြီးက ဘဘရန်ခွမ်းကို ဖြုတ်ချဖို့ ဘုရင့်အမိန့်လိုနေတာက အဲ့အင်အား အကူအညီကို လိုလို့လေ.. အဲ့ပြည်နယ်တပ်ဖွဲ့ရှစ်ဖွဲ့ရဲ့ တစ်သောင်းခြောက်ထောင် တပ်သာရရင် ဘဘရန်ခွမ်း ပြန်ခုခံချင်အုံးတောင်မှ မလွယ်လောက်ဘူး..ဘာလို့လဲ ဆိုတော့ သူ့တပ်တွေက အဝေးကြီးတွေမှာကိုး .. ဟိုပြည်နယ်တပ်ဖွဲ့က အမြဲအသင့် ဖြစ်နေပြီးသား.. အဲ့ဒါကြောင့် သွေးထိုးနေတာရယ်.. ''

            အားကွေ့က ခေါင်းငြိမ့်လိုက်ပြီး...

              ''ဟို အိမ်ရှေ့စံ ကြတော့ရော ..''

              ''သူ့ကြတော့ ပြောရခက်တယ် .. အဖွဲ့ရှိမှန်းသိတယ် ..ဘယ်သူ ဘယ်ဝါ ပါတယ်.. အင်အားဘယ်လောက်ဆိုတာ ဘယ်သူမှ မသိကြဘူး.. ဘိုးဘိုးလို ထောက်လှမ်းရေးမှူးချုပ် တောင် မစုံစမ်းနိုင်သေးဘူးဆိုတော့ .. အင်အားပဲ နည်းတာလား .. မရှိဘဲ နဲ့ နာမည်ကျော်နေတာလား ..မသဲကွဲဘူး...''

               အားကွေ့က ထိုသည်များကို စိတ်ထဲတွင် မှတ်ထားလိုက်ကာ..

             ''ငါတို့ဟွားဟွားက ဒါမျိုးကြ သိပ်တော်တယ်ဟေ့.. တရက်ထဲ နန်းတော်ထဲ လိုက်သွားတယ် ..ပြန်သိလာတဲ့ သတင်းတွေက သူများ လေးငါးလလောက် စုံစမ်းရမယ့် ဟာတွေကို တစ်ထိုင်ထဲရအောင်လုပ်နိုင်တယ်...''

             ဟွားဟွားက ထိုချီးကျူးစကားကြောင့် သူမ၏ လက်ကိုပိုက်ကာ ခေါင်းကို အပေါ်သို့မော့ရင်း ..နှာခေါင်းသံနှင့်..

            ''ဟင်း..ဟင်း..ဟင်း..ဟင်း.. သိတယ်မို့လား ..ဟွားဟွားတို့က ဒီလောက်က အကင်းပဲရှိသေးတယ် .. ဟွားဟွား တစ်ချက်အစ်လိုက်တာနဲ့ အလှကြောမှာ အကုန်လုံးမျောသွားကြပြီး  ပါးစပ်က ဖွားကနဲ ဖွားကနဲ ထွက်လာကြတော့တာ ..''

              အားကွေ့က မျက်စိနှင့်နားကို လက်ဖြင့်အုပ်၍..

               ''တော်ပါတော့ဟာ ..နင်ကလည်း အမြောက်ကိုမခံဘူး .. နင့်ဖွားကနဲ ဖွားကနဲက ငါ့ကို တံတွေးစင်သဟ ..''

              ဟွားဟွားက တခစ်ခစ်ရယ်ကာ ..

             ''အိုး ..ဟွားဟွားရဲ့ တံတွေး အစင်ခံရတာ အကိုအားကွေ့အတွက် ကံကောင်းခြင်းတစ်ခုလို့သာ မှတ်လိုက် .. သူများတွေဆို ..ဟွားဟွားတံတွေး အစင်ခံချင်လို့တောင် မခံရဘူးမှတ် .. တချို့ဆို ဟွားဟွားမြေကြီးပေါ်လှမ်း ထွေးလိုက်ရင်တောင် ကောက်စားချင်စားမှာ..''

              အားကွေ့မှာ မျက်နှာတခုလုံးရှုံ့တွသွားရင်း ..

             ''နင် ကိုယ့်အခန်းကိုယ်သာပြန်အိပ်ပါတော့ကွာ..စိတ်လည်း ညစ်လာပါပြီ..''

              ဟွားဟွားက မျက်နှာပိုးမသတ်နိုင်သေးပဲ ..ပြုံးစိစိနှင့်..

              ''ဒီတိုင်းတော့ ဘာရမလဲ အကိုအားကွေ့လည်း တစ်နေ့တာ လှုပ်ရှားမှု အကြောင်းကို ဟွားဟွားကို ပြန်အစီရင် ခံရအုံးမယ်လေ.. ပြီးရင် ..ဒီစာနဲ့ သစ်စေ့ .. အရိုးခြောက်အကြောင်းကို ရှင်းပြ...''

              အားကွေ့က ဟွားဟွားလက်ထဲမှ စာကို ပြန်လု၍ သစ်စေ့ အရိုးခြောက်တို့နှင့်..ဗူးထဲပြန်ထည့်လိုက်ပြီး

              ''ဘာအကြောင်းမှ မဟုတ်ပါဘူးဟ.. သွားသွား အိပ်ချေတော့.. နင်ပဲ အိပ်ချင်နေတာ မဟုတ်လား...''

                ဟွားဟွားမှာ ဗိုလ်ကျလာသူပီပီ .. အားကွေ့ကိုင်ထားသော ဗူးအား ၀င်လုလိုက်ပြီး...

                 ''ပြောမပြလို့ကတော့ သေပြီတာမှတ်...''

                 အားကွေ့က ဟွားဟွားအကြောင်း နှောကျေနေအောင် သိသဖြင့် ..နားငြီးမခံတော့ဘဲ ဘူးကိုပြန်ပေးကာ ..

                ''အကိုအားကွေ့လည်း အဲ့စာကို မဖတ်တတ်လို့ ပစ်ထားတာ.. ကြည့်ပါလား ဘာစာတွေမှန်းမသိဘူးရယ်..''

                 ဟွားဟွားက မယုံ ဟူသော အမူအယာနှင့် မျက်လုံးကိုပြူး၍

                ''အဲ့ဒါဆို ဟွားဟွားကို အဲ့ဗူးကို အပိုင်ပေး..မပေးရင် အကိုအားကွေ့ လိမ်နေလို့ပဲ..''

              ''ယူဗျာ..ယူစေဗျာ .. ဘာမှ အသုံးဝင်တာလည်း မဟုတ်ဘဲ ..ဘာလို့ နှမြောနေရမှာတုန်း..''

              ဟွားဟွားမှာ သူလိုချင်တာ ရသွားသဖြင့် ပျော်သွားကာ ..

              ''အဲ့ဒါ ဟွားဟွားအပိုင် ဖြစ်သွားပြီနော် ..လာပြန်မတောင်းနဲ့ ..ဒါပဲ..''

              ဗူးကို ဆတ်ကနဲ ကောက်ကိုင်ကာ အခန်းထဲမှ ပြေးထွက်သွားလေတော့၏

             ကျန်ရစ်ခဲ့သော အားကွေ့မှာ ခေါင်းတရမ်းရမ်းလှုပ်ရင်း .. ခုတင်ပေါ်တင်ထားသော သူ၏ အ၀တ်အိတ်ကို လှမ်းယူလိုက်သည်.. ထိုထဲတွင် သူပြုစုနေကြ ကောင်းနိုးရာရာများကို ထုတ်နုတ်ထားသော သိုင်းကွက်အတိုအစများ ရေးဆွဲထားသည့် စာအုပ်ရှိသည်လေ..

========================
အိမ်း ဓါတ်တိုင်နဲ့ မခိုင်နဲ့တော့ တွေ့ကြတော့မယ်
မတွေ့ခင်စပ်ကြားတော့ ဇာတ်အေးနေမှာမို့ သီးခံပေးကြဗျာ ..